|
:shock: عجيييييييب انا لحديت هلاء مابعرف شو الفرق بين المسيحيين والنصارى :?
ببقى ببحبش لانو موضوع كتير مهم يعني لنتسئّف شوي |
اقتباس:
اي سيدي ... ما تشوفلنا بدربك رأي هي الموسوعة المعربة بالاديان الاخرى ! بالنسبة لمجمع الرسل الذي عقد في اورشليم على الاغلب سنة 51 ميلادي ... و المكتوب عنه في سفر الأعمال اصحاح 15 ناقش مسئلة كثير مهمة ... و هي دخول الأمم او الوثنيين الى المسيحية ... و بالعكس وحد الفرقين سوية ... و سهل الطريق للاميين ... المهم .. اذا كان المصدر بالانجليزية ... نفصل النص الاصلي للمصدر ... بس هناك فقرة مهمة .. الابيونيين ما ظهروا بعصر الرسل الاول حتى يشكلوا مشكلة بالنسبة للكنيسة ! سلام |
النصارى بالاسلام هم من ناصرو نبي الاسلام وقت هجرته الى المدينةوهذه المعلومات تجدها بتفاسير الاسلام كافة(مثال على ذالك تفسير بن كثير)
والنصارى بالمسيحية هم من اتو من الناصرة تابعين السيد المسيح وهاذا موجود في العهد الجديد لان السيد المسيح اول تباشيره من الناصرة اذا ارد البحث لزيادت المعلومة فعليك ان تبحث بنفسك ياعزيزي اما اذا كان الموضوع للتسلية انصحك بأن تغلقه |
بعلمي عشان السيد المسيح من الناصرة
انا هيك قاي استازي يعني لما مرة حكينا بهيك موضوع بس ببحبش هون وهونيك وبشوف شو بطلع معي |
اقتباس:
اما عن مجمع الرسل فهو ناقش انو هل على الوثنيين الاختتان او السبت عندما يدخلون المسيحية وطبعا عن اللتفرقة او توحيد الفريقين فهاد رأي الكاتب وهو استشهد عليه انو بعد فترة ضلو النصارى يحاربو بولس ولهيك ارسل الرسائل بعد مجمع الرسل |
اقتباس:
بس سؤال .. انت ليش مصر على اعتبار انو اليهود المسيحيين كانوا لهم اسم خاص نصارى ؟؟؟ يا سيدي .. هؤلاء المسيحيين اللي من اصل فريسي ... اصروا على تهويد الامم قبل ان يتعمدوا .. بالمناسبة .. اليهود هم من اطلقوا لقب مقدام شيعة الناصريين على بولس الرسول |
لا مصر ولا شي كلام قريتو بكتاب حطيتو وحطيت المصدر
هلق ان كان خطأ ارجو انو تصحح وان كان صح ارجو انو تدعمو لا اكثر ولا اقل. وتقبل مني :D |
النصارة او النصرانية عبارة عن هرطقة منبثقة عن المسيحية متلها متل الهرطقة الايبونية
وبالمختصر المفيد .. النصارى جماعة يهود اعتنقوا المسيحية مع المحافظة على التقاليد اليهودية والافكار اليهودية والتراث اليهودي فهنن مش يهود وبنفس الوقت مافيك تعتبرهم مسيحية مش يهود لأنن بيعتبروا المسيح الموعود " المسيا " مخلص العالم قد جاء بمجيء يسوع ومش مسيحية لأنهم ما بيعتبروا شخص يسوع اله حاليا ما باقي من الهرطقة او الطائفة بشكل اصح اي انسان (( على حد علمي )) السؤال البديهي هوي .. ليش طالما المجموعة هي انقرضت ولازالت التسمية الدالة عليهم مستخدمة ؟! التسمية العربية (( النصارى )) مستمرة ومتداولة بسبب ذكرها في المصادر الاسلامية وبالتحديد في القرآن لكتها بحد ذاتها كتسمية موجودة قبل الاسلام بفترة طويلة مع العلم ان كلمة | نصارى | محرفة عن كلمة ناصري . واللي لم تستعمل لا هية ولا المشوهة منها .. لا من قبل المسيح نفسه .. ولا حتى من قبل آباء الكنيسة الاوائل واللي هنن الرسل .. لا بل تم مجيئ ذكر النصارى على انها هرطقة باعمال الرسل : "وجدنا هذا الرّجُلَ... وأحد أئمّة شيعة النّصارى" (أع 24/5). واللي كان بيقصد بشيعة النصارى ... مجموعة من العالم اتخذو من انجيل متى الآرامي (( واللي بتعتبره المسيحية منحول )) كتاب مقدس الهم احد الكتب اللي قريتها وبتمد بصلة للموضوع : كتاب قس ونبي لأبو موسى الحريري واللي فيه طابق بين النصرانية والايبونية وفي كتاب تاريخ العرب قبل الاسلام اذا ماني غلطان بالتسمية .. لنبيل فياض .. بيحكي نفس النقطة وبرد على ابو موسى وكتابه بادلة تاريخية وبقوم التفريق بين النصرانية والايبونية هي رابط الكتاب : - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - اما الكتاب التاني .. فما تأمن معي .. للأسف يا ابو زفت :sick: |
اولاً شكراَ على معلوماتك وعلى اسلوبك الحلو بأخر الرد الذي يدل على اخلاقك
ثانياَ الكتب التي قرأته حضرتك غير موثوقة بنصحك يا عزيزي انو تجيب معلوماتك من مصادر موثوق بها وبحب قلك وادعيلك ان الله يوفقك |
اقتباس:
بس بناءا ً على أي شي عم تخطأ الزلمي , يعني حضرتك مثلا ً باحث أكاديمي ومانك عم تطلعنا عن إسمك ؟! أو شو ,؟! |
اقتباس:
واللي على فكرة بحكي معه باليوم اكتر مما بحكي مع ابي اللي هوي ابي ... لا تحسب اني عببرر لك موقفي مشان ما تدايق .. اذا بدك تتدايق ما حدا ماسكك .. وشخصيا ما بوقف بوج حدا بيتبنى موقف ما .. كل مين حر .. على راحتك يعني ... اقتباس:
مافي اسهل من كلمة " غير موثوق " فينك تقولي على اي اساس تاريخي وعلمي اعتبرت الحكي " مش موثوق " او من مصدر " مش موثوق " خوصا اني قدمت لك اسم كتابين لباحثين في التاريخ بالوقت اللي انت فيه بكافة ردودك ما قدمت ولا مصدر ولا كتاب او مرجع (( موثوق كان او " غير " موثوق )) مع انك حكيت حكي مش منطقي ابدا : اقتباس:
ما كان من الناصرة .. فكيف مش من الناصرة وسما حاله (( نصراني )) بتشوف منطقي انا من حلب وسمي حالي مغربي مثلا !؟ وبكل الاحوال اعتبار المسيحيين انهم اتوا من الناصرة فرضية خاطئة كون المسيحية حركة دينية وليست قومية وموجهة إلى كل البشر وليس إلى اهل مدينة الناصرة مافي داعي تكون من مدينة الناصرة حتى تعتبر حالك من اتباع المسيا الموعود ... وبالتالي حكيك بيفتقر للمنطق + للمرجعية التاريخية اللي طلبها ابو زفت باول 3 اسطر من الموضوع . على فكرة .. المسيح ما بدي تبشيره بالناصرة ... _____________________________________________ هاموش : كنا من قبل نحكي يقولوا لنا الحكي غير موثّق صرنا نجيب اسماء كتب ومراجع لباحثين في التاريخ .. طلعوا الكتب كمان مش موثقة :lol: وسعدو عوجا ......:pos: |
الله يديم المحبة بينك وبين صاحبك ابو-------)هذا شي خاص بينكم سمي هل بدك تسمي وقصدي ان تجيب معلومات من مصادر موثوقة يعني مو تقرالي كتاب من الكتب المطروحة في الاسواق لغرض ما لانعرف قصد الكاتب هل يقصدتشتيت الافكار متل حضرتك
|
اقتباس:
اتفقنا على اول شلغة .. بانه انت ما كنت فاهم انا شو بقصد .. والشي اللي انت شفته او اعتبرته اهانة الك .. مش اكتر من شغلة مانها متعلقة فيك ومانها شغلتك تدخل فيها اقتباس:
بلا حكي بالغمز واللمز اذا عندك اعتراض على شي انا كاتبه قلي شو هوي مشان وضح لك ياه او مشان اصحح معلوماتي اذا كنت غلطان فيها ... وعلى حد علمي ... كل كتاب بينزل بكون في اله غرض ما .. يعني مافي كتاب بينزل بلا هدف .. وكتاب تاريخي شو بكون الهدف منه !غير سرد معلومات تاريخية؟! بدي سهل القصة عليك .. انا مثلا بعترض على موقع اليوكيبيديا لأن موقع بيعتمد على المصادر المفتوحة واي واحد فيه يحط اي مقال فيه وبالتالي مافي اله مرجعية الشي الي سبب اخطاء كتير كبيرة فيه من ناحية المعلومات فانا بعترض على الموقع لأن مصداقيته معدومة لأن مين ما كان بيكتب فيه دون المطالبة بمرجعية .. فاذا عندك اعتراض قللي انا بعترض على المصدر لأن غلط وقت قال انه ... كذا وكذا ... بس انك تعترض لأن في اله غرض ما !! بالنهاية اللي بهمني بالكتاب او المصدر هوب انه عبقدم معلومات صحيحة او لا .. انت شفت انها خاطئة .. خبرني على اي جزئية فيه خاطئة .. مشان انا كمان استفيد من معلوماتك وخبرتك بهاد المجال |
اقتباس:
ما سئلت عن هالفئة انا سؤال كان واضح و يلي هوي الفرق التاريخي بين مصحلين يطلقوا على متبعين الدين المسيحي (( النصارى و المسيحين )) اذا انت عندك سوء استيعاب مو مشكلتي ابدا اقتباس:
اقتباس:
و اذا كان الموضوع للتسلاية ما بعرف في منسقين على القسم هني بحددو اذا هادا تسلاية و لا لا و اذا انت شايفو تسلاية لا تقرا مالح ازعل عندك اعتراض في  _____________ فعول انو تنصحني ماني بحاجة نصيحتك او نصيحة غيرك بقا نصائحك احتفظ فيهون لحالك :larg:(( لا تواخذنا ابو ريتا )) |
اقتباس:
بلشت افهم عليك شوي اب انطون و الكتاب بقرا بس انو هلق رجعنا للخلاف انو هني مجموعة من اليهود اعتنقو المسيحية مع البقاء بالعادات و التقاليد اليهودية و مالون هني سكان الناصرة او سميو هيك لأنهن اتبعوا المسيح ( يسوع الناصري ) |
اقتباس:
رح ريحك وقلك شغلي هو كلام ابو انطون شبه صحيح بس الكتاب هلي عطانا اسمو غير دقيق بمعلومات صحيحة ومن شان تدأكد من كلامي ادخل على البلتوق النصارة لها عدة معاني منها من تبعوا المسيح ومنها من ناصروا محمد ومنها من انشقوا من المسيحية مثل الراهب بحيرة والقس ورقى بن نوفل الذين أعانو محمد على رسالته واطلقوا عليهم اسم النصارة وهم هراطقة |
رح اطج رأي من وجهة نظر اسلامية
بالقرأن ذكروا النصارى باكثر من مكان ولكن بمعنى واحد ...سأذكر اية عنهم : «فلما أحسّ عيسى منهم الكفر قال من أنصاري الى الله قال الحواريون نحن أنصار الله آمنا بالله واشهد بأنا مسلمون. ربنا آمنا بما انزلت واتبعنا الرسول فاكتبنا مع الشاهدين». ال عمران_52 ويفسر الطبري الاية الكريمة كالتالي : فَلَمَّا أَحَسَّ عِيسَى أي من بني إسرائيل . وأحس معناه علم القتل مِنْهُمُ الْكُفْرَ أي الكفر بالله . وقيل : سمع منهم كلمة الكفر . وقال الفراء : أرادوا قتله . قَالَ مَنْ أَنْصَارِي إِلَى اللَّهِ قَالَ الْحَوَارِيُّونَ نَحْنُ أَنْصَارُ اللَّهِ آمَنَّا بِاللَّهِ وَاشْهَدْ بِأَنَّا مُسْلِمُونَ استنصر عليهم وقال الحسن : المعنى من أنصاري في السبيل إلى الله ; لأنه دعاهم إلى الله عز وجل . وقيل : المعنى من يضم نصرته إلى نصرة الله عز وجل . وطلب النصرة ليحتمي بها من قومه ويظهر الدعوة ; " قال الحواريون نحن أنصار الله " أي أنصار نبيه ودينه . والحواريون أصحاب عيسى عليه السلام , وكانوا اثني عشر رجلا ; فقال ابن عباس : سموا بذلك لبياض ثيابهم , وكانوا صيادين . ابن أبي نجيح وابن أرطاة : كانوا قصارين فسموا بذلك لتبييضهم الثياب . قال عطاء : أسلمت مريم عيسى إلى أعمال شتى , وآخر ما دفعته إلى الحواريين وكانوا قصارين وصباغين , فأراد معلم عيسى السفر فقال لعيسى : عندي ثياب كثيرة مختلفة الألوان وقد علمتك الصبغة فاصبغها . فطبخ عيسى حبا واحدا وأدخله جميع الثياب وقال : كوني بإذن الله على ما أريد منك . فقدم الحواري والثياب كلها في الحب فلما رآها قال : قد أفسدتها ; فأخرج عيسى ثوبا أحمر وأصفر وأخضر إلى غير ذلك مما كان على كل ثوب مكتوب عليه صبغة ; فعجب الحواري , وعلم أن ذلك من الله ودعا الناس إليه فآمنوا به ; فهم الحواريون . واخيرا برأي انو النصارى هنني اوائل معتنقي المسيحية .. مقامهم في المسيحية ..كمقام الصحابة الاوائل في الاسلام وليس لتسمية مدينة الناصرة اي علاقة بالنصارى...على الاقل من وجهة نظر الاسلام والله اعلم |
اقتباس:
يمكن هي احدى وجهات النظر في الاسلام ... بس ما قلتلنا من وين اجا الاشتقاق الاسمي للمصطلح باذا لم بكن من الناصرة ؟؟ |
| الساعة بإيدك هلق يا سيدي 13:53 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون