متفرقات
المادة 70
يحرم على الرجل التزوج بمن لا عنها إلا إذا أكذب نفسه وأقيم عليه حد القذف
المادة 215
3-إذا حلف الزوج أيمان اللعان ونكلت الزوجة عن الحلف، أو تغيبت بعد تبليغها أصولاً أو غابت وتعذر إبلاغها، حكم القاضي بنفي النسب
المادة 220يحرم على الرجل التزوج بمن لاعنها إلا إذا أكذب نفسه وأقيم عليه حد القذف
المادة 260ولد كل زوجة في النكاح الصحيح ينسب إلى زوجها بالشرطين الآتيين:
1-أن يمضي على عقد الزواج أقل مدة الحمل.
2-أن لا يثبت عدم التلاقي بين الزوجين بصورة محسوسة، كما لو كان أحد الزوجين سجيناً أو غائباً في بلد بعيد أكثر من مدة الحمل، وذلك من تاريخ العقد إلى الولادة، أو حدث بعد الزواج واستمر أكثر من خمسة وستين وثلاثمائة يوم، فإذا زال المانع يشترط انقضاء أقل مدة الحمل من تاريخ الزوال
تذكر المادة 70 حد القذف بشكل يدعو للاستغراب.. فقانون العقوبات السوري يعتبر قانونا علمانيا "لايشكل الدين المصدر التشريعي الرئيسي فيه" ويحوي عقوبات واضحة فيما يخص الزنا ويبدو غريبا تشريع القذف في قانون احوال شخصية متعديا لاختصاصه.. ومناقضا لقانون العقوبات السوري..

إضافة الى أنه كان الأولى بالمشرع السوري الاقتداء بقرار محكمة النقض المصرية في قضية الفيشاوي الشهيرة واعتماد تحليل الحمض النووي كإثبات للنسب وعدم الاعتماد على وسائل اثبات غير موثوقة كالشهادة والانكار.

ليش شبون هالكلمات :?

و الله مبارح وطئطلك شو جارية يا شيخ... ايييه.. ما كانت منكوحة من قبل. و بعد ما خلصت طبعا امرت بإعدامها لانها صارت نجسة

اخي معليش حياتنا نحنا كنخبة المجتمع ما ضروري تكون نفس حياة العامة.. لازم يكون في فصل باللايف ستايل


:pos:

اي بس أنا مو نخبة .. شو بعمل؟؟!!:shock:
معليش اذا انوطئت واننكحت وانلعنت؟؟

هلأ هي المادة لدين معيّن أو لطائفة معيّنة ولا للكل


وإذا في مجال تشرحيلي هي أكتر لأنو صراحة مافهمت شي لا من المادة تبع القانون ولا منها

لا يجوز للرجل أن يتزوج امرأة أفسدها على زوجها إلا إذا عادت إلى زوجها الأول ثم طلقها أو مات عنها، وتحرم مؤبداً إن تم ذلك في أثناء عدتها

وانا كمان مافهمتها لهي شو يعني؟

القانون ماعم يتدخل بعذرية المرأة....
أحياناً يتم الزواج بين الشاب والفتاة على أنّ الفتاة لم تكن متزوجة من قبل أي أن الفتاة وأهلها لم يفصحوا عن زواج ابنتهم السابق, ولكن بعد فترة من الزمن عرِف الشاب بأن زوجته كانت متزوجة من قبل, يحق له استرجاع المهر والهدايا, ولكن إذا أصر أهلُ الزوجة والزوجة بالإحتفاظ بالمهر يستطيع الزوج اللجوء إلى المحكمة للحصول على المهر...
تحدُث كثيراً في مجتمعنا ولكن دون اللجوء إلى المحاكم, وفي بعض الحالات يلجأ الزوج إلى المحكمة للحصول على المهر :D

طيب انا بايدك بهالنقطة يعني هادا براي بنزل تحت بند الغش والتدليس
بس هو ليش هالقانون خاص بالطائفة الدرزية بس ؟؟

كيف ما في تدخل.. التشريع ما حكى بس عن البنت اللي كانت متزوجة من قبل كمان شمل الفتاة اللي فاقدة عذريتها.. وكمان خصص إذا كان بسبب الزنا..
طيب بلكي الصبية كان عندا علاقة وأجرت عملية ترقيع وقتها ماعاد يحق للرجل يسترجع المهر؟
هي مسائل شخصية بتنحل بطريقة شخصية مافي قانون بالعالم بيتدخل فيها..

العدّة عند المسلمة حسب ما أذكر أربع أشهر وعشر أيام أو ثلاث أشهر وعشر أيام يعني حتى ما بتوصل للسنة بالمرّة

وكمان في حال إنّو الزوجة ماخبّرت الزوج لأنّو ما بعتقد في واحد بيعرف إنو مرتوا مالها عزراء وبيتجوزها وطبعاً هو ماعندو مشكلة بالموضوع, وبعد هيك بقرّر يرفع عليها دعوا كرمال يرجع المهر, الزواج مو بس مهر في نفقات تانية وبتكسر الضهر يعني مالها سهلة...
المادة هي في حال الزوجة ماخبّرت الزوج إنها كانت متزوجة من قبل أو إنها فاقدة لعذريتها بغض النظر عن الطريقة
وبرجع بقلّك أغلب الخلافات من هالنوع مابتوصل للمحاكم بس في حال ماوصلوا لحل يرضي الطرفين بيلجأو للمحكمة, بعدين في كتير أمور بتنحل بالتراضي معناها أي شي بينحل بالتراضي مانشرعلوا قوانين بنصفى بالنهاية من غير قوانين