|
ايوا ... لشو التنبيه ؟؟؟
|
اقتباس:
كل شخص يعبر عن رأيه الشخصي و ليش له الحق في التحدث باسم موقع كامل |
ايوا .. على كلمه طز اكلت تنبيه
كيف لو اجت ي بالنص ؟؟ |
شكرا الك دانيتو على نقل الموضوع
فعلا الموضوع مطروح للنقاش بقلب منتدى المشرفين و لسا ما اتخذنا اي قرار حول هالموضوع و بأكدلك انو إدارة اخوية نت/كوم تحتفظ بحق الرد ما رح اتكلم بصفتي "مشرف إداري" بقلب اخوية رح اتكلم بصفتي عضو بقلب هالمنتدى، متلي متل باقي الاعضاء ... ما عاد فيي اتصور الحياة بلا اخوية انا مدرك تماما انو "إرضاء جميع الناس غاية لا تدرك" و بعرف انو في عدد ضخم من الاشخاص التي تكره الموقع كلو و ليس فقط ادارتو و بعرف اكتر مدى رفع طبقة الجليد التي نسير فوقها لما اخترنا الاعلان العالمي لحقوق الانسان كشرع و مبدأ لهالمنتديات ... بس مؤمن بأنو رح نوصل للضفة التانية بصراحة يا جماعة بحب باركلكم كلكم و بحب اشكركم على مساهماتكم الرائعة بقلب هالموقع مو بس اجهزة المخابرات مهتمة بهالظاهرة الفريدة من نوعها بعالمنا العربي (حرية الاعتقاد و الرأي في منتديات اخوية) بل حتى وسائل الاعلام في اخوية هناك رأي و هناك رأي آخر بشكل حقيقي و ملموس ... و ليس مجرد شعار مدحوش تحت لوغو احدى الفضائيات في أخوية هناك حقيقة، بدون عمليات تجميل، بدون ماكياجات، مهما كانت مؤلمة او مخزية ... الحقيقة ستبقى وحدها موجودة في هذا المنتدى هي الحقيقة ارعبت رجال المخابرات من ان تنشر فتنتشر هي الحقيقة (حقيقة اختلاف وجهات النظر و تعدد الآراء) ارعبت من لا يسعهم التفكير بمجرد بوجود فكر مخالف لفكرهم... و في النهاية يتساءلون لماذا هم متخلفون نعم انا لا استغرب التشهير بل كنت سأستغرب لو أن اصدقاءنا كتبوا عنا قبل اعدائنا حكيمنا الغالي د. هوس بزمانك سألت "هل فسد الملح؟؟؟" و اليوم بدوري بسألك "هل يرضيك هذا الوسام الذي علقته لنا سيريا نيوز بدون ان تدري كجواب نافي ؟؟؟ |
اقتباس:
على كل أنا ما ضد المخلوقة شخصيا أنا ضد المبدأ أنو إذا ما عجبناها و ما عجبا المنتدى بتروح بتنشر مواضيع بها الشكل بمواقع تانية... |
كنت اكلت عشرة ههه.:p
المهم شو بدنا احسن من هيك ديعاي للموقع والله تمام8) :gem: |
انا ريت بمقال بسيريا نيوز طبعا باسمي وحكيت عن سياسة اخوية مو اكتر
|
تذكروا يا شباب : قهوتنا من غير سكر !!!!
أنا مع كريمبو برأيو تماما |
انا كمان حطيت تعليق وكتبت رأيي بالمنتدى هنيك
بس بالفعل هاد اذا دل على شي هوي دليل على تقدم الموقع بس بالله شوفولي هالتعليق فقعني ضحك اقتباس:
|
اقتباس:
|
اقتباس:
هههههههه بدو يسكر الموقع |
دمجت الموضوعين مع بعض مشان ما تضيع الردود بين الموضوعين
و حذفت كم رد فيهم مسبات |
مشكور kRIMBOW على تزبيط الموضوعين و أنا ترى حاولت أطلع إذا حدا نشروا قبل بس ما انتبهت سامحونا
على كل أنا ما عندي شي ضد سيريانيوز و بالعكس هي موقع الأخبار المفضل عندي و حتى ممكن اعتبارها من المواقع الصديقة بس أنا انزعجت من طريقة الآنسة بارودي و بعرف أنو النقاش حول موقع حتى لو كان مو الكل عم يشيدوا و يمدحوا الموقع يعني الموقع عم يطرح أفكار تثير نقاش و تعليق و هادا شي إيجابي بجيمع المقاييس و بيضل الكل حر برأيه تحية للبارودي و المعلوف و عبود و لجميع المشرفين و الأعضاء و معا نحو سوريا افضل |
كل الشكر لكل من رد على المقال المنشور بموقع سيريا نيوز و كل الشكر لمن نسخ المقال ووضعه عندنا في المنتدى ليتسنى قرائته لمن لا يفتح الموقع عنده و حتى انا رديت على كاتبة المقال التي يبدو انها تعاني من اهتزاز بالشخصية و فقدان الثقة بالنفس .
|
يالله شو العالم بيكرهو هالمنتدى سودتو لنا وشنا قدام العالم
شو مساووين انت وياه اعترفو خخخخخخخخخخخخخخخخخ ياشباب لاتاكلو هم موقع اخويه احلى من العسل وهذا حقد خخخخخخ وتحيى اخويه والمنبر الحر والحريه خخخخخخخخخخخخخ |
له له شو في شوو صااير يازنمه ههههههههههههه
صار خير |
| الساعة بإيدك هلق يا سيدي 04:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون