|
اقتباس:
|
حبيب القلب برجع وبقول لمره المليار لو السورين بدهون يغيرو النظام ما كان في نظام في سوريه
حبيب القلب كام في طائفه في سوريه ؟؟؟؟ في حدا منها متهض؟؟؟؟؟؟؟؟ |
اقتباس:
اقتباس:
|
أنا بشك إنو لو بدن السوريين يغيرو بيقدرو
لأنو العين ما بتقاوم المخرز بس اليوم المخرز مطعوج وهالق إذا بدن السوريين لازم يتحركو :gem: |
سوريا الحرة
سورية الموحدة بأبنائها الأخوة سورياا بدون قائد ملهم سورية بشعب متفهم متفاهم متوحد سورية بشعب متعلم منتج قوي سوريااا نحنا ونحنا سورياااااااااا :angel: |
اقتباس:
|
اقتباس:
|
اقتباس:
وليش معصب وعم تحكي على اساس بدك تعمل مشكله :aah: |
اقتباس:
أي لما واحد هيك بيحكي لازم كل العرب يحطو رؤوسهون بالأرض خجلا |
اقتباس:
|
اقتباس:
" عندما تسكت البنادق .. من حقنا أن نشعر بالجوع " أنا بالنسبة لألي كنت معتبر أنو عرب ال 48 خونة الى فترة من فترة حياتي .. بس لما قرأت الوقائع من محمود درويش ( بيجوز تقلي الشعراء كذابين) ومن ادوار سعيد .. غيرت نظرتي واحتقرت حالي .. يعني فعلا" نحنا ظلمنا حالنا وظلمنا الفلسطينيين كتير .. على كل هي وجهة نظري .. وأنا بحترم وجهة نظرك .. لأنو كانت عندي قبل ما أقرأ .. وبيجوز أنت تقرأ كمان وتضل على نفس النظرة .. كمان حريتك الشخصية .. بس بظن في شي مشترك .. انو ما حدا بكل الوطن العربي من حقو يحكي كلمة على فلسطين أو على الفلسطينيين .. لأنو نحنا اللي بعناها وتاجرنا فيها .. على الأقل هن باعوا أرضون لأنوا كانت رايحة بكل الأحوال ... وقتالهون ما كان رح ينفع شي لأنو كانوا عبارة عن فلاحين بسطاء .. ففكرو بالطريقة الصحيحة أنون يبيعوا ويروحو لبلاد تانية يحكوا عن قضيتهون بالكلام والأدب اللي هوي لغة بيفهمها كل انسان .. على خلاف مفومه الحق والجهاد .. اللي هوي نسبي عند كتير عالم .. أما نحنا .. فأرضنا وكرامتنا ولقمتنا عم تنباع وتنشرا وبالمزاد العلني والمناقصات .. ونحنا عم نزقف ونهتف .. بظن بدها شوية موضوعية مع النفس .. وبرجع بقلك هي وجهة نظري .. :D |
بشكرك ع الموضوع الحلو وفعلا في اشياء بتضحك كتير واشياء بتبكي...
:wink: |
لو العرب بدهون كانو عملوا و خلصو لو الخليج يقطع النفط كان بينقطع عمر أريكا و إسرائيل بس نكبة العرب هيي بالخليجيي يللي هنن شعب ما عندو حضارة بالوقت الحالي عم يتسلو بالقنوات الفضائية و البطولات الرياضية و دمنا..
بعدين العرب شو بدون بفلسطين ؟ بكل بساطة فلسطين صارت قصة أو سيرة بتنحكا بلقهاوي و يتسلو العالم ..ما حدا فارق معو لأنو لو حدا فارق معو كان حرك ط**و و قام و عمللو شغلي متل الخلق.. و أبشع مثل بالعالم هو العين ما بتقاوم المخرز لأنو الجسم واحد و مافي عضو بدون التاني فالعين بتقاوم المخرز إذا استعمل الجسم إيدو .. بمسرحية سعد الله ونوس تبع المملوك جابر بيقول واحد من الشعب لواحد تاني ثوري ..العين ما بتقاوم المخرز قالو لأ بتقاومو فجاوب الأولاني نعم بتقامو إذا كانت عميا..عميا يعني المخرز فات فيها و خلص فيا ترى نحنا انعمى على قلبنا وفات المخرز على عيونا..و بركي إذا فات مرة تانية بيكسرلنا هالطبقة من الغباء و بيخلينا نشوف و نفهم ليش نحنا العرب آخر الشعوب.. بيقول محمد الماغوط..آه ما أسهل الحياة لولا الكرامة.. معقول الكرامة الزايدة اللي عندنا..ولا التاريخ عم يلعب فينا .. و لا إساتنا عم نتفرج و نبتسم........... و سلام..! |
اقتباس:
.................................................. .......... لتعمل ثورة عل النظام لازم ...أول شي يكون في نظام؟؟!!! .... و لتعمل ثورة عل النظام لازم تاني شي يكون في نظام!!! ... و لتعمل ثورة عل النظام لازم تالت شي يكون في نظام!!! و لــــــــــك ...لتعمل ثورة على النظام لازم أول و آخر شي يكون في نظام ..... حياله نظام ...بس نظام ...شي نظام ...أي نظام ....بال ...سيكام ....بس معروف ربو أنو نظام بس معروف ربو ( معين ) أنو نظام ليك ..أذا عملت شي على شي مو موجود شلون بدها تظبط ....ما مافي نظام كيف عملت الثورة عليه ؟ أول ثورة بدها تصير من أجل النظام و تاني ثورة لتغيير النظام ............................. ......................... والله يرد عنك زياد الرحباني ! |
اقتباس:
اطلع من المحيط للخليج.. كل متشابهة .. بصراحة أنا ما بآمن بالقومية العربية .. بس بآمن بوجود العالم العربي المقموع.. هي العروبة اختراع انكليزي بحت.. يعني هو في رابط كبير بين العرب.. بس مو بالطريقة اللي بيروجوا فيها للوحدة العربية... وحدة الشعوب العربية المقهورة... الخاضعة لأنظمة متخلقة نتنة و لزجة و على رؤسها أشخاص سفيهين و سغاحين ... ما سكين أنظمة بالحديد و النار و لاعنين ر..العالم.. يعني هي الشعوب و بطريقة منهجية.. و بدعم خارجي منقطع النظير (ما ني من أتباع نظرة المؤامرة و الغرب ضد الشرق و الإسلام..بس هي البلاد "العظمى" عم دور على مصالحها من منطلق المنفعة البحتة مو الصراعات الحضارية..) هي الشعوب المقهورة اللي كرامتها مهانة كل يوم و كل ساعة و كل ثانية و كل جزء من الثانية.. مشت مع الركب ... و الحل أكيد مو ثورة.. هي الثورات ملعونة من أيام الثورة البلشفية مروراً بالثورة سيئة الذكر و الثورة الإنقلاب ذات الاسم التجميلي...و انتهاءً بأي ثورة منفكر أنها الحل.. ما الثورات و الأحزاب مثل الأديان.. منزلة ما فيك تقول هق أو بق.. على الإعدام يا عدو الثورة.. الحل؟ ... سيب للزمن[/quote] |
اقتباس:
بس عم ترجع تناقض نفسك وتنفس حكيك الأول بالخاتمة اقتباس:
اذا الشعب يوما" أراد الحياة فلابد أن يستجيب القدر .. :D |
بكل بساطة يللي بدو شي و مؤمن في رح يقدر يعملو..أنا كان قصدي بأنو أبشع مثل لأنو بهاد المثل ضلينا قاعدين طول هالسنين عم نتفرج عحالنا و صار الوطن متل ما قال نزار قباني..
أيا وطني صرت مسلسل رعب نتابع أحداثه في المساء فكيف نراك إذا قطعوا الكهرباء؟ أنا ضد أيضا فكرة القومية العربية لأنها حكي فاضي..أنا سوري..إذا بروح عالخليج ما بفهم و لا حرف إذا بروح عالمغرب بفكر حالي بفرنسا.. و لكن إذا الأنظمة متخلفة و هي فعلا متخلفة و فاسدة.. إذا كانت الشجرة عايشة فصعب قطعها و لكن إذا كانت ميتة فما في أسهل من قطعها..الأنظمة فاسدة و ميتة.. أنا براهن أنو لو الشعوب العربية اشتغلت أبنهارين بتلعن أبو الأنظمة الإستبدادية.. 300مليون مواطن عربي إذا كل واحد مسك سطل عباه مي و كبو بيصير سيل جارف...... و سلام..! |
اقتباس:
|
| الساعة بإيدك هلق يا سيدي 10:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون