|
بعدين بخصوص اوربا او الخليج
لكن ليش كلون بيصرعونا انو هونيك بيمصوا دمك بالشغل وممنوع تعمل شي غير الشغل الشغل الشغل وما بيحقلك تحكي ؟ |
اقتباس:
الخليج ما رحتلو أنا و لا مفكر اروح... خلي اللي هنيك يحكيلك |
معقول ؟
عم قول لحالي ليش بيطلعوا اضراب ؟ بس لكن ليش كل ما بنجيب سيرة اوربا هون وكانو ارتكبنا جريمة واياكون وهونيك بيلعنوا ابو الساعة اللي طلعتو فيها وبيدبحوكون بالشغل تركلي الخليج لجنب |
اقتباس:
و ليش يطلعو اضراب؟؟ لأنو دايما يحاولو يحسنو أمورهون, بشكل عام اذا مو اضراب عام عالدولة ما حدا بيأضرب بالعادة, في بالشركات الخاصة مثلا اذا ما اتفقو على تحسين الرواتب التقاعدية و هيك شغلات, و ممكن يكون الاضراب لأسباب غير حرفية مثل حرب العراق.. هون الجامعات و النقابات أضربو |
انا قلت انت؟
عم بحكي بشكل عام من كم يوم استاذ عنا بالجامعة استشرناه الطلاب انو بدنا نطلع بالصيف نعمل استاجات بين فرنسا والمانيا حتى وقتها سالت حسان عن الموضوع قام انبحت علينا وقال لا تطلعوا لانو رح تنرموا متل الكلاب هونيك وبيلتعن نفسكون بالشغل واقل غلطة ولو بترجمة كلمة ممكن تطيركون للشارع ورح تندموا على الطلعة خليكون هون احسن |
اقتباس:
أكيد أول فترة رح تلاقو صعوبات من ناحية التأقلم وتأمين عمل وهالشي طبيعي بس برأيي هالأستاذ قال هيك لأن نحن عنا الاستاذ ما بيقبل يكون طالبو أحسن منو بالمستقبل فكيف إذا رايح تجيب شهادة او استاج من اوروربا ! |
اقتباس:
|
أكيد باوربا في قانون كتير حضاري بخصوص العمل
بس اكيد مش للكل يعني انا هلاء بطلع ع أروبا ما راح يكون وضعي متل أبن البلد وبالذات إذا ما كان وضعي نظامي 100% يعني وهي أغلب العرب بأوربا غير شرعيين أما بظن أو حتى متأكد أنو بالنسبة للمواطن االأوربي وضع ممتاز وبالنسبة للمهاجر أو المسافر للشغل هونيك ووضعو نظامي كمان القانون بيكون معو :D |
اقتباس:
منين جايب هالحكي هاد؟؟ :? |
اقتباس:
بس تكون امورك نظامية و مو ع الاسود ;) كاجنبي ما بيحقلك تشتغل الا ضمن شروط معينة قانونية يعني معك فيزا عمل مو معك فيزا سياحة و رايح تشتغل و تروح تقلن بدي حقوقي ك عامل :shock: بما انو كل شي بالنظام و القانون بتاخد حقك كاملا وقت بتطلع برى القانون ساعتها حكي تاني :lol: |
اقتباس:
كلام سليم جدا... بقانون العمل الأوربي و جميع القوانين الثانية المهاجر الشرعي له بالضبط نفس حقوق المواطن ما عدا حق التصويت اللي يكتسبو لما ياخد اقامة دائمة |
اقتباس:
او حتى قانون العشر ساعات اللي طالبوا فيه قبلها بفترة وكمان اضراب العمال بألمانيا لتحسين ظروف العمل . لو انها كانت مثالية كما تدعي فلما نرى ظاهرة الأضراب العمالي تظهر في اوروبا . تحياتي الحارة ظل جيفارا |
اقتباس:
و ظاهرة الاضراب هي ظاهرة تحسب لصالح نظام العمل الاوربي و ليس ضده..انو كعامل عندك حق تحتج اذا في شي مو عاجبك.. قولتك يعني بالبلاد اللي مافيها اضرابات يكون لأنو كلو تمام؟ و على فكرة..ظاهرة الاضرابات كما تسميها ما عم تظهر هلأ...موجودة طول عمرها بأوربا |
اقتباس:
طبعا تحسب لصالح الدول الأوروبية منحها العامل حق الإضراب بس ما بعرف شو الفائدة من اضراب ما بيجيب نتيجة . انا طبعا مو ضد كلشي عم يصير بأوروبا بس شايف بالجوهر اللي عم يصير هو شركات كبرى تعمل لاجل مصالحها والدول بقوانينها تعمل لأجل تلك الشركات ولأجل تأبيد سيطرتها على العامل الذي لا يعطى إلا اجزاء ضئيلة جدا من حقوقه . تحياتي الحارة ظل جيفارا |
اقتباس:
غالبا النقابات تكون مسيّسة و ذات فكر يساري صرف و متأثرة جدا بالأحزاب اليسارية, و انت حطيت مثالين:فرنسا و ألمانيا, المحكومات الآن من قبل اليمين.... اذا بتدقق بالسياسة المحليّة راح تشوف انو أغلب الاضرابات مالها علاقة كبيرة بسبب الاضراب المعلن (يعني كتير أحيان يصير اضرابات قبل انتخابات محلية أو أي شي شبيه لأنو مافي شي يضر بسمعة حاكم محلي أكثر من أنو يصير في اضراب بمنطقتو... و الانتخابات تأمر)...ماعم نقّص من أهمية الاضراب اللي أعتبرو حق طبيعي للعامل, اللي ما أحبّو أنو حق أنا كيساري مؤمن فيه يتم استخدامو لأهداف غير اللي وجد من أجلها. اقتباس:
أنا بعتبر هالكلام ظلم كبير..عنجد مو هيك, يعني بأوربا ما في شركة كبرى الها هالنفوذ القاطع!! لا شك انو الاقتصاد يلعب دور ضخم و البورصة تأمر كتير لكن في شغلة: أوربا (عم أحكي عن الدول المنتمية بشكل كامل للاتحاد الأوربي و موافقة على القوانين الاقتصادية الموحدة, يعني بريطانيا على طرف) عملت اقتصاديا شي أنا بعتبر انو جيد, أكيد مو مثالي لأنو مافي مثالية, بس اسقاط الوضع الاقتصادي على الرخاء الاجتماعي بالمقارنة مع باقي مراكز العالم و حتى الأغنى منها اقتصاديا رابح جدا لصالح اوربا بالنسبة للاقتصاد على مستوى البورصة, نعم في سوق بورصة نوعا ما ليبرالي, لكن محكوم جدا بسياسة الدولة الاجتماعية و الاقتصادية, و في وكالة مراقبة لسوق البورصة تابعة مباشرة لرئاسة الدولة عندها قدرة انو تمنع أي صفقة ممكن ما تتوافق مع سياسة الدولة, هالشي بالدولة الرأسمالية النموذجية مو موجود و حتى منافي للافكار الليبرالية. و كل الشركات مجبورة تقدّم كشوف شهرية و فصلية بجميع عملياتها بهالوكالة الحكومية, و ممكن حتى في حالات خاصة و خطيرة انو يثبت تلاعب أو شي و قضائيا تستلم الدولة ادارة الشركة مرحليا الشركات الاسبانية مثلا معروف انو نفوذها بأميركا اللاتينية أكبر بألف مرة من نفوذها باسبانيا نفسها. هنيك يعملو صفقات بحياتهون ما يحلمو يعملوها هون. يظل في حكي كتير عن مفهوم مجتمع الرخاء لكن ما بدنا نقلبها و كأنو أنا الناطق باسم الاتحاد الاوربي:lol: أكيد مافي نظام اجتماعي- سياسي-اقتصادي كامل و مثالي, لكن ضمن ظروف العالم الحالية و الهيمنة الرأسمالية على الاقتصاد العالمي لا شك أبدا انو اجتماعيا و اقتصاديا النظام الاوربي أكثرها عدلا...... |
اقتباس:
والعدالة الإجتماعية بالشكل الممسوخ الأوروبي منها عبارة عن جرعات مسكنة للشعوب وحملات هروب إلى الوراء ليس أكثر . ما بعرف كيف بيطلع معك النظام الاوروبي هو الأكثر عدلا . بس ما بشاركك بالرأي ابدا . اوروبا : توزيع غير منصف ابدا للدخل القومي . بعتذر جدا عن التأخير كنت بأجازة تلات ايام بدمشق وما قدرت اعمل شي هنيك تحياتي الحارة ظل جيفارا |
اقتباس:
اقتباس:
:D |
هون بقى بتفرق بين افضل الموجودين حاليا . وبين المطلوب .وبتفرق بكل انسان كيف بيقيم الوضع .وكيف بيحدد موقفه من انظمة معينة
وع كل خلاف الرأي لا يفسد للود قضية تحياتي الحارة:D ظل جيفارا |
| الساعة بإيدك هلق يا سيدي 13:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
