|
هههه :frown:
قبل ما ادخل عالموضوع فكرته فتوى من فتاوي شيوخ السعوديه الطّنطات . . . ! ! :p |
اي دخيلون شو فاضيين :larg:
اقتباس:
|
اقتباس:
انا مع هالفتوى لانو نص البشر بسوريا تقريباً ... بتتبع الدين وبتتبع شو بيقلها شيخها فا انو .... ازا واحد بيدخن وهوي بيتبع الدين ورأي شيخو ... وشيخو قللو ... لا تدخن .. فا بتوقع انو حيرد ويبطل دخان .. وهادا الشي لفائدتو مو اكتر ...... وانا من هالنقطة مع هالفتوى بس انو فرض اسلوب حياة الانسان بطريقة قسرية فاكيد انا ضد .. والف ضد :pos: اقتباس:
بس ازا حدا بيسمع كلمة شيخو وشيخو قللو لا تدخن .. ليش لحتى نعارض نحنا ... بالعكس هالامر بيفيدو ! :? وهي :larg: :D |
اقتباس:
|
انا مع هذه الفتوى ,,,
صحيح كلامهم ,,,, لان التدخين مضر بالصحه ,,, لعلكم تعلمون أن جميع أمم الأرض الآن _ مسلمهم وكافرهم _ أصبحوا يحاربون التدخين لمعرفتهم بضرره الشديد . والإسلام يحرم كل ما هو ضار لقوله عليه الصلاة والسلام : " لا ضرر ولا ضرار " . ولا شك أن المأكولات والمشروبات منها ما هو نافع طيب ، ومنها ما هو ضار خبيث ، وقد وصف الله سبحانه نبينا صلى الله عليه وسلم بقوله تعالى : ( ويحل لهم الطيبات ويحرم عليهم الخبائث ) ، فهل الدخان من الطيبات أو من الخبائث ؟؟؟؟ ويدرك العالم أجمع الآن أن المال المهدر في الدخان عبارة عن مال ضائع لا يستفاد منه ، لا بل ينفق فيما فيه ضرر . ولو أن أموال العالم التي أنفقت في الدخان جُمعت لأنقذت شعوبا ممن أهلكتهم المجاعة ، فهل هناك أسفه من الذي يمسك دولارا ويوقد عليه النار ؟ ما الفرق بينه وبين المدخن ؟ بل المدخن أعظم سفها فالذي يحرق الدولار ينتهي سفهه عند هذا الحد ، وأما المدخن فيحرق المال ويضر بدنه . |
ربون عند هل المسا لسى كل يوم فتوى ..حلو عن ربو لهل الشعب حتى ع دخان لاحقينو
خلي هل الشعب يدخن ويسكر ويحشش كمان بركي بينسى المصايب يضربو هنون وفتواهون |
اقتباس:
اذا باركنا ووافقنا على تدخل جهة دينية منكن عما نعطيها الشرعية بالتدخل للمرة التانية .. في شي اسمه وزارة صحة يفترض تكون فاعلة .. في شي اسمه حملات اعلانية يفترض نعول عليها ..في شي اسمه توعية اجتماعية لازم تكون موضع اهتمامنا . بالنهاية تدخل الدين بشؤون الحياة بالنسبة الي مرفوض وان كانت مطالبها متوافقة مع مطالبي .. بتبقى مانا شغلتا تتعدى على مجالات خارجة عن صلاحيتا . :D |
اقتباس:
بس يا اخي ازا الشعب (مو كل الشعب بل جزء منو) ما بيهتم لا بوزارة الصحة ولا بالحملات الاعلانية ولا بالتوعية وبالبطيخ المبسمر ...متوقع منو يبطل دخان :? الشي الوحيد يلي بيهتم فيه هوي شو قال شيخو ... وشيخو قللو لا تدخن ...فا انا هون بتوقع انو يبطل دخان ...منشان ما يغضب ربو او شيخو (على اساس) :pos: فشو المانع ؟؟ :? بالنهاية هاد كلام ... واصدار فتاوى لاصلاح الناس .... افضل بمية مرة من فتاوى عم بتضر بهالبشر متل فتوى قتل ميكي ماوس او رضاع الكبير ومن هاللعي الفاضي ...:frown: يعني الفكرة باختصار ازا كان للدين دور كبير بمجتمعنا وبعادتنا وبحياتنا الشخصية ...ليش لحتى ما نستثمر هالدين بطريقة تنفعنا وما تضرنا ولا تضر بالدين ولا المجتمع ؟؟! :سوريا: |
اقتباس:
خلينا بالمهم شو اللي بحدد الضار والضرر ؟ ما عما دافع على التدخين لأن موقفي جدا متطرف وسبب 99% من مشاكلي مع اهلي هوي التدخين بس كلمة " ضرر وضرار " جدا مطاطة كتير والتلاعب فيها من اسهل ما يكون .. فعرفيلي ياها بالأول لأعرف احكي معك . لأن بكل بساطة ممكن يطلع شخص يقلك الكوكاكولا والبيبسي مضرين بالصحة " وهلشي صار الكل بيعرفه " فشرعا وكما اوصانا الله يجب مقاطعة المشروبات الغازية ينطلك تاني يقلك الفول والفلافل والحمص وبقية البقاليات والحبوب يسببان تأزم في قرحة المعدة فيجي تحريم تناولهم شرعا .. فوضحيلي شو كلمة ضرر وضرار لأن ممكن اعملك مسرحية كوميدية كاملة على هلمصطلحين في حال ما وصلني تفسير منطقي الن :lol: اقتباس:
هلق بدنا ننتظر توفير حق باكيت الدخان لأنقذ شعوب المجاعات :shock: عما تحكي متل وزارة الكهربا عنا بسوريا .. طلعتنا حديثا باعلان اطفأ مصباح اوحد لساعة واحدة في اليوم تستطيع توفير ما ينير مدينة كاملة , وكأن مافي ولا مهندس قدرة كهربائية بسوريا فيه مخ ليقلك بأن مردود محطات التوليد الحالية ما عما يتجازو الـ 10% من القيمة الكلية بسبب المشاكل التقنية المتولدة نتيجة قدمها .. انه على عيني بصير توفير وقت بيتوقف شراء الدخان ..وعلى عيني بقل استهلاك الكهرباء في حال اطفاء مصباح واحد لساعة واحد في اليوم لكن انارة المدينة يفترض تكون مخطط الها من فائض المصباح ؟ والشعوب الجائعة يفترض يتم تخصصيص برامج غذائية الها من سعر الباكيت ؟ بتمنى تكون ردود اكثر منطقية وواقعية بالمستقبل .. ويا هلا :D |
اقتباس:
شو رايكون بتحويل وزراة الصحة لوزارة الصحة الشرعية أو وزارة لا ضرر واضرار الشرعية لشؤون الصحة وكذلك باقي الوزارات ما هيك الشعب بيصير بيفهم حكي. |
اقتباس:
بعدين ما حدا قال هالحكي .. تحويل وزارات ومدري شو ... :? انا يلي حكيت عنو انو كل شخص بيتتاخد على قد عقلو ... يعني ازا نص الشعب بياخد احكامو الشخصية من الدين ... ليش لحتى ما نعطيه احاكم بتنفعو ... مو احسن من هالفتاوي الاكل الهوا يلي عم تطلع ؟!!:frown: يعني انا برأيي هالفتوى كتيير معقولة وبعتقد انو كتييير من الشبع (المتدينين ) رح يمشوا عليها ... برأيك ازا مشيوا على هيك فتوى ... في مشكلة ... ولا يروحوا يمشوا على فتوى رضاع الكبير احسنلهن :lol: بالنهاية انا ما عم احكي عن حالي .. لانو انا ما بتهمني كل هالفتاوي على بعضها و انا ضد التدخل باسم الدين بشؤوني الحياتية الخاصة .... بس هالفتوى برأيي رح تفيد عالم كتيرة ومن هالنقطة انا معها ... واكيد يلي اصدر هالفتوى ما رح يمسك الكربجا ويدور بالسوق وما يترك باكيت دخان بالمحلات ... او يمسك المدخن ويفعسوا تحت رجليه لانو حرام ! :? الشيخ قال حرام .. بس ما قلك انو يلي بيدخن منشنقو ! :shock: يعني القصة بتضل راجعة لحرية الفرد ويصطفل منو لربو :pos: و :D |
شوفو هن نزلز هاي الفتوى بس ما جبروكم عليها بس عملو واجبهم تجاه ضميرهم
يعني وقت بطلع عندك سكري الدكتور بقلك ممنوع تاكل اشياء حلوه بس ما بيمنعك بالاجبار وباكيت الدخان ما رح يوفر شي رح نلاقي طريقة تافهه تانيه نصرف حقو فيها بس التدخين صار مشكلة جدية لما شب بالعشرين يطلع درجتين يضل ساعه يلهث المشايخ بيعطو رأيهم وما بيقدرو يجبروكم عشي بس في ناس بهمها رأيون بلك بهيك فتوى ببطلو تدخين انا قبل سنتين دخنت سيجارة لجرب بس مع هيك فتوى ما بحط هالشي بتمي |
| الساعة بإيدك هلق يا سيدي 03:39 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
