افيون الشعوب :pos:

يا سيدي انا بحترم رايك جدا و بحطوا على راسي من فوق و يمكن انا مبالغ شوي لانو مبارح كنت معصب من شغلة صارت قدامي بالشارع وبالغت لانو كنت ناقم شوي على كل حال هذا ما بيعني التراجع عن كلامي بس بدي ذكرك بشغلة شفت الديمقراطية شو ساوت بلبنان و فلسطين و شو رح تساوي بالعراق و شو كانت رح تساوي بمصر هذا كلو لانو في مفهوم صغير لازم انركز علي انو غلط كبير و مميت انو انطبق ديمقراطية الغرب بدولنا لانو و هي من احد اقوالي الماثورة اذا بتحب تسمعا انو يجب ان يكون لكل شعب عربي ديمقراطيته الخاصة التي لا يجوز فيها تقليد الغرب الا في حالات نادرة و لانو نحنا مو فهمانين هل نقطة عم نروح حالنا بطلب الديمقراطية
هلق بشرفك كلمة حق تقال البلاد الي بنظرك انوا حكاما دكتاتوريين صار فيها نزاعات طائفية شي طبعا لاء
والعراق على ايام صدام حسين ما كان في شي و شفت هلق شو صار المهم لازم كون في شي تدريجي يعني مو دغري تجينا الديمقراطية طب عوشنا هيك وانا بزيد شرف بسماع رايك اكتر و اكتر

شكرا عالرد أخي, كلامك صح و ماني ضدو
و الديمقراطية يللي عم تحكي عنا بالعراق هي مانا ديمقراطية لأنو الديمقراطية ما بكون اسما ديمقراطية إلا إذا كانت نابعة من الشعب نفسو ما ديمقراطية الغرب متل ما قلت يعني أي شعب محتل مستحيل تصير عندو ديمقراطية ما لم يتحرر و يتخلص من الأفكار الرجعية اللي مسيطرة علي
يعني صدام سني و طبعا السنة أقلية بالعراق بيشكلوا حوالي 30% بس صدام اضطهد الشيعة مع أنن أغلبية و طبعا ما كانوا يقدروا يفتحوا تمن بس نتائج هالقمع لازم تظهر و طبعا ظهرت بعد سقوط حكم صدام( صدام كان رح يسقط عاجلا أم آجلا لأنو ما ممكن يستمر شي مبني على الغلط) يعني يللي عم يصير هلأ نتيجة الحكم الديكتاتوري سابقا ما نتيجة الديمقراطية (و لو أنو الديمقراطية اللي بالعراق ما بسميا ديمقراطية )
و يللي عم يصير بلبنان هوي طائفية داخلة بالبلد من زمان و للأسف دخول سوريا إلى لبنان ما زاد إلا الطين بلة برأيي و يلي عم يصير هلأ هوي نتيجة الظروف يللي مرت بلبنان ما الديمقراطية
هي بفترة الخمسينات و الستينات كان في ديمقراطية بلبنان مالا مثيل , و ما كان في هي النزاعات لحتى دخلت الطائفية فجأة و شعلت البلد
يعني الديمقراطية ممكن تتحقق بتآلف كل الطوائف و الجهات بعيد عن اضطهاد بعض الأطراف و بعيد عن الحكم الديكتاتوري اللي بالطبع رح يدعم فئة و يضطهد فئة

يسلم تمك يعنييي هيك انت اخذتني بحلمك و اقنعتني قول هوي من الاول نحنا مو مختلفين بشي كتيييييييييييييييييييير يمكن انا عم احكي هيك لانو تعودت علقمع يعني صار من متطلبات الحكم ببلادنا

المعني الحقيقي للديمقراطية (حكم الشعب للشعب) بالنسبة للمواطن العادي لا تعني الترف الفكري المصاحب لهذا الأسلوب من الحكم من حرية الانتخاب وحرية تكوين أحزاب ...........الخ
بل يعني في عرف المواطن العادي حياة كريمة في حدود دخله الذي يتحصل عليه من عمله مع ضمان توظيف ابنه
والشعور بوجود مستقبل مشرق
ديكتاتورية أو ديمقراطية أو ثيوقراطية أو حتي ملوخية المهم تحقيق ذلك للمواطن بمستبد عادل أو بأحزاب وتداول سلطة
ولكن هل يتحقق ذلك فعلا علي أرض الواقع؟
وهل تحصل النخب الحاكمة التي وصلت للحكم عن طريق الديمقراطية غلي نفس امتيازات النخب الحاكمة القابعة علي أنفاس شعوبها بالخكم الديكتاتوري المطلق؟
هل يشعر المواطن بالفرق في أسلوب معيشته بتغير أسلوب الحكم؟
أسئلة لابد أن تجد اجابة وافية قبل الاختيار مابين الديمقراطية والديكتاتورية أو المستبد العادل

من البديهي أن يشعر المواطن بالفرق إيجاباً تحت ظل الديمقراطية ...........وبمناسبة الحديث عن الديمقراطية.....................
أردت العودة إلى سؤالك الأساسي و أقول من حق الشعب أن يتمتع بالديمقراطية و أن يحرم منها في الأمور التي تخص الطائفية في هذه النقطة برأيي يجب أن يكون نظام الحكم ذو قبضة حديدية فعلاً . شكراً على الموضوع:D

أوافقك الرأي 100%
علي أن تراعي الدبمقراطية احتياجات المواطن الضرورية ولا تتحول الي ديمقراطية نخب تعيش بمعزل عن الشعب

كلام حلو ...
ذكرتني بقول لجمال الدين الافغاني
لا يصلح الشرق الا مستبد عادل ..

وع فكرة هاد موضوع لحالو................