اقتباس:

لما تسمعوا كلمات : بيت ... سيارة .... نضارة .. يا حزركون دعاية شو بتكون ..؟؟

ما عجبني السؤال .. شنو صعب شوي ..

معليش تعكسلنا ياه ..

مثلا شو هيي الشغلات اللي ما بتكون

ولك المشكلة مو بس هيك المشكلة انو العلكة هي وحدة وعلبة المجارم كمان وحدة
يعني بس كل سنة بغيرو الاسم حسب المسلسل الضارب يعني هلق كل شي عم يتسمى باسماء
من مسلسل باب الحارة هلق بكرا بينزل دوا غسيل اسمو دوا غيسل العكيد ابو شهاب
او مصاصة شريفة وابو شهاب وشهاب كمان هلق في شغلة لازم ننتبهلو انو تلفزيونا السوري
مميز عن كل التلفزيونات التانية لهيك دعاياتووو لازم تكون مميزة وسخيفة منشان يصير تلفزيون
سخيف ومتكامل بس الحمد لله انو صار في فضائيات وخلصنا من هالعقاب الي كنا عم نعيشوو
يوميا من خلال القناتين الاولى والثانية وركزولي عالثانية
المشكلة انو الواحد بقول انو بسوريا ما عنا عالم بتعرف تشتغل بالتلفزيون بس هالكلام طلع مو صحيح
لانو شفنا قناة الدنيا يعني طلعت قناة ظريفة وحلوة وعم يشتغلوو شغلات حلوة وللوهلة الاولى ما مبينة انو
قناة سورية
باذن الله بتتحسن قنواتنا السورية ومن هون لحتى يجي اذن الله لازم يكون الناس حذرين من متابعت
القنوات السورية وخصوصا الي معون سكري وامراض قلبية والي معون الضغط
مع تحيات علكة سهام وخيري كلاس وطيف للاعلان والشلة تبعون الازعاجات قصدي الاعلانات