|
ما في شي اسمو معارضة مخربة ببلد خربان اصلا
كل تغيير و نقد مرحب به... لما تغير و تنتقد يمكن تنجح و يمكن تفشل... بس اذا ضليت ساكت بعمرك ما رح تعرف الجواب |
اقتباس:
أما المعارضو البنائة قصدية المعارضة الي عنجد بتكون مفيدة وهاي المعارضة ممكن تحدد فكرة معينة أو خطأ محدد بمجتمعنا وبلدنا(وهن كتار) وتناقشو وتشوف طريقة لحلو عفكرة جو أنا بس عمات نسخ ولصق لكلامي الي فوق انت الظاهر ما قريتو وأنت نفسك قلت أذا بتلاحظ كل نقد وتغيير ما كل مسبة وحكي فاضي برجع بعيدا للمرة العاشرة كل نقد نقد ما مسبة كل أجهزة الدولة |
عزيزي
لازم مع هيك نفرق و بوضوح بين الدولة و أجهزة الدولة و المسؤولين ... و بين مصلحة الوطن مان لما الدولة بتستلم كل شي بالوطن... من صغيرو لكبيرو... من اداراة الزبالة و الكهربا و المي و شركات الباصات و الطاقة و المدارس و الجامعات و المؤسسات المالية... و عم تكون كلها مركزية جدا فوق كل هادا الشي.. بيكون اي نقد ببين انه نقد مباشر لسوريا... الارض و الشعب و الوطن و هادا شي مانو صحيح الحقيقة انو اي نقد او معارضة لأجهزة الدولة ما له علاقة بتخريب الوطن. تخريب الوطن بتم لما نترك المسيء يلي بيقدر يتحكم بمصير موارد الدولة فلتان و بدولة متحضرة فيها مؤسسات فعالة... ما بيتم رشق التهم عشوائيا و لا بيتم قمعها عشوائيا كمان. لما تكون الدولة متطورة... بيرتفع معها مستوى النقد... و لما الدولة عم تتبع اساليب رخيصة و قديمة لقمع الناس... اكيد رح تشوف سباب و شتائم و مع هيك ما بعتبر ابدا انو هاد السباب و الشتائم عشوائية و هدفها التخريب.... طبيعي يكون في هدف ورائها اذا حاولنا نسمعها... غير هيك شو فائدة الشخص المعارض من العياط على الفاضي؟ عميل لزعزة الأمن الوطني و اضعاف الثورة؟؟؟ هادا كلام قديم كتير يعني اذا شتائم عشوائية... ما حدا رح يسمعها... بس اكيد مانها عشوائية و إلها معنى و كلنا منعرف |
اقتباس:
|
تماما فكرتي تتطابق مع فكرة جو..
اقتباس:
|
عنجد حابب أشكر جوي و العاشق و أبو مارل لنهم كفوا و وفوا
و بطلب من mhmary يرجع من اميركا قبل ما يحكي بالوطنية |
اقتباس:
اقتباس:
|
اقتباس:
|
اقتباس:
يعني شو الواحد لازم يحكي |
اقتباس:
|
اقتباس:
اقتباس:
اقتباس:
اقتباس:
عراصي يعني افشل علاقات بنظري هيي العلاقات مع الدول المتحضرة لانو هيي علاقة مصالح وهيي درئما يلي بتكون بتربح انت الت انو بايران اذا الواحد زنا بيحك حليه بالرجم بالحجارة هادا الحكي المظبوط لانو هيك صار نسبت العالم يلي ابتزني بتصييير اكتييير قليلو بيقدرو يقضو على اكتييير امراض يعني انت البتعرف انو اكتر بلد في العالم مصابين في بالايدز هوي اميركا بلد التطور والحريي يعني الحريي باميركت مت عم اتكون مع مصلحة الشعب عم اتكون بشان رضاء نزوات الشعي واكبر دليل على ذلك انو كل العرب يلي بيسافرو بيرجعو بيتجوزو من بلادون مع انو الجمال الغربي احلا بس اكيد ما بيقبل الواحد انو مرتو ايكون حدى امارس الجنس معا غيور يعني انا بشججع العلاقات الدينيي لانو حتى لو المظاهر بضل العلاقة انضيفي وموحود الله بين العلاقة مهما كان الدين لان الاديان الثلاثة الاقوة كلها تؤمن بوجود الله وهكذا فالعلاقات الدينية هي انضف علاقات |
اقتباس:
هلق انت عم تقول انو لما الدولة بتستلم كل شي بالوطن... من صغيرو لكبيرو... من اداراة الزبالة و الكهربا و المي و شركات الباصات و الطاقة و المدارس و الجامعات و المؤسسات المالية... حلو هادا الحكي سليم وهاي معارضة مفيدة لأنك حددت مشكلة وحكيت عنا ليك أنا عندي أنتقادات أكتر منكون شي ستين مرة بس أنا ما بحب احكي شروي غروي يعني ما معقول يكون نظام خطأ 100% وألي بيسب بشكل عشوائي بيدل على جهل وهوشني لأنو بكون سمع أنو في فساد ام راح متل الغبي صار يحكي شروي غروي طيب أنت مسباتك شو عم بتفيد أنت عملت الوطن خصمك (بدون قصد) هلق الشتائم ما هدفا التخريب بس هيي فعليا عم تخرب لأنو ما عم بيكون الا أي فائدة يعني بساطة متل وقت منقول نقد بناء ونقد(؟؟؟؟) نسيت المهم أنو التاني ما نو بناء نفس الشيء المعارضة هو بالأصل شو المعرضة نقد لجود النظام الحالي ومحاولة وضع نظام أخر بس ما هوشة عرب نشاء الله تكون وصلت الفكرة |
اقتباس:
هلق أنت قلت طبعا بالنسبة للسلطة أي معارضة ألها هي معارضة يا رجل هادا ما حكي منوب ما بيصير يقوم نظام ديمقراطي أذا ما في معارضة المعارضة هي جزء رئيسي من الدستور هلق طبعا أكيد بسوريا المعارضة ما نا اخدي دورا لأنو ما في ديمقراطية............... بس الفكرة أنو المعارضة ما بس أنو نكون متل البنان المعارضة الا اشكال مختلفة كتير ما بس القتال |
اقتباس:
أنا ما بدي حاول سكتك لما تقول قمعوني يعني يلي بيقرا الرد السابق بيفهم أنو إنت واحد وطني و معماري واحد ملتحق بالركب الأميركي الامبريالي و خاين لوطنو ............ ماشي إذا كان هاد قصدك تبينو مع معرفتك لمعماري فبقدر قلك و بدون ما يحكني ضميري...... خراس :evil: (طبعاً بمحبة) أما إذا إنت مانك عم تشكك بوطنيتو و بتعرفو أنو هووي بحب البلد متلك متلو فأنت بدون قصدك أسأتلو و أنا من موقعي يلي بخليني بمون عليك و عليه بدي طالبك برد فيه توضيح و اعتذار و بدي أطلب منكون إنتو التنين إنو تتعهدو بعد تخوين بعضكون و احترام أصول الحوار و دمتم :D |
اقتباس:
أنا عم أحكي بشكل عام على هدول ألي بيعارضو بغباء وعم بتناقش مع الشباب أوكي حبيبي أنا ما تهمتك أنك مانك وطني وحتى ما ألتحشت فيك بنوب ومرة تاني فينك تقرا ردودي بشكل جيد وتعرف لمين عم وجه كلامي وصدقني وقت قلتلي أنو أرجع قبل ما أحكي عل الوطنية ما تأثرت ولا 1% لأنو ما أول مرة بتوجهلي هيك كلمة وأنا بعرف أنو عاطفتك بتحكمك من فوق لتحت من شان هيك عطول ردودك مانا دققية |
طولو با لكن يا شباب والله رح تكفرونتي بالعبري .. سوريا هلا بأسوأ وضع مر عليها بالتاريخ .. ولسا نحنا نازلين مبارزات وطنية يا أخي أنا معرض وغير وطني وخائن .. ضموني لصفكون كوطنيين مشان ساعدكون بمعركتكون .. يا شباب والله الوضع ماعاد يتحمل مهاترات .. لك لازم نصير أيد وحدة على خلاف أدياننا وعقائدنا وتفكرينا .. وحسون ومعماري هلا بدكون تبوسوا شوارب بعض .. وتجتمعوا على أنكم كلاكم وطنيين .. يا أخي وأنا الخاين استلموني لألي .. والله كل شباب سوريا على خلاف تفكيرون مفعمين بالوطنية .. ومعماري أنت بمجرد دخولك كل يوم على منتدى الأخوية فهادا دليل على حبك لسوريا ولأهلها .. لأنو لو مانك حاسس حالك بغربة قاتلة ما بدخل كل يوم على المنتدى لساعة أو ساعتين أو أكتر .. مع أنو ممكن أغلب الوقت عم ينهز بدنك من الحوارات عادي .. وحسون ولا هدي شوي شبك .. أنت على أساس شاعر والشاعر أكتر شخص ممكن يشوف الرمادي ...
وأستاذنا الغالي .. عملو لحسون فركة أدن من أخوك وأخوه العاشق (حبية بس ) وأنا بكرا بحكي مع رئيس الجالية السورية بأمريكا يعملوا فركة أدن لمعماري ( بعد أذنو ) وأنا من هلا عملت فركة أدن لحالي .. .. لك كلنا سوريين ومنعبد رب سوريا وتراب سوريا .. لك منعبد حتى الذل اللي ممكن نعيشوا بسوريا .. لأنو هي سوريا .. :cry: :cry: |
يعني أنا مستعد أعتذر من معماري كرمال أخواتي الأستاذ و عاشق من فلسطين و أبو مارل
و بتمنى يبطل يوجهلي إهانات شخصية |
اقتباس:
|
| الساعة بإيدك هلق يا سيدي 13:30 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون