|
هلأ انا برأيي انو ثقافة المرأة نعمة مش نقمة ... لانو ع الاقل ازا كانت مثقفة منيح بيقدر الواحد يتفاهم معها وبتفكر بكل شي قبل ما تعملو وما بتحكي او بتتعامل مع الشخص بسذاجة او بعدم مفهومية يعني متل ما بيقولو بتدوزن الكلام قبل ما تحكيه والتصرف قبل ما تعملو ....
وحتى لو كانت اعلى مني بالتعليم .. هالشي مش سيء لانو مش شرط انا صير المعلم الاول متل ما انذكر فوق الها.. . بل ممكن هي تتعلم من تجاربي النظرية والعملية وانا اتعلم منها .. يعني تنين بنكمل بعض .... ومن الصعب انو فكر بأني ارتبط بوحدة مش متعلمة وتعليم عالي ..سواءا متلي او اعلى ... |
اقتباس:
يعني و الله الواحد بيفرح لما بيشوف أنو في ناس هيك بتفكر، بس وينكم ما عم لاقي مثلكم في الشارع؟؟!!! :lol::lol::lol: مرسي سوا ربينا:D |
اقتباس:
وبعدين شو بالنسبة للشوارع؟ :frown: ...قفشتك انتي بتقضيها بالشارع ...:o:p |
برأي
أن كلام الكاتبة صحيح 100% ولكن ..كما قلت وسأقول دائماً المرأة الجميلة سيبقا جمالها معها 30 ..او 40 ..او حتى 50 سنة ولكن هل يبقا بعدها؟؟؟... لهذا أفضل أن تكون المرأة جميلة وذكية ومستقلة اولاً هذا يريح البال من كلام الناس ثانيا عندما تشيخ هذه المرأة فلن يملها زوجها لما لديها من ذكاء فكمان نرى في أيامنا أن الفتات عيارها 20 سنة وبيمل منها زوجها وبيتزوج عليها وحدة أد ولادو..وبأقل الأحوال بيخونها.. لأنو مل منها ..ماعندها ثقافة مشان يتناقشو بين بعض وجمالها راح..شو يلي بدو يشد الرجل للمرأة بعد هل سنين غير علمها وذكائها؟؟. ومن هاد الباب بنصح كل صبية تدرس وتكمل الجامعة لأنو مافي شي ممكن يفيد الوحدة أد دراستها.. و بالتعليق عهل شي.. لأنو إذا الوحدة تزوجت وصار شي لزوجها لاسمح الله بدها ترجع عانس عبيت أهلها وتصير متلها متل هل كرسي وإذا طلقها هون المصيبة مصيبتين بيبلش كلام الناس و أعدتها إلي مالها فايدة ببيت أهلها أنا ماعم قول أنو الأهل ممكن يملو أو مابدهم يخلو ولادهم عندهم لا أنا عم قول أنو المرأة متل ما الكل بيقول أحسن شي ألها بيت زوجها بس لما بينهدم هل بيت مابيضللها غير دراستها بحب أسمع أرائكم بكلامي.. |
اقتباس:
أنت أكيد أكيد مش "مسقف" :p:p:p |
هالمشكلي هاي ..انا ماني مع تماس معها..كون انو ببيئتي ..اسطل بنت اسطل بنت معها معهد :lol:..
وعدرجي لا بأس بها من الثقافي.. شخصيا:larg:.. ما بكفي انها تكون متعلمي.. ومابكفي انها تكون مثقفي.. ومابكفي انها تكون متشتغل.. لازم اضافة لكل هيدول تكون مستقلي ماديا بشكل فعلي.. مستقلي وعندها دخل..وعندها بيتها الخاص فيها.. وعندها سيارتها الخاصة فيها..وحياتها الاجتماعيي الخاصة فيها.. ومانها بحاجتي ابدا لأي من أساسيات الحياة.. أو رفاهياتها.. ولازم يكون عندها طموح مهني متمسكي فيه..وما بترضى تتخلى عنو ابدا.. هيك مبدئيا يعني :lol:.. |
اقتباس:
أما في حالة الطلاق، نظرة المجتمع في جميع الأحوال جد مجحفة و قاسية على المرأة (كيف ما كانت درجتها العلمية)، بس ممكن بتفق معاك أنو المثقفة ممكن تشق طريقها بثبات و بقوة أكبر لأنو في قاعدة صلبة تنطلق منها. مرسي لمشاركتكك:D |
ايييييييييي
كلهم حبيبتي بالبداية بيعملوا حالهم مشجعين وساندين للمرأة يتمسكن لحتى يتمكن ويا ويلي لما يتمكن اسأليني الي عن تجربة والله المراة بالنسبة الهم حسب المثل القائل بالنهار تحت عصاتي وبالليل تحت عباتي لحد هلأ ما قدروا ينفضوا رمل الصحراء من قلوبهم وعقولهم. |
اقتباس:
 |
اقتباس:
تحياتي جيمي :gem: و ميت وردة :D |
اقتباس:
|
المرأة المثقفة ما بتشكل تهديد الا ع يلي عندو شك بذكوريتو وبيفتقد للثقة بنفسو .. وما أكثر أشباه الرجال وما أكثر الذكورة والرجولة المزيفات !
المرأة المثقفة ، القوية نعمة لنفسها ونقمة للضعفاء ! :D |
اقتباس:
بس بعتقد (و هذا انطباع شخصي) هون في أخوية الشباب، بصفة عامة عندهم نسبة وعي و تفتح صعب توفرها (بها الحجم و ها الكثافة على الأقل) في المجتمع العربي، و كفاية انو لغاية هلا ما دخل حدا و حكالنا روحو عالمطبخ، ال ثقافة أل!! :lol: |
اقتباس:
اقتباس:
كان في الي زميل كمان جامعي و متفوق بيعمل سلك ثالث على أساس حكالي مرة أنو البنت قد ما كانت هبلة أحسن:x، هيك ما بتغلب.. هدولا ناس عرفتهم شخصيا و احتكيت فيهم، فلا تحكي لي وهم!:pos: |
صح البارحة كانت عدنا جارتنا مثلا
هي موظفة وزوجة وام لثلاثة اولاد المشكلة انو هي هلأ صارت مريضة وكبيرة بالعمر ما فيها تعيش حياة الركض بركض هاي واولادها وزوجها ما يساعدوها ابدا يعني البارحة تخانيء زوجها معها وكان عدها عطله لانها تأخرت علي بالدولمه( ورق العنب) وهاي اكلة متعبة ومطولة يعني يوم عطلتها .. طبخ, تنظيف, غسل ملابس, تدريس الاودلاد...زيارت اجتماعية,, غيرها مشكلة والله شو بيصير في لو غسل صحون مثلا .. يموووووووووووت يعني يمووووووووووت وفوق الهم يتشرط وينفخ ويأمر. والمشكلة ما بدوا تستقيل او تطلع تقاعد لان حضرته مستفاد من الراتب. هاي شلون؟ |
اقتباس:
و ازدواجية المعايير اللي بنتربى عليها في مجتمعنا و اللي بالنهاية بينتج عنا شخص مزدوج،ما بيقدر ما ينبهر أمام شخصية قوية، لكن بتضال العادات و التقاليد متجذرة جواه و بينصاع الها بالأخير. نورت مروش:D |
اقتباس:
مرتو بتشتغل لحتى ياكل ويعيش وهوي بيعيش لحتى ياكل ومرتو تشتغل ! |
اقتباس:
و منشان عبارة المجتمع الذكوري يعني يكثر استخدامها على لسان الفتيات و كأنها أصبحت شي معيب للرجل يعني شو يعني مجتمع ذكوري و مجتمع انثوي ...متل ادي رجولي و أدب نسائي ...الحياة لا تحتمل التقسيمات حسب الجنس ...لانو بيكفي التقسيمات القومية و الدينية و .....الخ.... أنا كرجل في عمري هذا أطالب بتعلم الفتاة و بعملها و بوصولها الى اعلى المراتب حسب قدراتها و مؤهلاتها ...يعني مساواتها بالرجل ....هذا ما يجب ان نتفق عليها و يجب ان نبتعد عن سياسة الكر و الفر و الدفاع عن النفس ...و كأنو الرجل صياد و المرأة طريدة ...او الوصول الى الحالة العكسية .. |
| الساعة بإيدك هلق يا سيدي 15:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون