|
يا حكيم بعتلك رسالة خاصة بس لا تنساني متل ما عملت فيي بإيميل على الجي ميل 8)
|
وصلت الدفعة التانية
كود:
|
يسلمو دياتك حكيم... ألف شكر
|
مشكور كتير يا أحكم حكيم :) :)
|
ترقبو اول موقع زراعي سوري
1 ملف مرفق .
:D
|
والله اللوغو شغلة كبيرة
بانتظار الموقع بالكامل ابو نهلا العظيم :gem: :gem: :gem: :gem: |
عن جد برافو عليك
كتير بسيطة وجزابة بـــــــــــطــــــــــــ ــل :gem: |
بالبونت الاحمر ...
نظرا لقلة الطلبات الي وصلتنا .. فسبق وزكرنا انو حسبتنا كانت بحجز لغاية 500 اسم نطاق و 500 استضافة ليهم ونظرا لقلة المتقدمين والي تقريبا لهلق حوالي 30 شخص عدلنا شوي مين ما بدو موقع رح نعطيه موقع + دومين نيم بشرط وحيد التوصية ( انو يعني واحد من اعضاء الموقع يوصي بيه - انو هذا من طرفي او انا من طرف فلان -) يعني باختصار اخوك ابوك .. ابن جيرانكون انستك بالمدرسي .. دكتورة الجامعة الي رسبتك هديك السنة .. مين ما بدو موقع يطرشق رسالة خاصة .. يعني باختصار خبرو رفقاتكون وطرشولنا الخبر يمنتا وشمالا :lol: العرض بالكامل بيخلص ب 28 الشهر الحالي .. (تقريبا ومبدئيا) :lol: |
تحية شباب .. اسفين على التاخير ..
المهم تم تسليم النطاقات بالاستضافة لهذي الائحة كود:
agrisy.infoلانو صار لخبطة حبتين بداية واهم نقطة دخلو لوحة التحكم من الرابط بهذا الشكل - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - تستبدل YourDomain باسم موقعك وبعدها بتحط اسم المستخدم وكلمة السر الي راسلناك ياهم في الخاص بتلاقي الصفحة الرئيسية للاستضافة في لوحة تحكمك مقسمة مستطيلات في الوسط في المستطيل الثاني ستجد اول خيار هو Change Password تدخل عليه وبتغير باسووردك لباسوورد من اختيارك انت بشك لما تنساها باقي التفاصيل عن كيف صناعة موقع ,. كيف التحميل الي السيرفر . الخ الخ .. في قسم التصميم والجرافيكس تحياتيييييييييي |
أحلى حكيم
يعني الله يعطيك الف عافيه وانشالله تضل بهالهمة :D :D :D :D |
يعني شكرا dr hus انا استلمت الموقع و دخلت بس في مشكلة زغيرة و هية
اني ما فهمت شي :P و ما عم بعرف اعمل موقع :P و بقسم الجرافيكس و التصاميم ما في شي :P ؟ لهيك help :( |
للاسف وانا عندي مشكلة صغيرة كبيرة كمان اني من 1 -9 ما قعدت على جهازي .. وكل دخلتي على النت من اجهزة الشباب لانو لهلق ما وصلولي التلفون ببيتي الجديد
والمشكلة تكمن انو العدة كلها على جهازي .. يعني الشرح بيحتاج صور بيحتاج برامج نزلكم ياها وشغلات من هال القبيل .. وما متوفرة غير على جهازي غير انو طبعا انا ما بقدر اشرح غير ما كون مرتاح نفسيا و متل ما بيقولي مستأنس .. وصعب الواحد يستأنس على جهاز مو تبعو :D :D |
طيب حكيم أنا بعرف عادةً مشان التحميل
لازم ندخل على الدومين من النت ورك بس جربت متل ما بعمل بالعادة مع الدومينات ما ظبط معي و ما دخل فشو الحل من فضلك ؟ أو كيف في طريقة تانية لتحميل الملفات :confo: :confo: :confo: |
حل مختصر وعلى السريع بين ما يتحلي الوقت حط شرح معتبر
يا اما ftp.URDOMAIN.info وبعدها بتلاقي باالقائمة فايل على اليسار بالاعلى login as بتحط اليوزر والباس تبع الموقع تبعك هيا بالف تي بي يعني لو عندك ريال اي بي طريقة تانية كمان سهلة من برنامج الفرونت بيج بشكل مباشر بتختار open web وبتحط عنان موقعك كامل بعدها بيطلب اليوزر والباس وخلص كلشي وهاي ما بتحتاج لريال اي بي طريقة تالتة لو عندك XP بتروح My Network places (ما بعرف كيف بدك توصلها بالظبط لانو ما قاعد على اكس بي هلق) وبتلاقي بالقائمة الي على الشمال add تقريبا بتمشي مع الويز خطو خطوة وبعدها بتحط موقعك بالشكل التالي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبعدها بيعملك هوي اد كفولدر يعني بتفتح الفولدر وبتدخل الباسورد وباقي الشغل بكل التلات طرق الي حكيتون COPY & PAST شغلى ولا اسهل من هيك |
الشباب الي طلبو مواقع وما وصلتهم معلش يستحملونا ويرجعو يبعتو المواقع الي بدون انسجلهالهم ..
واسفييييييييين للتاخير بس انتو عارفين بقا ظروف الحياة والاولاد وهيك بالنسبة للتصميم المواقع وكيف التعامل مع السيرفر وهيك شغلات روحو قسم (التصميم والغرافيكس والحركات الشيك ) بدينا سلسلة دروس بعنوان تعليم تصميم موقع في يوم وليلة .. سلسلة بسيطة جدا .. وسلهلى جدا جدا .. وقصيرة جدا جدا .. وعلى الاكيد الي بيقرا هال السلسلة الصغيرة بالكتير هيي حتكون 4-5 دروس فقط .. بيقدر يعمل موقع ويصير من اصحاب المواقع على النت :o |
يعني ميرسي لالله بوكو بوكو يا حكيم العظيم ( عالقافية يعطيني العافية ) ههه
تحياتي Dr. H :D :D |
اقتباس:
+ الاستضافة طبعا يالله عمرو ما حدى يورت :lol: |
والله خدمة حلوة
بس أنا حابب أساعدكون بتطوير الموقع و عن طريق شغلة حلوة كثير هل حلمتم أن يكون يوماً لموقع أخوية بريد ألكتروني خاص بها و ستطيع الأعضاء أن يسجلوا فيه و يحصلوا على بريد مثل الهوتميل و الياهو أنا مستعد أقدم هذه الخدمة يا المجان لموقع أخوية ولكني محتاج لشوية معلومات ما هي المساحة المحجوزة لموقع أخوية أريد كلمة سر النفاذ إلى لوحة تحكم الموقع الرسمي من أجل أن أقوم بتحميل ملفات البرنامج مع قواعد البينات لا تحافو أنا ملح أسرق شي :o وبعدين بيصر عندكون خدمة البريد الإلكتروني مثلاً يصير - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وبيصير في مقدور الأعضاء أن يتقبلوا و يرسلوا رسائل مو حلو؟؟؟؟ |
| الساعة بإيدك هلق يا سيدي 16:47 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون