|
اقتباس:
حزب الله حركة مقاومة لم يظهر لها اي سلوك عدواني الى الان . لم تقم بأعماال ارهابية ضد اي شخص وبالتالي تبقى مصداقيتها محفوظة الى الان طالما ما زالنا نرى هذه الحقائق بأعيننا . |
اقتباس:
اسعدني ردك...... وفيك ترجع للقرار 1701 عبر هذا الرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - حلو الكلام عن حزب الله وكأنه جيش لا يقهر وقائدة كأنه الاسكندر المقدوني اعرف واقدر عاطفية العرب ومحاولة قلب الهزائم الى انتصارات وكأنك تقول ياخي لا تخرب فرحتنا ما صدقنا على الله انو يطلع واحد حركوش مثل حسن نصر الله مكرا مفرا يعني بيشفي غليلنا على الاقل ولكن الحقيقة مرررررررررررره وعلقم يعني ماهي الاهداف اللي حققها حزب الله الاف القتلى و تشريد الالاف مقابل خمس او عشرة اسرى او مائة شهيد هل هذه انتصار ...عموما ماراح ادخل معاك نقاش في صحة كلامي لانو اللبنانيين بيعرفوا هذه الحقيقة وبيعرفوا كيف يقلب حزب الله الهزيمة الى انتصار شفوي ..........والدليل على الانتصار العيش في السراديب بعد الانتصار........وتحياتي |
ولو جماعة بدنا نصدق مصر ..بدنا نزقفلا لانو بطّل في مين بيزقفلون هنيك عرفتو.
نسيتو شغلة جماعة تبع اكتر من 100 رجل دين طلعو الرئيس المصري مرتد عن الدين بفتاويهون العظيمة هي من عندون ها مو نحنا ياللي عم نقول ...ووقفت بس على نصر الله انو كلامو جرح رجوليتو لك شو هالادعاءات القضائية اللي بمصر ؟؟؟ولا ادعاء قضائي الو اساس من الصحة ------ لبنان ما شتكى لحدا من الجروحات و الالم لبنان بيعتز و بيفتخر و شباب المقاومة مش سالانين عالحياة لانو انخراطهون بصفوف المقاومة يعني عم يعيشو مشان يموتو و مبسوطين بهالشي نحنا ما دخلنا.. و هلق وصلنا لنقطة حساسة انو براي بعض الاعضاء مين بدنا نصدق ؟؟اسرائيل ؟؟اميركا ؟مين؟؟ |
اقتباس:
النجاح في صد الهجوم البري العسكري الاسرائيلي وعدم مقدرة الجيش الذي لا يقهر على الوصول الى الليطاني هو بحد ذاته نقاط قوة تحسب لمصلحة حزب الله تلك الحركة المقاومة المتواضعة الامكانيات . اللبنانين يا صديقي لست ناطقاً باسمهم فملايين اللبنانين من مختلف الوان الطيف اللبناني الملتفين حول المقاومة سياسياً و معنوياً ومادياً يعلمون ان المقاومة تشكل حصناً حامياً لهم من جيش الاحتلال الصهيوني الذي لم يندحر عن ارض الجنوب اللبناني بفضل رسول الله وحروبه التاريخية . اما عن جلوس نصر الله في السراديب وهذا الكلام الذي لم تجد شيئاً اخر للمهاجمة سواه . فنصر الله ليس محمد في غزوة أحد يحمل سيفاً مقابل ابو جهل او غيره فذاك العصر قد ولى و ذهب والان من الغباء التضحية بالقادة وقادة الصف الاول فقط لكي تسميهم شجعاناً . ليس المطلوب من نصر الله اعتلاء منصة في قلب العاصمة بيروت كي يقتل ويكون الحزب قد قدم قائداً روحياً كبيراً دون اي مقابل . و ابن نصر الله المدعو هادي شارك في الصف الأول وقتل في احدى المعارك فـ لو كان خائفاً كان اولى ان يبقي فلذة كبده بقربه . في كل كلامي انا لا أنزه حزب الله وأهدافه ولا أعلم المخفي منها ولكني الى الان اراقب وأرى والوقائع ما زالت تخبرنا بأن الحزب لم يتخلى عن استراتيجيته المقاومة ولم يحيد ليكون حزباً ارهابياً دموياً . وان دعم ايران له ربما يخيفك وهذا حقك ولكن قراءة الوقائع تفيد بالاستنتاجات الدقيقة . |
اقتباس:
وبالجزء الاخير من الرد يلي عم تزكر الرسول (ص) .. بحب زكرك انو احد الصحابة يلي كانت الو الفضل بكتييييير من خطط المسلمين العسكرية على زمان الرسول (ص) هوي سلمان الفارسي ... وجب التنويه :pos: بعدين مين شاف السيد حسن نصر الله عم يتوسل لايقاف الجيش الاسرائيلي :? والله سمعة ... ازا انت شفت ... ورجينا :shock: اقتباس:
منرجع لموضوع اتهامات مصر لحزب الله .... متل ما قلت سابقاً انها اتهامات مسيّسة .. وراها نعرات طائفية وعرقية ... محاولة تربط بين حزب الله و ايران (كون النظام المصري الحالي معتبر نفسو عدو لايران من ايام السادات ) ... اضافة على ذلك .. كلام المسؤول الايراني انو هالبعبعة هي هدفها التأثير على الانتخابات القادمة يلي بلبنان .... بس رد السيد حس نصر الله كفّى ووفى بإفشال هي البعبعة والاتهامات الباطلة .... :سوريا: |
اقتباس:
اقتباس:
اولا ...كون انو نحذر من ايران او بما يسمى قديما فارس صرنا عرقية وطائفية..;) طيب انا بحب الاتراك السنة والشيعة والمسحيين وبحب سوريا سنة ودروز وعلويين ومسحيين ارجو انو ماتتهمني بالطائفية بعدها اما بخصوص التوسل فيك تسأل بعض النواب اللبنانيين ...وللامانه هم قالوا مخرج للازمة بس انا اسميها توسل تحياتي............... |
بربي نهفة يا عبر الشرق ...
وعندك حرفنة سياسية مو طبيعية ... |
اقتباس:
|
اقتباس:
عبر المحيط مو عبر الشرق :lol: للاسف صار الحل دائما من شان نغطي عورتنا نتهم الناس باشيا غير صحيحة او نضخم افعالون يعني كتير متوقع رد الفعل هيدا من النظام المصري لانو حرب غزة اسقطت ورق التوت عن كتير انظمة مو بس المصرية يمكن حق مصر انها تمنع تهريب السلاح عبر اراضيها كونها كدولة عاملة اتفاقية سلام تعتبر كحارس لحدود الاسرائيلية بس حق المقاومة اتباع كل الطرق من شان تحقيق غايتها وخاصة بالحصار المقرف يلي صار ابان حرب غزة اما عن التعليقات انو حزب الله ايراني عميل وما بعرف واذا كان فعلا هيك فيا ريت الشباب يلي ضد تطبيق الاجندة الايرانية بالدول العربية يورجونا شي اجندة ( غير الهرولة متل الكلاب ع المؤتمرات ) تخلينا نقول انو في بديل فعلا ولو انو بلاقي الكلام عن هيك تبعية صميمية حكي فاضي |
ماحدا بيختلف على زناخة و وساخة النظام المصري ....
بس ما أظن انو لازم نختلف على أنو حزب الله هو وسيلة ايران لتحقيق اهدافها.... يعني لما بيعرض تلفزيون المنار أفلام وثائقية عن قدرات أيران العسكرية و أغلب زعما الحزب من جنسيات ايرانية أو ما شابه....شو بيختلف عن جيش بدر أو الصدر بالعراق.... وأهداف ايران بالمنظقة بتدعو للريبة ....والتطمينات اللي بيطلقوها صانعو القرار بأيران ما"بطمّن" أبداً واخرا موضوع البحرين ....ودايماً الحجة موجودة انو حصل سوء فهم.... اللي عمبيقول انو الموضوع مسّيس ...لازم يعرف انو مافي دخان بلا نار...وبالتأكيد انو الموضوع رح يصير مسيس و كل طرف رح يحاول يستفيد قدر الامكان من هالاشكالية.... وحزب الله بانتصارو الاخير( مع انو مقتل الالاف و تدمير نص لبنان ما بعدو انتصار) ...متل اللي كزب على حالو و صدق كزبو....وعمبيحاول يعمل لحالو هالة أكبر من حجمو... |
اقتباس:
وفوق هيك التهجم تبع حضرتك مبني على بعض الامور التاريخة وبعض الامور المذهبية وهالقصص مو اكتر :frown: اقتباس:
بعدين ازا كان في واحد منهن او تنين متجوز وحدة ايرانية وآخد الجنسية .. (مع انو ما بظن ) .. فا شو المانع انو يكونوا حاملين الجنسية الايرانية :? عما عن قصة انو حزب الله هوي وسيلة لايران لتحقيق اهدافها .. هي بدك تشرحلي ياه .... :pos: يعني هلأ ايران عم تدعم حزب الله وهاد الشي ما بيختلف عليه تنين ... بس انو ايران عم تستخدم حزب الله كـ وسيلة لتحقيق الاهداف .. مين قال هالحكي ! بعدين شو هيي الاهداف يلي انت متوقعها هيي اهداف ايران ؟؟ السيطرة عالمنطقة مثلاً ..... هيهيهي ... يلي اجو قبلهن كانوا اشطر ... :lol: فما بتوقع انو هاد الهدف موجود ضمن الاجندة الايرانية ... لانو ما بتوقعهن بهالغباء ...:pos: متوقع يكون هدف ايران نشر التشيع ... اي عيني ما حدا بيجبر التاني غصب من عنو يغير دينو ... فيك تجيب الحمار على ساقية المي .. بس ما فيك تخليه يشرب ! :pos: منرجع لحزب الله عم بتقول انو مو معتبرو انتصار ! .. قول هادا رأيك وما فيني اجبرك تغيرو :pos: بس انو تعا لقلك ... منع اسرائيل من احتلال تاني للبنان .. هادا مو انتصار ... منع اسرائيل من تحقيق اي هدف من اهدافها بلبنان ... وبتقللي هاد مو انتصار لك اسرائيل ولجنة فينوغراد ... شهدوا انو هني انهزموا بالحرب وما قدرو يحققوا ولا هدف من اهدافهن ... وعلى علمك باللغة العربية ....المنهزمين عكس المنتصرين ما ... :? وبالنسبة لتسييس الموضوع ... فا انت عم تقللي ما في دخان من دون نار ... وانا عم قلك انا معك .. ليش ؟ لأنو السيد حسن نصر الله اعترف وما انكر انو في حدا من حزب الله بمصر وعم ينقل سلاح لحماس ... بس النظام المصري اتهم حزب الله انو عم تزرع عناصير للتخريب !!؟ شفلي وين الفرق وبتربح معنا جائزة قيمة :lol: وبعد هالبعبعة يلي بعبعها النظام المصري .. بتقللي ما في تسييس للموضوع .. او الموضوع مالو علاقة بالانتخابات اللبنانية ... لاضعاف الحزب على الساحة اللبنانية مقابل خصومو السياسيين ؟؟ :D |
اقتباس:
;) .....منك نستفيد |
اقتباس:
وتحياتي للجميع |
اقتباس:
والله صعب مفيك تستوعب ..:lol: |
اقتباس:
فكر فيها |
عبر المحيط و توم وجيري. يا ريت يكون حواركون ونقاشكون بسياق الموضوع . مو كل واحد يقييم التاني ومستوى فهمو .
تحياتي |
اقتباس:
اقتباس:
|
اقتباس:
أتمنى منك أخي الكريم اذا كنت داخل سورية أن تقوم برحلة ترفيهية الى القنيطرة وترى بنفسك الحوجز المتعددة في الطريق التي تفتش الجميع و من هو من غير محافظة القنيطرة فهو يحتاج الى تصريح للدخول واما سكان القنيطرة النازحين فيدخلون بالهويات و لا يسمح بدخول شلة شباب ذكور قطعا بل للعائلات فقط, كل ذلك من أجل حماية حدود اسرائيل من البشر, فما بالك لو تم حجز أسلحة!! نتناسى كل ذلك ونهاجم مصر على موقف صحيح؟ وبالنسبة لحزب الله وانه حزب مقاومة لم يقم باعمال ارهابية او اعتداء, فأنت تعلم انه في السابع من ايار قامت ميليشيات حزب الله باحتلال بيروت و محاولة احتلال الجبل وترهيب الناس الآمنين في بيوتهم وخلف ذلك العديد من الجرحى و القتلى لذلك هو ميليشيا ارهابية وليس مقاومة |
| الساعة بإيدك هلق يا سيدي 13:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
