|
أنا بالأغاني العربية ما بسمع غير المطربين القدام الكبار بس لأنهم أساطير .. جورج وسوف وألبوماتو القديمة .. فيروز .. عبد الحليم حافظ .. عازار حبيب .. وكل شي أغاني قديمة هادية بحطها عالعين والراس .. أنا شخصياً بسمع نمط غريب شوي هون بالشام ونادر لتلاقو حدا يسمعوا .. Rock n' roll بريطاني قديم وكل أغاني الـCountry الأميركي يللي ما بيسمعها غير الناس الرايقة بس .. طبعاً هدول شلة البوب والراب يروحو يكبوا حالهم بالزبالة .. PINK FLOYED - OASIS - LED ZEPPELIN - THE BEATLES - COLDPLAY - RADIOHEAD أحسن فرق بالتاريخ ويللي بيسمعهم هو المزوء!!!! |
يعني انا بشوف انو الناس اذواق:? وبكل نمط من الاغاني في المنيح والمو منيح بس بشكل عام بالفن صاير الغالب هوو المستوى المنحدر والمنحط بكل شي ان كان اغاني ساحلية وللاغيرها عنجد كللو انحطاط:sick: وقليل لحتى نسمع غنية بتنسمع :frown: |
انا ما بحب هي النوع من الاغاني
بس مو كل شي ما منحبو بيكون مضر لا لانو هيك اغاني بتفيد وئت يكون عندك حفلة او هيك شي يعني مو معئول عندك حفلة تحط غنية ام كلثوم و تسلطن:shisha: |
هلق انا ما بحب هالنوع من الاغاني بس في اغاني مهن حلوة ما بها شي حتى ميلودي عم تعرض غنية لوفيق حبيب اسمها شو يعني ما بها شي بس في اغاني ما بيتسموا اغاني بالعكس الواوا بتطلع منها معاني اكتر
|
ههههه لا يا غالي.. هيك بتزعلني منيك انتي... تعي لقلك كلمتين...
لك روحي... يا خيي ويا نور عينيي ... تا خدلك شفة متي تنحكي شوي... يعني والله العظيم مباريح كنا بطرطوس... اي عليي ما علييي حطيتلن تامر حسني... ما حدا عجبهن حطينالهن ولا عمرلك قصر... اي شعللت السهرة لدينا يا خيي شو عما تحكي انت ... ولو يا غالي.... كلشي لحالا وعيني ربك عيني وعالدبكةةةةةةةةةةةةةةة يا بو فهد....:clap: |
ادبششششش:clap:
|
اقتباس:
:frown::frown::frown::frown::frown::frown: |
اقتباس:
:lol::lol: لك ليش ضربتي بوز انتي حلبية الظاهر ما ;) اي بسيطة... لك خيتو اي بعرضي متل ما عم قلك جربي شي مرة طلعي لهونيك... انا هي نزلتي عالشام عم قلك حطيتلن ياها ما عجبن يا خيتي ما حدا بحب هيك الهداوة عندون بس حطيلون ولا عمرلك قصر حيطانو من عاج... ولا دي نامي... اي بيبوسو ايدك:clap: يلا نزلي تالينو ... عالدبشةةةةةةة:clap: |
اقتباس:
ييييييييييي على تولك شو قلتي؟؟؟:shock: ما فهمت شي :?:? |
اقتباس:
ادبششش = ك = ش إدبك :lol: |
اقتباس:
:oops::oops::oops: اها ميرسي عالتوضيح ادبشو لقلكن لكن :clap::clap: اقتباس:
يس حلبية :ss: وبعدين يالتييييييف شو بدن احلى من هيك رواق وهيك سهرة :sosweet: قال تمورة ما عجبن قال :pos: بعدين اذا بدن شي هيصة حطلن فارس كرم ما بيمشي الحال ؟؟:?:? |
اقتباس:
يعني حتى الله وكيلك هونيكي صرت فوت عند واحد سلام ما بيرد بدك تقليلو مرحبا... يا هلا ... هيش شي يعني... وشوفير المكرو بدك تحكي معو له يا الغالي وعراسي يا بو علي الورد 100 وردة شرف تنقرقعها سوا... وعالدبشة... وهيكي ... :lol::lol: ولي انفلعت ... الله وكيلك هيك كنت عم احكي طول الوقت يدقلي ابي قلو له يالغالي كيفكين اشتقنالكين... قلي ينعنك وينعن هيك طلعة انقلع رجاع عالشام ولا :lol: |
فترة و بتعدي
عموما خفت كتير عن أول كنا مطووشين فيهون بس هلأ من النوادر انك تسمع حدا حاطط هيك أغاني و عم يسمع |
ما فيك تقول مع او ضد باختصار كل شي بوقتو حلو
يعني مو معقول ابداً تسمع وفيق او علي الديك او طرب شعبي الصبح والسبب مو الصوت لانو في مطربين شعبيين اصواتن حلوة كتير بس الفكرة انو الجو مو خرج بس بنفس الوقت وانتبهوا منيح !!!!!ماني عمقارن نوعية الطرب اللي بتسمعو عند وديع الصافي او فيروز او صباح باغاني العتابا والدلعونة كتير مشابهة من حيث المبدأ بس طبعا مع الفارق الهائل بالخامات وطبيعة الموسيقى والكلمات بس كلو بيندرج تحت اطار طرب شعبي اذا صح الحديث والعمالقة التلاتة ومعون كذا فنان عتيق امثال نصري شمس الدين وسمير يزبك ومحمد جمال وفلمون وهبي و البندلي الخ ما فيك غير تفيق عصوتن الصبح وما فيك تسمع غيرون بالمقابل مو معقول تسمع ماجدة الرومي او جوليا او انغام او ام كلثوم بجو حفلة عرس مثلاً يعني مو ظابطة ابداً و نفس الشي عن ام كلثوم وعبد الحليم وعبد الوهاب كل شي والو جو والو مزاج ووقت وحتى اغاني الاجنبي ان كانت هادية او راقصة بتنطبق عليها الفكرة بقى ماحدا يزعل ويضوج ويحلل ويحرم وبالنهاية الناس اذواق ونحنا لما عم ننزل هالاغاني ما عم نجبرحدا يسمعايعني متل ما بدك بتعمل وبدون ما تزعج حدا بس ملاحظة اخيرة : بكل فخر علي الديك ووفيق وبسام بيطار وغيرون وغيرون صرمايتون بتسوى هيفا وروبي وجاد شويري ودانا ودومينيك ووبطيخة ولطيخة و لا تواخذونا بالمناسبة تحية لتالين الهبلة و ادبشششششش :o:clap::clap: |
تيرن تيرن تري رن
|
مع مع مع
على فكره هي الاغاني مو جاي من فراغ هي جاي من تراث بلدي وبلدك متل (دلعونا - بستان وروج - دقو المهباج - غزاله شردت لحالا (مابعرف شو اسم الغنيه)) المهم هدول من تراث ...... مو من هز الخصر - والتعري عالتلفزيون ... ومن الواوا ....ومن شغلات تانيه ما بتنحكى هون ..... يعني بالله غنيه بحبك ياحمار ....... من جايه !! بقى زبطا ع كيفك..... :D:D تحياتي .......:larg: |
هي أغاني عصر الانحدار التاني ....عادي شي متوقع :frown:
|
لااااااااا كتير بكرهها
يعني بحسها لا كلام ولا معني وهاد الي بيقول عرررررب عرررب .......... شو هاد :shock: |
| الساعة بإيدك هلق يا سيدي 05:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون