دائماً و أبداً..

أنت مجرب تعمل مفاوضات سلام بعد ال:hashish:

بس مو الفكرة إلّا أنو لو كل رواد التغيير بالعالم تنازلو ببداياتهون ما كان صار شي بالعالم وكنّا بعد بالإقطاعيّة

افتراضي

دائماً و أبداً..

أنت مجرب تعمل مفاوضات سلام بعد ال

بس مو الفكرة إلّا أنو لو كل رواد التغيير بالعالم تنازلو ببداياتهون ما كان صار شي بالعالم وكنّا بعد بالإقطاعيّة

ولله بظن أنو لما اميركا بيصير عندا سجناء رأي ما حدا بيطلب بـ الأفراج عنون ؟

ماعاد عم يطلع معنا غير ااااااااااااااااااااخ ويا اسفي

لا اميركا عندها جمعيات فعالة بتاطلب عنهم نحنا طبعا ما عم نحكي عن غونتنامو .....هاد شي تاني لانو معتقليهم مو اميركان :jakoush:

لا بد لليل ان ينجلي ولا بد للقيد ان ينكسر

ليش ما عم نفهم على بعض ؟

انا عم قلك أنو المعتقلين بـ أميركا يعني .. سوريا ما بتطالب بـ الأفراج عنون .

امريكا بتعطي حالها الحق في انو تبلش حروب وتعتقل ناس لمجرد الشك وبدون أدلة من جنسيات مختلفة وبتحطهم في معتقلات في دول أخرى مشان تقدر تتصرف فيهم وتعذبهم متل ما بدها وما يمشي عليهم لا القوانين الأمريكية لانهم مو أمريكان ولا الاتفاقيات الدولية وحقوق الانسان .. وبتجي أميركا لتقول .. بدنا نحرر الدنيا كلها ونخليها عالم ديموقراطي.. لك ما بدي هالديموقراطية اذا بدها تجي من امريكا ..

بدي افهم بس شلون صارو هدول رمز للحريه و النضال ..وايمتا وكيف وليش ...وشو انجازاتون على اي صعيد ...
مع العلم انو انا بعرف و اغلبيه العالم يلي عم تكتر حكي بتعرف انون شله شباب صايعين ...حبو يجربو شغله جديده وتورطو بعلاقات مع دول معاديه لسوريه لهيك دخلو السجن ...مع العلم انو في جهات خارجيه استغلت طيش الشباب هدول وهنن مو عرفانيين شو عم يصير فيون ..و بالنهايه اخدوا يللي بيستحقوا وبس

في عدة نقاط ممكن تنحكى بالموضوع حتى لو فرضنا انو كلامك مزبوط :
1. عدالة المحكمة والأدلة.
2. الحكم هل هو عادل أم جائر.
3. حرية الرأي.

شلون؟ لمّا حاولوا يعبّرو عن حالون.. مو بالضرورة إذا أنت مو معبّر عن حالك متلك متلنا.. ومقموع كمان... يكونوا هنن الغلط.. بالنسبة إلي أنا كتير بختلف معهون بالرأي... وبالطريقة لنشرو.. بس بدافع عن حقهن بالعمل الإجتماعي والسياسي والمعارضة والموالاة.. واللي بدهن ياه... المهم حقهن.. مو حقك ولا حق محكمة أمن الدولة

اوك بس كمان انت ما فهمت علي انا مو مرحب ابدا بفكرة انو البيت الابيض يطالب بأطلاق صراح المعتقلين

اساسا هاد الشي ما بشرفهم هنة

ونحن كلنا مع وجهة هالنظر يعني اذا التغير والديمقراطية بدها تيجينا من اميركا بلاااااااااااها احسن

يعني يا ريت لو احتفظت برأيك احسن لانو ما بتعرف شي عن الشباب ولا ملابسات القضية

شباب صايع مو من جامعة دمشق هنة بعدين قلك شي بس شوف كتابات حسام بعدين قلي انو صايع

المشكلة الأكبر انو لحنا واقعين بين استبداد الإنظمة وبين الأمبريالية وخصوصا الأميركية ...
وكل واحد بيحاول تماما يشد اللحاف لتحته الأنظمة بتلعب على وتر المقاومة واميركا بتلعب على وتر الحرية والشعب بده حرية وبده نضال وراحت على الشعب المظلوم ........
بكل بساطة

صايع؟

بعدين الصياعة هي صفة كافة لمحاكمة الناس و حبسهم لخمس و سبع سنوات؟

حاج دفاع عن أفعال قمعية و لا قانونية و لا بتأطر لبناء وطن
بتأطر لبناء زريبة و فيها أوبة متخلفين مكدسين فوق بعضهم عم ياكل بعضهم منشان يشبعو

بجميع الأحوال الشباب هني شباب واعي و جريء و منفتح حاولو يجتمعو ليعبرو عن رغبتهم بتحسين أوضاع الوطن و هني ما اجتمعوا مع حدا و لا اتصلوا مع حدا من برات البلد و لو في أدلة ينشرها قرقوش و يقلع عيننا بس مو على طريقة الإشاعات و الزعرنة

أصلا ما حدا مهدد الوطن و حاططو على شفير حفرة إلا هالأنظمة العميلة
و شفنا الزلمة صدام وصل العراق لوين و شلون قدم بغداد للأميركان على طبق من ذهب و خلال 14 يوم بعد شق راسنا بمووايل الوطنية و شعارات خرائية و بالنهاية حول العراق من بلد يمتاز ابناءه بدرجة تعلمهم إلى مجموعات قبلية لا يتجاوز حدود انتمائها الخمسة متر مربع ، دمر العراق و دمر اللحمة الوطنية العراقية و سلم العراق للأميركان


يعني نحنا كمواطنين واقعين بين سندان الأنظمة القمعية المتسلطة الدكتاتورية اللاشرعية و مطرقة التهديد الخارجي

و لا بد لليل أن ينجلي و لا بد للقيد أن ينكسر