|
ملاحظة/ برجاء وضع "سلامــــــــــــــا" في جوجل كي تعرف معناها
ظهر معناها واذا خاطبهم الحمساويون قالو سلامـــــــــــــــــــــ ا لا سلام عليك |
awal chi makal yachoud elkari bichakl fadi3 erabt beyena elmadi wel hader bi ousloubek eljhas jad helou
elmouhim bdon enou azmat ghaza ou falastine bichakl 3am madroussa men zaman men awal ma oukimat edawla el israelya ou misr metel ma bne3ref kelna kanat ou la zalat houkoumatan tahta emrat israelelati toumatilouha amrika ida ma hakina 3an echa3b el misri fahoun rah nlaki enou meskin ou m3atar ou ma3a hik cha3b karim ou ma byerda aya cha3b 3arabi yendal aw yenhan bes elmechekla bel houkouma yali men chan fatafit ou rida amrika bedous 3ala cha3bha ou 3ala chi esmou elehda el3arabya aw enajhwa aw elkawmya ou ma bdon enou esabab eraissi houwa el masari aw elmousa3adat wa inama elkissa kisate istratijya elhoukm esayed lahata itawel lazmou da3m men kbir elmantika yali houwa amrika ou bes elmasala el falastinya ktir m3akada ou lel asaf ma fi wala dawla 3arabya fiha tedajhala bichakl fi3li ma dam elwad3 edajhili gheyr thabet lazem houdna ou tafawoud hakiki ou tawhid lasofof hata tetmakan baki edouwal men mousa3adat echa3b elmeskin ejatni brasi hadita waka3at lama foutihat elhoudoud ajher mara fi wahed misri kal elhamdelah enou fatahou elhoudou lahata bi3 dejhani ou jame3 masari ma fini koul ghir ya lal el3ar dawlat israel estata3at enou tesna3 men chaka elba3d sa3adat elba3d etani fawine erahma bin el ijhwa ya nas tahyati:D |
اول شي مقالة رائعة وائل.....
بالنسبة لمضمونها فيعني نحنا عايشين بعصر كل واحد عم يتحامى لمصلحتو وبس تيجي تحكيلي عزة وشهامة وذل ومن هالحكي هالعملة رخصت من زمان وما عاد في حدا بيتعامل فيها....باختصار مصر والاردن والسعودية وغيرن من هالدول ممكن يكون عن الشعب شوية نخوة ودموع مو اكتر واكيد عند الحكومات جيوب ناطرة يللي يعبيها ومين ما كان وشو ما كان ومهما كان المقابل, رح توطيلو وتسجدلو .... انو المعبر ينفتح اكيد رح ينفتح بس لما اللعبة السياسية تتحرك كمان شوي ويصير في مرحلة جديدة يكون فيها فتح المعبر فيو ولو بنظرة بعيدة مصلحة للعدو ....ورح ييجي هاليوم مهما تأخر.... |
يلفت نظري عقول الاخوان
يا ترى هل بينهم وبين طيور الببغاء صلة قرابة أعتقد ذلك * المعبر مغلق للمصلحة الفلسطينية العليا وهذا ما ستأكده الايام وما ستصرخ بع في وجوه الطيبين والخبصاء من حماس بأنهم لم يكونو سوى لعبة اسرائيلية كأي نموزج مصغر لعميل تستخدمه لتفتيت الجسد الفلسطيني وأشهد بأن مصر والدول العربية أثبتت باغلاقها للمعبر وللأنفاق بأنها الدولة الاكثر وطنية من كل مدعي الوطنية والاسلام فشكرا و سحقا |
اقتباس:
السحقا هاي من خصائصها انو الها عدة خصائص :shock: الخاصية الأولى انها شاملة وركز معي::? حماس وصلتنا لمرحلة متأزمة والها ايد ورجل وانف بكل اللي صار بس وقف وقفة صريحة مع حالك واتزكر ايام دحلان والشلة الفاسدة اللي كانو بغزة اللي الفتحاوي قبل الحمساوي بيعرف بعفنهم وفسادهم وبيعرف انهم فلسطينية بالاسم والأم من الاسرائيليين علينا احنا ! بعمر الناس بغزة ما كانت شبعانة ابدا واهلها دايما تحت خط الفقر صار خط الفقر معلم جغرافي زي خط الاستواء هناك! الانفاق قد يتم استخدامها لتهريب سلاح للتنفيذية اللي مروعين الناس بغزة وعاملين مشاكل (بينهم وبين اللي كان قبلهم كتير تشابه بس الاسماء والوجوه بتختلف) ويمكن كمان بيتسخدموهم لتهريب المخدرات يمكن الناس تصير تعجن وتعمل خبز بالبودرة لأنو ما في طحين ويمكن يستخدموها ليهربو الأكل والشرب والبنزين باعتبار زيت القلي بدو يخلص بغزة وما رح يضل اشي يحطو بسياراتهم.. لو اي حكومة عربية كان عندها الجرأة انو توقف بوجه امريكا واسرائيل وتفك الحصار وتساعد هالبشر ليعيشوا كان ما في مبرر لوجود هيك انفاق يا اخ ارسلان !! لو الحكومة العتيدة اللي بدها غزة مسؤولة شوي عن غزة وبتساعد لتخفيف الأزمة كان ممكن تحكي انو تسكير الحدود حل منيح ونسف الانفاق فكرة منيحة بس ما في اشي من كل هاد متوفر !! ارسلان.. أكيد انو احنا مقسومين قسمين ما بيعجب حدا,, و أكيد ما بيعجب حدا كمان انو الاسلحة تتهرب من الأنفاق،، بس الأهم هلأ تضل الناس عايشة هناك وتتوفرلها ابسط مسلتزمات الحياة،، اللي عندو طريقة غير الانفاق والتهريب بيحقلو يحكي عن انو تسكير الحدود وهدم الأنفاق عمل وطني.. ومش سحقا :D |
اقتباس:
ماكان يا سيتدي يُرتَكب سابقا من أخطاء ناتجة عن بعض الولدنات والانحرافات التي سريعا ماكانت تظبط لكن اليوم وما اخطر ما يحمل اليوم في طياته نجد بأن الجريمة أصبحت أمرا الهي وفتوى سماوية يؤثم كل من لا يعمل بمقتضاها فأصبح القتل والسرقة والكذب والبلطجة أعمال موازية لأعمال الرسول وتأتي أنتي لتقارني بين الافعال الناتجة عن بعض الاشخاص والتي لو خيرت بنها وبين هذا الزمن لرجعت راضيا مرضيا لتلك الحقبة وبين الافعال التي يقوم بها كل أبناء حماس بقلب راضي وعقل مغيب بحبوب السعادة يا صديقتي دعينا نموت من الجوع ولا نذل لبعض تجارهم اللصوص ثم من قال لك أن النظام المصري لا يقف بوجه اسرائيل وأمريكا المصرين يتحملون أقصى الضغوطات من جهة مراهقي ومقامري حماس ومن جهة رغبة اسرائيل في رمي ثقل غزة على كاهل مصر دون حل للأزمة ** ما أريده منك أنت أن تقفي مع ذاتك قليلا أو قفي أمام بعض الارجل المبتورة والاجساد المسلوخة وشكرا لك وسحقا .. مركزة جدا |
اقتباس:
لنحاول وضع النقاط على الحروف هنا(عجبتني نقاط وحروف).. من الجيد ان ننتقد الوضع الحالي ولكن من الاجحاف على رأيك ان نرى نصف الحقيقة ونغمض أعينا عن النصف الاخر !! ما فعله دحلان بغزة سابقا لا يقل فظاعة وبشاعة عن ما تفعله التنفيذية بأبناء فتح في غزة الان !! الثروة الضخمة التي بناها على انقاض الجياع والفقراء واسرى ظلمه وكراهيته هي ملك لأبناء غزة و حق لهم !! لست ممن يغنون لسلطان معين يا ارسلان اختلطت مع الفتحاويين وادرك تماما مدى قذارة بعض القياديين والمسؤولين فيها ومدى ادراك العديد من ابناء الحركة لهذه القذارة.. بهذا انا لا ابرر مطلقا ما فعلته حماس وما تفعله بس اللي بدي اوصلو الحركتين وجهين لعملة واحدة ابناء فتح تقطع اياديهم وارجلهم بغزة وابناء حماس بينسجنو ازا حكو اي كلمة وبيتعذبو بالسجون دون اي اعتبار لكرامة او انسانية او اي اشي تاني وهالحكي مش حكي جرايد ولا بحكي فيه لأنو بدي احكيه... طلاب جامعتي كانو ينسحبو واحد ورا التاني ع مقر المقاطعة برام الله من سكناتهم وبيوتهم ويتعذبو ويتبهدلو وينضربو لأنهم مع حماس او مؤيدين الها وبعد فترة من اطلاق سراحهم بعد التعذيب و البهدلة اسرائيل بتسحبهم عندها !! وبالصفة بيتكرر هالحكي مع اغلب الشباب اللي بتعتقلهم السلطة!! ملخصوا اللي رايح بالرجلين هالناس اللي ساكنين بغزة واللي ما اجاهم اشي من حماس او من فتح غير البهدلة والفقر.. والمذنب أكتر هو اللي بإيدو الصلاحيات وعندو الامكانيات وبيقدر يعمل اشي يعني رئيس السلطة الوطنية اللي لازم يرفض اللي بيصير ويساعد يحلو مش يساعد يزيدو سوء عشان يثبت للناس انو حماس هي الأسوأ !! أرسلان يمكن بيهربو سلاح ازا انفتحو المعابر بس كمان ممكن يسمحو لمرضى بالمرور بدل ما كل يوم بيموت عدد منهم لأنو ما في علاج، الأولى انتشال الناس من الوضع المزري اللي هم فيه لأنو ما خفي اسخم والقادم اسوأ بكتير!! اما بالنسبة لمصر فحكومة مصر لا هي ضد اسرائيل ولا ضد امريكا هي ضد كل حدا ضدهم وحتى ضد شعبها الغلبان!! وعلي الكوفية علي ولولح فيها :gem:!! هامش: سحقا مع اعادة توجيه |
بدءا
أثلجت صدري بقولك المطمئن أن أبناء الشطر الاخر من القلب غير غافلين عن الغدد السرطانية النائمة كلامي ليس حقد على احد انما هو خوف على المغرورين بشعارات خداعة ومزيفة سأخرج عن مبدأي لأول مرة وأعيد كلامي لكي: بأن ما فعله بعض الاشخاص في السابق كان خطأ لكن يا صديقتي ما فعلته عصابات البلطجة وما تفعله وتعترف بفعله وتفخر به من سرقة ونهب وسلب وقتل باسم الدين وباسم الرب هو خطيئة وجريمة أريني المقارنة بين الخطيئة والجريمة أيتها الفهيمة عن الانفاق والحديث ذو شجن هل سمعت أن نصف عائدات الانفاق ومدخولاتها من الممنوعات .... وهل تعلم بأن حماس وتجارها يسيطرون على تلك الانفاق أبشع سيطرة وأحقر استخدام عن طريق رفع الاسعار أضعاف الاضعاف ويتبجحون بقولهم أنهم يتصدقون علينا بمئة دولار كل ستة أشهر هل سمعت بأن قيادات حماس الذين عفت عنهم اسرائيل مقابل بسط أيديهم لبتر أحلام الشعب وكانهم قفاذات بأيديها أصبحو الان ينافسون فحول الخليج بدانةُ وسُمنة وهل تعلمين بأن الكوفية فوق رأسي ورأسك عز وفخر قبل كل شيء فشكرعلى سعت صدرك وسحقا عنوان للنص |
اقتباس:
هي قريع ناصح وسمين ما شا الله بس هداك مش رياضة هداك من الباطون هيك صار !! بعدين زي ما انت بتعتبر هيك اجحاف وسواد خطأ بيجوز اللي مع حماس بيشوفو اللي بتعملو هيك وبيبرروا نفس ما انت بتبرر عمايل حركة فتح بالضفة هون وعمايلها قبل بغزة ! مش حابة اطلع عن الموضوع اكتر من هيك... :D احترامي |
:lol:
ما تنسي تاخدي أكم رجل مبتورة في طريقك وتزوري طبيب عيون لأنو أنا شاكك انو معاك قصر مقارنة احترامي الشديد واعتذاري الاشد وسحقا |
شو إسمو :sly: أها ،، أرسلان ..
استمر يا ألبي، علشان أنا مبسوط كتير ، وكل ما بزهق وبلاقي شوية وقت بفوت وبتابع مشاركاتك. ماشاء الله عليك بتفرح. وشم الجمال، مشكورة يا سيدتي على مرورك:D وحجة ............. "مرة لموش ومرة فلسطينية ومش عارف شو وهاي الأخيرة مش عارف كيف أخاطبك فيها، شوفيلنا اسم نحكي معك فيه!" المهم أنتي كمان شاكرين حسن تعاونكم معنا ، وأمانة يا جماعة تدعوا لأرسلان يصير متلكم :shock: بقصد يعني يترك التعصب الأعمى ويضع فلسطين ووجع أهلها على رأس أولويته. ما علينا ، تفضلوا شوفوا الغرب الصليبي الحاقد لما كسر حصار غزة بالوقت اللي في مليار ونص مسلم وما بعرف كم مليون زفت بيتابعوا مهند ونور!!   |
| الساعة بإيدك هلق يا سيدي 15:15 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون