بعدين skipy انت شو بدريك بهل شغايل بما انو انت مسيحي تتدخللش بشؤون المسلين بعدين الله فرض علينا انو نتحجب وانت يعني بدك اتعارض امر الله " اتغفر الله العظيم" بعدين البنت الي بجبرها ابوها انها تتحجب بعمر صغير في لازم ما تعصي الولدين المهم البنت الي بتقوللك انو ابوها جبرها انو تتحجب بتوقللي عشان احكي معاها

كنت ناقشتو، لو بيهمني الامر كنت ناقشتو

خليني بالموضوع، ايا احسن برأيك، تغصب طفلة على ارتداء الحجاب، بدون ما تفهم شي عنو، و اللا تستنى لتصير واعية هالفريضة و تقنعها بيها بالحسنى، و تتركها تختار الحجاب بارادتها
ايا احسن؟

ما داكمك دخلت بالنقاش فرح أدخل معك مع انك ما جاوبتني ع سؤالي


أول شي عننا ما حدا مسموحله من المسلمين انه يغصب طفله عالحجاب وهيي طفله


يعني الأطفال خط أحمر ما بينعدوا مكلفين لحتى يصلوا سن البلوغ

انت عيني
طيب شو رأيك انو بحارتنا، جارنا محجب بنتو يللي عمرا 8 سنين؟ لو المشكلة بجارنا، كنت قتلتو و خلصتكم من العار، بس المشكلة اكبر بكتيييير من جارنا
مشان هيك، لازم يكون في توعية اكتر، انو هوي ما رح يكسب ثواب بعملتو، لأنو بوكرا بس تجهل البنت (و رح تجهل) ما رح تفكر فيه (للحجاب) على انو فريضة من عند الله، رح تفكر فيه على انو فريضة من عند ابوها يللي بيجعر فيها و باخواتها ع الطالعة و النازلة،
و لما رح تشيل هالحجاب بالسر لأول مرة، رح تكتشف انو الدنيي ما تغيرت، و بتقدر تعمل يللي بدها ياه طالما اهلها مو عارفين، يعني رح تتعلم تخبي (ازا ما بدي قول تكذب) على اهلها
و لما رح توقع بمصيبة (المصيبة شيء يقع فيه كل البشر بلا استثناء) آخر ناس رح تلتجألهم، هنن اهلها يللي بتكذب عليهم

اي صحيح، سؤالك يللي سألتني ياه جاوبتك عليه و قتلتك مرتين (بناقشو) و لتالت مرة بقلك ياها .. لما حدا يقللي على سبيل المثال (فرض التعليم و دخول المدارس على ولادك جريمة كبرى بحق ولادك) بناقشو

يعني ازا ما ناقشتو، اكيد اكيد اكيد
ما رح امسح فيه الاراضي متل ما عملت حضرتك و زعلتني منك عشر زعلات

مدري كيف مدري ليش ..


رأيي .. من رأيكـ

وأنا معك انه مش لازم الأطفال ينغصبوا على أشيا متل هيك ،بس شو مشان اذا هالطفل حب هالشغلة من وهو صغير؟؟؟
يعني كتير بشوف بنات صغار فرحانات بالحجاب!!!
أما انه الوالد يغصب طفلة صغيرة لسا ما بلغت فهو أكيد ما بيجوز وأنا بعارض هالشي والاسلام كمان بيعارض هالشي
والادله موجود عننا ما بدي فوت فيها

بس اذا بتلاحظ هو ما تارك محل للنقاش
لانه سبق وحط مواضيع متل هيك بكم من قسم ولما جينا نناقشوا صار يجط مواضيع جديدة بنفس الموضوع وما رد على حدا
مشان هيك انا قلتلهم انه مجادلته عقيمة

وبعدين أنا ما مسحت الأرض فيه متل ما بتقول

أنا حطيت كلمةتين بتوجع شوي بس كل واحد ممكن يفهمهم اشي
انه انا ما وجهتلوا الكلام بشكل مباشر وهادا ما بينعد اهانه متعمدة!!!

على كل أنا مبسوط اني لقيت ناس أناقشهم بجد بعيد عن العصب
تحياتي مع اني زعلان منك 20 زعلة :D

على فكرة اول مرة بيمرق عليي هيك موضوع ومتأسفه لكل الي ازعلته او سويتله اشي بس هاذ ما بستحق العناء الي ببال الواحد يعمله وانا متأسفه كتير

يا قيود نادرات الفتيات اللوات يتجران على قول الحقيقة في بنات راح ينفجروا من الظلم
انا ضد البهرجة و صرف المال و صبغ الشعر كل يوم و الزينة الزائدة عن حدها
و لكن هذا الأمر مسيء و مدمر لنفسية الطفلة ..

و بالنسبة لسن البلوغ قد يكون 9 أو 10 عند الفتيات و بعدها البنت صغيرة جداً
و مع ذلك البنت يتم وضعها و عمل غسيل مخ عليها ..حتى تقتنع و هي لا تفهم شيء
و تخرج لترى التلفزيون أطفال مثلها ..و هم لا يحبسون شعرهم بهذا المشذب ..

حرام ..الطفل يمارس إنسانيتو ...و برائتوا ..الحرية للأطفال ..و لا لإكراههم و تدمير نفسياتهم

يا أختي دائماً الرد بيكون عندما ينتقد هذا الأمر السلبي بحياة طفلة صغيرة
شو بدك ياها تطلع بالبكيني أو عارية ..طبعاً لا و ألف لا ..

بس شوية عقل و تفكير بهذا الكائن و كفاية يكون حقل اختبار و تجارب
و تدمير للمجتمع ..

بركي حب يساوي حالو وزير الثقافة المصري

أول شي هيي ما قالتلك أخي مشان تقللها "أختي " لانها ما بترضى فيك أخ الها وانت هيك :x

ااي منيح اقرفوو سمانا عاد.. ..

خلص سايقة عليكو الله والنبي محدا يفوت يعلق .. بستاهلوش!

اوف منيح عاد.. " جاكم القرف مليتو البلد!!"

للأسف كل الردود لف و دوران حول الحقيقة و لا أحد يريد ان يفكر بالعقل و المنطق
تجاه هذه الجريمة و إساءة المعاملة ضد الاطفال ..

وا أسفاه ..

مسكين أنت أيها الفكر المتحجر .

أول شي كان رأيي من رأي كوستا، بس بعدين فار دمي عالآخر.

هلأ أنا ملاحظ إنو سكايبي عندو تعصب ضد الإسلام، بس هادا مو مبرر لتأييد فكرة الحجاب للأطفال، أنا مسلم و بفتخر بهالشي، بس ما بصدق أبدا إنو من تعاليم الإسلام إنو بنت طاهرة متل الملايكة نحجبها، في ناس رح يؤولوا إنو البنت مقتنعة، حبيبي البنت الصغيرة لما تتحجب مستحيل تكون مقتنعة، يا بتكون بدها تثبت إنها مرأة وسط مجتمع فاسد، يعني إثبات وجود ولفت الأنظار، أو مرغمة عليه أو مشان ما تطلع مختلفة عن محيطها، أما تجو تؤولوا إنو فرض، هي زيادة عن الحد. والله العظيم شوهتوا الإسلام، والله لما شوف هيك ردود ما بلومو لسكايبي على تهجمو، بس سكايبي لازم تعرف شغلة إنو مو هادا هوي الإسلام الصح، مافي دين بالدنيا بيرضى بهيك أصلا، بعدين إنتي نفسك علقت إنو مو من "الروحانية و الغيرة على القيم الدينية"، يعني أي دين بالعالم و خاصة الإسلام بري من هيك خزعبلات و مظاهر.
يا جماعة الأطفال بنات أو صبيان، عبارة عن ملائكة، يعني البنت يللي بلغت مو ضروري تكون مرأة ناضجة، بجوز أيام زمان كانت مرأة ناضجة، بس لا تنسوا إنو التركيب الفسيولوجي للإنسان اختلف من هداك الوقت لهلأ، يعني مظاهر الأنوثة عند البنت غالبا بتتأخر لعمر ال14 أو حتى 15، بينما زمان أول كان البنت ما توصل ال12 سنة إلا صارت جاهزة للزواج و الخلفة، هاي الملاحظات العلمية لازم تنفهم مشان نئدر نتطور و نتحضر. بالمختصر براءة الطفلة تقتل بشكل بشع لما نحجب البنت على عمر صغير، و حتى الصبي كمان تنقتل براءتو لما يعيش بمجتمع متل هيك، يعني بصير أطفالنا مهووسين بالجنس بس، حرام عليكن، والله حرااااااااااااااااااااااا ااااااااااااااااااااااااا ام.

احييك ابو طريق

إلى كل من هم من غير المسلمين :

إن الله لم يشرع من الدين إلا ما به فائدة لمن اتبع هذا الدين

و لكل شرعة هدف من تشريعها ( يعني مو عالفاضي )

و طبعاً بالنسبة للحجاب فله فوائد طبية اكتشفها الطب الحديث إن شئتم أن تقرأوها فبالقريب العاجل إن شاء الله