|
قصة موفقة تستحق التكريم .. سدد الله قلمك!:D
|
أحداث يمر علينا مثلها الكثير ,سمعنا منها وعنها ورأيناها , وتوجعنا منها ومن نتائجها , وللأسف كما قلت أخي ياس ,ليست هذه الأشياء التي عادت للظهور في مجتمعاتنا , بل كل الأشياء السيئة واختفى الجميل على مايبدو إلى أجل غير معلوم
أسلوبك في رواية الحدث جميل وممتع , وتفاصيلك ملفتة , وأشياؤك الصغيرة جميلة وملفتة سعدون الجابر يغني بعض أشعار الشاعر الفراتي عبدلله الفاضل الرائعة متابعين بشوق |
اقتباس:
شكرا صديقي :D اقتباس:
اقتباس:
فعلا يا صاحبي, هناك أشياء يبدو أنه عُمل على اعادة احيائها, و حتى بشكل أقوى, و منها العصبية القبلية و العشائرية... شكرا لرأيك و اهتمامك المستمر, تذكيرك بأن سعدون الجابر قد غنى لعبد الله الفاضل, كنت قد نسيته تماما تحياتي :D |
القصة التانية بتلخص واقع معظم قرى وبوادي سوريا
سواء بالداخل او بالساحل بالشمال او الجنوب الانتماء للعشيرة او العائلة اولا والخسارة على مين غير تفكيرو ورفض واقع العرف..... الحاكم الفعلي تحياتي |
خمارة ابو سركيس هي مكان حقيقي وجزء كبير من احداث القصة هو شي صار بالواقع
ومع ذلك استمعت بالسرد تحياني |
ميرسي ياس :D
بس سؤال : انو لسا بتصير لهلأ هيك قصص؟؟؟ :? يعني لسا في اخد بالتار وعشاير ؟ |
بالنسببة للرقة ما بعرف كتير بفضل ياس يجاوب
بالنسبة للدير وما يحيط اي اي اي وكتير بيصير ضرب باوقات تندفن القصة وباوقات بتضل النار شعلانة |
اقتباس:
شكرا لزيارتك :D اقتباس:
بس أنا كنت عرفان أبو طريق رح يكمشني فسبقتك و كتبت تحت القصة أي تشابه ما بين أحداث القصة و أي أحداث حقيقية حدثت ليس أبدا وليد الصدفة حيّو طارق ;) اقتباس:
أي و الله يا مريوم لسى في, و راجعة هالشغلات و بقوة, و باعتراف رسمي يعني... خلال فترة منيحة, السبعينات و التمانينات.. كتير خفت هالشغلة و كادت تنقرض داخل المدينة, لكنها عادت و بقوة مع مصالحة الحكومة لفكرة العشائر... يعني المناصب القليلة اللي بيتركوها لأبناء البلد بيحسبو حساب التوازنات العشائرية و ازا عطو مثلا مدير الزراعة لشي عشيرة من الخط الشرقي.. لازم رئيس اتحاد الفلاحين يكون من الولدة (الخط الغربي).. شي لبناني عالآخر.. + يبدو اكتشفو الوصفة السحرية تبعيت انو اشتريت الشيخ= اشتريت العشيرة , فبتلاقي كتير مدللين الشيوخ بعقود آجار أراضي زراعية بأسعار رمزية, و بعضهون عاطينون نمر سيارات و قسائم بنزين... لك حتى بهيك مشاكل بتلاقي الشرطة ما تتدخل, يعني بيدخلو حاجوز بس.. و بعدين بيخلوها للشيوخ يحلوها... يعني مخجل أحيانا بتلاقي بنص اجتماع شيوخ لحل حرب عشائرية غالبا سببها تافه متل تفاهة سبب المشكلة اللي بالقصة.. يكون أمين الفرع و قائد الشرطة موجودين بالاجتماع :? :D |
اشتقنا ..:D
|
| الساعة بإيدك هلق يا سيدي 10:26 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون