|
يسعدلي مساكم ياشباب كل الأعضاء و الزوار آسفة أنا متعوده أحكي بالرومات مشان هيك بحب كتير مسي وسلم والسلام أول المعرفة صح عموماً بدي حي الشباب و الصبايا الذين يدافعون عن البلد ونظامها بقلبهم و لكنهم لايملكون الحجة أعتقد لصغرهم في السن و قلة الخبرة السياسية بس أنا بدي أتوجه لباقي الشباب ذوات الرأي الحر وخصوصاً أبو نسيم الغالي ملاحظة(بياناتي كله معروفة عندك أنا جديدة على أخوية لكن بحترمها جداً بكل أعضاءها ) أعود لأقول باحترم قوتك و أرئك أبو النسم و درجة ثقافتك الجيدة أولا بدي أعطيك فكرة مبدئية وبسيطة عن منتدى الأتاسي من قبل بداية المنتدى منذو فترة سابقة طويلة كان لي أهتمامات سياسية بحتة وعرض علي تجهيز حزب موالي للنظام السابق (مع الحب الكبير رأي شخصي) كان منشأه الفكر الأتاسي تحديداً طبعاً أستلام حلقة النساء و دعوتهم للحزب الجديد المداخلة الأولى: أنتبه لكلمة موالي لأنه حينها تمت الموافقة الأمنية على الحزب و كان سؤالي الأول عنه هل هو مع نظام المرحوم السيد حافظ الأسد و كان الرد من القائمين طبعاً فوافقة على الأنتساب و كانت الأهداف محددة هي حركة الإصلاح الداخلي المؤسساتي و ليس النظام أبدا و هذه تعتبر مساندة للنظام المداخلة الثانية:أول بيان وصلني من الحزب كان موجزه ضرب الأحزاب الأخرى ليس البعث بل بعض الأحزاب المعاصرة حينها (1994)وفي الأجتماع مع المؤسسين خاص كان هدفهم تحضيري لدورة ريادة لأستلام العنصر النسائي ناقشتهم في البيان فكان الرد هذه هي السياسة يجب أن نشرزم الأخرين لتخلو لنا الساحة قالوها بالعربي (نطلع على أكتافهم)فوراً أعلنت أنسحابي من الحزب الوليد و أخبرتهم حكمة تعلمتها من الديانة المسيحية دون طائفية طبعا هل علينا أن نضع خنجر جديد في جسد المسيح لنصحح الكنيسة من يريد لإصلاح ليبدء بنفسه أولاً و كانت تلك أخر انتمائاتي السياسية و قررت أن أبدأ بأولادي و أعلمهم الفكر الحر والسوي أخي أبو نسيم أعز كل المثقفين( ليس المتعلمين) في سوريا أقدر حاجتهم للديمقراطية لكن هل تستطيع أن تخبرني كم نسبتهم في بلدك التي تحب أو هل تستطيع أن تخبرني كم نسبة الذين يحملون شنتيانات لم تفهمها على ما أعتقد أو سيخ معاش أو بسطيها سكين عندما يصبّح أحدهم على الأخر و لا يعجبه بيفتح بطنه بكل بساطة ليطلع الحكي على كيفوا لسه بتقلي ديمقراطشو دور يا زلمة بلبلد حاجتك أعد على النت بتنظر على النظام لازم تعرف شعبك منيح بعدين طالبله بالديمقراطز هذا هو الشعب الذي بده حذاء و هو لن يتطور أطلب له التطور من تخلف الأديان مو النظام بالأول يمكن بعدها يعرف شو بدو و مين بدو و لا تنسى تسأل متى عرفت سوريا بالخريطة الغربية و بعهد من بالأول عمر بيتك لوتعبت كلشي ألو ضريبتو بعدين حافظ عليه يعني نحن صح هلق عمن خبط جو ببعضنا لكثرة النفوس الضعيفة لكن الحمدالله صار عنا بيت إذا عرفنا نفكر و نتوحد بالرأي ممكن كتير نتحسن لكن مش لازم نستورد حيطان غيرنا نبني عليها بيوتنا وبتمنى من الجميع عدم التجريح بأية قادة أو مسؤلين لكن حاولوا تشملوا كل مسؤلياتهم بمخكم عند أستلام منصب مهم لك يازلمة نحن شوي شغل زيادة بيتعب المخ كيف بلد آه يابلد يلي أغلى من الروح و الكبد و الولد أختم بمحبتي للكل و فائق أحترامي لفكركم إلى الأمام و التطور المستمر.
سوف أوقع هنا خاص بالموضوع: حبيبية سوريا |
يا أخت سلوى فتحتيلي جروحاتي بهل المداخلة
حطيتي أيدك على الوجع تقريبا لح رد بمادخلة قريبا |
هل قمع عملاء امريكا واسرائيل هو قمع للحريات ولماذا للان
ان كل من يتكلم عن ديمقراطية امريكا الزائفة هو عدو للشعب السورى اذا كان هناك ديمقراطية فى ايركا لماذا لم تنسحب من العراق . لماذا لم تحاكم بوش بعد 11 ايلول .لماذا لا تحاورنا لماذا القرارات ضد العرب فى البند السابع ( بالقوة ) وضد اسرائيل وهم فى البندج السادس والى لقاء 9 |
اقتباس:
بس تعليقي على هالرد بالذات ان كل من يقول اميركا لا تحوي حرية فهو عدو للحرية خيو مشان شغلة ليش ما انسحبت من العراق وشغلة العرب واسرائيل حبيب نحنا يكون في ديمقراطية بالداخل وكلشي بالخارج بهون اميركا ممكن ما تكون ديمقراطية بتعاملها مع باقي الدول بس سياستها الداخلية ديمقراطية بحتة وما حدا بيقدر ينكر هالشي اقتباس:
ليش بدها تحاكمو ما عم يدور على المجرم اللي عمل هالتفجيرات لانو ما كان جاهز للتفجيرات؟؟ اوكي بلادو مستهدفة من جماعة ارهابية وهوي عم يحاربهون ناطر تفسير |
:? :? :? :? :?
|
اميركا اصلا هي راس البلا اصلا نحنا ما كنا تقول مصطلحاتها مثل "الارهاب" الا من بعد ما استلم بوش اللعين الحكم لانه هو اللي جاب الارهاب معاه
واللي بيناصر اميركا الكلبة ضد بلده بيكون اصلا مشتق من ذيل الكلب..........مع احترامي للجميع |
اقتباس:
ولو الدول العربية بشكل خاص ودول الشرق الاوسط بشكل عام مانها دول متخلفة ما كان بيطلع للادارة الاميركية تحكي كملة معها اقتباس:
انا ما ناصرت اميركا ضد بلدي انا قلت يا ريت لو عنا جزء بسيط من الديمقراطية اللي باميركا وما حدا بيقدر يقول عن اميركا انها مو ديمقراطية الا اذا كان عم يكذب على حالو ما الحق على اميركا بكلمة ارهاب الحق على اللي الارهابي المتخلف اللي جاب الدب على كرمو واللي كلنا منعرفو اللي استحق كلمة ارهابي عن جدارة هوي اتباعو اللي بسمو حالهون مجاهدين طبعا بقصد بحكيي اسامة بن لادن وصاحبو الزرقاوي |
اقتباس:
و الله يا willi شكلنا رح نترافق ...............هههههههههههههه انه الدول العربية خاضعة ........معك حق بس قلك ليش؟؟؟؟؟؟؟؟ لانه في كتير مواطنين مخلصين لبلدهن لو بيقدروا بيبوسوا صرماية اميركا و اخي مين اللي قال انو اتهمتك انك مناصر اميركا ضد بلدك.....ليش فكرت انك المقصود؟؟؟ ليش انتا عامل شي غلط؟؟؟؟؟؟؟؟؟ انا ما ذكرت حدا لهيك لا تحكي كاني قصدتك بكلامي انا عمبحكي بشكل عام.وانا قلت اللي بيناصر اميركا ضد بلده وانت مو ضد بلدك اذن انا ما قصدتك واكيد الكل بيتمنى انو يكون عنا ديمقراطية...بس شعبنا صدقني ما بيلبقله لانه اذا عطيته وجه بيركب عظهر الحاكم......... و ممين قال انو اميركا مو ديمقرا طية انا ما ذكرت هالشي ابدا و انك تحكي عن البطل اسامة بن لادن ارهابي فهدا بحد ذاته بيدل انه اميركا وذيلها بريطانيا زرعت بمخنا انه هي معلش لو ضربتنا بالصرماية بس نحنا لا .ليش نحنا عنا قوة غير حسن نصر الله وبن لادن؟؟؟؟؟ |
اقتباس:
و الحريي حق لكل الشعوب اقتباس:
أسامة بن لادن قام بقتل مواطنين أبرياء ب11 أيلول و ما كل واحد بوقف ضد بن لادن أو ضد أي عدو لأميركا بكون أميركي بالسياسي ما في عدو عدوك و صديق صديقك |
اقتباس:
اقتباس:
اقتباس:
بن لادن قتل هوي اللي جاب اميركا على الشرق الاوسط وكل اللي ماتو من ورا هالحروب ماتو من ورا ظهرو ما بدك تنسي التفجيرات اللي عم تصير مختلف انحاء العالم بين مديين باسم القاعدة كمان لا تنسي صاحبو الزرقاوي وشو عمل من شي اسبوعين ما حلنا ننساها |
شباب أنا بدي أعمل مداخلة صغيرة منتظرة مداخلة أبو نسيم و أعذروني إذا قلت لكم أنتوا عم بدوروا في حلقة مفرغة لأنو الذي بده يحكي عن الديمقراطية في أميركا يروح يشوف الأمن تبعهم كيف بيعامل الآراء الحرة من وراء الكواليس و كيف بيدبرولهم اغتيالات لاتظهر في إعلامهم الموجه على كيفهم لكن أتمنى فعلاً تعرفوا أنه فكرة الديمقراطية هم يريدون زرعها في مخنا دون ان تكون مكتملة عندهم و لكل شعب أسلوب تعامله من خلاله فنحن ذوات الدماء الحارة وأقرب لخط الإستواء فلا تطالبونا بالتصرفات الهادئة لن تنفع معنا و لاتصدقوا كل شيئ تسمعوه في أخبار أي قناة و لاتعتبروا أي إذاعة صادقة لأنهم كلهم موجهون لجماعات معينة و لفكر معين عموماً نحن بألف خير دون تدخلات خارجية أتمنى أن تعتادوا على التحليل اتلسياسي أكثر من الإعلام فهو أصدق لكم (أحساسكم بالحقيقة هو الحقيقة)
|
سلوى كلو انت عايشة باميركا وشايفة اللي عم تحكيه؟؟؟
على انو اساس عم تحكي حكيك انا ماني عم قول عن اميركا ديمقراطية لان هيك التلفزيون بقلي ولا لانو الاميركان هيك بقلولوي ولا لانو بوش هوي اللي قلي انا وقت كنت بسوريا كان عندي اعتقاد انو اميركا مو ديمقراطية وشغلة الديمقراطية تبع اميركا كلها كذبة بكذبة لان هيك كانو يقولو عنا بس انا حاليا عايش باميركا وبعرف اذا ديمقراطية ولا لاء بعرف اذا في حرية ولا لاء وانا سبق وقلت اني ضد التدخلات الخارجية وانا ماني ضد الحكومة السورية ولاني ضد الرئيس بشار الاسد وبعرف انو في تحسن كبير بسوريا بس نحنا دائما منطمع بالاحسن |
الأخت الغالية سلوى بعد التحية والسلام
أود أن أشكرك على هذه الردود الجميلة التي أن دلت على شيء تدل على حبك للوطن وحرصك على شباب هذا الوطن الذي تنتمي أليه والذي كما يبدو يأخذ حيز مهم من تفكيرك و أتمنى من كل قلبي أن تكون النساء السوريات ( مع فائق الاحترام لجميع) بمثل هذا الوعي والفكر الحضاري لنستطيع النهوض بمجتمعنا و وطننا الغالي. عندي مداخلة صغيرة و أتمنى من الجميع أن يتسع صدركم لي ولمداخلتي بنسبة لموضوع الديمقراطية والشعوب التي تسعى لأن تصبح ديمقراطية الديمقراطية يا اخوان ليست سلعة أو مادة تخضع للعرض والطلب الديمقراطية هي مثل الأخلاق أو الفن أو الأدب يكتسبه الإنسان وينميه في داخله ويسعى للمحافظة عليه و توريثه للأجيال التي سوف تأتي من بعده وهذا الأمر لا يأتي باستيراد أو شراء أو مقايضة هذا الأمر يتي بعد مخاض طويل و ألم شديد . بمعنى أخر لا يمكن أن أتي بتجربة ديمقراطية من بلد مثل التجربة الماليزية على سبيل المثال لا الحصر أو التجربة الأوربية التي تعتبر قمة التجارب الديمقراطية في تاريخ البشرية و أطبقها على بلد مثل سوريا أو مصر أو السعودية ......... الخ من البلدان القمعية الديكتاتورية لو نظرنا إلى التجربة الأوربية لاحظنا أن أوربا لم تتحرر ولم تسير في طريقة نحو الحرية والديمقراطية إلا من بعد مخاض طويل وصراع شديد بين القوة الدينية التي كانت حاكمة في العصور الوسطى والقوة العلمانية التي كانت مسحوقة في ذالك الوقت وبعد ما تنحت الكنيسة عن حكم الدولة وقام الشعب بوضع قوانين و أعراف مدنية تحكم مسيرة حياته بشكل عام تطورت و ازدهرت و أصبحت من أرقى الدول والشعوب في العالم من هذا الكلام نستخلص أن كل شعب يكون ديمقراطية تناسب مصلحته ومصلحة الوطن الذي ينتمي أليه هذه المصلحة تكون مصلحة عليا والجميع يخدمون هذه المصلحة يسعون إلى تعزيزها ولاكن للأسف عندنا في العالم العربي المصيبة الكبرى هي في الأديان وخاصة الدين الإسلامي الذي يعتبر قاتل للديمقراطية وقد وضحت هذه النقطة في أكثر من نقاش وإذا أقتضى الأمر أوضحها هنا مرة أخرى والطامة الكبرى في عالمنا العربي هو الحثالة التي تحكمنا والمطبلين المزمرين لهذه الحثالة يعني لو أن الحكام العرب كان هدفهم زرع الديمقراطية في الناس لكان الوضع الأن أفضل من ما هو موجود لو أن حافظ الأسد كان همه الأول سوريا وليس الكرسي وهمه الشعب ويريد أن يطور هذا الشعب ويبني سوريا الحديثة كما يقال لكان كان منذو 30 سنة كتب أول حرف من أول كلمة من أول سطر في كتاب الديمقراطية لكان الوضع السوري اليوم بألف خير ولكن هذا هو التفكير الديكتاتوري القمعي لابد من وجوده لنوجد بعده نظام ديمقراطي حقيقي المهم من كل هل الحكي يلي بيقول أمريكا مانها ديمقراطية بيكون عم يضحك على حالوا أمريكا ديمقراطة بس عندها يعني ديمقراطية أمريكا لأمريكا مو ألنا ويلي بدو يقول أنو الحرب على العراق والشعب أحتج وما كان لازم يصير هيك شي ........................الخ من هل الحكي بقله أمريكا تهمها مصلحتها أولا وآخر وهل الشي يلي عم بيصير بالعراق ولي عم نشوفه هو ديمقراطية مقنعة مانا ديمقراطية حقيقية بس بتم أحسن من حكم صدام الاستبدادي وهل المصايب يلي عم تصير سببها الأسلام والتفكير السلفي المتحجر العفن ودمتم ودامت سوريا حرة أبية بدون البعث و العصابة الأسدية:7asheesh: :7asheesh: :7asheesh: ولي عودة قريبة جدا |
اعزائي الاعضاء
يعني ما بصير نمارس العمل السياسي الا من خلال التهجم و شتم الرؤساء والاحزاب الحرية والله موجودة في سوريا و امورنا بالف خير يعني باميركا ما في فساد ويعني صار كل واحد دارس كلمتين صار بدو يعمل حزب سياسي وينتقد النظام ويعمل شر يف الشرفاء والله عيب النظام السوري اشرف نظام عربي والفساد موجود فينا ومحاربته واجب وطني على الجميع والنظام يحاول جاهدا لتحسين الاوضاع في البلد وانا شخصيا بعتقد الامور جيدة جدا الرواتب لا باس بها والحرية موجودة ولا يستطيع اي نظام في العالم ان يعطي المواطن كل مايحتاج اليه راتب عالي + منزل + سيارة و الا اصبحنا نعيش في الجمهورية الفاضلة وهذا مستحيل |
اقتباس:
أبو مخول لا تخيل الله تبعي :shock: :shock: :shock: :shock: :shock: |
| الساعة بإيدك هلق يا سيدي 15:16 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون