|
اقتباس:
هلا اذا الواحد ابتكر شي او اخترع شي مين بدو يدعمو بالوطن العربي لك اذا مشان ياخد برائة اختراع بدو يتمرمط انا مثلا بشتغل بمجال الشبكات وقبل فترة حاولت اتفلسف واخترع طريقة او شغلة بختصر كتييير على مهندسين الشبكات ولما رحت عرضت هالفكرة على مدير الشركة اتطلع فيي وقلي بدك تخرب بيتنا انت:frown: فهاد واقعنا ولا حياة لمن تنادي ولا حياة مع اليأس لانو نحنا صرنا تحت خط اليأس inodessa ابو شريك ياولدي مسدود :pos: |
اقتباس:
اقتباس:
|
أبو العبد؟؟؟ازا هاد العمو المدير الي عندك مادعمك خلص؟؟!!طيب اعرض هالفكرة على غير ناس بتئدر تساعدك..
ماهو هاد المدير واحد من ملايين الاشخاص الي عندهم هاد اليأس الي كنا نحكي عنو..فلازم ماتوقف عند هالمحاولة وخلص...ولاشو رأيك؟؟؟مابتعرف يمكن بيوم تصير انت متل بيل جيتس..مافي شي مستحيل بالدنيا |
اقتباس:
لمين ياحسرة بدي قدما يااخي بتعرف شو المشكلة انو قعد معو لهالادمي وفهمتو انو هالابتكار صحيح رح يقلل التكاليف على العميل بس بالمقابل نحنا ممكن نحتكر هالابتكار ونعملو دعاية وشوف وقتا الشغل بعدين التكالي مو بس رح تقل عالعميل رح تقل على الشركة كمان قام بس سمع انو رح تقل التكاليف عالشركة قلي طيب ليش مامنشتغل بالطريقة الي عمتقول عليها بس بنفس اسعارنا القديمة قلتلو انو هالطريقة رح تكون مستهجنة باولا واحتمال كبير العميل مايتقبلا قام كشر بخلقتي وصار يقول هاد الي ناقص انك تعلمني شغلي:frown: يعني متل مابيقولو (عوجا):pos: اقتباس:
هو مومشكلة كيف بدنا نعيش يعني حتى الله يكرمك ويكرم الحاضرين لحمار عايش بس ليش الواحد لحتى يعيش ويموت نكرة وكمان مايكون الو بصمة بهالحياة قبل مايموت بعيد عنكن اقتباس:
هو هاد الي راح يصير بس انا ماعاد بدي جميلة حدا وناوي ابدا اشتغل لحسابي بس هون في مشكلة انو الاستثمار بالوطن العربي صعب جدا بما انو انا فلسطيني من اصحاب الوثائق(وثيقة لبنانية) صعب اني افتح استثمار باي دولة عربية بينما لو رحت على اي سفارة لدولة اجنبية وقلتلن انو انا مهندس ومختص شبكات وعندي مشروع لفلاني بلمح البصر بصير هنيك ولا بيدعموني من جميع النواحي هالشغلة انا متاكد منها بنفسي بس انا مابدي لانو عندي مسؤوليات هون وكمان امي وابوي مابقدر اتركن لحالن هو في حل تاني انو اشتغل تحت اسم اي واحد من اهل البلد بس المشكلة مهما كنت واثق منو لفلوس بتغير لنفوس بس ليشوف انو شغلي مشي رح يقلي سكر الباب من برا ولاتوريني خلقتك ومارح اقدر اخد حقي لانو مافي شي يثبت فعرفت كيف ابو شريك مسدودن مسدودن:pos: |
معلم ناقصنا بلد قال زياد ...
قوم فوت نام وصير حلام انو بلدنا صارت بلد ..... |
شباب انا بحكم عملي بمحطة توليد كهرباء اشتغلت مع الخبراء اليابانيين مدة طويلة
وهدون ناس بتحترم عملها مثلا 1- عنا المهندس بيفهم بكل شي الله خلقو من كهربا وميكانيك وكيميا وعمارة ومدني وكلو كلو هنن كل واحد مختص بشغلة وما بيحاول يتدخل بشغل غيرو نهائيا وحتى لو طلبنا منو اي معلومة ما بيجاوب عليها وبيقول اسأل الاختصاصي 2- عنا الكل بيهرب من الشغل و بتأخر شي نص ساعة عن الموعد وبفل قبل نص ساعة هنن جيتن عالشغل فيك تضبط الساعة عليها بخطأ نسبي شي واحد بالمية من الدقيقة 3-عنا كلو بدو يختصر مراحل من عندو مشان يبين انو فهمان هنن الواحد منن بيكون عم يشتغل بنفس الشغلة من عشرين سنة وبيتقيد بكل تفاصيل اداء العمل 4_عنا كل واحد بيفكر كيف بدو يفسفس على زميلو ويبيض وجه عند الاكبر منو هنن كل واحد منن بيفكر كيف ممكن يتعلم عن عملو اكتر واكتر وانا بعرف مهندس وفني اختلفو مشان الشغل ولما الفني صاح للمهندس باسمو قام اشتكى عليه لانو عم يناديلو باسمو وما قلو يا استاذ طبعا مو الكل هيك بس للاسف الغالبية العظمى |
اقتباس:
اما احنا بنعمل حالنا فهمانين بكلشي وكل واحد بيشوف حالو ع الاكبر منو تركنا العنب وصار زبيب ونحنا قاعدين بنخانق بالناطور وبالاخير بنحكي الغرب معادينا ونحنا اعداء انفسنا |
على فكرة هدون الخبراء (( شي 10 خبراء )) بينهم مهندس واحد فقط وهو مهندس ميكانيك والبقية فنيين
ومنهم خبراء لحام معادن يعني متل ما منسميهن عنا حدادين |
اقتباس:
حاب اعطيك هالمعلومة لحتى تشوف لاي درجة نحنا العرب الياس دابحنا عمرك سمعت عن برنامج عربي متل مثلا الكاسبر سكاي مكافح الفايروسات لك مابدي متلو لو متل نص امكانياتو لك حتى لو بدك مثلا تعمل بحث عن طريق الانترنت عن اي شي مثلا بمجال الطب او مجال الكمبيوتر او او او.... قليل ماتلاقي شي يفيدك بالمواقع العربية واذا لاقيت بتلاقي شي قديم كتير بس اذا بتدور على فضايح او سكس(معلش لهالكلمة بس عمبحكي شي واقع) ياعيني كل شي جديد بتلاقي اول باول:o واذا اجيت قلت والله انا ناوي اعمل موقع او منتدى بيهتم بكل شي جديد من النواحي العلمية فموقعك بكل تاكيد رح يفشل لانو اخر همنا هالشغلات:pos: |
اقتباس:
أخي أبو العبد باعتبارك حكيت عن البرمجة.. العرب أو السوريين بالآحرى تأخرو بمجال البرمجة كتير كتير.... يعني عمر هالاختصاص عنا ما بيتجاوز العشر سنين... بتعرف انتو انو هاد العلم عم يطور بسرعة شديدة.. واذا تأخرنا كمان بتكون راحت علينا بالمرة... وغير هيك بدأنا بمعلمين غير اختصاصيين.... يعني كانت دراسة الاساتذة و الدكاترة بالجامعة ومعلوماتن معتمدة على جهدن واهتمامن الشخصي!! لذلك دراستون كانت غير ممنهجة و بالتالي تدريسون كان غير ممنهج... أنا برأيي بمجالات المعلوماتية لازم نبدع... لآنو شبابنا ذكي و هالمجال رأس مالو صغير... هلق المشكلة الكبرى يلي أنا شايفها.... هيي مشكلة نفسية المدراء أو المسؤولين ودكاترة الجامعة... يعني البيروقراطية و التكبر و النظرة الفوقية!!! معناها نحنا شعب غير متواضع و غير متفهم و الكل يحاول فرض السيطرة على الكل!! ونحن أكثر شعب يفتخر بحسن التربية!!! أين هي التربية؟؟؟؟ يا شباب الاصلاح يجب أن يبدأ بالتدريج... من الصغير للكبير و مو بالعكس! من الطفولة ... من الاباء..من المدرسين تبع المرسة.... يجب ان يساهم الاعلام بكشف هذه المشكلة.... مافي داعي نستحي بعيوبنا... بالنسبة لاهتمام الشباب بالسكس هاد شي طبيعي و هاد بكل العالم.. بس مبالغ فيه عنا لاننا محرومين وكل ممنوع مرغوب... وصدقاً هالشي سبب للتأخرنا كمان... الاستقرار الجسدي و النفسي مهم للتركيز.. |
ناقصنا انا نقدم الدعم التام للمبدعين الي عنا
و تتكفل الدوله بجميع احتياجات المخترعين مشان يتفرغ للاختراع |
انو بدنا تمويل وتشجيع للقدرات بس
لانو من وغرنا متعودين الطفل وقت بتسالو شو بدك تكون لما تكبر :? بيقلك يا اما دكتور او شرطي :frown: يعني شو رح تتوقع ه الشي انغرس فينا خلص صار عادة :pos: انو والله من كم يوم عملت سيارة عم تمشي ع الطاقة الشمسية كان بمشروع بس لمن ما لقيت تمويل وقفت بقا بدي تمويل :p |
اقتباس:
اقتباس:
|
اقتباس:
لاء بس عنجد عملتو للمشروع ولمن رحت ع ادراة المدرسة تاطلب تصريح تمويل قالولي لك دبرلي حالك بغير مشروع ما لقيتي الا سيارة بتمشي بالطاقة الشمسية :frown: اي الله يخليلنا البطرول يا سيدي يتهنو فيه :x ودايما العرب متاخرين بقى لا تحاول الله وكيلك :pos: وازا بدك ينبت الحشيش ع لسانك زنبك ع جنبك :o |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - شوفو هارابط..... !!! |
| الساعة بإيدك هلق يا سيدي 08:49 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
