|
اقتباس:
بس الموضوع كان عن فكرة وضع عبارة الحمدالله على نعمة الاسلام (برجع باكد انا ما عندي اعتراض على العبارة كعبارة ) بس انو اختي انتي ما عاجبتك هالكنيسة اوكي بتقولي انا ما عاجبتني هالكنيسة لانو في شي اسمو احترام الموتى بس لما بتكتبي هالعبارة كانك عم تقولي انو الاسلام احسن من المسيحية وانو الاسلام ما بيغلطو وهادا مهاجمة للمسيحية هلأ انا ممكن افهم انو ناقلة الموضوع ومن ضمنو هالعبارة واعذرا وجاد و عالم تانية كمان بس بدها تحسب حساب انو في عالم ما رح تفهم هالشي ورح تهاجما ولهيك انا حكيت هالحكي :سوريا: |
صح كلامك
سمايلي أبو وردة |
اقتباس:
فكرة الإستمتاع بتعذيب الأحياء قصدتها بالموضوع الأخر..تبع فيلق بدر اللي كاتبوا أحد الأخوان..واللي بيحصل في العراق وكثير من البلدان..واللي حصل في أسبانيا في غرف التقتيش:cry: معليش يمكن المواضيع تضاربت معي..لأنوا منظر بيقشعر البدن..ماقدرت أنام أنبارح بعد هالمناظر البشعة:shock: ماتواخذينا أختي.. أنا مارفضت فكرة غيري..وبغض النظر عن الكنيسة..أنا بتكلم عن منظر الجماجم...لو تسألي أي عاقل محترم ..(يعني مطلوب نحترم الإنسان بمجرد إختلاف الفكرة بينا..ومانتحرم جثته أو عظامه؟) عن منظر هالعظام شو بيقول..؟؟ أنا بتكلم عن الإنسان اللي بيحمل معاني الإنسانية بنفسه..كيف بيرضى هالشئ مولنفسه وبس بيرضى هالشئ بعظام أمه أو أبوه..أو حتى فلذة كبده؟؟؟ برأيي لا ياأختي...أنا عن نفسي راح أعمل إستبيان على هالصور وأشوف نتيجة الدراسة ولمختلف فئات الناس..واذا بدكم أعطيكم النتائج..وممكن مبدأيين نعمله هون بالمنتدى.. أي أختي الله قادر..لكن لاتنسي أنو أمرنا نحترم الميت..وحرمته حيا" كحرمته ميتا" ماتفرق..وهيدا معنى الحديث.. بتمنى وصل قصدي... |
|
اقتباس:
ابدا بس يعني معقول :cry: |
اقتباس:
ومنشان الاستبيان..... هي الفكرة حلوة بس لاحظ انك رح تعملها ضمن مجتمع اغلبو اسلام وعرب ومتعصبين للاسلام والعروبة كمان يعني رح يكون الون رأي واضح والغاية الاساسية منو هوي التشنيع بالغرب وبالتالي النتائج مو حيادية ومشان الناحية الانسانية للموضوع انو ماحدا بيقبل يعمل هيك شي بعضام اهلو.... انا معك بهالشي ومافي عقل انساني بيتقبل يشوف صور لجثث ميتة الا مايتخيل حالو بمحل اهل هالناس وانو لو بيعرف هالناس الميتين كان تألم عليون وبالتالي انا ضد عرض مناظر عنيفة لجثث ولسه الملامح فيها لانو اذا معارف الاموات شافوها رح يصير الم موت وفراق الشخص مضاعف مرات ومرات..... بس بحب الفت انتباهك لشغلة بالموضوع وهوي انو لما عملو هيك كان عمر الجثث اكتر من 500 سنة يعني اكيد ماضل حدا من معارفون عايشين لحتى يشوفون وكمان الجثث بحد ذاتها تحللت وماضل منها غير العضم وبالتالي ماالها ملامح وجه تميزها وهي النص الاصلي اللي بيشير لتاريخ الشي اللي صار اقتباس:
وتحياتي |
مشكورة أختي عالرد...كلامك صحيح أنها من مئات السنين...لكن بيضل منظر يقشعر منه البدن لأي شخص بيشوف هالشئ:?
بالنسبة للأستبيان راح أعملها لمختلف الطوائف بحكم معرفتي لناس كتيرة ومختلفة... ويكون طبعا" توضيح بالنسبة المؤية للمذاهب المختلفة ..حتى مايكون فيه تحيز لحدا..أو لمذهب أو عقيدة.. |
اقتباس:
اشكر الجميع على المشاركة برايهم واشكر ويلي على تفهمه:سوريا: whiterose بالنسبة لسؤالك فاعتقد ان الجواب في توقيعي وكذالك في ردي لويلي واشكر لك تفهمك وبصراحة اعجبني تفكيرك المنفتح بخصوص الزرقاوي. اما عن رايي انا فاعتقد انه من غير الاحترام ان تستخدم عضام الموتى في التزيين كنيسة او غيرها وبالطبع يجب علينا ان نحترم الموتى ربما البعض يوافقون على تعليق عضامهم هكذا لكن البعض الاخر لا يوافق. |
اقتباس:
هلق مثلا بدك تقدري تميزي انو عضمي لقرايبك من بين عضام 40 الف جثة؟؟ |
رأيي
بصراحة منظر الهياكل العظمية - سواء كانت بشرية ام لا - منظر بشع للغاية و شخصيا بكرهو و ما بستسيغو يعني منظر هالكنيسة مرعب و مثير للاشمئزاز ----------------------------- اما بخصوص التنكيل بالجثث، فهالشي بيصير بعد الوفاة مباشرة و ما بتصور انو الفنان (اذا صح التعبير) يللي دوكر هالكنيسة قام بعمل تنكيلي ... لا بالنية و لا بالفعل + شخصيا ... رح قوم بالتبرع باعضائي الحيوية (او ما يبقى منها سليما) بعد موتي لمصلحة وزارة الصحة السورية و بالتبرع بما تبقى من جسدي لكلية الطب البشري بجامعة دمشق لاغراض التشريح آملا ان يستفيد مريض ما او اكثر من اعضائي و ان يتعلم احد الطلبة او بعضهم من جثتي و يساهموا بانقاذ حياة انسان آخر و ساعتها ... طز بكل التشريعات يللي بترفض هالشي لأنو اي تشريع بيحرم انقاذ حياة انسان آخر... هوي تشريع باطل |
أنو لو كانت فن ...:cry:
انا هالفن ما طقتو ... وما بقدر أتصور حالي عم أحضر قداس ... أو عم صلي هون ...:mrgreen: :mrgreen: :mrgreen: :mrgreen: هلق مع احترامي لفراولة وقت قريت الموضوع ... ما كتير صدقتو ... لهيك رحت دورت عليو ..:cry: :cry: :cry: وطلع في هيك كنيسة .. بس ما عادو يصلو فيا ... لأ والورقة اللي بيوزعوا ... عن الكنيسة موضحين فيا ليش ... ؟؟؟ ( بس أنا ما اقتنعت ...) The bone church was created so that visitors are made aware of the shortness of life. The arrangement of the bones should lead us to strive for harmony between people, to appreciate life, and become more aware of our responsibilities. أنا ما قدرت الحياة ولا التناغم بين الناس .. أنا لو بروح عهالكنيسة بضل أسبوع ما فيي نام :cry: :shock: |
اقتباس:
انا كمان ما صدقت 100 بالمئة والحمد لله لانهم ما بقو يصلو بها شكرا لك. |
:lol:
عجبني رد بترفلاي المهم انا ما عم افهم انتو ليش عم تاخدوها على انها عظام انسان حقيقة انسوه ما بعرف بس خدو بانو هالشخص اللي عملهون قدر يظبطهون بمجسمات بشكل متناسق واستخدم شغلات مامنها فائدة لتزيينها بطريقة حلوة وحول هالاشياء لعمل فني انا ماني عم قول انو والله منظرها حلو خرج الواحد يقعد ويتأملها شي ساعتين :shock: بس الفكرة حلوة يعني تزبيطهون فوق بعضهون بهالطريقة هية الحلوة ما بعرف هاد رأيي هلق عندي رد بسيط على وايت روز ما انتبهت من شوي اقتباس:
بس قدام العالم ما بقولها مو لاني بستحي اني مسيحي بس احتراما لاخواتي اللي مانهون مسيحيين بعدين هية من اسمها "الحمدلله" يعني عم تشكري الله شو لزوم العالم تشوف شكرك لالله؟ المهم هلق عم تحكو عن تصويت انا ما عم افهم لشو التصويت اشهر لوحات العالم كان الهون مؤيدين وكان الهون معارضين الموناليزا في عالم بيعتبروها ما الها طعمة وما بيقدرو يصنفوها ضمن اللوحات الفنية فشي طبيعي انو انا مثلا حب هاد الشي واعتبرو لوحة فنية وحدا غيري ما يعتبرها لوحة فنية ويحسها بلا طعمة |
اقتباس:
8) شكراً شكراً :سوريا: |
اقتباس:
:o |
اقتباس:
مع تحيات وزارة البيئة للردود الشعبية |
اقتباس:
شوف ردي كلو على بعضو بتشوف انو مو هيك رأيي ومو هاد حكيي انا قلت انو ضد عرض جثث فيها ملامح بشرية يعني معروف مين الشخص اللي بالصورة او اللوحة او اي شي...... بس قلك انو بحالة متل هي ماني ضدها ابدا لانو مارح يكون معروف مين صاحب هالعضمة :سوريا: |
اااااااااايواااا
اي لا تواخذينا حقك على طربوشي من فوق |
| الساعة بإيدك هلق يا سيدي 12:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون