|
اقتباس:
يعني اذا في الله فالله انا متأكد أنو ما بيقنعو يعني ما بعرف اذا الشباب بالمنتدى بيقنعوه يتكرم عليي ويجي لهون |
يقول أحمد مطر:
أبي الوطن... أمي الوطن.. أنت يتيم أبشع اليتم إذن.. أبي الوطن.. أمي الوطن.. لا أمك احتوتك بالحضن ولا أبوك حن.. أبي الوطن.. أمي الوطن.. ملعون أبوك وملعون أبو هذا الوطن.. . |
يقول أحمد مطر أيضاً:
(نموت كي يحيا الوطن)!! كيف يموت ميت وكيف يحيا ما اندفن. |
مشكور على التعليق الرائع أبو الفوارس .. :D :D
|
اقتباس:
|
اقتباس:
|
الفكرة حلوة كتير...
و لكن أنا سأتوجه إلى السلبيات كما معروف عني أو سيعرف عني..و سأتحدث عن قالب القصة لأن المضمون جيد.. كانت القصة أشبه بفيلم عربي قديم حيث كل المتفرجين-الحرابيق شوي-رح يعرفوا شو رح يصير و هاد اللي صار معي..لأنو برأيي القصة بتكون أحلى لو ضلينا مشدودين لآخر لحظة لنعرف شو رح يصير.. و كمان الخيال عند القارئ معدوم فأنا لم استطع تخيل شي .. و عادة بعد ما أقرأ القصة بصير بصفن لحالي-في وقت لاحق-و بغير مجريات القصة أو بتخيل حالي محل شخصية من الشخصيات..و هاد بيصير بدون ما أنا سيطر على حالي و لكن بدون تفكير,,و هذا لم يحصل معي... انشالله يعتبر اللي قلتوا نقد بناء ... و سلام..! |
ابو عبسي الغالي مشكور على النقد البناء .. بس في فكرة أنو القصة نهايتها ما كانت معروفة متل ماحكيت .. وأنا نفسي وقت كنت عم اكتبها كانت النهاية مجهولة عندي .. وظهرت فجأة كما يحدث في الشعر .. تكتب وتكتب ولا ترغب في أن تنتهي ولكنك فجأة .. ترى أنها انتهت .. أنت بيجوز ما عشت الحالة وما انشديت بس أنا بعتقد أنو كتير من اللي قرأو أنشدو ..
على فكرة الانشان لما يكون شاعر .. بيفقد المتعة في قرأة الأدب نوعا" ما .. لأنو عميق .. وبيوصل لللب والغاية من الأدب ( على خلاف أنواعه) قبل نهاية الكاتب من طرح فكرته .. مشكور على النقد .. وبتمنى ما توفر شي .. بس برجع بقلك القصة كان فيها متعة واكن فيها شد للقارئ ونهاية غير متوقعة .. :D |
في نهايتين متوقعتين فب معظم القصص...
الحباب يقتل الشرير و يربح...هيييييييييييييييييي يييييييييه نوع تاني أنو الحباب يضحي بحياتو منشان أفكار مبادئ و هيك شي.. أنت نهايتك-على أيدي :P -كانت من النوع التاني و حسب ما أنت حكيت ما كنت عرفان القصة شلون رح تخلص...و فجأة طلع معك شو رح يصير... إذا بتسمحلي فسر..اللي صار أنو عقلك فتش بأرشيفو.. و نقى لحالو-العقل الباطني آل يعني-النهاية اللي بتعبر عن أفكارك اللي دايما عم توصلها بالقصة أنو الوطن و الإنسان و الألم و خلافو..فكانت للأسف هاي هيي النهاية المتوقعة و اللي توقعتا أنا .. و على فكرة شخصياتك ما كانت واقعية..يعني اللي عملوا الابن كان فيه غباء أكتر من إخلاص و تفاني... كان في متعة بالقصة و لكن بتصير مع الزمن أنتع ,,و لا شو.. و سلام..! |
في زجهة نظر بكلامك بس برجع بقلك أنا بالقصة ماني حريف زيادة يعني لا بأس .. أن محترف الشعر .. بس القصة كل فترة وفترة بعمل بريك عن الشعر بكتبلي شي قصة ..
على كلن نقدك مرحب فيه .. أيمتا ما بدك .. وين مابدك .. وأنا بستمتع بس أتناقش معك بالأدب .. :D :D |
يعني الفكرة اللي مكتوبة فعلا بتصلح أنو تكون واقعية لأني وقتها ما بقدر أحكم على الأحداث ..و لكن بما أنها من بنات أفكارك فأنك كان بإمكانك أن تجعلها أحلى بكتير ..بعدين مين قال أنك محترف شعر :P ..
و إذا كنت مستمتعا بالحديث ليش قطعتو أو بالأحرى قلتلي معك حق طيب خلص سكوت هلأ.. إذا ما مقتنع حكي..ما كل مرة تقللي أنا عم جرب ...وجهة نظرك دافع عنها يا زلمي لا تسكتني هيك... لأنو مافي مثقف بيقللو للتاني:هاي وجهة نظرك و أنا بحترما لأنو هيك عم بيقللو أنا ما بعرف رد عليك... ما أنت ما عم تعرف ترد بس الهيئة ما بدك ترد و لا شو :confo: ما كتير تاخد حكيي جد بس رد عليي إذا ما مقتنع.._يعني يببس راسك :evil: - و سلام..! |
اقتباس:
وأنا مستمتع بالنقاش معك كتير :D :D |
| الساعة بإيدك هلق يا سيدي 10:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون