|
اقتباس:
قد يكون صحيح نوعاً ما.. ولكن ماهو اساس الفشل! أساس الفشل انه منشان اني ناقم على الحكومة منهجياً ، عقائدياً او سياسياً) بصير أحط أيدي بأيد اي حدا علشان بكل سذاجة أكسر هالبنيان! هون المشكلة الأساس .. ومن هون هي مخترقة .. ومن هون الويلات بتيجي... واحد او مجموعة ما عندها مانع تبيع البلد منشان خلافات تافهه حتى ولو كانت مجازر فهي تافهه امام المجازر الأكبر التي راح يخلفها الغير! الأنانية وحب الذات وتفضيلها على الغير... السبب... وضع البقية في كفة أقل وأدنى من النفس.. هو السبب. الخيانة ... وما خلف الكواليس في حين الترابط مفروض .. هو السبب! |
يعني هادا الموضوع اكتر المواضيع يلي بتجلطني!!!!:aah: بجد ما بستوعب المعيار اللامنطقي يلي بشتغل في عقل ما.. وبيملي عليه إنه حدن أحسن من التاني بس لإنه من جنسيته غير!!! والله لمن إسمع الحكي بكون رح شد شعري من الغيz!!!!:aah: :aah: :aah: لإمتى رح نضل نؤول مدني وفلاح؟! لإمتى رح نضل نؤول لبناني وسوري؟!... عراقي وكويتي؟!...أردني وفلسطيني؟!... شمالي وجنوبي؟!.. لك كلنا بشر والأهم العقل والأفكار والدين... هيدول هنن مقياس التفاضل.. مو الجنسية والتضاريس!!!:shock: يعني أنا بشوف إنه فكرة إنه نؤول على سبيل الفرض إنه الشعي التشيلي أقل من الشعب الكزخستاني على كل الأصعدة ... فكرة مضحكة:o مشان شو أفضل؟...مشان ما في سبب!!!!! إلا هالنعرة يلي بعئولنا والكبرة وشوفة الحال على شي فاضي... أساسا يلي عنده عئل وفكر ما بيفكر بهي الطريئة!!!
أكيد من أسباب هالشي بذور الفرقة والشتات يلي زرعه الاستعمار في عقولنا ونحنا عمقناه بوعينا الحكيم!!!! الحمدلله على الوعي!!!لك مشان الله!!! والله كلنا بشر وكلنا لازم نحب ونحترم بعضنا!!!!! |
العنصرية سلاح المنافقيين وضعفاء الايمان وهدول فيهم خور وضعف لانهم بزرعو الفتنة والعنصرية بالناس |
اقتباس:
انو شو فرقت لما تقولي لبناني ولا سوري ولا عراقي عن انك تقولي مسيحي ولا مسلم ولا يهودي؟؟ لما بتصنفيهون بالبلدان افضل بكتير من لما بتصنفيهون بالاديان. |
اقتباس:
اخي meYnot صح لسانك كلامك درر يعطيك العافية |
اقتباس:
لانه زي ما قلت اللغة العربية هي اساس لديننا الاسلامي ولنا ان نفخر بذلك ما نشاء ولكن اللغة لم تسن منهج حياة ولم تسن قانون مدني ولا قانون حربي ولا قانون معاملات ولا قانون عبادات هذا كله فعله الدين الاسلامي وهذه القوانين التي يجب ان تجمعنا نحن المسلمين سواء تحدثنا العربية ام لم نتحدثها |
اقتباس:
واطمن كلامك قل ودل |
ومين قال انو الدين هيك عمل؟؟
كل علمي انو الله اللي عمل هالشي كلو. يعني مو الدين اللي عملو. ومتل ما الغرب قدر يسن قوانينو بيعد عن الدين. كمان نحن منقدر نسن قوانينا بعيد عن الدين. كتير حظارات عملت قوانين لحالها. بدون قدرة الدين. وكتير منها نجحت. وحكمت العالم كمان. |
اقتباس:
عزيزتي lotus ذا الكلام يجلطنا كلنا ويزعلنا كلنا بس مستحيل نتخلص من هذي الافكار الهدامة الا اذا تضامنا مع بعض وكل واحد منا قاوم الغضب اللي داخله ضد ناس معينين بس لانهم ما ينتمون للقطر اللي هو ينتمي له |
اقتباس:
|
اقتباس:
تفرق كثير يعني احنا ما نبغى نتجرد من كل انتماء يعني معقولة ما اقول اني عربية ولا اقول اني سعودية ولا حتى اقول اني مسلمة؟؟؟؟؟ ما صارت!!!!!!!!!! لا زم انتمي لشي وهذا الشي اللي احنا ندور عليه لازم يكون كامل شامل دائم ومحمي من رب العباد وهذي الاشياء متوفرة في الدين الاسلامي عشان كذا احنا ننادي بوحدة الدين الاسلامي |
مين قال ما تقولي انك سعودية!!
لا قولي انك سعودية. انت لما عم تقولي الدين الاسلامي. بهالحالة عم تلغي كتير اشخاص عايشين معك. وعم يشتغلو متلك ويمكن اكتر منك ليطورو بلدانون. |
اقتباس:
الله سبحانه وتعالى عمل كل هذا لانه هو اللي انزل علينا الدين الاسلامي يعني ديننا هو شريعة الله اللي لازم تتطبق في ارضه والغرب فعلا سن قوانين وضعية بعيدة عن الدين كما فعل الشرق من قبلهم بس لان الحكومة تعدل القوانين حسب حاجاتها متغافلة حاجات الشعب تجد الشعب دائما في النهاية ينقلب على الحكومة وتسقط تلك الدول تباعا ولكن الدولة المسلمة لم تسقط في العصور الوسطى الا عندما سنت قوانينها الوضعية في تركيا ولم تعد مسلمة والله سبحانه وتعالى تكفل بعز المسلمين الذين يطيعونه وهو جل في علاه عند وعده |
بالله هلق عم تحكي جد!!
معظم الحكومات اللي سقطت سقطت بسبب قوة دولة تانية. يعني دولة الفراعنة. سقطت بسبب الاشوريين والنوبيين والرومان. الرومان (الشرقيين) سقطو بسبب الاتراك الغربيين سقطو بسبب بربر من شمال وشرق اوروبا. وغيرون كتير بعدين هاي اميركا ماشاء الله حواليها, قوى عظمة. الديمقراطية موجودة فيها, وشعبا مبسوط اخر بسط. دول اوروبا اغلبها كمان نفس الشي. بعدين دولة المسلمين انقسمت من قبل ما يكون في شي اسمو اتراك. حتى الاتراك كانت قوانيون مسنونة حسب الدين. |
اقتباس:
حاجتنا تطرف وأصولية : "إن شعار الإسلام هو الحل مقبول تماما إذا كان دعوة صادقة للعودة للإيمان المحمدي(إيمان العلم والحضارة وأحترام الحقوق العامة والخاصة) . لكن هذا الشعار يحمل دائما الصيغة الطائفية ، فأي إسلام هو الحل؟ السني أم الشيعي أم الإسماعيلي أم الإباضي أم الزيدي..؟؟ وإذا افترضنا أن السني هو الحل : فهل سيكون الشافعي أم الحنفي أم الحنبلي أم المالكي؟...."--------- نبيل فياض --------- . يعني بيكفي نطرح فكرة وحدة إسلامية لحتى تصير ألف مشكلة ، كل طائفة بتفكر انها المقصودة بالحديث(وتفترق أمتي على ثلاث وسبعين فرقة ، كلها في النار إلا واحدة)وباقي الطوائف عندون شغلات غلط ، لحتى تصير وحدة إسلامية لازم كل مسلم يتخلص من مرض التعصب العندو لناخد سورية مثال:معظم السنة بيكرهو العلويين والدروز ومعظم العلويين بيكرهو الإسماعليين و المرشديين والسنة ، يعني الكل بيكرهو الكل لأسباب تافهة( مشان كم جثة من 1400سنة ) يا حزركون كيف بدنا نتوحد . لازم نفهم أنو كلنا بشر وكلنا لازم نحب ونحترم بعضنا!!!!!:cry::cry::cry::cry::cry::cry: |
اقتباس:
لماذا ولأجل من؟ لماذا تدعي الحرية وتطلب مني ان أقول اني لست مسلماً ولماذا أكون قد ألغيت غير المسلمين بقولي أني مسلم وأفتخر بأسلامي؟؟ منطقاً غريب حقاً... وكأنك تقول ان الحرية هي لك وليست لي.. او أنك تحجبها عني!!!!!!!!! أنت ملحد ولا أقول بأنك عندما تقول بأنك ملحداً أنك الغيتي.. فلماذا الكيل بميزانين!!!!! اذا كنت تتكلم عن سوريا .. فمسماها الجمهورية العربية السورية... وليست الأسلاميه .. العلم السوري لايوجد فيه اي شيء أسلامي او يمت للأسلام بصلة... الختم الحكومي السوري لا يوجد به اي دلالة على اي رمز أسلامي... وهي دولة الغالبية الساحقة فيها مسلمين وأنت تعلم ذلك .. أتود أن نلغيهم جميعاً لأجلك؟؟ هذه هي الأنانية بعينها يا سيد Wili... أن تزن نفسك في مكيال يزيد وزناً عن أي سورياً اخر.. ولكم تقديري :D |
بعيد عن العصبية جاوب بصراحة؟!!!
اي انا كنت مروق وآخر رواق سميتولنا بدننا بهالسيرة بس تقول الرابط الديني بتكون لغيت بقية الاديان التانية واعتبرتها خارج الرابط نحنا ما عم انقللك الغي اسلامك بس في كتير مو مسلمين بقى ممكن اذا اتبعت الرابط الديني تقللنا شو بيربطك فيون؟ |
اقتباس:
يرتبك الأنسان في التالي والديه ام اب او الأثنين معاً .. وعن طريقهم يرتبط بأقرابهم من اعمام اخوال ابناء عموامه.. الخ يرتبط كفرد من العائله بأخوته يرتبط برابطة جوار بكل من يسكن في الحي او بعضهم يرتبط في المدرسة بزملاء .. معلمين.. الخ يرتبط العمل بالزملاء.. المدراء.. رجال اعمال .. شركاء عملاء او الموردين.. الخ برتبط بمن يقابلهم في طريقه .. الطائرات.. الباص المواصلات العامة .. الخ يرتبط بأسرته هو كعائل او احد الأبوين برتبط بالأرض التي عاش عليها وبمن عليها يرتبط في بعقيدته وبمعتقداته بينما قد يرتبط بمنهم يعتقدون بمعتقداته! في من منحى من هذه العلاقات قد تكون علاقتك بذي المعتقد المختلف عنك؟ كثيرة هي السبل والطرق للأرتباط بأناس ليسوا معتقدين بمعتقداتك بمعنى اخر كلها .. فقد يكون أحد الأبوين له معتقد مختلف وقد يكون الجار او الزميل بالمدرسة او العمل... لماذا يجب ان تكون أن بمعتقدك (المختلف عني) في كل هذه القائمة وفي كل بند منها؟؟؟؟؟؟؟؟ قد لا أرتبط بمن هو من نفس معتقداتي بكل هذه القائمة! |
| الساعة بإيدك هلق يا سيدي 13:55 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون