إنو إي.. خوش بركي (رمية من غير ماري بيل)؟ :)

يعني.. كيف بدنا نشرحها هاي؟ مممممممممممم.. يعني شي متل (الأساس) أو (الأهم).. بكل الأحوال لمزيد من التوضيح.. لازم الواحد يكون سامع (بخصوص الكرامة والشعب العنيد) لزياد الرحباني.. بحوارو مع عباس شاهين..

هلق هيدا اللي طلع معك.. كالكوليتر!! وعم نقول رد صاروخي.. وخلال ثواني ومدري شو.. بيطلع كالكوليتر!! ممممممممممممم.. طيب الفكرة بس إنو.. ولا ممكن.. ولا بأي طريقة.. إمبوسيبل يعني.. يكون أي عدد جذري (راديكالي ع قولة ماري بل) إذا كانت مرتبة الآحاد فيه واحد من الأرقام التالية: (8، 7، 3، 2).. يعني أي عدد.. ان شالله يكون في مليون رقم.. إذا كانت مرتبة الآحاد فيه تمانة أو سبعة أو تلاتة أو تنين.. فـ طج.. ما إلو جذر.. كالكوليتر قال!! :(

وهاي وحدة جديدة.. من ضمن سياسة (مسك الزبون).. قال شو؟.. ترى منقدر نحدد وزن أي شغلة بين 1 كيلوغرام و 121 كيلوغرام.. إذا كان عنا 121 وزنة (قطعة وزن) كل واحدة منها بتوزن 1 كغ.. مبينة مو؟.. طيب.. بس كمان فينا نوزن أي شغلة من المجال السابق نفسو (بين 1 و 121) إذا كان عنا خمس أوزان بس.. (طبعاً مجموعها 121 كغ).. فالسؤال يا إخواتي.. شو هيي هالأوزان الخمسة؟؟

:shock:لحظه لفكر
!!

شو بدك بالـ 1 كيلو (كنت عم جرّب إشرح.. بس الهيئة ما زبطت).. السؤال يا ستي هو التالي: عندك ميزان ذو كفتين.. وخمسة أوزان صحيحة.. نستطيع بها أن نزن أي كمية بين 1 و 121 كغ.. فـ ما هي هذه الأوزان الخمسة؟

اوكي
الاوزان الخمسه هني:
81,27,9,3,1:sly:

كيف وصلنالن..9,3و1 مجموعن 13
اوكي هلأ 13 *2=26 +1=27
هلأأ صار عنا: 1+3+9+27=40 ونحنا بدنا 121....ف 121-40 =81
فالرقم الخامس يللي ناقص هوي 81

و هيك وصلنا للأوزان الخمسه...
و لبرهن هالشي: حنقي رقم 40
و هون الميزان:
( توازن)

نقي اي رقم و جربو...:gem:


و لحتى اثبتلك انو هالطريقه صح انا كمان بقلك انو في 9 اوزان فيك تزين فيهن من 1----> 3777 كيلوغلرام;)

حلو الحديث.. جوابك مزبوط....... أما عن الـ 9 أوزان.. يا ست الكل.. فـ فيكي تزيني فيهن من 1 حتى 9832 (مو بس لـ 3777).. وهالأوزان هني: (1، 3، 9، 27، 81، 234، 729، 2187، 6561)....... على فكرة.. طريقتك منيحة.. بس الطريقة الأسلم رياضياً.. كانت التفكير بالسلاسل العددية... انتبهي إنو كل عدد من الأعداد الخمسة (أو حتى التسعة) عم ينتج عن اللي قبلو بعد ضربو بـ 3.. بالتالي.. فيكي تطرحي المسألة.. بخمس أعداد.. أو أربعة.. أو تسعة.. أو مية.. وكلها رح تكون عناصر من سلسلة هندسية.. مو؟

خطأ مطبعي.. الأعداد التسعة هني: (1، 3، 9، 27، 81، 243، 729، 2187، 6561).. يعني 243 مو 234 (مشان ما حدا يستلمنا عليها)... :) الطريقتين صح.. بس طريقتك بتصير صعبة كتير كلما زاد عدد الاوزان.. مو؟

طيب.. وهاي وحدة جديدة كمان (مسك زبون)... قال شو سيداتي سادتي.. عنا 8 كرات متل بعض خنطق منطق.. بس في وحدة أتقل من الباقيين بـ غرام واحد.. وعندك ميزان ذوو كفتين (بيقدر يقيس الغرام هه).. وبدنا نعرف أياها الكرة الأتقل باستعمال الميزان مرتين بس.. يعني بعمليتين وزن فقط.. فـ هاتوا ت نشوف..

UP ......

ذو كفّتين قلتلي :sick: بدي عشر كفّتين لصحصح حاليا :lol:

منحط بكل كفة 3 كرات لو كانو متساويين يبقى منحط بكل كفة كرة من الاتنين الباقيين ومنشوف ايهم الأثقل.
لو تلت كرات كانو أثقل مناخد منهم اتنين ومنحط كل وحدة بكفة الاثقل تكون المقصودة ولو كانو متساويين يبقة التالتة يلي ما وزناها هي المقصودة.