|
اقتباس:
متل أي نوع اتصالات آخر .. أو أي نوع ميديا أخرى يعني بتقدر تقللي هلأ إذا التلفزيون ( بالمطلق ) جيد ولا سيء ..؟؟ |
اقتباس:
مع العلم اني ولا مرة قبل هلق صدف اني سمعت بأن بالاخوية في شي اسمه " عضو مثالي :shock: " اذا كان قصدك بالعضو المثالي = العضو المقبول اخويا فبتركلك مجال وضع الاشياء اللي بتحبا .. وما بعتبر حالي معني بالحديث عن هي النقطة خصوصا بأن كل شخص بيمتلك نظرة معينة .. بس بحب خبرك بأن الاخوية مانا منتدى الحادي وفيه مجموعة كبير كتير من المؤمنين والاتقياء اكثرن مقربة مني هوي مولانا " محمد ابراهيم " فما بعتقد وضع شرط الالحاد صحيح بالمرة .. اقتباس:
بخصوص كم مرة بهدلت شبعرفني كام مرة وكيف وليش .. فما هوي الشي المفروض يكون المحور اللي بدور حوليه موضوعنا ونقاشنا . |
اقتباس:
الانترنت صيغة افتراضية بتسمح للشخص يعبر عن آراءه ويتواصل بآراءه ..وبصراحة بالنسبة النا صارة متنفس للتعبر عن افكار ما بتقدر بالواقع تعبر عنها بحرية .. بالنسبة الي هلشي بيمنح الحياة الانترنتيه قدسية واهمية كبيرة بس وقت بدها تتحول لساحات تبييض وكل مين يسمع الدرس اللي حفظانه .. اي بلاها وجهنم تحرقا .. ما ناقصنا تمثيل واقنعة الواقع لحتى يزيد قناع الانترنت وتبييض الافكار على العالم . ما عما عاتب على العالم اللي ما بتقدر تعبر بالواقع عن افكارا بحرية عتبي على العالم العندا مساحة حرية على الانترنت وما بتستغلها بالتعبير عن افكارا بقدر استغلالها للفزلكة وصف الحكي . شطاح خيو شطاح .. اذا هون ما شطحنا وحكينا فين بدنا نشطح :D |
اقتباس:
بس بالنت انه يا عم احكي فضفض عبر .. لك العندك احكيه .. اذا كان ضعيف كتير وغبي فلازم وبتحس انه متخلف جدا ليطرح كتعبير عنك .. فانه فكر يا عم تغير بحالك .. اذا كان بنظرك تصرف صحيح فدافع عنه ليش عما تتستر بالمثالية وتسمعلي الدرس اللي انا سلفا حفظانه ؟ انا كمان من الأشخاص اللي تغيرت قناعات كتيرة بالنسبة الي .. بس ما كان صار هلشي لو ما حكيت بشكل مباشر عن قناعاتي .. اكتر آرائي المتطرفة ما كانت تغيرت لو ما عبرت عنها ودافعت وناقشت وبالنهاية اكتشفت خطأي وصلحته .. لو قضيتها عما بيض جمل وعبارات كنت لهلق مكانك راوح لا استفدت ولا اتطورت اتوسة :lol: اهلين صافو :D |
اقتباس:
بس هلق ما عاد حدا يقولا .. اكيد ما التغت الفكرة بس ما عاد حدا يحكي فيها الكل صار ينظملك الجمل الرنانة دفاعا عن حق المرأة بالعمل والمرأة نصف المجتمع والخ الخ الخ .. الملحدين والكفار وبضيف علين المثليين .. على النت بعبروا عن آرائن بحرية لأن كلنا منعرف شو نوع العقوبات " الاجتماعية " اللي ممكن اتطالهم من مدايقات ممكن تصل لمرحلة التعدي الجسدي والضرب .. بنظري هدول الاشخاص اللي بيعرفوا يستخدموا النت بشكل صحيح :pos: |
اقتباس:
اقتباس:
وبتذكر بأني كان الصف كله بيعرف مقومات الوطن وبعددها عن غايب مع الشرح والكل جاب عشرة من عشرة .. ومع هلشي ما شفنا شي على ارض الواقع الحكي بيبقى حكي ولا بقدم ولا بأخر ..:pos: |
اقتباس:
شو النتيجة الممكن اصلها مع شخص عما يسمعلي درس وكام عدية حفظانن ومكمل طريقه وماشي ؟ |
اقتباس:
يمكن الشغلة نسبية يمكن كل انسان بحاجة لمدة معينة .. توازي المدة يللي تربى فيها على قيم خاطئة |
اقتباس:
من اول ما انحطت المناهج التعليمية واعتماد وجود مادة " التربية - القومية - الثقافة " وتم تدريس العالم فكرة الديمقراطية واحترام القانون ومكافحة الفساد .. ولهلق ما شفت ولا شخص قدر يعمل نقلة من القيم النظرية لأرض الواقع الملموس ... الكلمة اشد قوة وصلابة من السلاسل وهلشي انا كاتبه شخصيا بمدونتي ومؤمن فيه الا ان " المثاليات " اضعف من احداث اي تغيير باي مجال. |
اقتباس:
بينما هون انت مخيّر .. اقتباس:
يعني بتبتدي من انك تمتنع تكب محرمة بالطريق ... لممارسات كبيرة ممكن تغير كتير اشيا و بالنهاية أي فكرة مثالية بتكتسبها و بتقتنع فيها ... هيي مكسب |
اقتباس:
يااخي ابو طوني انا ماقلت انو شرط اساسي يكون العضو ملحد بس الي بيقهرني بعض الاعضاء الي بيكون واضح ادعاؤهم انهم ملحدين وانا بعرف انو الاخوية للكل مو بس للملحدين وانا موضد الالحاد لاني بنتمي لهالفكر ولا ضد الايمان لانو كمان بتربطني علاقات قوية جدا مع ناس مؤمنين انا اسف ماوضحت كلامي من الاول يمكن قصدي كان عن بعض الأشخاص الي عمتحاول التمثيل اقتباس:
مابعتقد ان العضو عياش من الاعضاء الجدد وانا من فترة عمتابع ردودو ويمكن هو من اكتر الاعضاء الي لفتو انتباهي هو وفي عضو اسمو طوروس واللامنتمي |
كمان في نقطة ...انو كتير من شباب المنتدى حسب ما لاحظت بالفترة القصيرة الماضية عايشيين برّا سوريا ....
هدا الشي بيجعل من اخوية مكان للنقاش مع سوريين بكتير من الأحيان مش قادر المتغرب يشوف سوريين برا .... و مشان المثالية ,,بما انو بدول اوروبا و امريكا الشمالية وصلوا لمراحل قريبة من المثالية ,,فأكيد الشباب المتغرب عابياخد شوي من هالشي و هدا عابينعكس عالمنتدى بالطريقة يلي حضرتك عابتشكي منها و من سخافتها !!! |
اقتباس:
اه اذا هيك لازم دايما نكون بالوطن, لانه الوطن هو الله , والعيله , والارض . أو لازم نحمل الوطن معنا وهيك بنكون نحنا:sosweet: أنفسنا جوا وبرا الوطن.:ss::clap: |
اقتباس:
|
اقتباس:
شو اللي بده يتغير خلالن ؟ |
أنا بدي قول فكرة وحدة
نحنا هون بعالم خيالي بيسمح للناس أنو يتخيلو و الصراحا هاد هو الهدف من دخولي للنت مشان أهرب من الواقع كلياتنا هيك وبصراحة أنا مابكتب إلا رأيي و بكل صراحة ويلي هو شبه مستحيل بالنسبة إلي .. بس ممكن أنو وصل فكرتي للناس إلي بإيدهم أمرهم وبيقدرو يشتغلو عهل نقاط ويصلحوها.. منساهم أدما فينا بإصلاح المجتمع.. :D |
اقتباس:
اذا كنت مفكر أنو المجتمع الغربي متحضر أو شبه مثالي فأنت غلطاااان كتير اسفة بهل كلمة بس أنا بعرف ناس بيقلولك بإوروبااااااا بعد الساعة 7 مافيك تطلع برا البيت كمسلمممم لأنو ماشالله حيوانات عم يعملو علاقاتهم بالشوارع....(إذا كنت فهمت أصدي..) وتخلف هنيك مالو حدود بقا لاتقلي تحضر ولا شي.. موشاطرين هنن غير برسم الصورة الخارجية متل ماقلت ابو طوني لما بيدخل واحد أجنبي وبيقرأ إلأي عالنت فهي بتكون صورة حلوة إلنا وهنن كمان بيشتغلو على صورتهم الحلوة من خلال التلفزيون.. أسفة إذا أزعجت حدا بكلامي..:oops: |
اقتباس:
بس وين باوروبا ببصير هيك حكي بلا مؤاخذة؟؟؟ يعني ما رح نقول انو اروبا هيي التحفةوالباقي زبالة بس هالحكي مانو صح بالمرة ع الاقل الاروبيين بيحكو عن سلبياتون ( الموجودة اكيد ) وايجابياتون ( الموجودة اكيد كمان ) سوا وما فيها هالنفاق المتفشي متل يلي عنا خاصة بالموضوع يلي انذكر لانو فيك كمسلم اتغض البصر .. من دون ما تنحرم الطلعة برا البيت .. هالشي بتعلق فيك بس |
| الساعة بإيدك هلق يا سيدي 21:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
