|
التالت و ميرسي :king:
|
اقتباس:
|
أنا ما بندرج تحت اي نوع ..
لأنو بتختلف حسب الكتاب والكاتب .. وأنا بأي مرحلة قريتو للكتاب .. انا بقرا لأنو بحس انوالكتاب وسيلة تتساعدني أنضج ... انمو ... وأتواصل مع الناس ...أفهمون أكتر ... أفهم الواقع أكتر الحياة أكتر .... حتى أفهم حالي أكتر أنا نوع رابع بقرا تأفهم :clap: :clap: |
اقتباس:
كلام سليم معناتو أنتي التلات أنواع سوا .... |
اقتباس:
ويامرحبا يامرحبا بالرابع :سوريا: |
اقتباس:
|
اجى دوري قلكن انا من اي نوع
انا بتراوح بين الانواع التلاتة يعني فترات مابقرا شي ابدا غير المقرر تبع الدراسة يمكن مشغولة يمكن مرهقة ومالة من الكتب المقررة وبكون حاسة باشباع وقرف من كل الكتب وفترات بقرا شوية كتب للمطالعة وبكون من النوع التاني...... احيانا بحس اني عم اقرا وبدون فائدة يمكن بيكون الكتاب اعلى من مستوايي العقلي يعني مابكون قادرة استوعبو عالمزبوط..... او بيكون ضد الافكار المسبقة اللي حاملتها براسي يعني بيكون عندي رفض لاواعي للشي اللي عم اقراه وبنفس الوقت بكمل قراءة الكتاب بس من باب الفضول لاعرف وجهة نظر تانية..... بس براسي بتضل فكرة انو مابدي افهم او اقتنع بوجهة النظر هي بقى بكون بس عم انقل افكار الكتاب عراسي بدون فهم زايد وفترات هيك بمسك شي كتاب وبحس اني فعلا عم التهمو التهام واني بدي افهم شو ورا كل كلمة مكتوبة فيه يعني فعلا انا من الانواع التلاتة بس هلأ اللي بدي احكيه انو شو السبب الاساسي اللي بيخلينا نقرا بدون مانفهم....... برأيي هوي نوع من التعصب لافكار موجودة عنا مسبقا..... وهي بظن انها جزء قوي من تربايتنا وثقافتنا يعني مثلا مر علينا قرون ونحنا تحت حكم الدين اللي خلانا نفكر انو افكارو وبس هيي الصح وكلشي برات الدين هاد كفر ولازم نبعد عنو قدر الامكان..... وهالشي اثر حتى على غير المتدينين يعني ضلت ثقافة الفكر الواحد ورفض كل ماعداه بذهنا هي رأيي وهي وضعي وبصراحة مو عاجبني وضعي بس ماعم اعرف اطلع منو :cry: |
| الساعة بإيدك هلق يا سيدي 10:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون