حسون سؤال منطقي انت عارف شو بدك ولا لأ :shock:

والله من ناحيتي شايف انو لاء :wink:

له مبينة متل عين الشمس

تحشيـــــــــــــــــــــ ــــــــــــــــــــش :shock: :shock:

مين هيك قال :confo: :confo: :confo: :confo:

لا يا أخي بدها الشغلة بس شويت ديموقراطية

عارف و نص

حابب أعرف اذا عم نحكي جد وللا راح تنقلب الشغلة مسخرة و غمز...مو مشان شي بس عشان أعرف رد بجد و للا ما اتعب حالي

يا سيدي روق القصة ما بدها هلقد
إيييييييييه خدنا بحلمك يا رجل
يعني النقاش الإقتصادي لا يفسد للود قضية :D
بعدين شايف عم تدافع عن الإشتراكية كأنها دينك المنزل بالوحي :?
مو على أساس إنت ضد الأديان :wink:

بس خيو بالمناسبة أنا سنة رابعة اقتصاد
و أعلى علامات أخدتها بالجامعة كانت بالمواد الإقتصادية
و متل ما بتعرف الإشتراكية هيي أكتر مذهب اقتصادي يدرس بجامعتنا
و دكاترنا نصون شيوعية :wink:

أول شي يا شباب

يعني اول مرة بشوف حسون عم يكتب شي منيح بالمنتدى ( مع احترامي الك حسون بس انا بدي احكي الدغري ) و اذا منلاقي ردود غمز و طق حنك و مياعة ( مع احترامي كمان ) . يعني كنت بتمنى انو يتناقش الموضوع بجدية أكبر لأنو الشي اللي قالو حسون بخصوص الاشتراكية صحيح تماماً .

:D هاد الحكي الصح

ما بعرف استاذ ..بس اذا عم تحاول تعطي لوجهة نظرك مصداقية أكبر ...بتأسف قلك انو هاد الكلام ما علي جمرك ...يعني واذا كانت علاماتك عالية بالواد الاقتصادية ؟؟ دليل شو ؟؟ ما بدل على شي
و اذا كانو دكاترة الجامعة شيوعية ؟؟ كمان ما بدل على شي

الاشتراكية يا جماعة منفصلة ومختلفة عن الشيوعية ...و ما الها علاقة بالمد الاحمر منوب منوب

الاشتراكية هي عالم بلا طبقات ..عالم ينتفى فيه استغلال الإنسان للإنسان ..عالم يدير عملية الإنتاج بهدف تلبية وإشباع الاحتياجات الإنسانية ولا يهدف للربح .. عالم يقوم على أساس المساواة الاجتماعية والسياسية والاقتصادية لجميع البشر.. عالم ضد اضطهاد المرأة ..عالم ضد الاضطهاد العنصرى.. عالم ضد الاضطهاد الدينى .. عالم ضد الاضطهاد الجنسى .. هذا العالم هو العالم الاشتراكي .إنه حلم كل إنسان يحترم إنسانيته. هذا الحلم لم يتحقق بعد ...هناك تجاربو محاولات ...تجارب كان بعضها فاشلاً و الاخر مريراً ...لكن الأهم هو أن يبقى هذا الحلم متوهجاً فينا ...و ان نسعى دائماً لخلق أرضية وفضاء مناسبين لتحقيق هذا الحلم .

أما الرأسمالية فخي ليست بحاجة لمن يتكلم عنها ...هي تتكلم عن نفسها بدون حياء...نستطيع جميعاً أن نرى جمال الرأسمالية في وسائل الاعلام ..و يمكننا أن نرى قبحها في كل ما هو حقيقي وملموس.

من الغباء أن نقول أن رخاء المواطن الفرنسي أو الامريكي هو نتيجة الراسمالية ...هذا الرخاء هو نتيجة شقاء ..لا بل وفناء الاف البشر في أماكن أخرى من العالم ...هو نتاج الاستعمار و الاستغلال و القتل و الاحتلال و الاستعباد.

باختصار ...كون التجارب السابقة و الحالية لبناء الاشتراكية كانت فاشلة فهذا لا يعني أن الاشتراكية فاشلة ...و الأهم أنه لا يعني ان الرأسمالية شئ يمكن أن يوصف بالجيد . لأن مقاربة كهذه تشبه إلى حد ما القول بأنه إذا فشل الإنسان في محاولته الصعود إلى القمر فإن القبر هو مكان جميل جداً .

و شكراً :D

يعني رد يدل على قوة جدلية فظيعة يا أستاذ .. بالمناسبة ما في مقارنة بين الدين والفكر.. لأنو الدين صخر والفكر مخ .. :wink:
وتاني شي متل ماحكى أبو نهلة الغالي .. الاشتراكية لا علاقة لها بالشيوعية .. وكل منهما مذهب فكري مستقل عن الآخر .. ومتل ماقلتلك سابقا" اقرأ عن الموضوع أكتر بعدين ناقش فيه .. وما تحكي حكي مستورد .. وبالمناسبة مبروك على العلامة العالية على المواد الاقتصادية .. وانشاء الله على قبال التخرج .. وسلملي على دكاترتك .. :D

ولووووووووو
شبكون يا جماعة
روق أخي حشتنشت القصة السابقة إجت رد على طلب الأخ العاشق لإلي بالقراءة عن الإشتراكية
و بعتقد أنو المغزى ما هووي محاولة دعم وجهة نظري و إنما دليل على إنو ماني عم إحكي من فضا
بس بما إنك مطلع على الأفكار الإشتراكية
فينك تشرحلنا نظرية الأخ العاشق يلي بتقول أنو ألمانيا نظامها الداخلي إشتراكي و نظامها الخارجي رأسمالي!!!!!!!!!!!!
عبثاً نقول و عبثاً نفعل

يمكن إنت فهمان الموضوع غلط
الحديث هون عن النظام الاقتصادي الإشتراكي
مو عن الإشتراكية الطوباوية

مافي داعي حدا يشرحها انا شرحتها .. ولوكان نظام التعامل في ألمانيا داخليا" رأسمالي لكان شعبها جائعا" مثلنا ..
وبتمنى ما تاخد الحكي على حرفيتو وعلى كلماتو وأنما ابحث في النتائج ..
عبثا" تقول وعبثا" تفعل ..أرجو عدم التعميم .. وبالنسبة أنك قرأت عن الموضوع فهذا واضح من ردك اللي ما تغير ..
الاشتراكية مانها نظام اقتصادي هيي نظام اجتماعي ويشمل الجانب الاقتصادي .. وبرجع بقلك .. اقرأ عن الموضوع أكتر ..

معلش أخ عاشق أنا بجوز في سوء تفاهم بس ممكن تشرحلي نظرية أنو أشتراكية في الداخل ورأسمالية بالخارج لأنو ما عم أقدر افهم :?: :?: :?:

بعدين يعني اسف أنو قلق انك عم تناقش بالبديهيات وأنو كلامك 100% خطأ الأشتراكية نظام أقتصادي ويشمل الجانب الأجتماعي أو بالأحرى ما بيشمل يؤدي يعني أذا الشعب عندو نظام أشتراكي رح يكون معاملتو لبعضو غير الشعب ألي عندو نظام رأسمالي
ونشاء الله ما ترقني رد متل الي قبلو :o :o :lol:

أيوه :o
ليش ما قلت هيك من الأول
هه ......... هلأ أفحمتنا
و بعد هالرد مافي رد

على كلن أنا غير قادر ناقش اشخاص غير موضوعيين .. بس حابب قول للأستاذ ول mhmary أنو الاشتراكية مانها ناظم اقتصادي أساسا" وانما ضمنا" .. وأساسها نظام اجتماعي وسياسي ..
وأنا بقلو للأستاذ أنو اذا كل طلاب التجارة والاقتصاد تفكيرون متلو .. ففعلا" على الاقتصاد السوري السلام .. يعني آخرتكون متل هالتجار والمسؤولين .. ذوي الفكر الرأسمالي .. والذين يأكلون حصتي وحصتكم من كل شيء ..

بكل بساطة ألمانيا قد تكون اشتراكية بالمفهوم الديموقراطي الاشتراكي بس مانها اشتراكية بالمفهوم الشيوعي
و الاشتراكية الديموقراطية ليست حل للرأسمالية بل تلطيف لها
و الاشتراكية بمفهومنا بتقوم عالملكية العامة لوسائل الانتاج و بتحتاج لتنجح لتعدد احزاب كما قال الرفيق خروتشوف
"الاتحاد السوفييتي غير قادر ان يستمر بحزب واحد"
و عزل عن الحكم و بعدين طلع حكيوا صح

يعني عنجد متل ما قال الأستاذ
أيوه :o
ليش ما قلت هيك من الأول
هه ......... هلأ أفحمتنا
وبعد هالرد ما في رد