أخوية - الساعة البيولوجية للجسم

أخوية (http://www.akhawia.net/forum.php)

- صـــحة (http://www.akhawia.net/forumdisplay.php?f=27)

- - الساعة البيولوجية للجسم (http://www.akhawia.net/showthread.php?t=125564)

اقتباس:

كاتب النص الأصلي : المحارب العتيق (مشاركة 1294931)

وبرز في الدراسة أن هناك نطاق واسع من ساعات استيقاظ ونوم الأشخاص المختلفين من آخر الليل إلى ساعات الفجر الأولى، حيث يرتبط هذا الأمر بجزء من الدماغ يدعى "الوطاء" (الهيبوثالاماس)، والذي يحتوي على الساعة البيولوجية التي تقرر فترات نوم كل إنسان.
وأشار أوللي لاغركويست، أحد باحثي الدراسة، التي أجريت على 18 شخصا، إلى أن الدراسة أجريت عبر فحص مدى قوة سيقان أشخاص من النشيطين صباحا ونظرائهم من ساهري الليالي، في أوقات مختلفة من النهار، ليتبين أن قوة "النهاريين" تبقى مستمرة طوال النهار، بينما يكون "رواد الليل" على أعلى مستوى من الأداء المهني والشخصي في الليل.
وبيّن لاغركويست أنه كان يتوقع أن يكون الأشخاص "النهاريين" أكثر قوة من ذلك أثناء النهار، مضيفا أنه تبين أنهم يبقون على حالهم طوال الوقت.
وأوضح أن هذا الأمر قد يكون نظرا لأنه ظهر في أجسام "ساهري الليالي،" زيادة في استثارة القشرة الدماغية والنخاع الشوكي في المساء، وهو الأمر الذي لم يحصل "للنهاريين،" حيث تختلف أوقات استثارة النخاع الشوكي والقشرة الدماغية عندهم.
وبالمقابل، أفاد لاغركويست، بأنه رغم أن "ساهري الليالي" هم على درجة عالية من النشاط ليلا، إلا أن متطلبات الحياة والعمل تقتضي بأن يصحو نهارا، وهو أمر في غاية الصعوبة بالنسبة لهم لأنهم "مبرمجين" بيولوجيا على أن يعيشوا حياة ليلية لا نهارية، على عكس "النهاريين" الذين يبقون على نفس المعدل من النشاط طوال اليوم.

والله هالساعة البيولوجية دوختني
بس بالنسبة لهالنقطة بالذات بتوقع إيه فعلا في ناس إنتاجهم وتركيزهم بيكون عالي بالليل
مثلا الكتاب بيكون إنتاجهم أفضل وأحسن بالليل لأنو مافي هالضجة والإزعاج اللي بيكون بره البيت وجوه البيت بالنهار
فبتلاقي أفضل وقت ليمارسو فيه نشاطاتهم هو الليل
حتى الرياضة .. اليوغا مثلا بتحتاج لتركيز وهدوء .. في ناس بتلاقي أنسب وقت ونشاطهم ونفسيتهم وبتكون مرتاحة كتير بالليل
هيك بيكون الجسم تعود إنو هالوقت هو أفضل وقت لإلو لينتج ويكون إلو فعالية بشو ؟؟ بالليل

هلق احزر كام مرة قلت الليل وإلك جائزة :lol:

احسن طريقه هوه انك تقرر وتسوي زي ما قررة, يعني اعمل برنامج ومشي حالك عليه حتى لو بتحكي انك ما بتقدر عليه, اغصب حالك على الوضع الجديد وامشي عليه غصب عنك, خليك مصيطر على ارادتك, مو ارادتك الي مصيطره عليك.
بلا ادويه بلا هم, اهم شي الاراده

اقتباس:

كاتب النص الأصلي : عربي عربي (مشاركة 1295794)

أنا معك انو الارادة أهم شي

بس انا كانت فكرتي من كل الموضوع . هية علمية بحتة . كيف فيني علميا أتحكم بطريقة وساعات نومي بدون ماينعكس هالشي على صحتي

اقتباس:

كاتب النص الأصلي : المحارب العتيق (مشاركة 1294894)

شباب من فترة وأنا صاير لاليلي ليل ولا نهاري نهار . أوقات النوم والأستيقاظ عندي مشربكة وفايتة بالحيط . الشي يلي عم يخليني دائما اشعر بتعب شديد . عدا عن انو نهاري بيضيع نصو بالنوم . المعروف انو اي تغيير بهاد الروتين ممكن ينتج عنو أعراض ارهاق ووجع راس وغيرها . وانا أصلا ماعم أقدر غير هاد الروتين . فياريت تفيدونا كيف فينا نسيطر على الساعة البيولوجية للجسم بأني غير وقت نومي بأريحية .وبدون اعراض جانبية . وياريت تقدمولنا نصائح كيف فيني خفف ساعات نومي لأقل وقت ممكن بدون ماتتأثر طاقتي بهاد الشي

شوف يا صديقي من تجربتي الشخصية

ما حينفع اي شي معك

انا جربت كتير

كنت ابقا صاحي يومين لحتى اقدر نام بالليل

وتاني يوم ارجع اسهر يعني ضل 3 ايام هلكان وما استفيد

ولما كنت اشتغل لاكتر من سنتين ونص فيق كل يوم الصبح

واول ما تركت الشغل رجعت لليل

مع العلم اني ببقا طول اليوم تعبان و راسي تقلاننن

ومافي مساعد الا النسكافيه

بس انا مع هي الدراسة الي ذكرت

يعني بالنسبة لالي ببصم بالعشرة

يا اخي بالليل انتاجيتي 80 %

وبالنهار يا دوب 40 %

مابعرف انا بالاخر تعبت وبطلت دور على حل

بقى اذا نفع معك شي حل ياريت تنصحني فيه

بس هي قصص الارادة والبرنامج

فانسى لان الشباب عم يحكو من وجهة نظر الناصح

وما فهمانين انك انت هيك مو لان بدك هيك

فحتى لو عملت برنامج وقدرت تنام بالليل

انتاجيتك بالنهار رح تكون ضعيفة كتير

سال مجرب

اعمل برنامج انك تشتغل في النهار وتشوف صحابك وهيك اشياء بالنهار على اساس ترجع متكسر في الليل وداوم عليه شهر, وشوف شو بصير معك وخبرنا

اقتباس:

كاتب النص الأصلي : W.E.G.A (مشاركة 1296818)

هلأ يمكن بتفق معك . بما انو حالتي بتشبه حالتك جدا . أنا لحد هلأ جربت قصة الباندول نايت وماعمل شي معي . غير شوية تعب حسيت فيهم مابعرف اذا منو ولا لأ . الشباب حاولو يساعدو من تجاربهم . ومشكورين