أخوية - هنا السوريون يبصقون على خدام ، فولكلور سوري

أخوية (http://www.akhawia.net/forum.php)

- منبــر أخويـــة الحــــــر (http://www.akhawia.net/forumdisplay.php?f=15)

إلى الأخ Danito
أول الشي حاسس إني جرحتك بكلامي :oops: مشان هيك أنا آسف:سوريا:
بس لازم يكون صدرك كبير مشان تتقبل الديمقراطية الجاية;-)
بعدين إنت زعلت من كلمات قاسية وما بدك إني إزعل من مسباتك:p

اقتباس:

كاتب النص الأصلي : Danito

أنا مو قومي سوري و ماني خايف من حدا و إذا عم تعتمد على توقيعي و الصورة فيعني أنا عم قلك أنا مو قومي سوري، و سوريا بتحيا مو بس للقوميين السوريين، من ما كان فيه يحييها أما شعار الحزب فأنا بحبه و يعني لو أني قومي ما عندي شي خبى و على فكره أنا وضحت رأيي بس أنت و من تعليقاتك على هالنقطة و غيرها و اضح أنك بتقولب الناس و بتحاول تصنفون بخانات محددة و يعني إذا حطيتني بخانة معينة مو معناتوا أنا هيك

يا أخ Danito طيب شو هالصدفة؟؟ شعار مع صورة وما بدك ياني إتوقع إنك قومي سوري:?
و إنت من هجومي على الخدام صنفتني مدافع عن النظام:shock:إنت عم تناقض حالك;-)
لاقيلي كلمة وحدة بتدافع عن حدا (أنا بنتقد الكل ومو عاجبني حدا أبدا :pللأسف)
مو هون المشكلة ولا هالحزب هوي المشكلة ، بدي اياك بما أنك وطني وحيادي (متل ما عم تقول) توقف على مسافة وحدة من الطرفين(معارضة وسلطة)وتتأمل بالحركة اللي عملها الخدام بالبلد:pos:
ما بتفور دم كل وطني حر عنده كرامة و خايف على مصلحة بلده ؟؟؟ ما بيستاهل خدام معلقة المسبات و أكتر؟؟؟
طيب ، إنت يا داني حتى لو ماكنت بتحب بلدك(عم نقول فرضا) ما راح تخاف على حالك وأهلك ومصالحك الشخصية من الإعتداء واللي تقدم خطوات ومراحل بسبب خيانة الخدام:pos:

اقتباس:

يعني عم تأكد حكيي و أنا ماني أرسطو أنا كان عندي رأي و طرحتو و أنت ماناقشت رأيي

بكرر أسفي عالكلمات القاسية،بس إنت كمان عم تظلمني، و أنا لما بلاقي منك نقاش موجه إلي رح رد عليه بإيجابية;-) بس كان ردك كله هجوم علي:aah:وأنا بالأساس حطيت الموضوع لفشة الخلق مو للنقاش.

اقتباس:

بس عندك خياراين على طريقة الحكومات التافهة (التافهة عائدة على الحكومات و أعضاءها حصرا و ليست عائدة عليك): يا معنا يا علينا

حلوة منك :lol: :lol: :lol:

اقتباس:

لا سيدي ماني رح قلك تثور على حدا لأنو هي الأنظمة السفيهة البليدة و الشمولية الدموية (أنا بدي سب عليها يعني بما أنك متحمس للمسبات بس)

هه بلشنا نفهم ع بعض:lol:
أما كلمة"بس" بتلاقي جوابي عليها بالرد الماضي، بس ما تقلي احمل بارودة واطلع ناضل متل برنامج حماة الديار ، قلي شو بقدر إعمل أنا المواطن العادي وبدون شعارات(عم إمزح ;-) ) غير إني سب

اقتباس:

و يعني خدام بما أنو هو محور الموضوع ما خان سوريا و لا خان الشعب لأنو بالأصل هو ماكان بصفون و لكنه خان النظام و مثل ما قلت سابقا كلو في البيزنس ما في شي شخصي يعني الزلمة شاف مصالحوا بأنو يضرب على بشار من برا بس هو لا فارق معو لا أن مات الشعب و لا أن عاش و هو بدي اقتبس رأي واحد صحفي لبناني ماني متأكد مين هو (شو هلق بتعصب و بتقلي اللبنانيين الخونة..) أنو بشار و كل إجرامو ما لحق يعمل بخمس سنين و بالأخص بعد ما الوضع استقر للحكم الاستخباراتي، واحد بالمية من الجرائم اللي صارت بحق كل السوريين من الأحزاب المختلفة و من المستقلين في المعتقلات و خارج المعتقلات و سوريا اللي تحولي لسجن كبير يعني لما كان خدام رقم اثنين و هو استمر رقم اثنين أما ادعاءه أنو هو كان وزير خارجية فهذا تنظير خارجي لأنو حافظ الأسد كان أله أحد فرد صمد و هو الآمر الناهي و إذا كان حدا استرجا يرفع راسوا أو صوتوا مثل عبد الرؤوف الكسم فكانت الإزاحة مصيره، بالملخص المفيد خدام خان النظام أما خيانتو للبلد و الشعب فعمرها من عمره تقريبا

وجهة نظرك هون كتير منطقية:سوريا:

اقتباس:

و إذا كنت عم تحكي من باعتبارك من أنصار النظام فأنا رأي واضح بهالنظام

أنا بحترم رأيك
بس إنت عم تكرر هون الفكرة اللي إنت قلتها فوق"يا معنا يا علينا";-)
أما بالنسبة إلي ف رح تعرف ميولي قريبا
عفوا بعتذر على كلمة ميول لأني بعيد عن الكل سلطة و معارضة وما عندي ميول لحدا غير:sosweet:

اقتباس:

أنا ما تبريت من هالأمة لذلك يرضى عليك إذا كنت متبري من هالأمة و باعترافك فاتركني نظر أو قول رأيي لأنو هالأمة (سوريا) بتهمنى و ماني متبري منها

هاد إجتزاء و تأويل
لأني متبري من الأمة العربية:jakoush: !!! مو متبري من بلدي:pos:
إنت فيك تشلح قميصك قبل الجاكيت:p

اقتباس:

إذا بس بدك تضيع وقتى و قت المهتمين من دون هدف يعني هي شغلة تانية أنا بتجاهل ردودك من هون و رايح و ما بزعجك بكلمة
سلام

أبدا أبدا ما بدي ضيع وقتك
وبتمنى ما تتجاهلني
وتحيا سوريا للسوريين الحقيقيين:king:

أوكي فادي
أنا بعتذر إذا كانت مشاركتي الأساسية خرجت عن الموضوع (المسبات) بس أنا حبيت ضيف رأيي يها النقطة و بس
و أنا مبسوط أنو صار فينا على مبدأ (لا تاخذ صاحب إلا بعد خناقة هيهيهيهي) و منشان ما أكذب عليك أنا فار دمي أول ما قريت ردك بس قلت لحالي معلش خلينا نتحاور مو نتقاتل و الحوار جاب نتيجة ..
يعني بعتقد أني متهئ للديمقراطية مع أني بفضل النظام الجمهوري يعني الكل ألو صوت مو أكثرية تفرض رأيها على الأقلية
تعليق صغير أنا ما افترضت انك مع الحكومة أبدا بس يعني كتبت "إذا" نوعا ما من باب الاستفزاز هيهيهي
و على قضية الحزب القومي السوري الاجتماعي فأنا بتعاطف مع هذا الحزب و بحترم اعضاءه و السبب الأساسي أنو والدي قومي سوري و يعني عقائديته و عقائدية رفاقه بتخليني احترمهم كحزب و أعضاء (يعني مو شغلة مصالح) و الحكي بينسحب على الغالبية العظمى من الشيوعيين
أما خدام فشغلته فاضية يعني وراقه محروقة و حرقها بزيادة الغباء منه أنو طلع من برة و صار يحكي كان لازم يضل جوا و يشتغل على السكيتي بس يعني عمك أبو البيش حابكها تمام من جوا على طريقة الوالد .. و فهمك كفاية (-;

تحياتي للأخ Danito
بصراحة يا داني مع إحترامي لتوجهات أبوك بس أنا كرهت كل الأحزاب .
الأحزاب عنا بسورية أثبتت فشلها في معارضة البعث ويمكن يكون القومي السوري أقلها فشلا!!

البعث متمكن من الوضع السوري ليس بسبب قوته و خنقه لبقية الأحزاب والتكتلات فقط!!
أيضا لعدم نشوء جبهة منظمة موحدة قادرة على هزيمته وكسر القيود الي كبلها بها البعث على مر السنين.

والسبب برأيي أن هذه الأحزاب فشلت أمام الشعب السوري الذي لم يقتنع بأفكارهم أو لم يتحمس لها أو أن القيادات المعارضة لم تفرز شخصيات جبارة قادرة على إلهام الناس وجذب المواطنين بكافة شرائحهم لإحداث التغيير.

أما القسم القليل الذي إنضوى في هذه الأحزاب تاركا وراءه منافع البعث ومضحيا بإمكانية الإرتقاء على سلم السلطة في الدولة فيبدو عاجزا ليس لضعفه بل لإنعدام الحيلة بين يديه.
ويبقى الأخوان المسلمين المنافس الأبرز"والضعيف أيضا".

لذلك أتوقع أن المعارضة السورية لن تحقق غايتها إلا بمساعدة الخارج وهنا تصبح بنظري "مرتزقة".

موضوع مقرف
ولكنه يفش الخلق

يا شباب بما أنكون عم تبصقوا عليه يعني عاطينو اهتمام يعني هلق أنتو رفعتوا لمستوا البصقة

أنا برأيي يضل بالحديقة أحسنلوا

اقتباس:

كاتب النص الأصلي : gaby swed

يا شباب بما أنكون عم تبصقوا عليه يعني عاطينو اهتمام يعني هلق أنتو رفعتوا لمستوا البصقة
أنا برأيي يضل بالحديقة أحسنلوا

معك حق أخ Gaby
بس القضية ما إنتهت عند الخيانة، هالواطي رح يدمر البلد:jakoush:
والدليل أول رد فعل على تصريحات الخدام إجا من لجنة التحقيق اللي طلبت لقاء الأسد
وهالشي إذا صار فيه إهانة لكرامة سوريا:pos:
وإذا ما صار رح يتحرك مجلس الأمن ضد سوريا (يعني آكلين هوا عالجهتين:cry: )
هي نظرة عامة بدون تفاصيل،لأنو التفاصيل ممكن يصير فيها منافذ لسوريا من خلال المساومات الدولية للأسف:(

الموضوع كله كان فشة خلق مني :aah: :aah: :aah: :aah:
و باعتذر إذا كنت أزعجت حدا بالمسبات:oops: