|
مرحبا شباب
زمان على الخناقات والخلافات هون بالمنبر بس بتعجبني شغلة .. أنو الكل هدفو هو سوريا أولاً ... بغض النظر على إختلاف وجهات النظر ... بس أنا بشوف أنو الرئيس بشار هو الأنسب لسوريا .. في ناس شافت أنو الي عملو خلال هالــ 7 سنين شي ممتاز وفي ناس شافت انو الي عملو هو واجبو و ضرورة ... و في ناس شافت انو أقل من عادي و أقل من واجباتو .. المهم .. بالوضع الي سوريا هي فيه .. والي رح تبقى فيه ما زال حزب البعث موجود ... السيد الرئيس هو أفضل الحلول ... لأنو اذا تغير الحكم معناها تغيرت أنظمة البلد .. يعني فتنا بمشاكل و خلافات ألها أول ما ألها آخر أما رأيي و عاطفتي أنا .. أنا بحبو و بكرة طالع على السفارة لشارك بالتجديد ... اقتباس:
:D |
اقتباس:
|
اقتباس:
|
اقتباس:
تحية للعقيد المتقاعد كريمبو القذافي :D |
اقتباس:
اول شي برايي الدين اللي عم نلحقه أحد اهم الاسباب للخراب بس مو السبب الوحيد الطليعة النخبوية ( بين قوسين تلاتة اربعة ) احد الاسباب المهمة برأيي وتياسة الشعب اللي هو اصلا ابن يعرب وتغلب وغسان وعدنان خليني اعطيك مثال بفلسطين مثلا ما قدروا يلعبوها طائفية متل العراق لانهن اصلا طائفة وحدة - يمكن اغبى طائفة - المهم ما قدروا يعلقوا طائفيا علقوا حزبيا خيو المشكلة مو بالدين هون المشكلة بالناس نفسهن اقتباس:
ما تذكرني عم حاول انسى وين لحنا ساكنين عم حاول اقنع حالي انو انا بفرنسا مثلا او صرت اتمنى كون بموريتانيا ههههههههههههه |
اقتباس:
أنا شو بيهمني من هدول كلون؟؟؟ المهم أنا كشخص سوري كون مرتاح ومبسوط وعندي شغل أو دراسة متل العالم... المهم يكون عندي وقت لأرتاح غير الشغل مشان فكر بالمواجهة والصومال ولبنان... مو ياخدوني بالعبطة وتعا يابا جدّد.. فكرتي بالمختصر المفيد ياحبيباتي كلكن أنو كنّا ملعون ربنا متل السوفييت صرنا ملعون ربنا متل الأميركان... والتينين أخرى من بعض... حلو؟؟؟ يعني مو إذا القطاع العام الفاسد ما مشي على أيام حافظ منعمل قطاع خاص مافيا و عصاباتي متل الأميركان... مو الخصخصة هي الحل... ليكا العالم عم تهرب من صندوق النقد الدولي و منظمة التجارة العالمية والديون والاستثمارات الغربية (متل أميركا الجنوبية) ونحنا لاحقينها... يا جماعة عم يسرقونا كل يوم، مع كل استثمار بترتفع الأسعار (مو الضرايب) و مع كل مول أو سوبر ماركت بيفتح عم يفتحو سبع بسطات بسوق الحرامية... شو بدي بالفور سيزنز ليفتتحو أهم شخصية سياسية بالبلد؟ شو استفاد منو الشعب السوري؟ بدو يشتغل؟ لأ يا حبياتي الخبرات أجنبية و العمال آسيويين.. اللي ضل هنن السوريين... إي أهلين ولسّا بيقلولي عمل... مو هو كشخص بالضرورة... بس السلطة السورية خربت البلد على أربع خمس أضعاف من وقت ما استلمت حكومة التطوير... ما تقولو مو شايفين شي... على المدى البعيد رح ينلعن ربنا نظامي... اقروا تجارب الدول اللي راحت بهاد الاتجاه و شوفو |
اقتباس:
لا وشو فاتحيين البلد ملجاء بتصير حرب فلسطين بيجو لعنا بطير لقنيطره بصير نزوح قول تقبلنا هل وضع :frown: بالعراق امريكا بدها تساوي ديموقراطيه بينزح مدري بيلجاء 1.2 مليون عراقي ؟؟ ماتكون فرنسا بجوار العراق مابدخل هل العدد لو وصلت اسرائيل لليطاني كان عنا هلاء مليون لاجىء لبناني :shock: يعني الاهتمام بالمواطن شي ناهي والحمدلله على هل نعم :cry: لاقدر الله لو صار شي علينا مين لح يستقبلنا ؟ حاكم الشعب السوري محبوب بكل دول الجوار ؟! |
والله يا معلم كهربجي الشغلة مو ثقافة الشغلة وعي وحضرتك اثبتت وعيك
برافو بصفقلك :clap: :clap: :clap: :clap: :clap: :clap: :clap: :clap: بس كل كهربجية البلد رح يروحوا بالطوفة عرفت كيف |
أنو كيف الشباب ............
|
اقتباس:
ليجن كريم:lol::lol: مالقيت غير القذافي ....القذافي:pos: |
اقتباس:
:cry::cry::cry::cry: :shurup::shurup::shurup::shurup: |
آه بنفخ نفحة بتطبخ طبخة
هلق شيلو كل شي على جنب و الله انا عندي تعليق على موضوع تجديد البيعة يعني سخيف بس انو منشان مدري شو بدي اعرف انو ما في غير بيت الأسد؟ على راسي الجماعة كل الناس خير و بركة بس انو يعني بس من باب التغيير ما في مجال يجيلو شي رئيس تاني؟ عن جد مو مزح انو في ملل بالموضوع .. انو مكانك راوح و انا هون ما عم احكي لا فساد و لا إنجازات و لا غيرو و لا سياسة بس هيك التغيير حلو يا زلمة يعني الواحد أحيانا بيكب كنزة مو لأنها مهترية بس لأنو صرلا زمان و مل من سماها .. اما عن كلام الكهربجي فهو معو كل الحق هلق انا برأي المشكلة مو بالتوجه الاقتصادي و السياسي بحد ذاته بس بغياب الخطة يعني أو عدم كفائة الخطة و عدم واقعيتها و النظام ربح جولة بس هي ما بتكفل استمراروا بعدين هوي النظام وجد لخدمة الشعب و لا الشعب اللي بيخدم النظام؟ يعني ليش السبيل الوحيد للتغيير هوي انقلاب عسكري او احتلال على طريقة العراق؟ يعني النظام و الناطقين باسمه بيرددوا انو الشعب مو جاهز للديمقراطية او التغيير و هاد الحكي من اكثر من سبع سنين طيب هني شو عملو لتغيير هالموضوع؟ بما انهم شخصو المشكلة بعدم جاهزية المواطن و تشخيص المشكلة نص الحل ؟ وين النص التاني؟ العالم حبينا او كرهنا صار ضيعة كبيرة و رفاه البشر عم يزيد تدريجيا بكل العالم بس في فئة محتكرة هالاستفادة وبتحمي احتكارها بالعنف و الفساد و السلطة و الأخيرة هي اخطر شي لأنها بتعطي غلاف قانون للتنتين الأوائل.. يعني لما بيطلع قانون بيخلي السلطة حكر على مجموعة معينة و لما بيطلع قانون بيفرض عقوبات بالسجن و غيره على المعارضين و لما بيطلع قانون بيسمح للجيش بالتعدي على دول تانية او مدنيين تانيين هاد هو اللي عم احكي عنو و يعني و لو زعلو منا كتار بس بالميزان تتم إدانة أنظمة سوريا و اسرائيل و العراق و اميركا و السلفادور و الصين و بريطانيا و يمكن كل دول العالم لما منحكي على أفعال معينة متل قتل المدنيين متل اغتصاب حقوق البشر تحت مسميات فضفاضة و رنانة (ديمقراطية، مكافحة ارهاب، أمن وطني، وحدة وطنية، دفاع عن النفس، و كل الخربطات و الشعارات التانية) يعني نحنا ما فينا نحكي عن تحرير كل البشر بس يعني فينا نحكي عن كسر الحلقة عنا ، في نحكي عن تغليب الحقوق المدنية للمواطنين و جعل الفساد الاستثاء و ليس القاعدة يعني مين للفقراء بالوطن اللي بيعيشو من قلة الموت ؟ مين للناس اللي مضطرة تكافح و تتنازل عن كرامتها و مبادئها و عزة نفسها و حتى اخلاقها .. بس لتبقى على قيد الحياة هني و ولادون؟ ما الناس مفطورة على غريزة البقاء و يلي هي غريزة أساسية .. و الحفاظ على النوع يعني الحفاظ على الأطفال .. يعني هاد قانون طبيعي الله حاطو و الله ما بيغيرو (هي للي بدو ياخدها دينيا) و الله ما في يغيروا لانها جزأ من الدي ان اي تبعنا : يعني الناس بدها تعيش بس المشكلة لما منخلي طموح الإنسان و قضيته الاساسية محصورة بهي الغريزة الأساسية و كل شي ما عداها خارج نطاق إحساسون و رؤيتون يعني بأربع كلمات : تجريد الإنسان من إنسانيته هلق بجوز تقولو الوضع مو بها لسوء.. اي يمكن .. او يمكن لا يعني حتى لو حكينا عن تجريد الإنسان من جزأ من إنسانيتو هاد مو ظلم ؟ طيب يعني إذا هاد الشي عم يصير بشكل يومي طيب هاد بالصدفة؟ هلق إن كان هو نتيجة جانبية لممارسات معينة أو هدف بحد ذاته من الممارسات ما عاد يهم : يعني ما بيهم انو تفقير الشعب و تجهيل هو هدف الحكومة الفعلي أو نتيجة لأهداف التانية (السيطرة على الحكم و احتكاره) لأنو النتيجة وحدة لا و الأسوء أنو إذا كان منتج جانبي معناتو ما في خطة للتصرف مع هاد المنتج لما بيصير أخطبوط كبير ، لما الناس بتتحول إلى نمور جريحة و بتستشرس على بعضها يعني و منفوت بعراق تاني بأميركا و بدونا.. طيب مو بالضروروة نوصل إلى أسوء الاحتمالات بس مين اللي قال أنو نحنا السوريين كتب علينا أنو نقبل بالحد الأدنى من الرفاه و الإنسانية أو إذا مو الحد الأدنى بحدود منخفضة من الرفاه و الإنسانية و أنو لازم نصلي و نركع للحكومة من شان "الأمان" اللي اصلا ما عم نشوف غير قشوره ؟ مين اللي قال أنو نحنا لازم نعيش مذلولين ببلدنا أو نتغرب و نضل مكسورين و مقهورين؟ حتى الناس اللي بتدعي انها مبسوطة بالنظام و ما بدها الخيارات البديلة عم تكافح شعور الإنكسار و الهزيمة اللي جواتها و تضحك على حالها بجميع الأحوال مبروك للقائد الشاب و الفذ النجاح الباهر اللي حققه بالأستفتاء الأخير |
لا شريك.. شو عم تضعف الشعور القومي؟؟
|
اقتباس:
هيك ولك يا عمي اللي بيتجوز ما بقى يطل انا معك بهالراي بخصوص الحكم يعني الشغلة بدا تغيير جذري وقوانين جديدة والاهم بدها وقت والجو حاليا ما بيقدم افضل من هيك وبالنسبة لحكي دانيتو ف مظبوط العولمة عم تستحكم على حياتنا وبعد كم سنة (ما بعرف اذا كتير وللا شوي) رح تنعدم الطبقة المتوسطة بالشعب وما رح يبقى الا طبقتين اثرياء ومعدمين بس هيك معظم دول العالم عم يصير فيا قصدي من الناحية الاقتصادية ,بقا هون بيجي دور الحكومة لتعمل كونترول عالوضع الداخلي وتساعد هالناس بس ايمت بيصير هالشي الله اعلم |
اقتباس:
|
اقتباس:
من القضايا التي سمعت بها إنو في جماعة إنزعجوا كتير لما صارت الحرب الأهلية -اذا فينا نسميها هيك - بفلسطين وقرروا يعملو اعتصام ضد الإقتتال الداخلي بفلسطينالمهم قدمو متل الناس والعالم معروض للأجهزة الامنية مشان يعملوا الإعتصام وإلا جاء الرد بالرفض وانطلب الشباب على الامن وقال ليش انرفض لإنو الشباب يمكن ما عم يعرفوا شو عم يعملو انا برأيي اللي حقق مع الشباب كان حابب يقلهن ممنوع مشان ما تعودا الناس تعتصم ايمت ما بدا بس استهدى ب - الرحمن- قبل ما يقولا هيدي الممارسات من الأجهزة الأمنية انا بقول انها بتندرج تحت بند قمع المدرسة الديمقراطية في البلد يعني حتى المدارس اللي بتعلم الديمقراطية ممنوع تفتح يعني متل اللي بيقلك انا عم اخد مصروفك لإنك ما بتعرف تصرفو وبتقلو علمني اصرفو بيقلك ما بدي وبتقلو بدي اتعلم بمدرسة خاصة بيقلك ممنوع تفتح مدارس خاصة تعلمك الحساب هون - قصدي الديمقراطية - لإنو لحنا بلد اشتراكي يعني ممنوع وجود القطاع الخاص هيك خيو هيك بتصير ورح تضل تصير وما بعرف شو الحل ما تسألوني |
اقتباس:
|
اقتباس:
|
| الساعة بإيدك هلق يا سيدي 14:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون