يا أخي والله اللي بيفهم بريح ... عراسي أحلى ديموزي وتفضل لعنا لنشرب أحلى كاسة متة ... ولعيونك وجكر بكل اللي ما بيشربو متي كل ما فرطت منجدد وهيك ليفرجا الله ...

وطيب المرة الجاي منعزمك لعنا على اركيلة ومتة كمان :lol:

استاذ ديموزي :
نسيت تذكر شغلة مهمة ....
المتة رمز التخلف في مجتمعنا السوري....المتة هي شعار لمرحلة كاملة من التاريخ مع الملاحظة أنو أهم ميزات هالمرحلة هو الإنحطاط :?
................ عندما تزول المتة يزول الظلام ...................
................ طوبى لمن شرب النسكافيه في عصر تسود فيه المتة ................... :P

يسلم تمك يا أبو نهلة :o

يا أخي ليش كل العالم بدا ترجعنا لورا بالوقت يلي نحنا فيه حابين نمشي لقدام :(

يا عمري إنت :hart: :hart: هو صحيح ما في غير 3 ساعات طيران بيني و بينك بس إنت بتعرف إنو قلبي معك و إنو مع كل شفة متة وكل سحبة أركيلة كنت عم اذكرك :cry: :hart:

بتعرفي كنت مبارح ببرشين وبعدها بالمشتى وشربت نفس أركيلة وكاسة متة وسمعت الوسوف وحلف القمر وتحت القمر بالليل بس بتعرفي ماتهنيت بدونك يا حياتي :sosweet:

بتستقبلونا معكون :hart:

طوبى لمن شرب العرق في عصر يسود به النسكافه :P

يا شباب شبكن هيك ظلمتو المتي العطل ما منها العطل من يلي عم يشرب :P
متي ومن البلد لأنو فيها شغل كتير :wink:

اي والله حالحكي سليم % 100 بس بخوف شوي للماعندون تلفونات :D

له يا اخ حشت نشت ......... المتي ابدا مانها رمز للتخلف ...... و ليست وليدة مرحلة من الانحطاط , لربما سادت في فترة الانحطاط الا ان جذورها ترجع الى عصور النور و الاشعاع في تاريخ بلدنا المشرق , :lol: لا جد عم احكي , الموضوع ما متل ما مبين .... شكلوا ما مبين شي .

انا ماني ضد النسكافيه ........... و نحنا ما منحارب الحداثة 8)

بس المتي هي الاصالة و التراث :angel: .................. بتعرف مين علمني على المتي ......... المرحومة ستي الحبيبة , كانت من انا و صغير تشربني متي , و انا بحب المرحومة كتير كتير و بحب المتي لان المرحومة علمتني المتي .

و بقلك بالاخر انو شعبنا لن يركع ولن يذل و سيبقا يشرب المتي ما دام في دم بعروقنا .




و اسلموا

فيليب :cry: :cry: بكرة بس إجي إجازة بدك تاخدني مشوار على برشين و على المشتى نأركل أنا و ياك هونيك و نشرب متة و نسمع الوسوف تحت ضو القمر؟؟؟؟؟؟؟؟؟؟؟؟؟؟؟؟؟ :hart: :sosweet:

وأنا مستني هاليوم من كل قلبي :sosweet: :sosweet:

أستاذ ديموزي
أنا ما بقيم الأشياء من حيث كونا أشياء بالعكس تماماً معيار تقييم الشئ هو طريقة استخدامو
مثلاً غيفارا كان يشرب متة .....وشعبكن الصامد كمان بيشرب متة .... بس متة عن متة بتفرق وبتفرق كتير كمان
المتة حالياً هيي احدى ارخص و اتفه وسائل طق الحنك .... عنا طبعاً
اذا نظرنا للمتة كمشروب مجرد فهيي مشروب ضار لايقدم اي فائدة رغم ما يشاع عن ان شرب المتة يساعد على التخلص من الرمل و حصى الكلى ... بل بالعكس تحتوي المتة على نسبة مرتفع جداً من اوكزالات الكالسيوم والبوتاسيوم التي تسبب الرمل والبحصة ( هناك دراسة اثبتت ان معدل الاصابة بالبحص في المناطق الغربية من سورية يفوق معدل الاصابة بالبحصة في المناطق الشرقية حيث لا تنتشر عادة شرب المتة ) .
المتة لا تحتوي اي املاح او فيتامينات او عناصر غذائية متاحة للجهاز الهضمي .
ان النعتادين على شرب المتة يقومون بشرب كميات كبيرة من المتة يومياً تصل احياناً الى عدة ليترات في اليوم الواحد مما يسبب مشاكل حقيقية للجهاز الهضمي على المدى البعيد والمنظور بالاضافى الى اجهاد الكلى والمثانة و المسالك البولية عموماً
في بعض المناطق السورية تسود عادة شرب المتة في كاس واحد و بالتالي مصاصة واحدة و بالتالي تكون المتة وسيلة فعالة لنقل الامراض مع العلم انه في مناطق اخرى تنتشر عادة الشرب في كاس واحد مع ملاحظة ان كل شخص يحمل مصاصة متة في جيبه ( ظاهرة حضارية بترفع الراس ) حيث ان الشرب في كاس واحد يخلق اجواءً اجتماعية حميمة كما يروج شريبة المتة .
النقطة الأهم هي أن المتة حققت انتشاراً كبيراً في السنوات الأخيرة في المدن السورية نتيجة عاملين :
الأول هو هجرة سكان الريف الى المدن حاملين معهم العادات والتقاليد الريفية الى المدينة واحدى هذه العادات خي شرب المتة . :!:
العامل الثاني وهو الأهم برأيي الشخصي هو أن المتة مشروب رخيص جداً مقارنة بغيره خصوصاً أن أسعار القهوة ارتفعت بشكل كبير في فترة العامين الماضيين قبل ان تعود الى السعر الطبيعي مما دفع الكثيرين الى البحث عن بديل فكان هذا البديل هو المتة :shock:
لكن المصيبة الحقيقية هي أنه لا أحد يتسائل عن سبب رخص المتة ؟؟؟
المتة مشروب مستورد من خلف المحيطات و معلب في علب انيقة و أحياناً بكل علبة هدية فلماذا تبقى رخيصة جداً وفي متناول الجميع؟؟
السبب ايها الأخوة أن المتة التي تستورد الى سوريا ليس لها اي سوق في الأرجنتين سوى للأعلاف :shock: :shock:
لأن المتة التي يشربها الأرجنتيني هي أوراق المتة الطازجة الفتية و التي لا تحوي عروق خشبية سميكة .
القطع الخشبية الصغيرة التي نجدها تطفو على السطح في كأس المتة الشهي ما هي الا العروق الوسطية لأوراق المتة القديمة ( الكبيرة العمر ) و التي تعتبر غير صالحة للاستهلاك البشري و تباع كعلف اخضر للحيوانات المجترة .
و نظراً لقلة قيمتها الغذائية كعلف و اضرارها على الحيوان خاصة الأبقار الحلوب حيث تعطي الحليب لوناً و نكهة غير مرغوبين تبقى الاف الأطنان من أوراق المتة الجافة تتخمر ببطئ على الأرض تنتظر التاجر السوري الذي يشتريها بازهد الاثمان و يعلبها و يسميها باسماء رنانة وطنانة وبكل عابة هدية :P
في الختام لا يسعني الا أن أقول ألف صحة وهنا لكل شريبة المتة الأشاوس في القطر العربي السوري الذين ينعمون بأطيب و أشهى الأعلاف الكاسدة في القارة الأمريكية الجنوبية . :o :o
و للراغبين بالاطلاع على المتة الحقيقية و هي مشروب فاخر باهظ الثمن عالمياً يمكنكم زيارة هذا الرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

طيبة ابو نهلا

حبيتها منك

:o :o :o :o

استاااااااااااااااااااااا ااااااااااااااااااااااااا ااااااااااااااااااااااااا اااااااذ يا شريك :D

حبيبي و نور عيوني :hart: , حشت نشت , يعني ما بعرف ليش هيك حابب تضل متكلف كتير ؟؟ يعني رفاع الكلفة يا أخي , ما حبيتها هاي استاذ ديموزي كل مرة :lol: صحي انو انا استاذ كبير يعني و قدي و دلقي بس :angel: انا متواضع كتير :P

لا جد يعني انا كل ها المواضيع باخدها تخويت :lol:

والله العظيم , و انا ما بحلف كذب :shock: , انو فهمان عليك شو كان اصدك من الاول ...... بس هيك حبينا ناخدها تخويت , اي فردها يا زلمي شوي , :cry:

ايـــــــــــــــــــــــ ــــــــــــــــــته شوهاد با أخي hashtnasht والله اجت بوقتها :D :D