|
شو هالشغلة...! بس تعقدت الأمور زيادة عن اللزوم ما في أسهل منها أروح أنتحر إزا ما نحروني، وتنحل المشكلة مؤقتا.
|
طيب الواحد يحكي الصراحة
طبعا ما حدا بينكر النهب اللي عم ينهبوه من سوريا بس كمان ما حدا بيقدر ينكر انو في اصلاح بس كمان مافي شي بصير بين ليلة وليلة يعني خراب ونهب مدري كام سنة الهون ما بيتظبطو بخمس سنين ولا اديش الو مستلم؟ هيك شي |
يسعدلي ربك يا ويليم ...هادا الكلام الي بينسمع والي بيدل على انسان فهمان
|
اقتباس:
خمس سنين كافية ليصير تطويرات اكتر من هيك :notok: لك بكفي انو الزلمة ما عندو نية انو يتنحى لبعد حمسين سنة و ازا بدك تسألني شو عرفك انا رح اضحك لأنو عندي الطابة البلووور :frown: لا بس كل الشعب بيعرف هل شي حقيقة السيطرة الدائمة و عدم وجود نية في ايجاد تعددية فعلية و ليست شكلية و ديمقراطية فعلية ايضا و ليست شكلية هي كلها حقائق بتلغي كلشي او اي شي ممكن يعملو هاد البني آدم :frown: و السلام :notok: |
سلامات شباب
رغم أنو من زمان ما عم أشارك بالمنتدى (الحكيم الله يسامحو شال لوحة المفاتيح المساعدة و ما فيني اكتب غير من جهاز رفيقي لأنو لوحة مفاتيحو عربي) بس عم أتابع المواضيع...وهالموضوع بالذات ما كان بدي أشارك فيه منعا للحساسيات....بس صار جلدي يحكني و بدي أرد. رئيس الجمهورية العربية السورية , القائد الأعلى للجيش و القوات المسلحة قانونا هو أعلى سلطة في سوريا و طبقا لذلك توجب الطاعة و الانصياع طبقا لدستور الجمهورية العربية السورية الدائم الصادر عام 1973. هذا الدستور تم تعديله بشكل لصوصي و مافيوي و خارج تماما عن القانون ليتم تعيين شخص غير كفء و غير جدير بالمنصب, لمجرد أنه ابن الرئيس السابق , الذي وصل الى الحكم على متن دبابة. لا يستطيع أحد أن يجبرني أو أن يجبر غيري على احترامكم طالما أننا لا نحترم, الوضع السوري الحالي لا يجعلني أشعر ولو بذرة تقدير نحو السيد بشار حافظ الأسد , الذي لا اعترف به كرئيس لدولتي لأنه استولى على الحكم بطريقة غير مشروعة, و لن اعترف برئيس للجمهورية العربية السورية طالما أنه لم يأت بطريقة شرعية وفق الدستور السوري الحقيقي . و ليس هذه المهزلة المفصلة على قياس جزاري النظام الحاليين. و بالنسبة للاحترام المتبادل...عندما يخرج جميع سجناء الرأي و معتقلي الضمير, سنتحدث عن الاحترام. |
حماك الله سيادة الرثيس بشار الأسد
|
بالعكس معلم سيزار
انا عندي امل انو ممكن يعمل انتخابات ديمقراطية بس بعد ما بينتخبوه بشي عشرين مرة هع هع ممكن يعملها بس بعد شي 3 مرات |
بس أنا متل ما بعرف انو سيادة الرئيس بشار الأسد ما أستولى على الحكم متل ما عم تقول ..
والي كلفوه بالمهمة ناس بتعرفهم عين المعرفة ...يعني ما صار لأنو ابن رئيس ..لأنو بهداك الوقت الرئيس مات ..الله يرحمو .. وسلموه للدكتور بشار الي استلموا من بعد المرحوم القائد الخالد حافظ الأسد .. وكيف ممكن انجبلكم شحص بتحبوه ؟؟؟؟ يعني اذا تعديل الدستور تم بين اعضاء مجلس الشعب وتمة الموافقة عليه .. مين بيروحوا وبيسألوا ؟؟ وتحية خاصة للأميرة |
:lol: :lol:
لك القصة صارت متل الجاجة و البيضة مجلس الشعب مين حطو :frown: لأ مو الشعب يعني لازم يسمو مجلس المعلم لأنو يلي حاطو المعلم فتصور يا رعاك الله انو ما يجو و يعلنو البيعة للأبن :notok: اي بيفلشوون و بيفلشو حريمون مشان هيك لاتلعب على هل وتر ;-) |
لأ بدي ألعب
لأنو بعد وفاة الراحل حافظ الأسد ما ضل لبيت الأسد سلطة ... يعني كيف بدهم يجبروا طلاس و خدام وبقية الناس احكي منطق حتى يكون الحوار منطق |
طيب رح احكي منطق
يعني هلأ عيلة الأسد بعد موت حافظ ما عد عندها سلطة بدك تفهمني انو الشعب اجو حطو لبشار ؟؟ لا الفلم صار بكل وقاحة امام كميرات الإعلام و مسمع العالم جميعا و حملو القانون و المصنوع في سوريا من المطاط :gem: و طولو و قصرو لحتى اجا على طول عريس الغفلة :ok: فقامو بتعديل الدستور في ما يتناسب و مواصفات العريس (لك لو عدلو عمر الزلمة كان أشرف و أرحم ) و بين يوم و ليلة كان الزلمة صاير برتبة فريق 8) و بذلك كان المواصفات المعنوية و التعبوية و الميدانية جاهزة و دحشو للعريس بالفراغ يلي كان تاركو الوالد العظيم المفدى الراحل الشهيد ال ... الخ الخ الخ هي الحقائق ازا نكرتلي وحدة منها انا رح بطل ناقشك او رد ;-) (بجوز تكون مو فارقة معك بس مو هي المسألة ) اي مشان هيك بحب تخبرني جانبك من القصة و لو كانت مطابقة بكون شاكر الك و سلام |
كلامك سليم 100 % وحتى انهم رفعوه عدة رتب دفعة وحدة ...
وعملوه القائد العام لجيش والقوات المسلحة .. وحتى عملوه أعلى سلطة بحزب البعث وكل هالأمور بعرفها فيك تقلي تحت أي سلطة قدر يعمل هالأمور .؟. يعني هوة لا رجل حرب ولا رجل عسكري حتى ( ملحوظة الدكتور مشان هيك ما بيلبس اللباس العسكري احتراماً للقادة الأعلى منو ) كيف ممكن يعمل كل يلي عملو ؟؟؟ وانت قلي مين بيجبرهم يعملوا هيك ؟ مين بيجبر السيد عبد الحليم خدام انو يسلم الدكتور بشار الحكم بعد عدة مراسيم جمهورية صدرت عنو لأنو هو الرئيس ( بالإنابة بالفترة الأنتقالية) وليش ما خلا الحكم ألو ؟؟؟ في كتير أسألة ... بعرف جوابها بس بدي اسمعها منك وفي أسألة ما بعرف جوابها وبدياها منك اذا عدك جوابها وكمان ملحوظة ...فارقة معي انك ما تكمل نقاش لأنو مجرد نقاش يا بتقنعني يا بقنعك وما في شي بيناتنا ..بالنهاية كلنا بدنا مصلحة البلد .. مصلحة سوريا ... وتحياتي لك ولحوارك :D |
ولك مرحبا بالشبيبة
شباكون عم تتخانقوا انا راح قول الي عني ليكون انا ما راح قول انو بشار الاسد اجي بشكل ديمقراطي بشكل 100% بس انا هالزلمة بحبو من كل قلبي وهو عم يشتغل من قلبوا للبلد واكيد حصل تغير للاحسن وانا شايف انو هو الرجل المناسب لمنصبوا ومتل ما قلتلكون بيجوز ما اجى للحكم بشكل ديمقراطي 100% بس بيستاهل :D :D :D :D :D :D :D :D :D :D :D |
يلي بيسمعك عم تقول ديمقراطي 100% بفكر انو في 1% ديمقراطية :lol:
|
مو قصدي انو في ديمقراطية او مافي
بس الناس لما صوتت صوتت بكترة في ناس صوتت بالدم انا كنت شاهد بس ليك انا ما بامن بالديمقراطية الممطلقة لهيك قلت تقريبا على رسي سيزوا |
والله الواحد يقول الحق الرئيس عم يشتغل بس شلة الحراميي اللي محاوطينه
عم يشلوه ويقطعوا الهوا عنه ماكل واحد عامل دولة اله ولاده ومو رايحة غير على الشعب المسكين |
إلى الشقورة الأمرة الحلوة الظريفة...بس الغبية اللي ما بتفهم..:jakoush: :jakoush: :jakoush:
حاج كلام فاضي... وملينا بصراحة...هاتي شي جديد..:notok: :notok: |
:? :shock: :shock: :dunno:
|
| الساعة بإيدك هلق يا سيدي 22:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون