ادهشتني يا رجل .. انو اعتبرتو رئيس شرعي .. دخلك شو مفهومك لكلمة شرعي لحتى نعرف ..!!!
وكان الوحيد القدر على تخليص البلاد ...
قمة الطائفية والانعزالية .. يا رجل ... وين رايح !!

زحكم الاعدام قانوني و وفق الدستور اللبناني .. اللي كان معطل يوم صار الجميل رئيس !!!
بس للمعلومة .. انا لست ميالا للفكر القومي تبع سعادة .. ولا للحزب القومي نفسه ..
ولكن بامكانك العودة الى مراجع الحزب .. وادبياته ... وبعدين بتحكم اذا كان بعدو عايش او لاء !!
ذكرتني .. بمقولة اشتهرت ( انو السادات بطل .. الخيانة ) يا رجل .. عملتو للزلمة صاحب بعد نظري .. وافق سياسي .. منيح ... بس ايا ارض اللي حررها بالسلام ..
واذا بدك العرب يعملو متله الآن .. تعال نتذكر شو حررت اتفاقيات اوسلو من فلسطين .. !!!




لفلسطين درب واحد لا يمر الا من فوهة البندقية !!

لفلسطين درب واحد لا يمر الا من فوهة البندقية !![/quote]

هذه الجملة اختصار لكل الكلام ؟!

بشير الجميل كان رئيس شرعي ،.. ما رح ندخل بالشرعية الآن كي نخرج عن الموضوع ، بس رح اجي معك وقلك الزلمي مش رئيس شرعي.. الزلمي مواطن عادي .. حلو

بأي حق حبيب الشرتوني او اي شخص آخر بيغتال مواطن عادي ؟؟ بأي حق بحاكم و بيقاضي و بيرافع و بينفز حكم الإعدام مواطن بمواطن تاني ؟؟؟؟؟؟ هل هيك تبنى الأممم؟؟؟ بكل مين ايدو الو؟؟

انا على عكسك ميال للفكر القومي (واخص هنا فكر سعادة الي بشر بيه حين كان حي، و بأدبياته الفردية ، وادبيات الحزب في الفترة التي كان بها على قيد الحياة)
ولا يروق لي اي تيار مبني على اساس ديني او بيختصر جماعة بالشخص .. وخاصة القوات اللبنانية والكتائب، وحراس الأرز و التنظيم و كل هال الحركات الثيوقراطية البحتة .. لا تروق لي .. بس هذا كلو ما بيهم..

انا أدين قتل عدوي كما ادين قتل صديقي _دون محاكمة_ ، سيّان لدي الإثنان ، القاتل هنا قاتل و هناك قاتل مجرم ..
ما بيفع حدى يأسس لأمة .. لحضارة ويعطي الأفراد حق إختصار الموسسات التشريعية والتنفيزية بشخصها .. (ما بينفع شخص يصير قاضي و مدعي عام و مشرع و منفز حكم اعدام .. ما بينفع تبني وطن على هيك .. ما بنفع بيشرفي ما بينفع .. )

نقطة نظام ..
حبيب مش انا الي عملت السادات بطل ، انا عم قلك مبادرة السلام الحالية الي تقودها جامعة الدول العربية، هيي بالظبط عم تعمل الي عملو السادات من 30 سنة ..
يعني العرب اليوم شايفين ان الي عملو السادات من 30 سنة كان صواب الصواب وعين الصواب .. ولهيك عم يمشو على دربو، رايحين يطبعو مع اسرائيل و يردو اراضيهم ويعترفو فيها دولة امر واقع بالمنطقة ..

;-) هذا الحكي المعد للتصدير بالإطر البهلوانية فقط .. هذا الحكي الإستسلامي (وليس الشجاع)
هذا الحكي تبع الي منثبت فيه براعتنا بالبكاء على الأطلال و شطارتنا بتذكر روايات التاريخ الماضي الغابر ..
كان لفلسطين درب يمر من بندقية .. كااااان .. بس اليوم انقطعت الدروب على فلسطين كلها..

مين مين بديهتو بتخدمو انو يتخيل انو رح يشيل اسرائيل من على الخريطة ؟؟ مين رجاحة عقلو بتساعدو ليعطي سيناريو واحد كيف ما كان شكلو قابل للتنفيذ يشيل فيه اسرائل من على الخريطة ؟؟ (تحت بند تحرير فلسطين؟)
قلي كيف ؟؟ قلي بشو ؟؟

معلم الأندلس من 100 سنة كانت عربية .. مو هيك ؟ في حدى عم بيطالب فيها اليوم و لا قادر يطالب فيها اليوم ؟؟
اسرائل هون بقالها 50 سنة ، رح نضل نبعبع 50 سنة احنا كمان _اذا ما عملنا تطبيع معها واعترفنا بما يسمى الأمر الواقع لوجودها بالمنطقة_ و بعدها رح ننسى هال الشي تماما سدقني ، خلص في امر وقاع صار ما مهم بقا الأسباب لإنك مش قادر تعالجها ، اي نعم لو اجتمع العرب ولو اتحالف العرب ولو و لو ولو ما كان صار في اسرائيل من اساسو ، بس اليوم ماعاد هذا الحكي بيجيب همو ..
اليوم يا بتتعامل مع الواقع كواقع و بتمشي نحو الأمام ، يا بتفضل عم تندب على مقابر التاريخ و بتفضل بكتر التاريخ كندّاب .. ان وجدو لك مكان بكتب التاريخ ..

انتهى الأمر ، اسرائيل بالمنطقة بيعجبنا هذا او ما بيعجبنا هيي هون و رح تفضل هون ، امامنا حل واحد اوحد .. نعامل مع الأمر الواقع بما به مصالح شعوبنا .. وخلصت على هيك ..

على عيني

هلق السادات كان كتير عظيم بتفكيروا وببعد نظروا يعني؟ ولا الزلمة كان جاهز لاستقبال أفكار وأطروحات العالم الثاني؟
كيف ...؟! شوف معي :cry:

بنفس الوقت اللي كان في أفكار عربية وسورية حصراً ومنذ وقت طويل ...... تطلب تحديد معنى الإرهاب في مؤتمر دولي عالمي... لإفراز صيغة تحديد معنى (المقاومة) بعيداً عن الصيغة الحالية (كل مقاومة إرهاب) يجب تدميره... ولكن ذلك لم يحدث وهو مطلب محلي ودولي ولكن حدث العكس عندما أرادت أمريكا وإسرائيل توجيه ضربة قوية وموجعة للمقاومة فعلت ما فعلته بـ 11 أيلول.. ونسفت بذلك جذور المقاومة في كل بلد عربي وعالمي .. أيضاً.
كمان هي ما كان مفكر فيها السادات لحتى تحطلنا ياه تحت الله بشبر... في حدا من الزعماء أو القادة الوطنيين كان يعتقد أن الأمور ستصل إلى هذا الحد ؟؟؟؟!!! ما بعتقد بس اللي بدوا يطلع خارج خيارات وطنية وقومية ..بيمهد لكلشي بالمستقبل...
فهمنا بشير الجميل ماروني بدوا يشكل لبنان دولة مستقلة مسيحية بعيداً عن الوسط العربي المحيط... بس السادات شو كان بدو يعمل بسلامتوا... ليفكر هيك تفكير بعيد الأمد... كمان دولة مصرية (فرعونية) في وقت كانت الأمة العربية تعيش أوج المد القومي العربي حصراً... وليس البعد الإقليمي ...


ليش الشخص (اللي نفذ حكم الإعدام) برئيس منتخب بظل احتلال إسرائيلي للبنان... اختصر الحزب بشخص واحد.. إذا كان هذا الحزب (الحزب السوري القومي الاجتماعي) أحد أهم أهدافه الإندماج في المحيط الاجتماعي لخير الجميع.... ولا المطلوب منوا (أن ينتظر) إلى أن تتفق الحكومة آنذاك مع إسرائيل وتقوم بتصفية القوى الوطنية ... مشان ترتاح حضرتك؟ يمكن لأي شخص أن يقوم بواجبه .. تجاه إيمانه وعقيدته ..دون الرجوع إلى الحزب (في حال كان حبيب الشرتوني) نفذ عملية الإعدام بدون رأي الحزب...

مرحبا...

أولاً. مشان حبيب الشرتوني...
لا أريد أن أتحدث عن الجميل إن كان خائن أم لا.... هذا ليس هو صلب الموضوع..
مفهوم الخيانو شطاط كتير، يعني قد يكون شخص خائن بالنسبة لي هو قمة في الوطنية بالنسبة لغيري..
ولكن بغض النظر عن كل هذا... حبيب الشرتوني أخذ القرار بإنهاء حياة شخص بطريقة غير قانونية... هذا في حد ذاته جريمة (بغض النظر عن الدافع والأسباب)... يلي بقصدو أنو إذا كل واحد شاف هادا الشخص خائن أو عميل بيغتالو، بتخرب البلد.... وعندكون لبنان خير مثال...
بس أنا رغم هالشي بعتبر الشرتوني مظلوم، ليش؟؟؟
لأنو وقت طلع العفو العام عن الكل تم استثناء الشرتوني، فهو مظلوم ليس بعقوبته وإنما بعدم معاملته كباقي المجرمين... يعني جعجع طلع من الحبس رغم أنو قاتل رئيس وزراء... أما الشرتوني فلم تسقط التهمة عنه كما غيره..


ثانياً. أنور السادات...
برجع بحكي أنو مصطلح خيانة ما بحبو... بس رح استملعو متل ما ورد..
هل (خيانة) السادات تنبع من استرجاعه لأرض محتلة؟؟ أكيد لاء...
بس أنا برأيي أن (خيانة) السادات بدأت قبل حرب تشرين... عندما ترك الجيش السوري وحيداً في المعركة، عندما كان أعطى أميركا علماً مسبقاً بالحدود التي لن يتخطاها الجيش المصري بالحرب... وأخيراً عندما ذهب منفرداً لتوقيع السلام...
أنا حسب علمي، حرب تشرين كان لها هدف وهو إعادة الهيبة للجيشين المصري والسوري + تحرير ما أمكن من الاراضي المحتلة + (وهو الأهم) فتح الباب أمام التفاوض مع إسرائيل من منطلق قوة..
فكرة التفاوض مع إسرائيل لم تكن غريبة على السوريين ولا كانت مستهجنة بقدر ما كان التصرف المنفرد ونكص الاتفاقات هو المستهجن..

:D:D

صديقنا ابو الحروف ... و بالمناسبة انا كنت اتابع المناهل ...
ومهم جدا انك تلفت انتباهنا - انتباهي مبدئياً - لموضوع الامر الواقع !!! و بما انو هادا شي متل القضاء والقدر .. وما لازم ننكرو ...!!
فلو سمحت ... قضية اللاجئين الفلسطينين ... في مخيمات الشتات .. مو أمر واقع كمان ...!!!
ولا برأيك ينسوا الجنسية الفلسطينية .. وحق العودة .. كرمال انو اسرائيل امر واقع !!!
وللمناسبة كمان !!!
انو حتى المبادرة العربية اللي اكتشفت انو الحق مع ( السادات ) من 30 سنة ..لما اجت بدها تتكرم على اسرائيل .. رفضتها دولة الامر الواقع .. لأنها لم ( تلغي ) حق العودة للاجئين ...
و لأنو المبادرة ما فيها طلب من الامم الامتحدة بإلغاء القرار ( 194 ) الذي ينص على عودة اللاجئين الفلسطينين من الاراضي التي - هـجّـروا - منها في العام 1948 !!!!!!! على يد عصابات الامر الواقع !!!

احترامي !!!