|
اقتباس:
ما يسمح بالغلط ولا بريحته مع ذلك عند كل وحدة منا البنات جهاز في غرفتها غير اننا اذا كان الوالد موجود في البيت نجلس كلنا حواليه باللابتوبز ونناقشه في المواضيع اللي نكتبها وهو ابوي عنده منتدى يترجانا دايما نكتب فيه ونشارك اوكي شبابنا دمهم حامي وغيورين بزيادة بس حرية الفكر مالها حدود وعلى فكرة انا امي وابوي يقرون اشعاري وخواطري وقصصي القصيرة وما ينكرونها علي بالعكس يشجعوني وفي يوم من الايام بتشوفون جانب منها ان شاء الله في هذا المنتدى |
اقتباس:
|
ليه لاء...
معقول نحنا بعدنا هوون!! مارح يكون اعتراضي انها تستعمل النت بحرية بالعكس بس انها تحكي مع شباب او حتى بنات ما بتعرفهم :larg: طبعا تحكي قصدي مسنجر او صوت او صوت و صورة |
|
متل ما قال السيد وائل يعني كأنو الموضوع موجه للشباب
بيجو البنات بينطو بيقولو رأيون لك السؤال النا الــــــــــــــــــــــــــــــــــــــــــــــــ ــــــــــــــــــــــــــــنا وين ما منروح بتلحقونا شو ما عملنا بتقلدونا لك عيفونا شي مرة نعبر عن اراءنا اتركولنا محل ندخن فيه ونحكي كلام رجال محاصرينا وين ما رحنا لك حتى بالنت بدكون تجو لعنا مو قصة بنرضى او ما منرضى قصة بنحب او ما منحب |
اقتباس:
ما تعصب نفسك ابو مزيد مو مستاهلة الشغلة كلها صحتك عندنا بالدنيا |
|
انـــو كأني من فترة " مأفحمة " شخص بهالموضوع :humm:
اقتباس:
صحي ... من فترة نزل موضوع للبنات - دبدوب وما دبدوب - .... الغريب بالقصة انو اغلب الردود كانت للشباب ... يا تــــرى ليش ؟؟:wink1: |
على فكرة.........الموضوع مهم كتير لأنو رح يبيّن الطريقة يللي بفكر فيها كل شب تجاه البنت يللي بتتواصل مع الناس عن طريق النت.........وصبايا إزا لاحظتو إنو مو كل شباب المنتدى حكو رأين;-)
وصاحب الموضوع ضرب على وتر حساس كتير لأنو أي شب بدو يبدي رأيو بعدم رضاه عن البنت يللي بتتصفح وبتشارك بالمنتديات بدا تتغير نظرة الصبايا في وتصير أي وحدة تتعامل معو بتحفظ:pos: وهي ردة فعل طبيعية لأي بنت ..........هلئ متل وائل مثلاً أنا بتعارض معو بكلمة وحدة آلها وهي إنو منعطيها الحرية بعد ما نربيها ع الصح!!!!!!!!!! لهلئ الناس بتتعامل مع البنت بهالطريقة............أنا ما بئبل حدى يمنحني حريتي لأنها خلئانة معي . وبالنسبة للنت فأنا ما بعمل شي بسرية لأنو ما مستاهلة الشغلة تتخبى والشغلة أقل من طبيعية ومتل ما آلو الصبايا اللي شاركو أبلي أكتر الأحيان بحكي للي معي بالبيت من أهلي بالمو اضيع يللي عم تنطرح وأكيد إزا تعرفت ع أي حدا عن طريق المنتدى فهاد شي كويس مو العكس. وشكر لصاحب الموضوع:D |
اقتباس:
يعني الموضوع عادي :? |
يعني ما بعرف شو المشكله .؟؟ او شو الغلط ؟؟؟ بالعكس الواحد بفوت بتعلم كتير اشياء ,, وبهالوقت ماضل شي اسمو بنت ولا شب وبنفس الوقت مابنكر عقليتنا هههههه يعني في منون يبشوفها غلط .. (خلينا واضحين ,, بس انا بقول البنت المحترمة بتثبت وجودها وين ما كانت.... والمنتديات شي حلو ومفيد ... suryoyo شكرا :lol: |
اقتباس:
اخوية هي وحدة واحدة ! في موضوع اكيد الكل قرأه و كثيرين كتبه الردود و يتحدث عن اذا جا رفيقك يطلب اختك! بعض الردود كان عادية لكن قسم لا عبر بغضب و رفضوا ممكن خواتهم يحبوا شخص آخر و كانوا كثر يعني اللي ما يرضى اخته تحب شخص آخر او صديقه و يريد يزوج اخته بالطريقة التقليدية اكيد يحط ضوابط عليها حتى في المنتديات هذا هو الموضوع و اكيد الشباب الحلوة في المنتديات نيتهم طيبة لكن ما بعرف يجوز في شباب نيتهم مو طيبة!!!!! و نقاشك جاد و حلو و الموضوع صدقني شائك جدا و الحرية هي حق للسباب و البنات لكن كل اهل يربوا اولادهم و بناتهم بطريقة معينة المهم .......... رايك عحبني و نقاشك مانو حاد سلام |
اقتباس:
اقتباس:
وجهة نظرك تبين انو شخصيتك متحررة و انت انسان عملي جدا لان المرأة تشتغل و عدها راتب و مستقلة بذاتها ورايك حلو و مفيد و يا ريت اللي يقيد الحرية يستفيدوا من وجهة نظرك ! و اللي قلتو عن الكبت هو منطقي جدا لان الانسان الكمبوت تحت اي ضغط يمكن يعمل كثير شغلات و الضحايا من الشباب و البنات على السواء....... |
اقتباس:
اقتباس:
اقتباس:
اخواتي و اخواني الموضوع موجه للشباب المتحرر و البنات المتحررة و موجه للشباب المحافظ و البنات المتحرر يعني الموضوع موجه للجميع جميع اعضاء الاخوية !! انا بطرحي للموضوع تعرضت لموضع حساس و يمكن بعض الصبايا زعلوا مني!!:cry: لكن النقطة ردت اشوف اراء المتحررين و اللي شفتهل الحمد لله و أيضا اراء المحافظين يعني اكيد في اعضاء يقيدوا اخواتهم على الشبكة و كثير مهم اراء البنات المقيدات ........ يعني يريدون حرية اكثر لو راضين بالوضع شكرا على مروركم الحلو حبايبي و الكل يعبر عن رأيه بشفافية و بديمقراطية:lol: :D اقتباس:
شكرا Vanina على المرور:D :D :D |
اقتباس:
انا عن نفسي كشاب ما عندي مشكلة مع البنت اذا تقعد على النت و في المنتديات قد ما بدها ! المهم يكون الشب مقتنع بالمنتديات و بالحرية و مثله مثلها ............. وهذه التحفظ المبني على التخوف ما حلو بس مع ذلك هي كمان لازم تخاف على اخوها !! و يمكن اكثر شوي:gem: اقتباس:
و الحرية حق مقدس معطى من الله للبشر لكن اي حرية؟؟؟؟؟؟ اكيد الحرية الملتزمة الحرية التي تراعي الاخرين......... يعني هلق اذا شخص تعدى على شخص آخر اكيد الناس رح تلوم اهله اكثر منه لان الاهل مسؤلين على التربية الصحيحة قدام الله و قدام الناس و البنت و الولد المربايين ما ينخاف عليهم لان الحرية هي حق و واجب ايضا انا مع الشاب و البنت لازم ياخذو حريتهم الكاملة في التعبير و لكن اي الحرية الحرية الملتزمة الحرية بكل معانيها مو بس الحرية مثل انا ما بدي و تجربتك على المنتديات حلوة و اتمنى الكل يعطي تحربته الشخصية في الاخوية |
اقتباس:
الإنسان من بداية الخليقة كان حر .......هاد أمر بديهي .....بس مشكلتي مع الناس يللي بئولو نحنا متحررين...كيف ؟؟؟؟؟؟؟؟؟؟ نحنا منعطي إختنا راحتها وحريتها باتخاذ قرارت بتخص حياتها ونحنا ما منعترض على لباس إختنا.........وين التحرر بالموضوع:shock: التحرر أساساً يعني إنك ما تدخل بهاد المخلوق يللي إسمو أنثى لمجرد إنها إختك أو زوجتك أو...........الخ........بمعنى إنو التحرر مو إنك تمنحها الحرية أو تسلبها ياها....التحرر إنو انت مالك علاقة بالموضوع من أصلو:jakoush: وحريتها شي بخصا وحدا ومانو سلعة أو هبة بناخدا ومنمحا لأي شخص |
اقتباس:
جمله وحده زياده: الحقوق تأخذ ولا تعطى |
اقتباس:
صدق اللي قال ..........البلاغة في الإيجاز:deal: |
| الساعة بإيدك هلق يا سيدي 13:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون