|
اقتباس:
يعتي حكيك هاد اثبات على انو في كتير ناس ماشة ورا رجال الدين على العمياني... خلسني فهمك قصة "الاسلاميين" خايفين من أي فكر أو تطور بحكم ضعفهون... مابيصير البشر ينساقو وراهون بهالشكل الأعمى هاد... بعدين سؤال: انت شو بتعرف عن العلمانية؟؟؟ انت مو مؤمن بوجود "الله" بكل مكان؟؟؟ وين شفت بالفكر العلماني شيئ يدعو لإلغاء الله؟؟؟ هل تحييد الدين عن الفكر بيشكلك هالمشكلة هي؟؟؟ معقول يكون السبب انو الفكر عندكون تقوقع ضمن قالب الدين بس؟ |
انا مع دونالد باللي قالو ,,,,يعني مجرد شعارات العلمانية بتختلف مع المسلم ,,,
|
اي سيدي ... قبل ما اجاوبك .. انا رح اسألك ..
عم أي شعارات علمانية تتحدث ؟؟ و أي مبادئ (علمانية) تتناقض مع فكر الانسان المسلم ؟؟ ثاني شي .. هل الفكر القومي العربي يتناقض مع الدين ؟؟ |
اقتباس:
واذا القصة قصة اختلاف مع الاسلام هاد حكي فضفاض لأنو النظام الملكي تبع الاردن بيختلف مع الاسلام.. نوع ملابس الملكة نور بيختلف مع الاسلام.. تسمية المطار بمطار علياء الدولي بيختلف مع الاسلام... برجع بقلك مصادر ومنطق بيكون أحسن للنقاش.. |
اقتباس:
|
اقتباس:
بعدين هات لشوف احكيلي كيف النظام بالاردن بيختلف مع الاسلام ,,,,وشو دخل ملابس الملكة بالموضوع ,,, وكمان شو دخل مطار الملكة علياء ,,,يعني بدي افهم شو دخل هدول بالموضوع ,,,,وبكون ممنونك اذا بتفهمني ,,, |
اقتباس:
بيصير تحكم على شي لمجرد انك سمعت عنو كلمتين؟؟؟ معناها حكيي صح انو في ناس بتحكم على اي شي بناءً على حكي بعض رجال الدين والمتخلفين.. يلي وضحت شو أسباب خوفهن من العلمانية... بتقبل اختزال الاسلام كله بموضوع أن للذكر مثل حظ الانثيين من الميراث؟؟ معقول يجيك واحد مابيعرف شي عن الاسلام تقلو بتعرف شو يعني اسلام؟؟ يقلك اي هاد المبدأ يلي بيورتو فيه الشب أكتر من البنت!!! مو بتكون بهالطريقة تبعك عم تعمل متلو؟؟؟ وبالنسبة لباقي المشاركة الأسباب واضحة كتير.. ما بتخيل انو حكم عبدالله حكم اسلامي ولال ملابس زوجتو ملابس على الشرع الاسلامي ولا تسمية المطار على اسم الملكة علياء تسمية اسلامية..كان من الاولى يسموه شي اسم اسلامي.. مطار عائشة مثلاً... يلي بدي وصلك ياه انو قصة تتنافى مع الاسلام تهمه فضفاضه وممكن نلزقها بأي شي مابيعجبنا... وانا بعد ماعرفت انك ماعندك أي خلفية عن العلمانية متل ماقلت ماعد بدي شعب الأمور والقصص.. بتمنى انك تعرف أكتر مشان تقدر تتحلى بالموضوعية والمنطق بنقاشك بهالمجال. |
اقتباس:
ولي شو هالجريدة...... اي خيو ,,, هلأ اوكي انا فعلا ما عندي معلومات كافية عن العلمانية ,,,بس يا حبيب مجرد انو انا لقيت صفة ما عجبتني وما بتتناسب مع ديني ,,,خلص بس ممكن انو يكون في شي تاني بيتناسب ,,, يعني لنفرض مثلا ,,, انت في شي بتحب تعملو ودينك سامحلك فيه ,,,بس بالدين الاسلامي ممنوع هالشغلة مش ممكن تخليك انو ما تفكر بشي اسمو اسلام ,,,,بس بالمقابل يمكن تلاقي شي بالاسلام مميز وتقبلو بس كدين كامل ما رح تتقبلو ,,,,ان شالله كون وصلت الفكرة ,,, على فكرة اللي باللون الاحمر ما حبيتها ,,يعني ياريت تكون بالمرة الجاي احسن ,,, |
اقتباس:
فعلا نحتاج الى المنطق من الكل حتى نتحاور بشكل كامل ... يا سيدي .. العلمانية مو يعني الحاد ... نقطة راس سطر العلمانية كنظام دولة يتعايش فيه الجميع تحت خيمة المواطنة .. بدون اي تفرقة ... اقتباس:
ليش ما تشوف ماهية العلمانية ... قبل ما ترفضها رفضا تاما بناءا على افكار ناس آخرين ... الانفتاح لا يعني تبني الافكار ... انما مناقشتها و الالمام بها و تقبل ما هو مناسب ... و بالمرة قللنا تعارضها مع الدين ... احكي عن نظام دولة .. و ممكن تشوف وضع الشرقيين بالعالم الغربي .. عايشين ضمن ناظم متكامل يضمن للجميع الحرية ... مقابل اوضاع الشعوب العربية .. المحرومة من حق التعبير او ابداء الرأي ... تحت مسميات دينية و حتى غير دينية ما ممكن تفترض لان هذا الشخص هو من دين معين .. يعني اجباري يفكر بنفس طريقة البقية .. |
اقتباس:
الانفتاح لا يعني تبني الافكار ... انما مناقشتها و الالمام بها و تقبل ما هو مناسب ... وانا هاد اللي كنت بقصدو ,,,تقبل ما هو مناسب ,,بس يمكن انا خلينا نقول انو خطأي انو ما عندي المام كامل بالعلمانية ,,, بس ككذا فكرة بعرفهم ما بتقبلهم ,,,, |
الدين بالأخير شي روحي بينك وبين ربك ومعتقدك أنت حر فيه بتطبقو بحياتك بس ما لازم يصير الدين ناظم للحياة السياسية والاجتماعية والفكرية والاقتصادية لمجتمع بكاملو لا تنسى انو في فئة كبيرة من المجتمع بترفض هاد الشي بالأخير الدولة هيي عقد اجتماعي لازم يتوافق مع طبيعة المجتمع وما بظن انو في عقيدة دينية سواء كانت اسلامية أو مسيحية أو يهودية أو شوماكانت تكون قادرة تحقق الحرية والرضى لكل أفراد المجتمع
والعلمانية هي الحل الأمثل بضل هاد رأيي |
متل ما قيل أنفا
العلمانية بتحرر الانسان من سطوة رجال الدين اللي خربو الدنيا منشان مصالحووووون وشوهوا الدين بالأساس :D |
اقتباس:
شو رايك تعطيني رد اكتبوا مشان يناسبك .. ويناسب افكارك .. يعني انت بتشوف اشي وانا بشوف اشي .. انا لا بلحق رجال الدين ولا بلحقك .. كل واحد حر في رأية .. وما تقولي العلمانية ما بتتناقد مع الدين الاسلامي .. لانو انا هيك بشوف .. وكل واحد حر كيف بشوف .. يعني النظام العلماني ما بقبل انو قوانين الدولة تسن او تتناسب مع الدين .. ولا انا غلطان بهالشي .. !! النظام العلماني برفض تدخل الدين في امور السياسة وغيرة .. والدين الاسلامي يلزم بتدخل الدين في امور السياسة وغيرة .. يعني هذا ما بدل على تناقد !! |
اقتباس:
|
طالما كان الدين والمتدينين بكل المجتمعات بيتعارض دوماً مع العلمانية ..
لآن العلمانية عمتلغي وجود الدين بأي منصب بالدولة ... لاحظلي كلمة الدين وليس المتدين ... لما قول تلغي وجود الدين بأي منصب .. أي ان الدولة ما بتعتمد لا عالاسلام ولا المسيحية ولا اليهودية بسن قوانينها وتشريعاتها ودورها . بينما لو قايل تلغي وجود المتدين .. بطل وجود شي اسمو علمانية .. صار وجود التزمت الالحادي .. بالنسبة للكلام الاحمر .. أي دولة قائمة على دين.. هية دولة طائفية بامتياز طائفية لسبب .. انها لما عمتفرض دينها كتشريع .. عمتظلم باقي الاديان .. وبما انو من شيم دينكن هوي التسامح والعدل و ال .. الخ من هالحكي هاد .. فـ بظن مو من شيمها تظلم باقي الأديان . معظم الدول العظيمة قائمة عالعلمانية .. هلئ بينطولي بييقلولو لا تقارن سوريا .. بالدول المتطورة... مو هيك المقارنة بتصير ... ما دام هالمقارنة رح تكون مع الأسوأ .. رح نكون أسوأ .. وطالما منقارن مع الأفضل . رح نوصل للأفضل .. المهم هلئ : الدين دايماً فيه قيود .. دايما فيه حواجز بطعمة وبلا طعمة .. وطالما في قيود .. وطالما في حواجز بالدولة المتدينة .. ما رح تلاقي مواطن بالمعنى الصحيح للمواطنة .. قد ما رح تصير هالدولة صارت عشائرية وقبلية دينية . وللكلام بقية ... منرجعلكن ! |
العلمانيين مشكلتهم مع كل الأديان وليست مع المسلمين فقط . العلمانيين هم من لديهم مشكلة مع الدينيين مهما كان دينهم ولدينا في الشرق مشكلة مع مفهوم العلمانية الذي يهتلف من تجربة لأخرى ومن شخص لأخر |
اقتباس:
ما رح قلك اذا مو عاجبك الطرح .. ليش شرفتنا .. ؟؟ و صحيح انت حر بآرائك و قبول ما تشاء ورفض ما تشاء لكن مو من حقك لكن ليس من حقك أن تقصي فئة كاملة من البشر لمجرد اختلاف الرأي الفكر الاستقصائي ما ممكن يؤسس دولة حديث ومجتمع متطورة لكنه يخربهما بكل الاحوال و يخرب كل شيئ... اقتباس:
كيف عرفت انو الدين الاسلامي يلزم التدخل .. و مين قال أن الاحزاب الاسلامية هي الاسلام؟؟؟ |
لانو العلمانية دين ..
|
| الساعة بإيدك هلق يا سيدي 20:03 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون