أخوية - صياعة في عين ترما

اقتباس:

كاتب النص الأصلي : Barleb (مشاركة 1112474)

zen:

في يوم م ايام رمضان الجميلة عزمنا السيد الأستاذ بارليب على فطور رمضاني مع انو ما حدا كان صايم الا البيبي شيتتنا ميروووو

وميروا بعد ما صار وقت الفطور ما رضي ياكل الا لبعد 8 دقايق ما بعرف ليش

المهم عملنا رز بالبازيلاء ملاحظة البازيلاء كانت طعمتها بتقرق يعني بس تطلع الطبخة مو منيحة ما بيكون العطل مني

وغير الرز بالبازيلا عملنا معكرونة بالجبنة والارغانو

وليش ياحزركون غيرنا مشروع المعكرونة من البشاميل للجبنة والارغانو هاد يا اسيدنا الكرااام لانو السيد بارليب طلع ما عندو صينية نعمل فيا الباشاميل

وهيك بيكون كسب قنينتن حليب شيات النص لتر

يعني لتر حليب مع ظرف البشامييل اللي راح يفكر بيوم من الايام يجيب منشانو صينية

أي وغير بطاطا بوم فريت ونحنا لانو مفطومين على البوم فريت وما مناكل غير قلينها بالزيت القديم مشان نوفر زيت

ولاخذالعلم انو كانن عنا زيت جديد بس التوفير اولى بهالايام الصعبة اللي عم بيمر فيها البلد وارحم اللاقتصاد شيتنا نحنا الشباب المعترين اللي قاعدين بقرنة مقطوعة بعين ترما وماراح ننساا الكولا البيبسي اللي شربناها متل شربة مي مو مي زياد مي جاية من ماء

]أي وبلا طول سيرة كنت انا محدثكم ابو الزوز ذو اسم زين ومعي بارليب وميروو او امير اذا بتحبو او الشخاخ اللقب الجديد

طيعا ونحنا عم نكتب هالكلمات كان ابو المير بالتواليت عم يعملها أي

وبلا طول سيرة كنا قد تحلقنا حول مائدة الافطار ناطرين الادان بس ما بعرف ليش ما كنا صايمين بس بيجوز التقاليد الها حقها

أي بس انو في واحد او تنين خاوزوا معنا خاوزا جاية من انو هالتنين حكو معنا ومانفذو الكلمة اللي قالولها اول واحد المعلم ابو وليم واللي بحب قلو ابو وليم بدون ما نفتح الياء وفهمكون كفاية أي بقا سيدي انو نحنا عم نتصل في على الموبايل الله وكليكون مو عالارضي بس ما كان يرد انو ماعرفنا بيجوز ما عجبو الاكل ما اجى

والشب التاني الظريف الطول والممشوق القامة ابو حميد يعني ابو حميد هو مندوبنا بجريدة الجريدة شيت بلدنا

بس انو هوي عم يتصل فيني وانا عم اتصل في وعم نتفق ع الطلعة لعند المسيو بارليب (ولا زال ميرو يناضل في الحمام من اجل قضيته المصيرية)

أي المهم انا والسيد احمد على اتصال على اعلى المستويات من اجل العزيمة واخر شي قررنا انو انا اسبقوا منشان اطبخ الرز والمعكرونة وخلافتون من الاكلات اللذيذة كتيررر أي وبلا طول سيرة (ملاحظة في هذه الاثناء ميرو عم يخرج من الحمام )

منرجع السيرة انو ادن المغرب وماحدا اجي لا احمد ولا ابو وليم هاد مابيرد وهاد بدو عشر دقايق ليوصل وهالعشر دقايق ونحنا ناطرين بالغرفة وعم نتفرج على ملكة جبل العرب اسمهان

مدري شو بيصير مع ميروو بيصير يزعوط وينط مايحط تقولوا فات شي بين رجلي تقولوا اكل شي خازوق من ابو وليم بس عن بعد

وبعد ما هدي وراح انلحش بالزاوية عرفنا انو في دبور حاطط عينو عليه وبدو يقرصوا وهو هرب وصار يلطب النجدة مني ومن بارليب منشان نخلصوا من هالعريس اللزقة اللي ما طاقو

ا المهم خلصنا من الدبور والعشر دقايق شيات ابو حميد صارو شي ساعة ونص

المهم وبعد طووول انتظار رن الجرس وحان وقت قدم السيد ابو حميد وطلت معو الانوار ونورت عين ترما بقدوم الريس بتاعنا السيد احمد وبعد السلام والكلام والاخد بالاحضان جلسنا نحن نتبادل اطراف الحديث ونحستي شراب قهوة النسكافية المقلدة عاساس نسكافيه غولدن قامت طلعت مدري شو بدها نص القطرميز لتصبغ شوية لون

ومالكون بطول السيرة قعدنا نتجاذب ونتبادل اطراف الحديث ونركب مقالي العالم اللي باخوية (في هذه اللحظات ميرو مختفي .....وين يا حزركون) بس بما انو كنا عم نركب مقالي العالم تذكرنا ايام الصياعة بالشام سيتي سنتر الله يذكرها بالخير وتنعاد عليكون وعلينا بالصحة والسلامة وصرنا نضحك على تبول ميروو وتبول بالنحوي مشان البعض ما ينزعج وهوي عم يقرا الكلمة بمعنها السوقي لانو سمعو النضيف بتوسخ وما بيتحمل انو حدا يقول هديك الكلمة وانشالله تكون كلمة تواليت عندو كلمة طبيية مو سوقية وبلا طول سيرة يا سادة يا كرااام أي اجت سيرة هداك تبع بين الرقة وير الزو يا عيونة مرت كشة حمام هاد الزملة اللي اللي اخد دور الرحالة اللي بدو يدور العالم ب 21 ساعة يعني هاد للي بيكون بالاردن عم يعمل دورة انقاذ بحري وبيروح ع ايطاليا بيعمل دورة انقاذ حرائق وبيروح ب 24 ساعة على اسبانيا وفرنسا وبيدق من موبايلوا السوري لكل العالم وبيقللك عادي رينينغ بس الموعادي انو بيدقللك من اسبانيا وبيطلع رقم من الجزيرة السورية وبيقللك انو انا بايطاليا انو معقول انا بهالبلد وماني شايف التطور اللي وصلنالوا ميزة تجوال دولي للخط الارضي غريب وكمان حوالات مالية اسمية بتجي من دير الزور والمرسل بيكون بالاردن بقلب البحر الاحمر بالعقبة عم يعمل دورة الانقا البحري أي الله يعطي القوة انو لما يصير حرب يشتغل بالهدورات اللي عم يعملها فعلا مواطن صالح يا اخي فعلا اذا بتطرق بابوا بتلاقي وبتصير من الفرحة تصيح طوارق طوارق طوارق طوارق وبلا طول سيرة منرجع لحديثنا شيت الفطور والعزيمة قررنا نحنا والشباب ماعدا ميرو طبعا لانو مانو موجود مدري وينو قررنا انو نروح نعمل شوبينغ باسواق الخير بدون ما نشتري شي يعني تفتيلة بالسوق هاد بتحسسك قديش نحنا صرنا متطورين يعني بتاخد العرباية انو السلة وبدووووور وبتدووور وما بتشتري شي ليش الله اعلم بيجوز لانو ما معك مصاري وبيجوز لانو مانك محتاج شي بس يعني الروحة عل السوق التجاي والمولات عنا بسوريا تعتبر سياحة يعني اا بتروح على سيتي مول اللي العالم بغير بلاد بتعبروا وقت تسوق نحنا منعتبرو وقت ترفيه يعني مو قليلة تطلع على درج بيطلع لحالو بدون ما تحرك رجلك ومانها قلية انو تطلع باسانسير قزااز يعني زجاج يعني شفاف يعني كلشي بينشاف وتشوف وين صرنا وتشوف الحضارة يعني انت عم تعمل سياحة داخلية تشجيعا للبرنامج الجديد لوزارة السياحة يعني وبما انو قررنا الانطلاق راح نسكر اللاب توب وبس نرجع منكفي الحديث ومنقلكون شو صار معنا بالسياحة (ميرووو مازال مختفيا)وابو وليم لهلاء ما اجى

هي معدلة