|
أتساءلُ حائِراً يا صَديقة
كيفَ يكونُ البَشَرُ دائماً شـاكرينَ لأقدارهم وَ رجال ِ دينهم كانوا سُعداء أم تـُعساء أليسَ مِن حق ِ البشَـر أن يعاتبوا السماءَ وَ الناطقينَ باسمها على شقائهم ؟ أليـسَ مِن حق ِ التـُعسـاء أن يسـألوا لمَ قـُدِرَ لهم هذا الموتُ وَ التمييز ُ وَ الشَقاء ؟ أم أنَ كلماتهم باتت حُقنة مُخدرة نأخذها أسبوعياً مُرغمينَ وَ السَـلام ,. الآن .. يجب ان أقول "الدين افيون الشعوب" حيث عليك ايها المواطن ان ترضى بعيشك وبما هو مقدرٌ لك فالعدالة لا مكان لها على الأض العدالة في السماء ستتحقق في يوم البعث لتصبح َ ايها الشقيّ سعيداً حيثُ النعيم ُ الخالد والفردوس الأعلى وبما انك اصبحت على دراية ٍ بهذا المصير"الحتمي" فعليك.... ان تحمد الله وتشكرَ فضلهُ عليك أن خلقك في أحسن تقويم وهداكَ الى الصراطِ المستقيم واياك..اياك..ثم اياك ان تحاول اسقاط فشلك في الحياة الدنيا على الخالق العظيم او أن تُسائل رجالَ الدين فـ ـهم لسانُ الله الناطق بشرعه وطاعتهم متتمة لطاعة الرب ها نحن يا نوار نعود الى حقبة العصور الوسطى وانقلب السحرُ على الساحر فبينما كان الهدف من الدين اصلاح المجتمع ونشر العدالة اصبح الدين مبررا ً " منطقيا ً " للظلم على ايدي رجال الدين "الممثل الشرعي والوحيد لرب العالمين" نحنُ بحاجةٍ الى حقن ِ توعية ! |
شريك, من أخيرها.... الدين وسيلة!
وكل واحد بيحط الغاية اللي بدو ياها من الدين |
اقتباس:
بالنهاية الدين لم ينوجد لتحسين البشرية والدفع بها إلى الأفضل .. بالاصل .. بالأصل يعني ... ظهر لتعريف الانسان بالقوة العليا ... فسعدو يخليكي لا تخلطي بين المصطلحات والتعاريف والافكار ... |
اقتباس:
أنا الدين بالنسبة الي مش بس لتعريف الناس بـ الاله لأ كمان لترسيخ القيم الانسانية جواة اللي ما عندهن او يمكن عندهن بس بنسب قليلة.. :D * و-وحياتك يعني تاني مرة لا تقللي اني بخلط مصطلحات وافكار..لأنو اساسا تفكيري غير تفكيرك..فما تفترض انو بس افكارك هية الصح والباقي غلط ;) |
انو برضو قياسا عليه ممكن نسأل العلم غاية ولا وسيلة ؟؟
ممكن اكون بتعلم عشان انا بدي اتعلم وممكن اكون بتعلم عشان بدي اوصل لوظيفة معينة او لمركز معين او عشان استعرض عضلات كمان :p.. في ناس بتشوف انو تكون متدينة وسيلة لتوصل فيها للجنة ولتعيش حياة مرتاحة ولحتى تمشي عالطريق المستقيم !! وبنفس الوقت انو تكون متدينة وبتعرف الله غاية الها وهدف ... مش كل المتدينين واحد،، في اختلاف بينهم بفهم الدين وبطريقة التطبيق،، سؤالك صعب وبتخيل ما الو جواب واحد ممكن يتعمم :D |
اقتباس:
|
اقتباس:
بس برجع بقول لك مافيني سمي الموزة بطيخ لأن الموز بيبقى موز والبطخ بيبقى بطيخ كان جاي على بالي فوت بالقصة بس متل ما قلت لك وقتي اهم من اني ضيعه مع شخص بالأصل ما بده يسمع لي ... ومن جهة تانية صاير معي حالة كآبة مزمنة من المواضيع العقيمة فعبفكر احم حالي شوي ... |
الدين وسيله للوصول إلى غاية
|
اقتباس:
الدين هو الوسيلة الأولى التي ابتدعها الخالق (أو أحد ما) للسيطرة على هواجس ووحشية الإنسان, للأسف, الانسان يستعمل عقله في الأمور السلبية أكثر من الأمور الإيجابية, لذا فبالإضافة إلى قوته الكبيرة, فهو مفكر أيضا, ممتا يجعله أكثر الوحوش ضراوة على وجه البسيطة!!! وتاريخ البشرية بيوضح هالشي تماما, لذلك, كان لابد من مسايرة العقل البشري البدائي (لاحظوا أنو الأديان كلها قديمة كتير, وهلأ بطل فيه أديان جديدة) واختراع شي لجام يهدي ويقيد وحشية الانسان! بهالوقت, وبالمجتمعات العلمانية, الأخلاق هي وحدها الوسيلة للسيطرة على الإنسان, وهي الطريقة الصح, والأصح, والأكثر صحة كمان! كل انسان بيحتاج لقانون ييحددلو اتجاهاتو, الدين, الأخلاق , العلم,,,, كل واحد هوه ومستوى تفكيرو ومجتمعو ووووو.... |
بظن انو الدين وسيلة للوصول الى غاية ساميه وهي معرفة اللـه
|
الدين على طول معرف بين قوسين على انو وسيلة لبناء مجتمع فاضل وغيرو من الحكي الفاضي
بس بالفترة الاخيرة بالذات الدين والتدين صارو غاية ويلي ما بيوصلها بيصفي برات اللعبة... الدين هو غاية ووسيلة بنفس الوقت... فيك تقول انو وسيلة لترهيب الناس حتى المعنيين يوصلو لغايتهن ويلي هيي التدين وكمان للتسلط على الناس فبيصفي الدين حلقة بتدور حول نفسها وعم بتحاول تلاقي لحالها طريق غير ملتوية لتستريح..... بس عبث الاعوجاج بجيناتها |
| الساعة بإيدك هلق يا سيدي 03:00 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون