انا برأيي عمليات التجميل مابها شي اذا كانت الوحدة مثلا كبرت بالعمر وما عادت متل ابل بعتئد انو عادي تعمل عملية لترجع شبابا وبالاول وبالاخر هي لمين عم تعملها مو لجوزا ليضل شايفا حلوة
اما بالنسبة لعمليات التجميل تبع الممثلات وشي نفخ وشي شفط انا ما بحبا بنوب لان الله لما خلق هالخلقة اعطاها ميزات واذا ما كان عاطيها الجمال بيكون عوضا بشي تاني فلازم الواحد فينا يكون عنده قناعة بشكلو ويحمد ربه بكفيه الصحة يللي عاطي اياها والا بدو كل شي مرة وحدة

هلأ اذا عالمعايير فعندك مثلا انو اذا العيون كبيرة احلا من الزغيرة و التم الزغير احلى من الكبير و ووووووو الخ

بس مو بالضرورة اذا حدا اتوفرت فيه هالصفات يكون حلو بنظر كل العالم

بس الغالبية هيك

و مشان عمليات التجميل فأنا معها من الالف الى الياء

هذا وقد أفادنا برنامج احمر بالخط العريض عن الفرق بين:

عملية التجميل (تجميل الملامح)

وعملية الترميم (التي تستخدم لإصلاح التشوهات كالتي تنجم عن حوادث)

أكيد الكل رح يكون مع عملية الترميم

بس عملية التجميل انا معها بشرط تكون للتجميل (مثلاً أنف غير جميل )
يعني اذا وحدة انفها مابه شي انا ضدتعمله عملية وتغير موديله وتعرض حالها للخطر !!!!!

وأنا ضد عمليات التجميل يلي بيعملوها الفنانات وخاصة الصغيرة من نفخ خدود وشفايف مثلاً , وحتى انه هالعمليات وحدت ملامح الفنانات وصرنا نحاول نحزر مين هالفنانة

:D

طب ليش معايير الجمال هيك..ليش لحتى ما يكونو العيون الصغار أحلى من الكبار وليش مو التم الكبير أحلى من الصغير..

هي المعايير السائدة بفكرنا بس من بيحط هلمعايير لحتى نحنا عهالاساس منقيم!!؟

الكل صار يساوي عمليات التجميل اللي تزغر واللي تكبر واللي تنفخ واللي تشيل من اساسو انا مش معها ازا كانت بغرض البعزقة وشوفت الحال بدون ما تكون فيه حاجة حقيقية الها اما ازا كانت بغرض ازالة عيب خلقي حتى يتخلص الانسان من عقدة نفسية بسببها فانا معها وبهذه الحالة تسنى العملية تجميلية ترميمية بتمنى كون افدتكن

ما حدا بيحط هيك معايير يعني بتجي بالفطرة و العين لحالها بتلاقي شي حلو و شي مو حلو