|
المشكلة ليست بالتجسيد وحده . يعني هون عم نحكي عن قضية خلافية و ظاهرة على السطح وبالأونة الاخيرة خصوصاً . يعني في شحن طائفي ضمن المحتمع الي المفروض انو يتلقى هيك مسلسل وهالمجتمع غير جاهز فكرياً لتلقي موضوع بهالخصوص . أبو سمرة بموضوع فيلم الرسالة تم المنع من متحجري العقول لأنهم رافضين اي فكر جديد أما هنا الرفض خوفاً من تأثير هالقضية الخلافية سلبياً على المجتمع المتلقي . يعني قبل ان نفكر بكيفية الصدم والتحدي لجني أموال أكثر وشهرة يجب ان نفكر ايضاً بطبيعة المجتمع و تأثيرات هذه الصدمة عليه. ربما اللعب بموضوع حساس يتطلب قدرات خاصة وتمهيد ووعي كبير . |
صعب كتير استوعب المشكلة في تصوير فيلم عن هالنوع،
يعني ماكانو يبطلو هبل ويتعلمو يعترضو بداية على الامور المهمه .. شاطرين بس بالحكي الفاضي .. وآل شو زعلانين ليش العالم عم يتقدم وهني عم يرجعو لورا .. ريتهن يتهنو بهبلهم .. |
اقتباس:
بس كرأي شخصي .. ما بشوف مشكلة بتجسيد شخصية الله بذاتو بعمل فني ( شفنا مورغان فريمان عم يلعب هالشخصية أكتر من مرة ) |
اقتباس:
اقتباس:
اقتباس:
|
اقتباس:
|
طبعا المفروض ما يكون في مشكلة بتجسيد الشخصيات الدينية والرسل وحتى الله متل ما قلتو بس للاسف مو كلشي مفروض عم يصير والمشكلة بهاد المسلسل بعتقد اكبر من هيك لانو القصة كتير بيوقفو ناس عندا ومافيك تعرف الحقيقة او شو صار بالزبط هداك الوقت يعني حط الحق على شخصية يهودية مثلا هو تسخيف اعتيادي او هرب من المسؤولية كالعادة مشان ما يغلطو حدا مع انو كتير روايات بتقول انو هالشخصية اصلا مو موجودة للاسف ماحدا مستعد يخلص من عقد سابقة ولا حدا مستعد يتقبل حقايق جديدي مشان هيك هادا المسلسل كلشي حيعملو هو بلبلة مالا طعمي
|
اقتباس:
هيك فتنا بقصة تانية ... و صرنا عم نخوض بموضوع مدى صحة التاريخ و الروايات التاريخية و هالمشكلة قائمة بقيام المسلسلات التاريخي سواء تجسدت الشخصيات الدينية ولا ما تجسدت |
اقتباس:
يعني شعوبنا والحمد لله ما بتعرف شي اسمو انتقاد سلمي , هيك مسلسل ما رح يسترجي يغير باي حقيقة تاريخية موجودة بكتب الشيعة او السنة ومع هيك انا متاكد انو الرد علي رح يكون عنيف. |
اقتباس:
يعني التاريخ يلي وصلنا مزور وملعون ابو ابوه والمسلسل اكيد رح يصور القصة متل ما كتب التاريخ يعني تزوير بتزوير المشكلة انو حتى لو تصور المسلسل بالشخصيات او بدونها رح يوصل فكرة خاطئة عن احداث التاريخ للمتلقي يعني رح تتكون فئة تالتة نس مع الشيعة وناس مع السنة وناس مع المسلسل ورح تخرب اكتر ما تعمر الهدف من المسلسل الربح والتجارة وهيك قصص واحداث المفروض انها تكون ابعد ما يمكن عن التجارة يعني الشبيبة عم يتاجرو بالدين وهون الغلط الكبير وفيه بالقرآن آية عن المتاجرة بالدين انا ما بتذكرها بحرفيتها بتمنى من اي واحد حافظها يذكرنا اياها |
مالي فهمان ليش ممكن انو يعمل اقتتال طائفي
يعني اذا المسملسل ومخرجو مين ما كان يكون عرف كيف يلعب عالمزبوط ويبعد عن وتر الطائفية لح ينجح بكل الحالات ناطرين لنشوف |
أنا من منبري هذا:o:p أحم أحم ...
ببشركم بفتاوى شرعية تبيح دماء كادر العمل بكامله من ممثل الى كومبارس ((لاسمح الله ))(( وبعيد الشر عن قلوب الجميع )) اذا تم انجاز هل العمل ..... هدا انتحار ... بتمنى سامر المصري مايقبل الدور لأنو فنان محبوب وموهوب وحوينته نخسره ويخسره الفن:cry: |
اقتباس:
وثانيا : ما هي الظاعرة غير الخلافية في الدين , تلك العلاقة التي يجب أن تكون علاقة خاصة بين الإنسان ومن يعتقد بأنه خالقه وخالق الكون , فتحول هذا الخالق بطريقة ما إلى إلى وحش مخيف يحلل كل شيء ويحرم كل شيء وناره الحارقة تتوعد وتهدد هذا المخلوق الضعيف , وجعلوا من كل شيء مشكلة خلافية إذا كان الدين عبادة والعبادة مرتبطة بالصلاة والصلاة يتم الدعوة إليها بالأذان أي أن الأذان مرحلة ما قبل العبادة , والأذان بحد ذاته قضية خلافية , وطرق الصلاة قضايا خلافية , وبحسب عقل المجنون المحدود الذي هو عقلي , لا أعلم أنه يوجد قضية واحدة غير خلافية في الدين حتى إن القرآن الكريم نفسه أصبح قضايا خلافية وحتى بعد موتك أيها الإنسان التعيس في هذا الجزء من العالم نختلف على ذيارتك في آخر مكان اندفست فيه ولم تخلص من الخلاف حتى بعد اندفاسك وبعد كل ذلك نعود إلى البدء ونقحم الدين بكل حياتنا حتى اصبح الدين عبودية فكرية وروحية يقيد كل حركاتنا وسكناتنا , ومنذ أن نعي مجتمعاتنا ونحن نحاول أن نبحث عن أسباب تخلفنا في الكواكب الأخرى ومن كان أقلنا خفة عقل يبحث عن أسباب تخلفنا في الدول الأخرى والأنكى من ذلك والأكثر غباء من مازال يرفع صوته بأننا مازلنا خير أمة أخرجت للناس وصباحكم بين الجنة والنار |
اقتباس:
يعني جيب الغربي و مساح فيو الارض و لا تخلي حدا من شروش أهلو الا و تسبو و بتلاقيه...عادي ماعندو مشكلة و أكتر شي ممكن يعملو انو يحمر وشو من الغضب... نحن ممكن تصير جريمة قتل أو معركة يروح فيها قتلة و جرحى كرمال كلمة ..يلعن أبوك مثلاً |
اقتباس:
الاسلام دين حياة و شريعة..يعني هو دين حياتي أكتر مايكون روحاني...بيعلمنا كيف نتعامل مع حياتنا من وقت ما من وقت ما منفيق لبين ماننام و كيف تعامل أهلك و زوجتك و جارك..الخ...وهاد بيأدي لانو يكون في اجتهادات و دراسات كون انو في شغلات ما كانت موجودة بأيام النبي "مستحدثة" وبدورها هالدراسات و الاجتهادات محل اختلاف للاسف... وكتير من الاصوات العقلانية عمبتنادي بمؤتمر سنوي يجتمع فيه العلماء و يتدارسو و يطلعو بنتيجة تكون موحدة للقضايا الخلافية... :D |
اقتباس:
بس ما بتشوف معي انو الجمهور المتلقي بدو اعادة تهيئة ليتقبل هيك افكار . ولا تنسى انو هالقضية الخلافية هي أكثر القضايا الخلافية تعقيداً و الخوض فيها صعب لأننا لن نعرض أعمالنا لجمهور قادم من غير كوكب . ومن خلال التجارب فإن اسلوب الصدمة لم يحل المشاكل بل زادها تعقيداً . أنا شخصياً ما عندي اي مانع من هالعمل بل واعمال أجرئ من ذلك ولكن الخوض فيها يتطلب وقتاً و توعية و تمهيد و تدرج . نطاق الخط الاحمر لازم يكون العمل على توسيعه شوي شوي . ما في حل آخر . |
القصة وما فيها لو واحد جسد شخصية حد بضل عالق بذهنا شكل الممثل انو هو الشخص
مثلا عمر بن عبد العزيز مرتبط بشكل نور الشريف هلا هون مربط الفرس يعني وقت نفس الممثل يعمل دور سكير بيصير تشويه لشخصية الدينية |
اقتباس:
المفروض الممثل يقنعك بالشخصية يللي عم يأديها .... بغض النظر عن أدوارو الأخرى و الممثل الشاطر ... لازم يتقن جميع الأدوار و الجمهور مانو بهالسذاجة .... لحتى يمزج بين الشخصية الاساسية و الممثل |
اقتباس:
وبعدين يا حبيب بدك رجال الدين اللي عايشين بتفكير قبل الإسلام بأربعميت قرن يتدارسو ويطلعو بنتيجة ليش مين السبب بالخلافات اللي وصلتنا لهون وتصبح على خير خاي وع راسي حارتك يا يوب وهات كاس الراح واسقيني الأقداح |
| الساعة بإيدك هلق يا سيدي 20:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون