|
اقتباس:
|
انو احسن شي تقلو او تقلها
انا هيك حكي بحبوش تحكيش معي في هيك مواضيع مجربة وناجحة او في اسوء الحالات حل عني مليش خلاق .... هيك ناس يا دفاشة يا تقليعة غير هيك فش الهن حل |
ليش الشباب كلها تقريبا متحاملة على المتدينين؟؟ ما كنت اعرف
يا شباب متل حالة اخينا يلي طرح الموضوع وضعو اكيد صعب والله يكون بعونو بس مش كل متدين متعصب لهالدرجة يلي عم يحكي عليها انا اعرف ناس كتير متدينين بس النقاش معهم رائع يسمعوك وتسمعون ممكن ما نقتنع معهم بافكارهم ولكن لا يفرضو رأيهم عليك بل نقاش منطقي وبالاخير نطلع طياب واحباب على فكرة انا متدين والنقاش معي مش كتير صعب وعندي استعداد اسمع لاي شخص وابدي رأي باي موضوع ديني بشرط ما يكون النقاش تجريح واسخفاف بالرأي مش اكتر ووقتها اعتذر عن متابعة النقاش اذا كان يحق لي ان اسميه نقاش |
مزبوط، بس في فرق بين متدين وبين متعصب للدين ...
وهون كل واحد عم يحكي عن تجربة عاشها او عن رأي مقتنع فيو ... هلأ حلو كتير انك متدين وفيك تجادل وتناقش وتتقبل غير آراء، بس هشي ما بينفي وجود نسبة كبيرة من المتدينين لي ما بيقبلو بهشي، وهدول لي بيتسمو متعصبين ... لهيك انا ما بشوف انو هون عم يصير تعميم بل عم تنطرح مواقف معينة بترافقها حلول معينة لكيفية تصرف كل واحد فينا ازا اضطر يحاور آراء متعصبة ... |
اقتباس:
بس كان قصدي يلي لاحظتو باخويه انو في كتير ناس تتدعي العلمانيه وتحارب الدين وكأنو وحش بدو ياكلون!! انا نظرتي للدين انو هو الرابط بيني وبين ربي وهذا الرابط ينعكس على اخلاقي وتعاملي مع الناس من صدق الكلمة وطهر في التعامل واذا شخص ما بدو يكون متدين فهي مش شغلتي انا رح اعطيكي مثال على احد علمانيات اخوية بتقول انو السيد حسن نصر الله مش لازم يكون زعيم للامة لانو شيعي والشيعة عددهم قليل!!!!!!!!!!!! شفتيها قديش علمانية؟؟؟؟؟؟؟ فيه ناس متعصبين (( متحجرين)) الله يساعد يلي يعاشرهم بس مش كل متدين متحجر |
مش عارف شو أحكي بهيك شغله لأني مو فتت بهيك موقف لأني لما كنت في بلدي كنت بشوف أهلي تخاطيف كنت مقضيها سهر بره للصبح بس لما كان أبوي كان يشوفني كان يقول ألي صلّي يا أبن الكلب أقولو ماشي بس مش تشتم بس يا رفيق أنصحك ناقشو بالموضوع لأن هيك هيك راح يجي يوم وهتناقشو في الموضوع فالأفضل ناقشو هلا وأذا مو سمع ألك حاول مره تانيه وتالته ورابعه لغاية ما يقتنع  |
مع انو موقف كثيير صعب..
بس بمرور الزمن..ممكن ينحل اذا كنا نحترم اراء اللي عم نتناقش معو..ونعطي الفرصة للتعبير عن رأيه ونمنحه الثقة انو نحنا ممكن نقتنع برأيه في حالة انو هو الصح..وما نحاول نثبت اراءنا بحدة ..بهيك حالة راح نمتلك فرصة ولو صغيرة لتغيير اراءهم التعصبية سواءا" كانت لدين معين او لفكر معين..ويمكن نحنا كمان نتغيير معهم.. يعني الحل انو نتعامل معهم بمرونة...ونبتعد احنا كمان عن التعصب.. |
اقتباس:
بس هدا الراي اصعب خصوصي مع افراد العائلة صدقني اذا هيك تصرفت رح تندم كتير كتير وبهدا التصرف بتجرح ناس اكيد يحبوك رغم اختلافك عنهم "صدقني بعد وفاة ابي الله يرحمو صرت اندم على كل دقيقة ما قعدتها معو رغم انو ما كان في اي خلاف بيني وبينو " من رايي انو واجب على كل مثقف نشر الوعي من حوله حتى ادا ما قدرت تقنع اللي قدامك برايك او بدينك ادا كان دين طبق على نفسك احترام راي الاخر" قول انا بحبك وبحترمك بس مختلف معك" ووقت تنفتح السيرة خلي الطرف الاخر يحكي ويستنفذ كل شرحو وتبريرو وبعدها اشرح وجهة نظرك بس تشوفو ابتدا يعصب اجل الموضوع كمان انا في اختلاف كبير فالمنطق بيني وبين اهلي بس عاملة تعايش سلمي معهم وما بناقش الا وقت بشوف في استعداد منهم او لما يكون امر مصيري ونجحت بتغيير كم فكرة والباقي في طور الانجاز |
ميرو ..
الحل هوي انك ما تورجيه انك ضدو على طول . فيك تتقرب اكتر من طريقة تفكيرو من خلال مسايرته والحديث معو اكتر . وبتبدى تسربلو شوي شوي جرعات الاعتدال والمحبة . المجابهة بتزيد التعصب . اما اللين والنقاش الهادي بيوصل لنتائج ملموسة ع المدى البعيد . مدري كيف بدي قلك . انا كنت طائفي بزماناتي :lol: مو حدا تاني من عيلتي . بس مع الزمن الانسان بيتغير من معاشرة الناس والاطلاع على كل شي . بس بدك واحد فكرو حر متلي :gem: وين بدك تلاقيه وين :frown:. باختصار شديد الطائفية مرض وعلاج هالمرض بيختلف باختلاف شخصية الشخص وثقافته و البيئة الموجود فيها . |
اقتباس:
اقتباس:
|
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
الله يعافيه... ترى هاد مرض معدي .. بدك تبعد عنو قدر الإمكان حمـــير معروضة للنقاش :lol: |
اقتباس:
العما يصرء صرء الهي متعصب كتيييييير البابا كان متلو بس بعدين خلص قلتلو ضلك ع الارض يا بيي <<<<مش هيك يعني بالمشبرحي يعني بالتناقش يعني عطيتو وجهات نظر مختلفة واقنعتو حتى صار هوي اللي بدو ينكش بالمواضيع مشان يتجادل هوي وخيي بس الجحش اللي عندي وقت بتجادل معو :jakoush: بيصير يعصب بعدين اخدها عليه حجة وبقلو تشك مات عيوني انت عم تحكي بعصبيي هذا دليل انك مو متحاور ولا عندك احترام للذات :larg: بس هلأ ما عاد يناقشني لانو وراه وراه والزمن طويل وازا علا صوتو بعليه انا كمان:larg::gem: وماشاء لله صوتي لاميركا بيوصل :ss: بقى يا ميرو يا حبيب ازا بدك تتفادى حط قطنة بدينتك يعني هوي يحكي غرب انتي سماع وكب بالبحر بعدين لما بيقلك فاهم؟:sly: بتقلو اي وشكرا كتييير كل شي صاير كلير بالنسبة الي وبعدين احيط من وشو |
هيك ناس احسن واريح شي انو الواحد مايناقشهم بس يسمعلهم باذن مسكرة..يعني مافي ضرورة يتقبل الفكرة
وهيك مع الوقت ازا بلاقي انو مافي استجابة من طرفك بظن انو هو لحالو رح يمل بس النقاش معهم مابفيد ابدا |
انا من رأي الكلام والحوار مطلوب في هذه الحاله واكثر المشاكل الي تحصل هي عدم تفهم المجتمع الصغير لبعضه حتى ولو كانوا في بيت واحد, وملاحظ انه اغلب الناس يشوف ان هو الصح والاخرين متخلفين ومن اصول الحوار الحجه بالحجه والبرهان بالبرهان والاقتناع والاعتارف بصحة حجة الاخرين حتى وان كانوا اصغار او كبار اما انه اطنش واعيش في صراع داخلي ونفاق كاذب وادعي اني مقتنع بكلام الاخرين وفي الاساس لا يوجد قناعة لا اذا كان الشخص لايوجد عنده قناعة بما يعتقد والكثير من الحوار يؤدي الى تفاهم حتى ولو كان مع متشدد او متعصب طائفي او مذهبي ولازم يكون هناك اسلوب للحوار وكيفيت بداء الحوار وكيف ينتهي
|
شوف عندك عدة احتمالات
1- الغي الله بتروح الطائفية و بتصير انت وهوي بدون اي طائفية 2- تناقش معو لحد انك تقلوا اي اقتعت معك بس شو رايك اذا منعيد الحكي لنشوف اذا صح 3- خليك طائفي ا كتر منوا بيبطل يحكي بالطائفية 4- تعا لعندي انا بعلمك كيف تكون بهيك مواقف ع الهامش : انا بعبد الطائفية لانو بتفرجيني العالم ع المحك وشوي تفكيرها :larg: |
اقتباس:
أحلى ويحد :D. |
يمكن
اقتباس:
يمكن لانو انت بعيد شو عن واقعنا ما وضحتلك الصورة بس رح وضحلك : انا لما بحكي بشي عن الطوائف مع شي جماعة , فورا بيقولوا بلا طائفية اما شو الشبب ؟؟ يمكن لانو 1- اذا بلشو يحكوا بشي عن الطوائف بيصريوا كتير طائفيين و يعني رح توقع بمشكلة ميرووو انو اذا احكينا ما اخلصنا و اذا ما احكينا كمان انا بحكي بنوع من الطائفية لشوف الطرف التاني شو عندوا فكرة عني (قصدي هون انك تحاول تناقش حدا بموضوع طوائف , .... وبشرحلك اكتر بشي يوم منكون عم نحكي فيه |
| الساعة بإيدك هلق يا سيدي 19:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون