|
ياجماعة هلق شو مكان انا ماعم كذب حدى ولا عمل بتفزلك بشي
انا عرضت مساعدة للشباب الي حابين يطلعو على المانيا ان نساعدهن وبتمنا من كل الناس الي بالمانيا يقدمو المساعدة لالهن بس بنفس الوقت في شي انا بستغرب من الشباب الي بالمانيا ياجماعة اذا كان هالبلد الي عم تدرسو فيه موعاجبكن فليش ماتتركو وترحعو تدرس بالبلد ؟؟؟؟ واذا مافي الفرع تبعك فعطيني الحل ؟؟؟ هلق للمفكر ان راح يجي يعيش بالجنة فكتييييييييييييييير غلطان الجنة مطرحها هنيك باب شرقي والقيمرية بس القصة ان التكاليف تقريبا لاي دراسة ببلد اوربي عليه القيمة هية هية غير وان معروف ان الشهادة الالمانية الها تقلها بكل الاحوال بعتقد ان بعرف كتير عالم صارلهن سنة او سنتين ولساتهن بيصرفو 300-350 ايرو ومابعرف يعني شو الي اتغير معك من لما وصلت لبعدين مشان يدوبل ميزانيتك بكل الاحوال وبعيد عن التكاليف والتخاريف الموضوع بالنهاية هو كان هدف ان نحن الشباب السوري بالامانيا بنساعد رفقاتنا الي لسا ماوصلو والي عم يحلم بماجسبير او دكتوراه مافيهن ان يحصل عليها او علة جودة شبيها الها بالبلد وهاد طلب مني لكل الرفاق وين ماكانو ليساعدوا الشباب الي عندو طموح علمي لان بعتقد البلد محتاجة كوادر مثقفة وعقول قدرانة تنتج يسلمن على كل حال |
والله كفو يا فؤاد وما بتقصر :D:D
|
اقتباس:
هلق قبول الماستر سهل ,بس في مشكلة صغيرة انو بجوز مايكون فرعك موجود بكل الجامعات ,بس مو اكتر من هيك. أنا عطيت رأيي الشخصي بالطلعة عألمانيا ومو ضروري حدا ياخد برأيي. |
اقتباس:
وصح متل ما قلت المشكله انو فرعي مافي منو كتير بكم جامعه بس انشالله خير |
هلق في تقريبا معظم الجامعات هون فيها اقسام بالانكليزي وانا بنصح الشباب يدرسو انكليزي وبلا وجعت الراس تبع الالماني
لانها بدكن عالقليلة بعدzd شي 6-8 اشهر هون لتخلصو الDSH وبالنهاية كل مصاريف وبعتقد ان الي جاي يدرس راح يظل بالميتة شي 5 سنين فبيلحق يتعلم فيهن لغة صراحة انا ضيعت شي 2 سنة مشان هالغة فبلا ماتتورطوو فيها |
اد ما الواحد عاش بتقشف بالمانيا مستحيل يكفي 350 ايرو بالشهر
رح حاول احكي بشكل عام عن التكاليف الاساسية هون بيت ما بعتقد انو في حدي فينو يلاقي بيت بققل من 180 ايرو وبالطلعة لفوق اد ما بدو الواحد .. بس انو لحتة يكون سكن بينسكن فيه الواحد لازم يحسب بين ال 180 لل 250 تامين صحي 55 ... التامين تبع ال 23 ايرو . هادا بيمشي الحالو بس بدورات اللغة لانو الجامعات ما بتعترف عليه وبدو الواحد يكون عندو تامين عادي ما تامين خاص ... وبهادا التامين الخاص ( لرخيص ) الواحد بس يروح عالدكتور بيدفع اول الشي كاش بعدين بيحولولوا المصاري بعد شي شهرين تلاتي .. وبس الواحد يروح عالدكتور بس مشان يقلو والله بطني عما يوجعني لازم يحسب حسابوا بشي 100 - 200 ايرو . يعني بشغلات الدكاترة هون مافي مزح بنوب.. خط تلفون 15 ايرو عالقليلي .. يعني هاي اذا الواحد ما حكا مع حدي بنوب .. وهادا بيكون عالاغلب ارخص بالنسبة للعالم الي بتحكي منيح عالتلفون .. بس انو انا شخصيا بحسب بين ال 30 ايرو شهريا للتلفون .. غير الاكل والشرب وما بعتقد انو 100 ايرو بتكفي اما لاء .. يعني هدول معقول يكفو بس اكل وشرب .. غير غراض البيت تبعوت التنظيف وهدول الشغلات وغير اذا الواحد حب يطلع شي مرة يغير شكل برات البيت .. بعدين هدول بيصيرو قلال ومعد بيكفو .. هدول الشغلات كلى الي ما فينو الواحد يعيش بلاها.. واذا بدو الواحد انترنت اسا بيزيد عليون ( هي اذا الواد ما كان ساكن بسكن الطلاب ) بيجي فوق هدول الشغلات كلون اذا الواحد عندو شي رفقات او قرايبين او معارف هون .. وحب يزورون يا اخي مرة بالشهرين .. انو مثلا في رفيقي بيروح عمدينتو كل اسبوعين زمان مرة بالقطار .. ومدينتو بعيدي 160 كلم يعني اد من حمص للشام . بتكلف الروحة والرجعة 50 ايرو .. اسا في مثلا حق الفيزا بتكلف 40 ايرو .. هاي معقول الواحد يحطة من مرة بالسنتين كحد اقسى وكحد ادنة بالتلت تشهر . هي حسب اديش بتكون الفيزا ... في مثلا عندكون اسا تشجيل الجامعة الي بيتراوح بين ال 180 لل 700 ايرو بالنص سنة .. يعني اذا اخدنا الحد الادنى بيكون الواحد لازم يدفع 30 ايرو بالشهر ... وهون شو ما صار الواحد لازم يحط مصاري . وهون بس الواحد يحط ما يعني بيحط بالليرات هون اكل الخرا كلو باليوروهات . .. يعني ما بعرف انا كيف فينو الواحد يعيش هون ب 350 ايرو بالشهر .. بعتقد انو الشغلة ققرب من الحلم عن الواقع .. وسدقوني اسا بيجي كتير شغلات الواحد ما بيكون حاسبلة حساب ... مثلا باكيت الدخان ارخص واحد ب 4 ايرو .. يعني اذا تلت باكيتات بالاسبوع بيعملو حوالي ال 50 ايرو بالشهر .. بس كتير عالم بس تجي لهون بتبطل الدخان . يا اما بتكون غير مدخني متلي .. يا اما بيصيرو يتعودو عاللف .. بيصير ارخص بشوي . بس للاسف ما عندي فكرة عن تفاصيل اللف .. هاي كانت مشان التكاليف .. مشان الدراسة بالانكليزي .. في كتير جامعات بتعلم بالانكليزي ... ما بعرف اذا في الدراسة كاملة .. يعني من بعد البكلوريا .. بس بعتقد انو نظريا مافي شي بيمنع .. ومشان الدراسات العليا . اكيد في وكتير جامعات كمان .. ومشان اللغة .. بعتقد انو بدا الشغلة سنتين زمان لحتى الواحد يصير ماشي الحالو باللغة .. انو الواحد بعد سنة بيكون مشي الحال صار يعرف يدبر حالو لحالو . بس انو مع الوقت عطول بتتحسن اللغة شوي شوي .. وبعد سنتين بعتقد انو بيصير ماشي الحالة .. مشان اخنا الكاسح او المدمر او المفني السابق x-vernichter انا صرلي هون اكتر من تلت سنين بشوي ... اسا لهلق ما مر عليي ولا يوم قلت يلعن المانيا ويلعن الساعة الي اجيت فيا لهون ... بتمر كتير اوقات بقول انو يا ريت كنت بسوريا . بس هي بتصير بس وقت عما اتزكر الاهلو المحبوبة والاصحاب .. او بيكون في عيد وبعرف انو بسرويا بتكون الدني قايمي قاعدي وهون ما بيكون في شي وكل العالم عما تعيد ببيوتا .. بس غير هيك .. ما حصل .. كان في عندي رفقات بدورة اللغة كمان ما بشوفون غير عما يسبو عالمانيا وانو كرهانين كلشي هون وما طايقين شي ولا طايقين حدي .. بس انو ما بعرف ليش هيك صاير فيون . وشو هوي الشي الي صاير هون ومدايقون ما عما ققدر اعرف .. بس انو يعني الواحد اد ما حكى مستحيل يقدر يقول انو الغربة حلوي او بتنطاق او معقول الواحد يتعود علية ... بس الواحد بيتعود عالوضع هون .. بس مستحيل تصير المانيا او اي بلد تاني بالعالم اد نص سوريا بالنسبة الي او لحايلة واحد عاش بسوريا .. اي حكيت كتير هلق .. وهاي كانت عبارة عن تجربتي الخاصة مع الوضع هون .. اذا حدي عندو كمان اي سؤال فانا كمان بضيف حالي للعالم الي عما تساعد .. وانشالله كون بقدر بساعد .. سلامات .. |
مرحبا يا شباب
أنا مقيمة بالمانيا وحبيت قول انو الدراسة هون طويلة وصعبة بس لما بتوصل للنهاية لح يكون اللك مستقبل اكيد المانيا بلد راقية شعبها منفتح وبيحب يساعد بس المشكلة مع العجائز ثلت اربعاهم معقدين وعنصريين :lol: وبتمنى لكل اللي حابين يطلعوا اقامة ممتعة :D |
شكرا كتير كتير الكون جميعا وما بتقصرو والله
ويعني جد منيح انو لقيت حدا ممكن يفيدني بس بنصيحه لانو كنت ضايع ومالي عرفان شو ساوي عكل حال شكرا مره تانيه ولما اخد شهاداتي بنص سبعه تقريبا كمان رح احتاج مساعدتكن على راسي الشبيبه الطيبه كلها |
was ist hier los !!
wo bin ich :shock: |
واخيرا وصلو الملفات
راح حاول حطن شي ورا شي واي سؤال عند الشباب لعيونكم وجزيل الشكر لك الرفاق الي عايشين بالمانيا على استعدادن للمساعدة وهاد اذا بدو يعبر عن شي فما بيعبر الا عن المعدن الاصيل الي مسقول من الانسان السوري هون راح احط الشرح المطلوب عن الخطوات الازمةلتوفير الشروط للحصول على الفيزا تصديق الاوراق 1-قم بترجمة شهادة البكلوريا+مصدقة التخرج+كشف العلمات 2-خذ المصدقات المترجمة الى وزارة العدل(القريبة من الحميدية) الصق طابع ال100ليرة+طابع 10 ليرة ثم انتقل الى التصديق 3-قبل ان تتوجه الى وزارة الخارجية خذ شهادة البكلوريا الى الامتحانات(قريبة من مشفى الحياة) وصدق شهادتك بختم الخارجية الموجود في امتحانات التربية(طابق ثاني) 4-بعد تصديق شهادة البكلوريا توجه الى الخارجية الكائنة اخر خط مهاجرين صناعة وعندها سوف تصدق جميع الاوراق الانفة الذكر تحتج للسفارة نسخةمن: (شهادة البكلوريا+مصدقة التخرج+كشف العلمات)مترجمين مصدقين وسوف يطلبون منك بالسفارة تصويرين عن كل ورقة من الشهادات المصدقة انفة الذكر(فوتو كوبي) فتح حساب بنكي تحتاج 1-تصديق توقيعك ويتم في السفارة الالمانية بدون موعد (بين 9-12) خذ طلب فتج الحساب من الانترنيت +صورة عن جواز السفر اتركهما عند السفارة وعد في الساعة الواحدة . ستدفع 1350ليرة أي 15 يورو 2-ارسل توقيعك المصدق الى من تعرفه في المانيا لياخذه لك الى Deutsche Bank عنها سوف يفتتحون لك حساب يرسلونه لك على ايميلك الخاص بعد 3 ايام 3-خذ رقم الحساب وحول النقود7020يورو ويفضل 7200 (مشان الفرايط هنيك بالمانيا) الى البنك عندها وبعد3 ايام عد الى محول النقود وخذ منه اشعار التوصيل البنكي القادم من المانيا (مبروك اصبح لديك حساب بنكي في المانيا) شهادة الzd 1-يمكن لك ان تحصل على شهادة zdبعد اتمام الصف الخامس ولكن من اجل الضمان اتمم الصف السادس وقم بدورة تحضيرية لتتم هذا الاختبار الذي يعتمد على معلوماتك في اللغة الالمانية بعد حصولك على الZD خذها وصدق منها 10 نسخ من المركز الثقافي الالماني (بلاش)شوف تحتاج الى نسختين مصدقات +الاصلية في السفارة الحصول على قبول جامعي: خذ الاوراق الموجودة في الرابط وملاها وذلك بخط كومبوتري ثم اطبعها لديك وارفقها بصورة مصدقة ومترجمة عن كشف علاماتك ومصدقة تخرجك وشهادة البكلورياوتوصية من احد دكاترتك في الجامعة وصورة عن جواز سفرك بعد ذلك ارسلها الي الجامعة التي تريد ملاحظة:ينتهي التسجيل في الفصل الصيفي في معظم جامعات المانيا في 15كانون الثاني وللشتوي في 15 تموز |
اقتباس:
اقتباس:
مو ترف او بذخ لاء الا حياة معقولة.... وشغلة المصروف هي بتختلف من شهر لشهر...يعني كل شهر بيطلعلك شغلة جديدة...شي كرت الاقامة شي ما بعرف شو شي روحة لهون شي طلعة لهنيك...وهكذا...بقى يعني بالمانيا بتوقع انو بدها الشغلة 400-500 يورو بالشهر هي اذا الاسعار ما عم ترتفع هنيك كمان :lol: |
اقتباس:
|
اقتباس:
خيو اذا زتلي رقم هيك من عندك اذا الواحد ما جاب ولا شغلة من شي محل غير الالدي .. ومشان نغير شكل منروح عال ليديل والبيني ... وما منروح لا عالميني ماركت ولا عالريفي ولا على كل هالمحلات ... بالاخير باديش بدك تعيش يعني ؟؟ انو السؤال ما قصدي بس الك شخصي ... بس في شب من اليمن راسلني من فترة ( اسا ما رديت عليه لهلق:oops:) اي المهم عما يسالني شلون فينو الواحد يعيش بالمانيا ب 300 - 350 ايرو ... وللحقيقة انا هاي المعادلة اسا ما خرطتلي مشطي ... مشان هيك شرحلي شلون مشان بركي بقدر اشرحلو اياها كمان اوف ماين كوبف دي الي يونغس هير |
اقتباس:
|
اقتباس:
هلق في اختصاصات كتيرة وفي معاملة خاصة لطلاب الطب بالنسبة للاوراق فاانا ذاكر الاوراق المطلوبة وانا علي حد علمي هنن نفسهن لحد هلق غير المشكلة الي صايرة مع الدويتشة بانك بالنسبة للسورين والي عم يتحايل عليها الشباب بان يحط مصرياتهن بلبنان اما منشان الوقت فانت وهمتك القبولات في موسم الهن يعني بالشهر السادس والتاني بالشهر الواحد وكل جامعة الها موعدها منشان المعدل يعني اذا موحابب تعيد شي خلي معدلك قوق ال 60 وببرجع قلك ان الجامعات هون شورهن من راسن يعني في جامعات بتعيد وجامعات مابتعيد مواد بالنسبة للاماني بدك تجيب شهادة zd بس النصيحة لغير طلاب الطب ان يدرس بالانكليزي المشكلة بالنسبة للاطباء ان عندهن عملي بالجامعات وبالتالي بعتقد االالمانية ضرورية الهن اللغة الالمانية بتاخد وقت يعني غير السنة الي بدها تظيع بالشام في حاجة هون ان تعمل امتحان تاني بيطول التحصير الو من 6 اشهر الي سنة وبعدها فيك تفوت للجامعة بتمني هالشي كان واقي ومتل ماحكيت قبل سنة اي خدمة فيني قدمها فتكرم عيونك وهيه خدمة مجانية بدووون مقابل |
والله يارفيق اممي انك فتئت جروحاتي لقصة الدراسة برا :cry::cry:
محسوبك عم يدرس طب بشري سنة تانية بالجامعة السورية الدولية وجايب بالبكالوريا 213 وحابب كفي دراسة برات البلد ,بقى كيف اذا كان البلد المانيا:ss: يعني انا عم يدفعولي اهلي بالسنة 400 الف قسط للجامعة (غير مصروفي) بقى من ناحية المصروف بتصور بترجع نفس الشي ولا شو رأي الشباب؟؟؟ بتمنى من كل واحد يفيدني واذا بيقدر يعطيني معلومات عن الجامعات اذا فيني كفي دراسة بالمانيا وضغري من محل ماني موصل........بليييييييييييز ساعدوني مع العلم انو انا عم بدرس كل موادي بالانكليزي ناطر جوابكم بسرعة كبيرة بليييييييييز خدموني بركي منشوفكم بالمانيا |
اقتباس:
بالنسة بدك تحسب انك راح تحتاج 5000 يورو ل 6000 يعني تقريبا قد الي عم تدفع قسط لجامعتك بس بنفس الوقت ان نازم تحسب ان بيحقلك تشتغل 90 يوم بالسنة وهاد تقريبا راح يغطي تقريبا بين 4000 ل 5000 يورو وبالنسة للشغل عندي بمدينيتي متوفر بس مابعرف كيف بباقي مدن المانيا بكل الاحوال بعتقد ان في برلين جامعة بتدرس بالانكليزي طب بس بعتقد ان ضروروي الك ان تتعلم الماني لانك طبيب وبتحتاج تتعامل مع المرضي وبعتقد انك لساتك سنة تانية يعني سنة الماني بالشام بتخطيك نص المسافة للغة علما انها عنجد كتير صعبة :sick: |
رفيق اممي مشكور لردك
بس ماقلتلي بيسجلوني ضغري سنة تالتة ولا لأ ؟ وللغة مانا مشكلة اذا بسجلوني ضغري سنة تالتة بتعلم لغة بأسلرع وقت بقى ردلي خبر بليييييييييييييز واذا مافيها مانع بعتلي ايميلك رسالة خاصة:D |
| الساعة بإيدك هلق يا سيدي 01:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون