المقال واضح جدا انو القصد منو تبرير موقف الاب.
الخبر جدا متحيز.


بس المشكلة انو مستحيل نقدر نعرف الحقيقة

:shock:وين التحيز 98سنة ويضربو ابنو ويوقف بصدرو بعد ما رباه وكبرو وتحيز اكيد القتل مو حل بس الشيخ كان في حالة دفاع عن النفس هالشب كان مجنون او مريض او عاق درجة لانهاية خلا المشاكل تكسر الروابط العائلية ضغيف الشخصية .............
على كل الله يرحمو ويسامحو لك الاهل ما بيغلطو الا نادرا هدول اهل لو شلناهم بعنينا ما راح نوفيهم حقهم لو قطعونا طراف طراف بدنا نتشكرلهن هدول اغلى من الروح :pos:




والله اعلم :pos:

اكيد الجنسية ما الها دخل
بس يالي بيعرف الجزائريين يعرف انو كلمتين تلات وننفجر مانا كتير من النوع الهاديء وعنا السلاح خفيف عالايد وموجود بكل بيت يعني غالبا ما بهيك مواضيع( الدفاع عن النفس) استخدام السلاح بكون عادي لا غير


اما عن التربية فهاي فيها نسبة من الصح ونسبة من الغلط لانو في اسر جد جدهم كان اكابري وجدهم وابوهم وكلهن هيك وتربيتهم لا يعلى عليها وواحد من لولاد جاب لكل هالسلالة الكريمة ويالي سمعتها مسك المسبة واللعنة لانو ببساطة شخصيتو غير شخصيتهم ويمكن راسو ايبس وببساطة الله هيك خلقو (حمار ومنحرف وما بيعرف يميز بين الصح والغلط)

يمكن الاب بقتلو لابنو منعو يكمل بكفرو بس ما منعرف الشب كيف كان عايش يعني شو جو عيلتو يمكن الحق على اهلو بس الله يرحمو

الأب هو بيتحمل كل المسؤلية

واحد بجيب ولد وعمرو 74 سنة

فقديش بدو يكون عمر مرتو معناتا نسونجي

بعدين شلون فكر وهو بهلعمر أنو رح يربي أبنو

بعدين شو عرفنى أديش عانا الشب من أبو الأرهابي يلي عندو بارودة مخبيا ليقتل أبنو

وشلون كانت معاملتو ولا الشب نزل من الفضاء لعندو هو وأخلاقو

وشو هاد الدين شو ورثة و فرض بالغصب

حر هو يأمن أو يكفر

مو مبرر أطلاقا مقتلو

والوالد بدو شنق

انا بشوف انو كلامك صحيح بس من وجهة نظر اخرى، يعني مالو علاقة بانو الاب نسونجي او لأ، هو حر
ولكن هالفرق الشاسع بالعمر بين الاب والابن، بيجعل التفاهم بينهم شبه مستحيل،يعني خلال 74 سنة، وخاصة انو الاب متدين، فهذا يعني انو متمسك بعادات معينة ربي عليها وعم يحاول يفرضها على ابنه، اللي من الطبيعي جدا انو ماينسجم معها
وانا ما بأيدك بانو الاب لازم ينشنق، الطرفين غلطانين، بس برجع بقول انو السبب الرئيسي هو تربية الاهل
تحياتي:D

لما بتكون العائلة راقية وواعية وبيطلع منها ولد منحرف، فهالشي بيعتبر حالة شاذه (بالعائلة) ولكن هادا مابيعني انو لأنو الولد منحرف لازم يقتل، يعني الخطأ الاكبر بهيك حالة انو عم نعاقب على ارتكاب الجريمة، بارتكاب جريمة ابشع منها.
:D

حر لما يتعلق بنفسو

بس لما تيجي روح جديدة أنتهت حريتو

مانو سخرة وتابع لئلو هو نفس بشرية كمان

:D

نعم كان هذا حكم الرجل على ابنه هو حكم الله من فوق سبع سماوات ولكن الاصل ان يتم استتابت الشاب ثلاث ايام بعد ان نوضح له الحق ونرد على الشبهات ونقيم عليه الحجه فان اصر على كفره قتل قال تعالى فان نثوا ايمانهم من بعد عهدهم وطعنوا في دينكم فقاتلوا ءامه الكفر انهم لا ايمان لهم
وقال تعالى في الايه التي قبلها فان تابوا واقاموا الصلاه واتوا الزكاه فاخوانكم في الدين ونفصل الايات لقوم يعلمون)
هو طعن بدين الله نكثه وتطاول على كتاب الله وهذا هو جزاؤه

شو عرفك عندك دليل يعني...بتتذكر الأية : من شاء فليؤمن ومن شاء فليكفر. ولا يبدو الله تبع ربك غير رأيو

يعني بيكون الله التبعك ابو السبع سموات و الأربع نسوان بيكون مو رجال لانو تراجع عن كلمتو..

انت والله التبعك متخلفين و رجعيين بعدين ..على اساس الحساب مو عالارض وبالسما ...لو بتآمنو بهالشي ما كنتو

بتستعجلو الحساب ...شو بدو يحكي الواحد عن دين فيه امثالك وامثال هالاب الحقير ....

شكرا لك لانك ذوق كثيرؤ وخلوق

اما قولي فهذا حكم الله قتل المرتد فهذا دين الله وحكمه واذا كنت تعترض عليه فهذا شيئ خاص بك بامكانك ان ترتد وتعتنق دين اخر واريدك اذا كنت مسلم ان تقرأ عن حرب المرتدين وحكم الله فيمن يرتد قبل التعليق
الامر الاخر انا قلت ووضحت انه حكم الله قتل المرتد ولم اترك الامر معوم ؟؟؟ بل بينت ان قبل قتل المرتد يجب ان نرد على الشبهات ويجب ان نظهر الحق ونقيم عليه الحجه وبعد ان يستتاب ثلاث ايام يقتل والنقطه التي ربما لم اذكرها ولكني اعتقدت ان كل مسلم يعرفها وهي ان من يطبق الحكم هو الحاكم وليس نحن لاننا اذا كل واحد يريد ان يقتل لاصبحت مجزره ويعم الفساد ولكن من يطبق الحكم هو الحاكم ولست انا او انت والد الابن المقتول وكنت اعتقد انك يجب ان تقرأ ما كتبت جيد كذلك انا قلت واعيد ان هذا حكم الله اذا الاب قتل الولد وهو حكم الله قتل المرتد ولكن وقعت بخطأ وهو اني لم اذكر انه تطبيق الحكم يكون من الحاكم فقط وشكرا لك وسعيد بالنقاش معك ولكن ارجو ان لا تتطاول علي مره اخرى وتوجه لي مثل هذه العبارات بارك الله فيك

ولو ..له يازلمي هاد واجبنا :D

حطيت ايدك عالجرح ...هاد اللي محيرنا بعد ما شفنا شو عم بيصير بالعرب بفلسطين والعراق ...

اي نعم ظالم..;)

مو هاد قصدي.
انا صراحة, ما عندي ثقة بوسائل الاعلام العربية.
يعني ما عندهون جنس المصداقية.
ومو غريب يكون هالحكي عن الشب كلو غلط.

طبعا وانا هيك توقعت, بسب انعدام المصداقية عندهون.

هاد اللي قصدت فيه انو متحيز

انا بشوف انه انت و امثالك من المتطرفين هم السبب في (ارتداد) هذا الشاب ومقتله، والسبب في ارتداد الكثيرين غيره.
حين تقومون بتبرير قتل روح بشرية، فأنتم تشجعون على اصدار الاحكام على الناس وقتلهم دون دليل، يعني ليش مابيكون الاب قتل الابن لسبب آخر، وقام بتلفيق هذه التهمة لإبنه لكي ينجو من العقاب؟؟؟ والمشكلة انكم مو عارفين او مابدكن تستوعبو انه نحنا عايشين بعصر بعد 1500 سنة من نزول الاسلام، ومابتشوفو من القرآن الا الايات اللي بتتحدث عن القتل والقصاص،
كل سورة بالقرآن بتبدأ بالقول(بسم الله الرحمن الرحيم) ماعم تشوفوها هي؟؟؟
بالتأكيد لا أقصد من كلامي أية اهانة لشخصك، ولكن هذا جزء صغير جدا من رأيي المتواضع.
والسلام عليكم وحمة الله وبركاته (يمكن كمان هي ماعم تشوفوها)