حبيبي بكه بس تخلص مدرسة وتفوت بلحياة العملية بتعرف شو معنا هل الكلام يلي نحنا عم نكتبو

خليك هبق بلحادي عشر دروس وتعلم منيح وحاكم

خود هالمدق:7asheesh:

بغض النظر اذا كنت مع المولاة او مع المعارضة
لكن هذه الهتافات التي تقولون عنها انها بغير ارادة الشعب
هل تعتقدون وهل تثبتون لي ان كل الذين يهتفون بالشعارات هم مكروهون على ذلك
انتم تأمنون بالديمقراطية اليس كذالك فدعوهم يهتفون بما يريدون واحترموا ارائهم

لك ما هون المشكلي
المشكلي أنو نحنا عنا بعلموه للولد من هوي و صغير على أنو بشار هوي الله بالمدارس بالكنايس بالبيوت ............... إلخ
هادا الشي خلا الشعب يطلع مدجن

شو مدجن وما مدجن:shock: اصلا عقولكن مدجنة :aah: ولولا هيك ما حدا منكم بينفعل وبيبلش يكتب بطيخ وعلاك مصدي اصلا اله يعين هيك ريس على هيك شعب يلي ما بيجي الا بالرص يعني اذا بيرخي ادو شوي وكل 1 بيعمل متل ما بدو سلمو عندا :cry: خلينا نكون منطقين وناقش هالموصوع بمنطقية.بعدين اي 1 منكن مستعد يكون محلو و يفني شبابو كرمال شعبو و ويلو من دولة كذا وغيرا واول شي ويلو من شعبو الي ما عاجبو عجب وهمو الحرية الي بينادو فيها الي بتتجسد لبعض بفلم خلاعي على محطة اوربية او فستان سهرة ما مغطي شي او طلع ممثل يتمسخر رأيسو بالتلفزيون وغيرو وغيراتو كتير هاد الي بتسمو تقدم:( ونركد ورا الي صار مشكلة الغرب والي ما عم يقدرو يتخلصو منو :aah: وبرجع بقول عرب ومنضل عرب بدنا خيمة و كم غنمة نرعيهم افضل شي:jakoush: :jakoush: :jakoush: :jakoush:

يا زلمة شو هل الرد يلي بقشعر البدن عنجد شي بشهي


حبيبي حاكينا بلعقل والمنطق أذا حابب نتحاور

انا بأيد الديموقراطيةوالحرية وبيجوز كون ردي قوي شوي و ما بيناسب اراء البعض .طيب خلينا ناقش بالعقل والمنطق اا برأيك انو حكي غلط و بتأمن بالحرية والي احد اشكالها حرية الرأي ليش الكل نفعلو وبلشو هتر الحكومة والدولة والرأيس كل 1 حر بتصرفاتو وأفكارو ولي كمان بهيك شي ما في حرية بنظر البعض

مين هاد يلي عم يفني شبابو كرمال شعبو بلا صغرة


عكل حال إنتا الحكي يلي حكيتو بدل على تخلف الأشخاص الموالين لنظام حكم بشار الأسد و أنون بيقبلوا بالزل و خصوصا لما بتقول
و لما بتقول
[QUOTEهيك شعب يلي ما بيجي الا بالرص][/quote]


باين باين كتير

أنا مع أنو كل واحد يكون حر بأفكارو ما بتصرفاتو
لأنو برأينا أنون غلطانين



و عكل حال أخي أنا كمان شيوعي بس شيوعيتي ما بتعني تأييد الشخصيات الاستبداديي متل حافظ الأسد و جوزيف استالين

-1 -إذا انت شيوعي هي مشكلتك وشي بيخصك

تخلف الأشخاص الموالين لنظام حكم بشار الأسد و أنون بيقبلوا بالزل
بفهم من حكيك الشعب عنا عايش بذل
2- ماحدا جابرك انو تأيد احدا
وعلى كل حال هي وجهة نظرك انت وشي بيعنيك يعني ضل ناقشك 100 سنة ما رح تقتنع
وبتمنى منك اخ حسون تكتب وجهة نظرك وكيف لازم تعمل الحكومة حتى ما تكون غلطانة

لكن لما واحد بينحبس 20 سني منشان أنو عبر عن رأيو و بضلوا الحراميي برا هادا شو إسمو
لما الناس بينسرق منون حق التعبير عن الرأي هادا شو بتسميه

الحكومي لازم تكون حكومي ديموقراطيي منتخبي من الشعب و يكون في دستور من صنع الشعب

لك خيو شو لسا عم تتحاوروا ؟؟؟

شغلة صارت مفهومة... نحنا ( السوريين المحليين ) متخلفين, جايين من ورا البقر والمعزي شغلتنا وعملتنا والي منفهم فيها هيي جبنة حليب, جبنة حليب, جبنة حليب... لا رحنا على USA ولا شفنا الحضارة والتطور تبعهن

بس نيالهن هدول المتطورين الي راحو وشافو أرض الأحلام وتعلموا شلون يصيرو متحضرين ومتطورين الي صارو يفهموا بالحرية والديمقراطية

الله يعينا !!!

أنا بأيد كلامك 100%

ما حدا عم ينكر اصلو متل ما قلت والتواضع حلو بس لو كنت محلي برات البلد وعم تشوف الي عم نشوفو كنت بتغير رأيك متل ما غيرت رأي انا وكتير لك بيكفي بتطلع على الشارع بليل ما بيوقفك شرطي وبيقلك وراقك ومن دون نفس وبيضل بياخدك وبيجيبك 3 ساعات مع انو كلشي نظامي مشان تدحشلو كم دولار هي إذا ماطلعك ارهابي واسامة بن لادن وبيكفي انو إذا كنت مستأجر ما حدا بيدق الباب وبيقلك بنص اليل يا بتطلع من البيت يا اما بحكي مع الشباب واله لا يفرجيهن لح دا انا طبعا ماعم احكي عن حالي عم احكي عن الشي الي عم شوفو وما بتشوف 1 نايم بنص الطريق بنطر للصبح حتى يفطر من الزبالة وشو بدي احكي

أنا لا رحت عاليو إس إيه و لا بطيخ المبسمر

ما بعرف إنتا وين عايش
بس بعرف أنو بالولايات المتحدي الأميركيي ممنوع شرطي يوقفك بدون مذكرة توقيف
أنا ما بعرف عن مين عم تحكي بس بعرف أنو هلأ بسوريا بيت جدي مأجرين بيت لواحد ما عم يقبل يطلع منو لهلأ
مين قلك أنو بسوريا ما بتشوف ولاد نايمين المسا بالشارع و الصبح عم بنكوشوا الزبالي

متل ما راهنت عليك قلت يا هادا من زبانية النظام أو مو عرافان وضع البلد منيح


حبيبي بسوريا في أخرى من هيك لسة بس بدك ناس تحس

شباب حيجي مناطحة

بس يا ديافل افندي مو هيك الرد بيكون.. الزلمة ما حكالك شي لتقلو هديك الجملة ...
بعدين ليش لتسب بالروسي.. من قلة المسبات بالعربي.. ولا لأنو ما حدا حيفهم و بتنلغى مشاركتك ..
شو باشول ما باشول:pos: ... له له
شباب جملة. :x . لا تنسو انو في صبايا بدخلو عالمواضيع هون فلا كتير تزودوها :jakoush: ....
طارق .. ابو النسيم .. ديافل .. حبابين انتو :سوريا: