|
اقتباس:
أي طبعاً لأنو هلأ السيارات غالية و عنا زحمة مو طبيعية ... بكرا ( تجاوزاً بكرا ههه ) اذا رخصت السيارات لحق على زحمة أكتر و أكتر :jakoush: |
اقتباس:
|
اي بناء على بعض الطلبات حبينا نحط قصة جديدة هون
فهادا يا سيدي شوفيرية السرافيس بالاضافة لكل شي ذكرنا سابقا فهني بيعتبرو حالن اذكياء يعني انو في مرة طلعت انا ورفيقي من الجامعة من قدام حد شوفير سرفيس وعم نتناقش بمسالة فوصلنا لحلا بس شوفير السرفيس راسو والف سيف انو مو هيك حلها لك يا حبيبي يا عمي هيك حلها لاء مو هيك حلها وتعى قعود فهمو ياها ونزلنا من السرفيس وهوي اسعتو معند انو مو هيك حلها :jakoush: يعني ما شاء الله الذكا اضافة كمان انن اجتماعيين وبينسو بسرعة طلعت مرة حد شوفير سرفيس وفتح سيرة الزلمي والله ووقتا كان الطرقات بشارع البرازيل محفرة فصار يسب ويلعن ومن هالحكي والله قلتلو انا انو على طريق المشرفة كمان صرلن فترة محفرينو وما كانو يزبطو الي ليش حضرتك من المشرفة قلتلو اي قلي يعني بدك تنزل عند دوار الجوية عند كراجات المشرفة قلتلو اي قلي تكرم عينك والله ساق الزلمي فلما قربنا على دوار الجوية وما بقي غيري بالسرفيس اتطلع فيني قلي عمو انتي وين نازل :? طلعت في هيك يعني شو بدي احكي معو وبيني وبين حالي فاقع ضحك اما شوفيرية السرافيس علين كل سحبة |
وكمان .. بالاضافة للي ذكرتو .. بيعتبروا حالون " مرشدك السياحي " ...
مرة وقفنا ميكرو انا واختي ... وما كان في مكان الا حد الشوفير ... يا سيدي قعدنا وانا ويّاها عم نحكي ... بالغلط بتمرء كم كلمة مو " سورية " 100 % ... راح فجأة بيقلنا انتو من وين ؟! قلنالو الشام .. قال بس مغتربين ما هيك ؟ قلنا اي !! ... قام الاخ عيّن حالو المرشد السياحي تبعنا .. وبلّش كل ما مرقنا على منطقة يقلّك شو هي وشو ماضيها وليش سمّوها هيك وشو احلى شي فيها وووووو ... ونحناااا بليييييز ارحمنا وبس خلينا نوصل ...:cry: والاحلى بس نزلنا .. قلنا باااااي ( مع الرقم ) :lol: :lol: ما قلتلك عجبة الشوفيرية بسوريا !! :p |
mashkour hany
mawdou2 b2eshou 4 marrat bilyoum.hayde riyada farida men naw2a wkhssoussan innou ana sakna bil assema il iktissadia. iza tala2t lbus thess ka annou soukkan lmadena killa bil bus.iza nzelt attarek bethess kaannou laalam koullou bitarek.wiza habbet tekta2 irrassef.bethess kannou nas killloun andon sayyarat. koulassat lkalam.:cry: b2ane men she esmou lbus:cry: an jad allah ysabberna |
واحلى شي الاغاني اللي ما بتعرف قرعة ابوها منين.....
مرة كنت راكب وكان في تنين شكلون ملحدين من حديثهن عرفت وكان في وحدة ختيارة قاعدة مقابيلون المهم كان واحد عم يحكي انو شوف على هالمنظر وما بعرف شو وكان هاد الكلام اول مو نازل الموبايل ورن موبايلها قام الشب غلط وقال شوف لا بقلها مو بايل كمان الختيارة محجبة تقريبا نقاب وسمعتو هي سكرت وزفتو هديك البهدلة وخود على ضحك .......................... قصة تانية مرة رحت على مكان واول مرة بطلع بمكرو لحالي بالرجعة خربطت بالمكرو وصلت على شارع الثورة وانا مفكر انو المكرو الصح سالتو شو هاد قلي شارع الثورة طيب كيف بدنا نرجع؟قال هلق نزيل هون بيجي المكرو تبعك والله انا ما كذبت خبر وقعدنا ننطر وبتعرفو عجقة الموظفين الساعة 2 وانا اول مرة بمرق بشارع الثورة اخر شي اجا النقل الداخلي بعد طول انتظار وبعد معارك طاحنة قدرنا نطلع وندفع وشوفو المنظر تقولول يوم الحشر شكيت انو بالباص في كنز يا جماعة وتخيلو ولد صغير وقصير ومحشور وصلنا على منطقتي وطبعا ساعة وانت عم تصرخ يا معلم يا اخ يا فهيم لحد اخر شي والحمدلله رد علينا انشالله يعجبوكن مايسترو |
هادا يابي غير احيانا بيطلعو ركاب شغلتن الهضامة
والله مرة طلعت بالسرفيس (وانا معروف بس اطلع بالسرفيس باخد المقعد الوراني من ناح الشباك اليمين انو ما بعرف ليش بس بحب هالمقعد ) المهم قاعد هنيك وفي واحد قاعد قدامي والله شوي صار في سيارة اسعاف ورانا وبلش هالزلمي اللي قاعد قدامي يحمسو للشوفير " روح معلم روح كبسلا روح روح روح الطريق الك روح روح " وصلنا على اشارة كانت حمرا وبتعرفو لازم نضل ماشيين ورانا سيارة اسعاف لانو وهالزلمي اسعتو " روح معلم اشارتك فاتحة روح روح كبوس ترا سيارة الاسعاف رح تلحقك " وهالعالم تتطلع علي هيك :? وفاقعة ضحك وضل على هالحالة لحتى تركتنا سيارة الاسعاف وفاتت على المشفى لحتى سكت بس شو منظر نهفة على سيرة سيارة الاسعاف معروف انو شوفيرية السرافيس بينطرو سيارة الاسعاف مشان يشكو قدامها مشان ما يوقفو على الاشارات فمرة طالع بسرفيس والله وقف على اليمين مشان ينزل عالم سمع زمور سيارة الاسعاف ورا ما نطر الراكب لحتى نزل وسكر الباب مشي دغري مشان يصف قدام سيارة الاسعاف ما بيسمع غير صوت من سيارة الاسعاف بيقلو " لك يا سرفيس خليك عاليمين يا حمار الله يلعن " وما بيكفي الجملة بس العالم بالشارع وبالسرفيس صارت على ضهرها من الضحك والشوفير يا حرام وجهو صار لوحة فنية من كل الالوان بس تسالي يابي الله يرحم هديك الايام :cry: |
اقتباس:
الموضوع كتير حلو كلو عبعضو حلو بس هاد المقطع لحالو بكفه و الموضوع كلو بكفه تانيه ..:o طقت خواصري من الضحك ... :lol: مره تانيه مشكور هاني .. |
اقتباس:
عجبتني هي (المنتصر):o شكرا لك على الموضوع وعلى هذه الرياضه الشيقة :gem: |
ياشباب عنا بحلب الله وكيلك بسوقو انتحار التكاسي شي برعب والله:shurup: ههههههههه
لما بتوصل بتحمد ربك عالسلامه:ohyeah: مايسترو بالفعل شو هالاغاني ههههههههههههههههههههه:o |
يا سيدي حلوة هي الرياضة بتجنن:o :o :o :o
و عجبتني هي يرفس و يلكم اكبر عدد ممكن :shock: :shock: :shock: :shock: :shock: و الله قلبت من الضحك ;-) ;-) ;-) |
| الساعة بإيدك هلق يا سيدي 10:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون