|
اقتباس:
قد ما زعلنا يا معلم و انقهرنا ... حياتنا رح نكفيها بشكل طبيعي و إذا ما عملنا هيك منكون يا أما خياليين يا أما بشر أكتر من البشر بأحاسيسنا ... يا سيدي سنة 2003 أول ما هاجمت أميريكا العراق ، كنت قاعد كل النهار قدام نشرات الأخبار ومتأثر بحكي المحللين و متفائل مع المتفائلين البسطاء بإمكانية "عدم هزيمة العراق" :( في مشهد طلع بين مشاهد الكاميرا من دون صوت"الكاميرا تتكلم" بيطالع طفل عراقي/شي 8 سنين/ عم يبكي على إمه الميتة بالقصف والكاميرا صورتو وصورت الدم بالأرض... و أنا حضرت المشهد شي أربع مرات و قد ما أثر فيي "إجهاش" الطفل دمعت عيوني بالأربع مرات تاني يوم بالجامعة عم نحكي عن الحرب فسألتن إذا حدا شاف هالولد بس ماحدا طلع متابع شي :pos: و الأنكى من هيك وقت قلتلن إنو بكاني قامت وحدة من رفقاتي انتقدتني إنو ما بيصير الشب يبكي وعطتني درس عن معنى الرجولة :cry: !!!!!!! |
اقتباس:
تعيش وتاكل غيرها..............! تاني مره اعرف قدام مين بتناقش المواضيع.....:pos: |
لك نحنا العرب شاطرين بغير النسيان
|
اقتباس:
طمنتني...! |
اقتباس:
ياريتني كنت موجود ... كنت شرحتلها للبنت و بالصور التوضيحية كيف يفتعل بأم العرب على الواقف ... |
كيف بدك العرب يتذكرو قانا والحرب كانت بغطاء عربي حين قال العميل الخائن حسني مبارك في قمة شرم الشيخ أن اسرائيل تحارب الارهاب.
وبعد انتهاء الحرب كل اللي طلع من أمرن انهم أعلنو يوم 18 نيسان يوم حداد عربي. هيدا "أقصى" ما عندهم. أقسم بشرفي ما في مشهد من مشاهد حرب ال96 بروح من بالي وأنا ابن الجنوب عشت الحرب وشفت ويلاتا بحز بقلبي اسمع خنزير عم بطالب بسحب سلاح المقاومة والهدنة مع اسرائيل. يعني فعلا مات الضمير العربي الى أقصى حدوده. شي بموت أكتر ما الواحد ميت |
اقتباس:
برجع بقول مع جوزيف حرب و فيروز: اسوارة العروس اسوارة العروس مشغولي بالدهب و انت مشغول بقلوب يا تراب الجنوب رسايل الغياب مكتوبه بالسهر و انت بالعز مكتوب يا تراب الجنوب و بتولع حروب و بتنطفي حروب و بتضلك حبيبي يا تراب الجنوب اللي حامل عكتافو زيتون و سنابل قلعة بحر صور صخرة جبل عامل اللي حامل وراق شعرا و عشاق القمر مخبيلن لعراسن خواتم ما بيقدر يحمل ظالم و شو ما اجا شعوب و شو ما راح شعوب كلن راح بيفلو و بيبقى الجنوب لما بغني اسمك بشوف صوتي غلي ايدي صارت غيمي و جبيني علي ... يا جنوب الشمس بتطلع سودا و بيبس الموج اذا بفكر انو ترابك مش الي و يا شعب الشعوب الأقوى من الحروب بتبقى اذا بيبقى يا شعب الجنوب |
| الساعة بإيدك هلق يا سيدي 13:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون