|
مرحبا شباب في السبعينات عندما كنت في سورية كان الدولار 2,5ليرة سوري والناس عايشة ومأحلاها والموظف كان راتبه يكفيه ولكن طبعآ بعد التطور والثورة والحكم وشعارات الى الأبد أصبحنا نأكل بعضنا هذا من ناحية ........ من ناحية اخرى كان كل واحد من النظام مختص بقسم معين للنهب مثلآ قائد سرايا الدفاع الفذ كان مختصآ بطبع العملة فئة ال500 ليرة سوري بدون رصيد لدفع رواتب عصابته وهذا أدى الى فرط قيمة الليرة السورية.......... وأخرون كانوا مختصون بتحويل أرض هذا الوطن الى مكب للنفايات الكيماوية والمشعة وآخرون مختصون باستيراد السيارات وتسليمها للشعب بعد 15 سنة من التسجيل عليها بعدما فقدت الليرة السورية قيمتها وأصبح الدولار ب50 ليرة سوري ماشاء الله على هذا التطور أرجوكم قولوا للذي يكتب هنا مع النظام بأنني أستطيع أن أكتب مثله بالفصحة وأن أسرد له كتابآ كاملآ عن الظلم والقهر وعن الفساد والسرقة الذي عانى منه ومايزال شعبنا يعاني وكأن الشعب تحت نير استعمار من نوع جديد
ان النظام عمل ومازال يعمل بشتى الأساليب على تجويع شعبنا وحرمانه من لقمة العيش وعندما يجوع الشعب ينسى أن يفكر بالسياسة أو بالحقوق التي يملكها وانما ينصب تفكيره على لقمة العيش التي يجب أن يؤمنها كل صباح ............. أنا لست امبرياليآ ولست أمريكيآ ولست خائنآ و أحب وطني أكثر من نفسي |
خائن جاسوس عميل طابور خامس ......................
الكل بيعرف أنو الفساد أكلها لسوريا وأكل الشعب بطريقو برأيك شو الحل نغتالو !!!؟؟!؟!؟! نعمل انقلاب ....(واللة بيقلبونا بالأرض وبيزرعو فوقنا ملوخية) نشكل حزب ونشارك بالسلطة (بيعتقلونا وبعدين اللة ما بيطلعنا و إذا بيحكي فينا بيعتقلو كمان) أعتقلوه لنبيل فياض لأنو بدأ بتشكيل التجمع الليبرالي (ليس حزبا) منيح ما فكر يشكل حزب كانو نفوه إلى جهنم تصور يرعاك الله أن سوريا عشرين مليون بني ادم لهم نفس الإتجاه السياسي -الحزب-ولهم نفس الأراء ونفس الأهداف(أليس هذا أحد دلائل وجود الله) أليس هذا أحد دلائل وجود الإستبداد بالسلطة الحمار بينزعج لما بتقلو صاحبك راكب عليك |
يامواطن الحل بالخروج للشارع والاعتصام كما حصل في أكرانيا ............... الحل عدم الخوف ............ وشكرآ
|
ولكن يا عزيزي علماني مهما حاول الأخوة في المعارضة العمل على إسقاط هذا الحكم الفاسد،،،، ستضيع جهودهم ولن يفلحوا ما لم يكن لهم منبر إعلامي يستطيعون من خلاله إيصال صوتهم إلى كل بيت في سوريا،،،، لزرع الأمل في النفوس وحث الشعب على التحرك للتخلص من جلاديه،،،، وان معارضة بدون إعلام،،، تشبه من ينفخ في تلك القربة المثقوبة،،،،،، الإعلام ثم الإعلام يا أخوة ،،،، واني على ثقة أن كافة المغتربين الشرفاء سيساهمون بسخاء في تمويل قناة إعلامية وطنية تعبر عن صوت الشعب،،، وتكون قاطرة التغيير المنشود في سوريا.
|
اقتباس:
هيك ضربة وحدة بدك يانا نعتصم خيو أنا معك بتروح نعتصم هدول اللّي عم يمنعو كل أنواع حرية الرأي من صحف ومجلات ومحطات تلفزيون بالإضافة لمنع الإجتماعات والندوات الناقدة للوضع هدول بدون يخلوك تتظاهر ضدهون اقتباس:
|
الله يخلصنا من هل النظام الي نشف البلد !! والله واحد بينحرق دمو لانو عنا هيك رئيس والواحد مو قادر يعمل شي !! لك سوريا الي فيها كل الموارد الطبيعية تقريبا وفيها سياحة اثرية وسياحة دينية بتصير بلد فقير !! انعماا اذا ملك الاردن الي عايش على الاعانة وبيشحدو نفط من السعودية والكويت وبيشحدو ماي من سوريا واليهود ماقال عن بلدو انو فقير فشلون هيك بشار بيقول ما بعرف والله ! شوفو كيف الاردن بيجيب مصاري على البلد وشوفو لبنان كيفك بجيب استثمارات وسياحة وشوفو عنا بسوريا !! وبيقلك سياسة بشار اصلاحية !! ولك*** على بشار وعلى نظامو وعلى سياستو ...
يا عمي الشعب عنا مسكين مضحوك عليه بصدق اي شي وبيسكوت والله مغلوب على امرو .. الحل اكيد بيكون بتشكيل احزاب ولو سرية بسوريا وبرى سوريا وهي عليها انو اتقوم بالتوعية السرية للشعب هي بعتقد انو قبل اي شي لازم واحد يشرح لهل الشعب المكبوت والي مو متعود غير على قبول اي شي وقبول الامر الواقع للاسف . تعديل إداري من كهربجي مثقف: الرجاء عدم الشتم، ولأنها أوّل مرّة رح مرّقها بدون تنبيه. |
شي غريب كتير ............
شكلكن شعب نظرتو سوداوية بالحياة بداية سوريا مليانة خير صح بس مو الحق ع الأسرة الحاكمة متل عم تحكو أبدا ولا الفساد منها بس انت صرتو تعلقوا اخطائكن و غبائكن و ضعفكن ع الحكم لأنو الحق بالأول ع الشعب يعني ... الحرامي ما بيصير حرامي اذا ما شاف شي داشر ما حدا عم يحافظ عليه كل المسؤولين ما بيختلسوا و بيرتشوا اذا ما انت عتيطو المصاري يعني لما بتكون ما بتستاهل و ظيفة وما معك شهادة و بدك تشتغل ما بتدور ع شي بتفهم فيه بتدور ع شي يعمل قيمة قدام الناس و بتبلش تدفع رشاوي للمسؤول و تدور ع واسطة لحتى يوظفوك لهيك ما تقول عن المسؤل عم ينهب لأنو حضرتك اللي خليتو يسرق و يرتشي أما عن الشعب السوري من يوم الي تولي فيه سيادة الرئيس بشار الأسد سيادة الدولة و البطالة و الفقر عم ينخفض بالمقابل مستوى المعيشة عم يرتفع يعني رواتب الموظفين من 6 سنين الماضية عم ترتفع شي زيادات و رفيعات و مكافأت بتعرف انو كان المتوسط لدخل الفرد 5000 ل . س بينما هلأ متوسط الراتب للموظف 10000 ل . س إضافة الى ان سقف الرفيعات ارتفع وووو ... انا شخصيا كان راتبي 5700 و راتبي هلأ صار 12400 ل . س انت وين شايف الفقر و البطالة روح شوف بمصر ......... أو بالجزائر بليبيا بتونس و الا بالمغرب .... يازلمة تاركين الدنيا كلها ولا حقينا بعدين عيب كير عليك لما بتقول : ولما يهرب بشار أو .... وين يا صاحبي رح تكون؟؟ ليش بدو يهرب ؟؟؟ نحنا اللي خرنا رح نبقى عند كلمتنا حقيقة الدكتور بشار ما خذلنا و نحنا مارح نخذله .. اذا بتفتكر قصقصة جوانج الأخوان المسلمين دكتاتورية يا مرحبا بالدكتاتورية لو ما كان حط حد للأخوان المسلمين من الثمانينات شو كان صار فينا ... يا زلمة نحنا عايشين بأمان و الحمد لله بربك عطيني اسم رئيس دولة عربي شعبو عايش بديمقراطية و مرتاح و مبسوط و ما بيعاني من البطالة أو من الأمية و التخلف و الجهل أو من تدخل الأخوان المسلمين و من المصايب اللي عم بيسببوها و كل أمورن ياسلام أو ما بيعاني الشعب من الأسبداد و الظلم أنا بتحداك اذا بتلاقي " مع احترامي للكل " بالسعودية روح و شوف الأسرة الحاكمة اذا بتشوف بنت ماشية بالشارع و بتعجبن دغري بيغتصبوها و ما حدا بيسترجي يفتح تمو .. يا حباب مو اللي رد عليك بالخسة بس انت مو حابب شوف بلدك بصورة منيحة صدقني لو يصحلك تنهب متل غيرك مارح قصر .. لهيك ما تقسم علينا ولا تكبر بلحكي مع الناس اللي بيخالفوك الرأي مو شطارة لما بتتصيد الثغرات ببلدك الشطارة اذا بيشتغل بضمير بتعرف لو كل شخص مغترب بينجز عدد ساعات عمل جدية متل ما بيشتغل ما الشركات الأجنبية كنا اغنى ولو بيحترم الوقت و العمل كنا احسن بكتير بس هاد مو معناه نحنا مان مناح عن جد سوريا البلد الوحيد اللي بعيش وحدة الأديان بصدق مو بالحكي و فيها خيرات و طيبة قلب و كرم هاد ما اجا من فراغ ... |
اقتباس:
هوي صحي لسا في موظفين رواتبن شي 10000 و بروحوا للأكل و الشرب و آجار بيوت بدون ما يتوفر منهن شي، و صحيح في بعض ال"منتفعين" من السلطة بيتسلبطوا على بنات العالم، و صحي 99 بالمية من شباب سوريا يا بيشتغلوا بغير تخصصن أو ما بيشتغلوا بالمرة، بس بتضل هي نعمة، شو هالحكي، رغم وجود الرفاهية و حقوق الإنسان المحترمة في دول الغرب، بس هدولي ناس مدللين، يعني مو خرج دعك، نحنا مدعوكين و مدربين على أقصى الظروف، طبعا الفضل للتصحيح و الثورة و القائد و منطلقات الحزب، و كمان نحنا ما منطلع لفوء مشان ما تنكسر رئبتنا، نحنا منطلع لتحت مشان نأدر النعم يللي نحنا فيها، هوي بيني و بينك نحنا الشعب ما منستحق النعمة، عنا هيك حكومة عمبتعودنا على دعك الحياة و نحنا مو مئدرين، نحنا رفيسين نعمة، مو مأدرين النعمة يللي نحنا فيها. :o :o :o :jakoush: :jakoush: |
اقتباس:
انت اللي عم تحكي عن حقوق الإنسان لا تبعد كتير شوف شو عم بيصير بكل الدول العربية ... اما عن الناس اللي عم تحكي عنن بدول الغرب روح و شوف الشعب المطرمخ من المخدرات و عباد الشيطان و الجنس و الأمراض اللي ما الها علاج ... يا زلمة آآآآآآه الحقيقة الشخص اللي ما بيحس بانتماء لوطنو بيبدا يتعامل مع الوطن بعنف و سلبية .. يا أما بيحكي ع لسان غيروا أو بيحكي بصيغة الجمع ليفرجي العالم انو مظلوم ... جد في مشكلة لما بترد ع بعض العبارات بطريقة مو منيحة و كانك ما عم تفهم البعد الثالث من الجملة " انا عطيتك مثال لم حكيت عن الرواتب و كنت بقصد انو المعيشةعم تتحسن و في فرص عمل كتيرة بدي اسألك برأيك ليش العراقيين اللي اجو من سنة ع سوريا عم يلاقو شغل و شباب سوريا ما عم يلاقو ... ؟؟!!! بظن في تنبلة بالموضوع مو هيك صدق انو فرص العمل موجودة بس ضروري نعترف انو الشبابنا بدهن كل شي ع الجاهز بلا تعب ... الله يرحم ( الكلاس ) اللي لملم مصاري الناس و هرب شو السبب دخلك ؟؟ لأنن تنابل بدن السما تنزل مصاري بلا شغل ... راحوا الناس وباعوا بيوتن و استأجروا لحتى يحطو المصاري عند زلمة عمل حالوا اقتصادي و بدو يعطين فوايد و ارباح كبيرة ...اذا نسيت بذكرك ... و في اناس تركت شغلها و لملمت مصرياتها و شقى عمرها كلوا و حتطوا بأيد الكلاس ...و النتيجة ازمة اقصادية رهيبة بلبلد ... واسا بتحط كل الحق ع المسؤلين ؟؟ ملاحظة انا ما عم الغي فكرة الفساد من بعض المسؤلين المرتشين بس السبب الحقيقي هو الناس اللي بدها مصلحتها مو مصلحة البلد بعدين لا تفهم من كلامي انك لا تطلع لفوق انت حر أو تبقى عم اتطلع ع الأرض اصطفل بس بقلك اطلع قدامك ... و اذا بدك التغير لبلدك منشان يصير احلا فيك تبلش من حالك لا توقف محلك و تطلب من غيرك يتمرد ... التمرد بيبدا من انك ترفض السلبية اللي عم تعيشها و ما تنكوش الثغرات ... ما في نظام بالكون في عدل .. كل الأنظمة تعيسة و بتعيش الفساد و الظلم و التخلف و الجهل والفقر و الضعف و الإنحراف و الانحلال لكن بيبقى بعيون محبي بلدنا انو نظامنا الأفضل لألنا مو لغيرنا و نظام غيرنا افضل الن مو النا ... بالآخر اذا بدك ترد رد بشجاعة و قنعني لا ترد بمسخرة انا ما بحب الشباب المايعين ...مع احترامي الك و لغيرك |
مدري ليش هون بدا تكون أول مشاركاتي بهالمنتدى الكريم
نحنا الشعب السوري العظيم غرقان وعم ندور عالقشه مشان نتعلق فيا وما نغرق, يا عالم والله عجيبه هالشغله, يعني أصلا القائد تبع هالحزب المعارض حرامي اكل لشبع وراح صار يصيح عَ جماعته, ونحنا صرنا نسفقلو ونسينا شو عمل,الد. بشار الاسد يمكن فتحلنا منور صغير بالقبر اللي عايشين فيه, ويمكن تكون نيته كويسه بس يا حبالتيها لأنو على فرض انها كويسه ما راح يقدر يقلع كل الحراميه اللي هنن أصلا الكرسي تبعو ونظام الحكم تبعو. يا بشر يا أوادم تطلعو نحنا كيف كنا عايشين قبل قوبة هالحراميه, وطلعو كيف صرنا عايشين هلق يعني عَ ابسط متل شوفو البيوت العربيه اللي كنا ساكنينا وطلعو عهالقبور اللي عم يقعد فيا الشعب هلق (هادا ازا لقالو الواحد قرنه ينقبر فيا) بنفس الوقت شوفو الشعوب المجاوره إلنا اللي كانو عايشين بخيام وبيوت طين شو صارو هلق !!! منضلنا منحكي ومنسب ومنعارض بس يا ترى هل كل هالكلام بيجيب نتيجه ؟ هل سوريا بوضع بتتحمل في انو يصير تغيير في النظام ؟ نحنا الشعب نحنا الأمه العظيمه, القائد عمرو محدود بس نحنا اللي ما منموت . وعلى فكره أنا بنفس الوقت بحترم القائد بشار الأسد على الرغم من انه معيشنا عيشة ..... بس رفع راسنا بحرب لبنان بالوقت اللي روس (العرب) كلها نكست باقي شغله وحده بدي قولها للأستاذ رقي فلسطين خطفت وهي تنظر تلك العين وتصرخ يا عرب... العراق طعن في جوف قلبه وهو ينظر تلك العين, ويتمتم ياعرب... وهاهي لبنان وضعت السكين على عنقها ونظرت إلى العين ذاتها وصرخت يا عرب... هل علمت عين من هي تلك العين يا رقي ؟؟؟ إنها عين العروبه !!! فتبا لتلك العين وصاحبتها وتبا لها وتبا لها........ أنا إبن الأمة السورية العظيمه . آسف على قسوة كلامي |
هو هذا الواقع الذي تتحدث عنه وأين رأيته هل قرأته في كتابات ميشيل كيلو ورياض الترك وغي ،لا أدري هل الوطنية بكيل الإتهامات قب كل حدب وصوب، هل الوطنية بأن تحمل المسؤولية لشخص واحد (أريد من كل واحد منكم أن يحاول وضع نفسه في مكانه) أليس على كل فرد من هذا الوطن أن يتحمل مسؤوليته ،سأسألك يا صديقي بعض الأسئلة
هل السيد الرئيس طلب من موظف النفوس أن يرتشي؟ هل السيد الرئيس طلب من الشرطي أن يأخذ تعريفته على كل إشارة(25ل س)؟ هل السيد الرئيس هو من صنع السارقين والنصابين وأصحاب المحسوبيات في مرفأ طرطوس واللاذقية؟ ماذا تريد من السيد الرئيس أن يفعل.....!هل تظن أنه إله أو ساحر يقلب البلد رأساً على عقب في لمح البصر ..............؟؟؟؟!!! هذا فقط داخلياً فما بالك العلاقات الخارجية والضغوطات وأميركا واسرائيل والجولان ولبنان..................................... أريد من كل مواطن أن ينظر حوله جيداً ويمعن التفكير ،أنا واثق أنه سيستنتج أه لو كل مواطن انطلق من ذاته وحرك ضميره المثقل بالغبار ستحل معظم المشاكل المحيطة بنا ولا أدري إن كنت ستجد فقيرا من الذين تتحدث عنهم يا أيها الشباب أناديكم نداءً نابع من قلب متحسر : تحملوا مسؤولياتكم وغداً عندما تستلمون وظائفكم في هذا البلد الحبيب لا تتستروا خلف الشعارات الوطنية لتمارسوا فسادكم كما يفعل أغلب المسؤولين والموظفين حالياً كونوا عوناً لهذا القائد العظيم الذي جعل كل سوري يفخر بنفسه لأنه يملك الكرامة التي يفقدها أغلب الشعوب العربية بسبب خيانة قادتها .يملك الوحدة الوطنية التي جعلت من بلدنا الحبيب سداً في وجه الهجمات المتلاحقة إن كنتم تغارون على مصلحة البلد فلا تتواطؤوا مع العملاء في الدول المجاورة والغربية وانضموا إلى اللحمة الوطنية وكونوا عوناً في الإصلاح لايداً للإستعمارره |
اقتباس:
هادا مانو قمع اقتباس:
اقتباس:
اقتباس:
اقتباس:
اقتباس:
اقتباس:
بالمناسبي ذكرتوني بشعار فوضوي شوي مخابرات خنازير مجرمين :lol: اقتباس:
|
اقتباس:
عيوني انتي "انظري حولك جيدا و أمعني التفكير" و شوفي المصايب يللي الشباب واقعين فيها، و يا ستي الشباب مو بس عميتحملوا المسؤوليات، و كمان عميتحملوا نتائج أخطاء المسؤولين من الرئيس و إنتي نازلي. بظن الواحد قبل ما يفكر إنو ما يخون رئيسو، لازم يفكر إنو ما يخون شعبو، ما يخون ولاد بلدو و أهلو و ناسو. روح غسلي وشك و اصحي و شوفي البلد وين واصل، روحي شوفي المظاهرات يللي مبينة متل عين الشمس إنها مفبركة و الناس جايين بس لتمسيح الجوخ، شو ماشفتي حلقة مرايا لما عاقبوا الموظف لأنو ما "نخ" بالدبكة؟؟؟؟؟؟؟ |
شكرا شباب للردود والتواصل أنا أسأل هؤلاء الذين يدافعون عن بشار وعصابتة ... عندما تدافعون عن هذه العصابة ... ألا تدافعون عن كل سجن ومعتقل وكل عملية تعذيب جرت في سوريا وخارجها؟ عندما تدافعون عن هذه العصابة ... ألا تدافعون عن كل فرنك سرقه بشار وأعمامة وأخوالة واولاد الخال والعم والخالة والعمة .... ؟ عندما تدافعون عن هذه العصابة... تدافعون عن كل أعمالهم الاجرامية واللصوصية من تهريب المخدرات الى تبييض الاموال الى بيع وشراء النساء والاطفال الى التعامل السري مع اسرائيل ... لا دفاع عن هؤلاء الطغاة بعد اليوم ... |
اقتباس:
و الغادري وجماعتو .. وطبعا الي بيشد على ايد المعارضة . اقتباس:
اقتباس:
اقتباس:
اقتباس:
|
شكرا للصديق العزيز علماني وللاخ الفوضوي وللحبيب ابو طريق...وللجميع على التواصل أما بالنسبة للصديق اللدود! صياد الطيور... أنا أؤمن بأنني مناضل ضد الطغيان الذي أتانا به حزب البعث ثم اسرة المافيا الأسدية بقيادة الخائن بشار وكل سوري شريف سيناضل ضد هؤلاء الطغاة حتى تأتي الحرية الى وطننا الحبيب سوريا! طبعا في الوقت الذي سيطلع بأيدينا... فأكيد ساعتها رح يطلع بأجرينا... وبتمنى ساعتها تكون موجود ... وتلحق حالك بشي بصطار!! مع اعتذاري |
| الساعة بإيدك هلق يا سيدي 07:20 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون