اي هاذا الرجال حالة خاصة و امثاله موجودين بس قلال

المشكلة المجتمع بس ينتقد الشغلات التحررية و صعب محاسبة هيك رجال

:jakoush: [quote=Syrian Eng;578559]أنتي فتحتي موضوع لو منضل منحكي عنو من هلأ بعد بعد بكرة الصبح ما منخلص :sick: :sick:
أكترنا ما زال يتمتع بالكثير من التخلف :cry: :sick: :cry:
أنا مبارح ( يعني في الأمس ) كنت بإحدى المكتبات بدمشق وهادا الشخص قصدي صاحب المكتبة
بيشتغل عنده بالمكتبة بنتين , سألتوا قديش عم تعطيهن راتب آم قلي 4000 ل.س بالشهر طبعاً عدا القوانين الصعبة يلي عنده , ولما لقاني استغربت آم قلي هدول بنات بياخدو راتب بنت قلتلوا وقبلانين قلي أي لكن أكيد بدن يقبلوا , قلتلوا في كتير بنات ببعض الشركات الكبرى والمشهورة تحت 14000 ل.س لا يقبلن أن العمل , آم قلي هدنك معن لغات و عندن جسم بيجنن ومو حاطين حجاب!!!!!!!!!!!!!!!!!:shock: :shock: :shock: ..................................إلخ
ما لح طول شو رأيكن بالحديث يلي صار.
قبل سنة وشهر تحديداً كلياتنا تابعنا على التلفزيون مسلسل أشواك ناعمة وكان مسلسل جريء وهادف ناقش هالفكرة بيسرني إني أرفق غنية المسلسل لأن كلماتها من نفس هالموضوع
ومشكورة عالموضوع[/quote

أول الشي هادا صاحب المكتبة على ألأكيد موجود بالبرامكة لأنو الرجال بهيك مناطق وأنا لاحظت هالشي بساوو حالهم إسلاميين متشددين مع الصبايا اللي بيشتغلوا عندهم وبحاولوا يمتصوا دمهم وهدول الناس أنا عن جد بكرههم وهنن تافهين لأبعد الحدود بس لما بتدخل لعندهم شي صبية من الجامعة بتشوفيهم فوراً فتحوا عيونهم وبدي الكلام الحلو معهم...
أنا مالي مستغرب من قصتك لأنها صارت موجودة بكثرة عندنا بسوريا

أنا من وجهة نظري أنو البنت هي اللي لازم تحط حد لكل شي و كل بنت و شخصيتها , بما معناه انو البنت اذا كانت شخصيتها ضعيفة أكيد كل العالم رح تاخدها و تجيبها و تمرمط فيهلا على كيفها بينما اذا شخصيتها قوية هي اللي بتفرض هالشي عالعالم بصيروا بيحترموها رغم عن أنوفهم و ما حدا بيسترجي يحكي معها كلمة غلط مع أنو يمكن يكون الغلط راكبها من فوق لتحت ...
انا هاد راي و بحترم كل آرائكم ...
تحياتي :D

صدقت البرامكة وما حولها , وهي فعلاً شغلة زادت عن حدها

مشكور عالتعليق

اي بس مو لان شخصية البنت ضعيفة بيحكو و اذا شخصيتا قوية ما بيحكو
و الشغلة مو بس شغلة انو عم يحكو الشغلة شغلة نظرة
و كمان البنات مو يا قوايا كتير يا ضعاف كتير و عم يتمرمطو
يعني
اذا بنت مطلقة او حتى خاطبة مرتين و فاكة رح يعتبروا عيبة و اذا شي حدا رح يرتبط فيا كلو بيندهش و بيستغرب و بيقلك لي؟ او ممكن تقبل بواحد اقل مستوى اجتماعي و ثقافي بس انو يعني بدا تنستر و كانها نزلت من شخصيتا و من قيمتا صح؟
اذا وحدة تجوزت و ما قدرت تعيش مع زوجا لاي سبب بيكون الحل هو الطلاق بس بيكون الطلاق مشكلة بحياة الزوجة مع انو اختارت الحل للمشكلة الي كانت فيها بس كان الحل هو مشكلة من نوع تاني . و هي المشكلة سببها بس نظرة المجتمع يعني هيي ما غلطت بس الناس هيي الي بتفكر غلط
و كمان التخلف الاجتماعي عم بيزيد لان صاير عنا يا تحرر بطريقة غلط يا تعصب بطريقة غلط كمان و متخلفة يعني صار مفهوم المرأة الحرة ضايع مع انو من اكتر من الفين سنة كان في هاد المفهوم بس عنا ضايعة الطاسة :pos:
انشالله نلاقيها:?