|
اقتباس:
يعني برأيك الشخصي مابدو اعدام ؟ يوم بتشوف الناس انو هيك جرم انعدم فيه المجرم بتصير تحسب الف حساب قبل ما تعمل اي شي |
اقتباس:
|
اقتباس:
مافي غير الأعدام لوفي شي طريقة تانية ابشع بكون احسن يلي بدو يقتل العالم ماخرجو غير انو يتشنع فيه |
اقتباس:
مع التدقيق الشديد على حيادية واستقلال وصدق وعدالة القضاء... |
اقتباس:
بس يلي عم بقصدو انا هون انو معظم دول العالم ما بتحكم بالاعدام بتحكم مدي الحياة او احكام متل 200 سنة وهيك اقتباس:
اقتباس:
بس يمكن ما فهمتو عليي يلي قصدتو او انا ما عرفت وصل المقصود بس النتيجة هي انو القانون لازم يضل ولا لازم يلتغى وينحط بدالو غير قانون |
اقتباس:
اي يا سيدي في قوانين كتيرة كتيرررررررررررررررررررررر ر بدها نفض |
شكرا كتير عالموضوع اللي سبقتني عليه لاني كنت ناوية اطرحو :D
اما عن رأيي بالاعدام فهوي انو انا ضدو لعدة اسباب اول شي انو يمكن يكون الحكم خطأ يعني دائما في مجال انو نتهم الشخص الخاطئ بقى اذا حكمنا على شخص بالاعدام وعدمناه وبعدين طلع انو مو هوي المجرم بنكون قتلنا شخص برئ:cry: والشغلة التانية انو في جرائم شنيعة تماما عم تصير بس كتير ممكن تكون ناتجة عن مرض نفسي يعني مثلا الجريمة اللي صارت بمصر واللي انقتل فيها ناس وانقطعت اعضائهم التناسلية فالمجرم اكيد مو اكتر من مريض نفسي يعني هيك شخص برأيي مابدو اعدام بدو سجن مع علاج نفسي..... وانا عن حالي مابلوم هيك شخص بس بلوم مرضو النفسي وتالتا انو ليش لحتى نفكر نقتل المجرمين (حتى لو كنا واثقين تماما انون مجرمين يعني لامظلومين ولا مرضى نفسيين) ليش مابنفكر انو نستفيد منون..... يعني مثلا سجن مؤبد مع اشغال وانو نفرض عليون انو يشتغلو شي يفيد المجتمع وبعطيكون مثال عن قانون حمورابي اللي كان يخير المجرم بين انو يتعاقب او انو يعمر شي للمجتمع متل انو يبني قنوات المي او هيك شي..... طبعا انا ماعم نقول انو حاليا نخيير المجرم بس انو يكون الشغل جزء من الحكم اللي انحكم عليه |
القصة اكبر من هيك كوستا
لانو اهداف العقوبة في القوانين بتنحصر بشقين 1_الردع العام 2_الردع الخاص لذلك الجرائم بشكل عام لها تقسيمات تبعا لمدى الضرر الذي ترتب على الفعل الاجرامي ومن خلال تحديد درجة الضرر تتحدد العقوبة والتي يجب ان تلبي مصلحة المجتمع بالردع الخاص والعام بالنسبة للردع الخاص هو يلي بيتعلق فيه الاعدام لانو بتقسيمات المجرمين هناك نوع من المجرمين يصعب علاجه وتهيئته ليخدم المجمتع لذلك يحكم عليه بالاعدام ليبتر ذلك الجزء الخبيث بالمجتمع وهكذا يتحقق الردع الخاص اما الردع العام فيتحقق بخوف المجتمع والناس من ارتكاب افعال متل فعل هذا الشخص وعلى نفس درجة الخطورة وذلك خوفا من تلقي العقاب يعني من الاخر في ناس بدها حرق وما بينفع معها الاصلاح وفي ناس بردو بدها حرق لانو لو ما خافت راح تخرب بيت البلد فوق ما هيا خربانة واولهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟ تحياتي الك كوستا :D :D :D |
اقتباس:
بالنسبة للجزء الاول من كلامك بعتقد انو حكم الاعدام له اجراءات خاصة يصعب معها الوقوع بالخطا مثل وجوب ان يستنفذ كافة اشكال الطعون و وجوب تصديق رئيس الدولة عليه وجوب تصديق المفتي وجوب ان يمر مدة معينة من وقت التصديق حتى وقت التنفيذ كل تلك الاجراءت تصعب الوقوع بالخطا اما بالنسبة للمرض النفسي فلا يجوز توقيع حكم الاعدام الا على الشخص الذي لديه ارادة حرة ويعتد بها القانون بل ان كل العقوبات يجب ان يكون مرتكب الجريمة عاقل ولديه ارادة حرة يعتد يه القانون وهو ما يطلق عليه الركن المعنوي في اركان الجريمة بالنسبة للفكرة التالتة ما ممكن يتحقق الردع العام وهو من اهم اركان اي تشريع جزائي بدون ما يكون هتاك من الشدة في العقوبات لكي يمنع الناس عن التفكير في ارتكابها طبعا انا بتفق معكم بشغلة انو يجب ان ينحصر الاعدام فقط بالجرائم الغير عادية والتي لها اثر وضرر كبير تحياتي الك اخني العزيزة :D |
اقتباس:
بس للأسف مافيي اقتنعت بهي الفكرة لانو الخطأ كتير ممكن يصير مثلا بخطأ احد الشهود الاساسيين او احد الادلة الاساسية اللي رح يأثرو على سير كل المحاكمة وكل الطعون وبالتالي كل الاشياء اللي ذكرتها مارح تصحح الوضع اقتباس:
اقتباس:
بالاضافة انا ماعم احكي عن تساهل كبير بالقانون..... يعني اللي بدو يفكر بنتيجة وعقوبة جريمته رح يفكر انو مو سهلة يقضي كل عمرو بالسجن وعم يشتغل شي شغلة لخدمة البلد بس مارح تفيدو هو باي شي..... يعني بالنسبة الو رح تكون شبه عبودية وهاي مانها شغلة سهلة ابدا :D |
| الساعة بإيدك هلق يا سيدي 06:01 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون