|
اقتباس:
مع تحياتي |
اقتباس:
|
اقتباس:
الانسان هو من الكائنات اللي بتتكاثر عن طريق الجنس. ومافي اي طريقة تانية للتكاثر عند الانسان الا الطريقة الجنسية ( حالياً على الأقل ) بالتالي الرغبة الجنسية و الجنس و المتعة الجنسية , هي خواص موجودة عند الكائن البشري بهدف الحفاظ على النوع و التكاثر ..و الشي الطبيعي هون انو يكون الانجذاب بين ذكر و انثى هلق كون انو في حالات ما بتتوافق مع القاعدة هاد الشي ما بيعني انو هالحالات طبيعية أبداً ...يعني هي حالات شاذة أو حالات استثنائية أو خاصة ..و لا تشكل قاعدة ثانية بديلة اقتباس:
الفكرة الاساسية هي فكرة المؤسسة الزوجية و الهدف التهائي منها... الزواج كفعل يهدف الى انشاء أسرة اليلي هي خلية المجتمع الاساسية و بتشكل نواة صغرى لأي تجمع بشري مهما اختلف مستواه الحضاري الزواج احداي الجنس ما ممكن يشكل أسرة بشكل ذاتي ...يعني هو ما بحقق اهداف الزواج..و التبني هون هو عملية التفاف ع الامور لأنو بالتهاية الطفل المتبنى لازم يكون نتيجة اتصال جنسي طبيعي...و من جهة تانية ما من حق حدا انو يقرر نيابة عن هالطفل انو ينشأ تحت جناح ذكرين او انثيين خلافاً للوضع الطبيعي اذا كان الهدف من فكرة الزواج احادي الجنس هو تمكين الثنائيات الشاذة جنسياً ( و انا متمسك بكلمة شاذ لأنو خارج عن القاعدة ) من اقامة علاقات جنسية تحت غطاء شرعي ..فما في داعي نسمي زواج لأنو الزواج الحقيقي ما بيهدف للجنس يا أخي يمارسو شو ما بدن ..وقفت يعني ع كلمة زواج ؟؟ اي شو هافذلكات ؟؟؟ و اذا مشان البيت و السيارة بينحط قانو خاص يتعلق بفض النزاعات القائمة ضمن شركات تبادل الجنس المثلي و خلصنا بعدين لك خيو انو ما النا شغلة غير الشاذين جنسياً ؟؟؟ انا من جهتي بقول يقبروا بعضن ...يحبو بعضن ..يصطفلو ..المهم ما يتفلسفو ع سمانا كتير. |
مرحبا ابو شريك
شو تعريف الشيء الطبيعي؟ الشيء الطبيعي هو الشيء يلي بيحدث بدون أي تعديل خارجي او تدخل مسبق من العقل البشري. يعني بدون تخطيط و تجهيز مسبق. ضمن هل سياق, يلي هوي فعلا التعريف الدارج و الوحيد لكلمة طبيعي, الانجذاب الجنسي يلي عم يصير بين المثليين جنسيا, ان كانوا بشر او حيوانات, هوي شيء ناتج عن طبيعتهم.. هوي شيء طبيعي بالنسبة لهم. يعني انجذابهم للطرف الاخر متل ما الانسان السوي بينجذب لشخص تاني.. بطريقة طبيعية هلأ هون قصة المتعة بالجنس عند الحيوان, هي الفكرة الكبيرة الجديدة يلي رح تقلب الأمور. اكتشاف وجود جنس عند الحيوان "فقط للمتعة", يعني ان الجنس عند الحيوان ايضا له اهداف غير التكاثر فقط.. و هادا بيزيد من طبيعية المثلية الجنسية او بالأحرى طبيعية العملية الجنسية كلها ع بعضها... يعني هي ليست مجرد الية مبرمجة بتحصل عند الحيوان في وقت معين من السنة... بل ممكن تحصل بأي وقت. و هادا يلي عم يتم ملاحظته. في حيوانات عم تمارس الجنس خارج مواسم التكاثر... و لما الانسان يدرك انو الجنس "بالطبيعة" ليس هدفه فقط التكاثر... معناها صارت الممارسة الجنسية بهدف المتعة فقط (المثلية الجنسية مشمولة هنا), هي شيء طبيعي و أيضا, لما يكون في عندك نسب معينة, فهل بيضل الأمر شذوذ؟ يعني المثلية الجنسية إلها نسب معينة بكل مجتمع و عند كل فصيلة حيوانية.. مثلا نسبة النساء 1.4 % بأميركا و نسبة الرجال 2.8% باميركا كمان يعني مثلا شو تعريف الشذوذ. فقط هوي كون الإنسان مختلف عن الأغلبية؟ يعني مثلا اللادينيين العرب هني شواذ؟ و كونهم شواذ عن القاعدة العربية... هل هادا بيعني انهم غلط او في شي ما طبيعي بطريقة تفكيرهم؟ لازم نعرف شو معنى المفردات يلي عم نستخدمها و شو المقصود منها بالضبط و الفكرة الثانية يلي حضرتك طرحتها هي فكرة الأسرة انا ما بوافق معك انو هدف الأسرة هوي تشكيل خلية المجتمع. صحيح الأسرة هي خلية المجتمع. بس أنت لما تفكر بتشكيل أسرة, بتكون عم تفكر بالمجتمع شي؟ لكن ليش قلت انو الأسرة المثلية الجنسية ما رح تحقق أهداف الزواج؟ يعني ليش برأيك ما رح تكون "أسرة" ؟ مو عايشين مع بعض و عم يتشاركوا بالمصاريف و الأكل و مشاكل الحياة؟ انا ع فكرة اول شي كنت معارض على كلمة "زواج".. انو يا عمي يختاروا غير كلمة... بس بعدين بتفكر انو شو اصلا ما في كلمة تانية... و بالنهاية الإنسان مين هوي حتى يتحكم بحياة الناس بهل المستوى الخصوصي... و شو الضرر يلي رح يوصلني اذا المثليين حصلوا على حقوق الزواج عند الدولة... شو بخسر انا كفرد؟ تحياتي |
اقتباس:
هه لاء تخيل و الله واحد جاي يطلب ايدك...قال شو هو بحبك كتير و معجب فيك....و بحس تجاهك بشعور تاني ..و وقت بيقعد معك بتصير الدنيا أحلا :lol: :lol: :lol: أو مثلاً نكون قاعدين بالروضة عم نلعب شي برتية و يقومو شي شبين يعتذرو ...قال ليش مشان ما يـاخرو ع الولاد :lol: :lol: :P يعني عدم المؤاخذة عدم المؤاخذة ..بدك تعتبرني متخلف ع راحتك..بدك تعتبرني ما بفهم كمان ع راحتك....بس هدول الشاذين مسخرة الله وكيلك ..يعني للضحك و النهفات ايد بايد.... يعني تخيل شعورك انت و قاعد بالسرفيس و الشوفير عم يسبلك بعيونو بالمراية مثلاً :? و متل ما قلتلك ..يصطفلو بس بلا فلسفة....بعدين انو هالنسب هاي شو الها معنى؟؟ انو و الله 1.4 % ؟؟ اي بالخيار في نسبة 60% مي ..بس ما معناتا انو فينك تعمل سلطة بمي و بندورة.... بعدين في شغلة تانية ..أنو فوق ما هني شاذين كمان نقاقين ...انو لشو النق يعني؟؟ مافي غير يا الله نحنا غير شكل..و ياغلله ليك انا بنت بس بحب البنات ..و أصلاً أصلاً بقرف من جسم الشب :shock: أي شو أعملن يعني؟؟ بسايرن؟؟ بروح بعملن قانون زواج ؟؟ عاطلة بكرا يجي واحد يقلي انو عندو ميل جنسي نحو الفيلة ...او مثلاً وحدة بتحب تمارس الجنس مع الخيول العربية الأصيلة ...كمان بعملن قانون زواج .... ما حاجي ماشي ع رغبات و نزعات المجانين و المعقدين نفسياً ؟؟ لسا كان ناقصنا رغبات و نزعات الشاذين جنسياً و غنيلي بودعك |
عادي مان هادا رأيك... بس قانون الزواج او عدمه ما رح يأثر لا على عدد المثليين جنسيا و لا على مشاعرهم
يعني انت اذا عجبتون للشباب رح يضلوا يتحركشوا فيك اذا كان في قانون زواج او لاء ... :lol: :wink: |
شو رأيكون أنو ما نشتت الحكومة الرشيدة و ما نلهيها عن منح حق الحياة لكل الناس بالأول وقبل التفكير باللواطيين والسحاقيات وسائر صنوف الحيوانات الأخرى؟؟؟؟ يعني بالله عليكم حاجتنا تقليد أعمى للغرب .. يعني ياريت نقلد الغرب بالأساسيات اللي ناقصتنا و بعدين وحياة حياة لأسلخلكون مضاهرة أمام وزارة الله لشؤون الكلاب السيامية والقطط الجعارية والسلوقية للمطالبة بحقوقن الجنسية مع البشر ....
|
الصراحة أنا رأيي ضايع بين حشت نشت و جو
مبدئيا أنا أدعم و بشدة حق كل واحد أنو يكون براحتو.... يعني حرية مطلقة, ليش لأ؟ انا شو ضرني اذا شخص بيكون Homosexual ( رجال و نساء...) أنا ما بيضرني بشي أبدا....حريتهم الشخصية . نجي ع الزواج , هون أنا بضيع.... مبدئيا أنا ضد الزواج حتى اذا كان بين رجل و امرأة ( أتفهم قدسية الزواج عند المتدينين.....) بس بالنسبة ألي الزواج ما ألو معنى , يعني اذا أنا متأكد اني اخترت شريكة حياتي, و أني بحبها و كذا....بصفتو شو كاتب العدل أو القاضي أو..أو...ليحكم على هالشي, و ساعة نقرر انو ما خرج نكمل حياتنا مع بعض كل واحد يمشي بطريقو و يا دار ما دخلك شر....مو حرام شقفة ورقة تعقد هالأمور؟؟ هاي نظرتي عن الزواج باختصار.... بخصوص الـ homosexuals ...اعتقد حقهم ...ليش لأ؟!!! بالنسبة للتبني.... هون ما بظن الفكرة مناسبة , على الأقل حاليا....مو بسبب معارضة الفكرة, أنما وضع المجتمع الانساني الحالي ما بيسمح....يعني تصور زلمتين تبنو طفل, و هالطفل بلش يروح عالمدرسة....تصور قديش راح يحس حالو غريب....كمية العقد النفسية اللي راح تنشأ عندو |
انا ضد الفكرة
يعني اول شي بقول حرية شخصية و فخار يطبش بعضو بس كمان اذا اجا اخي او حدا من رفقاتي و طلب مني اني ادعم هالحرية ما رح اقدر يعني ما عم اتخيل انو حدا من ولادي شاذ مثلا لك الواحد اذا شاف صبية حلوة متزوجة واحد بشع بيزعل (يا آخد القرد ع مالو) بقى بدكون ياني ادعم شبين مع بعض؟ يعني مو زابطة منوب و اذا مشان حقوق الزوجية تبعون فبالدول اللي منتشرة فيها هالنوع من الزواج في شي اسمو وصية بيقدر كل واحد يوصي باموالو بعد وفاتو لمين ما بدو (حتى في ناس بتوصي اموالها لحيواناتها الاليفة) عنا بسوريا المجتمع ما بيتقبل فكرة زواج مسلم من مسيحية او العكس لذلك ما رح يتقبل لا هلأ و لا بعدين فكرة هالنوع من الزواج |
اقتباس:
|
اقتباس:
اقتباس:
وبالنهاية ما ممكن انو نفصل الدين عن هالموضوع اقتباس:
اقتباس:
بس نحنا فكرنا بالولد من وين بدو يلاقي حنان الام او حنان الاب وبعدين راح تكون نظرتوا لاهلوا نظرة احتقار مو اكتر بعدين بتجي مرحلة المراهقة وبعدها الشباب وبعدين النضج كيف بتتخيلوا ينظر لهيك موضوع ما بظن انو بيكون الامر عادي اقتباس:
يعني ممكن انو الطفل يتعرض مثلا لاغتصاب من ناس او حتى من اهلوا ويلعبو بالميول تبعوا ويصير شاذ يعني لحد عمر معين فينا نحكم على هالشغلة اما بعد ما يحدد الانسان ميولوا الجنسية اكيد لو شو ما صار ما راح يتغير اقتباس:
لانو مخالف للطبيعة وللشرائع السماوية :D :D :D :D :D :D :D :D :D :D :D :D :D :D |
اقتباس:
اولا لاتحكي بهالطريقة لانو الشاذين جزء من المجتمع بعدين انت عم تحط الحق عليهون بالشذوذ الي هني ما دخلون في يعني ما في بني ادم عمل حالوا شاذ يعني مو ممكن انو ناحسبون على شي هني ما دخلون في اقتباس:
اقتباس:
لانو الناس اول شي عندها حيا والشخص الشاذ ما بيقول انو شاذ وبعدين لو قال كيف الناس بدها تنظرلوا يعني ليصي هالشي لازم تغير كل بلدك تقريبا مع انو انا ضد انو يصير :D :D :D :D :D :D :D :D :D |
زين
بس أول شي حباب بليييييييييز ما بقى تقول انو التحرش الجنسي بالصغر هوي السبب أو إلو علاقة بالموضوع. نسبة المثليين جنسيا بأميركا 2.4 بالمية و ببصملك بالعشرة انو نسبة الأطفال يلي بيتعرضوا لنوع من الاعتداء الجسدي او الجنسي او المعاملة القاسية او يلي بيكون ابوهم لوطي او مثلا ربيوا بدون أب أو بعيلة كلها شباب كبار و كل هل قصص يلي بتنقال حول الموضوع... اكيد رح تكون أكبر... بقى كيف بتفسر صغر نسبة المثليين جنسيا؟ ثم حتى هيك.. و بدون زعل و ما تاخدها شغلة شخصية.. بس بهيك موضوع مفروض يكون عندك نوع من المؤهلات العلمية حتى تفترض هيك فرض... بقى انت من وين جايب هل كلام لأنك لهلأ ما جاوبتنا من أيام موضوعك القديم هلأ برجع لجاوب على أسئلتك: انا قصدت "بزوج" أي شخصين عايشين مع بعض. المعنى انو اي شبين او بنتين بسوريا بيقدروا يعيشوا مع بعض ببيت واحد على أساس أصدقاء.. بس تكون علاقتهم علاقة متل لو كانت بين رجل و إمرأة... عادة بهيك علاقة واحد من هل شخصين بياخد دور الرجل و التاني المرا.. حتى لو كانوا تنين بنات كمان نفس الشي. بقى هيك هني عايشين مع بعض و ما رح نقدر نعمل شي بالموضوع الا اذا راقبتون و حكيت مع شرطة الاداب و طبوا عليهم بشي كبسة و اخدوهم على الحبس... و هيك بيرتاح ضميرك و ضمير الغالي أبو نهلى :roll: انا الحقيقة ماني متأكد اذا كان بإمكان زوج من السوريين (رجل و إمراة) الزواج مدنيا بدون الرجوع إلى الدين... اذا لاء... معناها يا حبيبي!... فينا نأجل قصة المثليين جنسيا و نحاول نحصل حقوقنا نحنا بالأول بوجود الزواج المدني!! ... و المثليين معليش ينطروا شوي... هيك صار في أولويات! مشان الطفل, صعب التبؤ... بس بعتقد بيتعود و ما بيشعر بالغربة... بس صح كيف منعوضو عن حنان الأم أو الأب.... بس بنفس الوقت... ما صح انو في كتير عائلات "طبيعية" بيكون الأب او الأم فيها غائب؟ أو ظالم مثلا ؟؟ في حالة التبني.. الاهل بيخضعوا لشروط معينين... و يمكن بهل حالة يطلعوا أحسن من زوج أهل عاديين. عرفت شو قصدي؟ سلامات |
شباب على سيرة التبني... التبني شو وضعو بسوريا؟ حدا بيعرف؟؟؟
|
اقتباس:
|
اقتباس:
على حد علمي ... التبلي شغال ع أبو موزة .....بس التبني ما عندي علم ... بس بيصير .. لأنو هي بلد "كل شي ممنوع , كل شي مسموح" |
التبني مسموح بسوريا حسب الشريعة الإسلامية يعني بيضل الولد المتبنى على اسمو و اسم ابو و امو الحقيقيين (يعني ما بيعود في تبني بيصير اسمو تربية) بس هنين مسميينو تبني
|
اقتباس:
بعدين ما فهمت عليك ليش قلتلي لا تعملها شخصية :D :D :D :D :D اقتباس:
بحب قللك جوي بالاخر انا لو كنت مثلي ما راح اخجل راح قول والسلام :D :D :D :D :D :D :D :D :D :D |
| الساعة بإيدك هلق يا سيدي 00:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون