|
اقتباس:
اقتباس:
والتاني بيمثل تيار تكفيري متشدد أساء لسوريا ولغير دول أكتر من الانظمة بحد ذاتها... شوف معلم... أنا ماني ضد انو نستفاد من عوامل اقليمية ودولية لمصلحة الشعب وحريتو وكرامتو.. بس ضد انو نستعين بهيك مرتزقه كلنا منعرف مين هنن... لأنو وحياتك اذا استلمو هالبلد المسكين ليكملوا عليه ويحرقوه أكتر مو جماعة السلطة حارقينو اليوم... |
بكرا بيصيرو يحطو الاخبار بالتعاون مع اخبار المستقبل :lol:
|
اقتباس:
شكلو لازمك سطل مي لتفيق من رقادك بعدين قد ما طلعت برامج وقد ما عملو وساوو وقد ما شديت معاهن انتو نسبة قليلة ونحنا قلوبنا وروحنا ودمنا فدا سورية وفدا رئيسنا بشارالاسد انت سمعان بالمتل اللي بيقول دق المي وهيي مي انتو هيك عم بيصير فيكن قد ما حكيتو كلو كلام فاضي |
باعتبار دارجة موضوة الخط الكبير وصايرة مقياس جديد لصحة الرأي فرح كبر خطي شوي:
أول شي بغض النظر عن رأيي بكلام بيبرس تركمان لأنو موضح رأي فيه فوق بس حبيت علق هالكلام الروعة... اقتباس:
بس هون بدي اسألو سؤال انتي فايقة من رقادك وانتي عم تحكي؟؟ شو رأيك قبل ماتوزعي الشفقات عالبشر تشفقي على "بلدك" وتشفقي على شباب بلدك يلي بالسجون.. وتشفقي على شعب بلدك المظلوم؟؟؟َ!!! اقتباس:
أول شي لازم تعرفي انو النسبة القليلة اليوم هي النسبة يلي بتحكي حكيك من قلبها وضميرها "إن وجد"... ضميرك وروحك وقلبك أحسن ما تفدي فيهن حدا حركيهن شوي كرمال ألاف المعتقلين من ولاد بلدك.. حركيهون شوي كرمال الشباب يلي بالسجون وكرمال المثقفين يلي عم يتعذبو بالسجون... حركيهون شوي كرمال شعبك يلي عم يسرقو رامي مخلوف كل يوم.. حركيهون شوي كرمال رواتب الموظفين يلي مو مكفيتهون حق أكل... باختصار حركي هالضمير والروح و"الدم" يلي عندك كرمال شعبك يلي عم تنهدر دمو وكرامتو كل يوم. اقتباس:
بدي هنيكي على وطنيتك ومحبتك لبلدك.. بدي هنيكي على فداء الناس يلي تاركين الجولان من 40 سنة تحت الاحتلال وملتهين بقمع الشعب وظلمو... الحقيقة حكيك المليان وحكي النسبة القليلة يلي بدها شعبها بعيش بكرامة وسوريتها تكون أحسن بلد بالدنيا هنن يلي حكيون فاضي... هنيئاً لك وطنيتك.. وهنيئاً لنا بسوريا... سوريا الكرامة.. سوريا الوطن... سوريا التي نفديها بالروح والدم |
اقتباس:
|
اقتباس:
|
اقتباس:
قريت انو تأجل البدء لصعوبات فنية كم يوم |
بس بالنهاية اخيرا رح نسمع رأي أخر ينافس سخافات و ترهات البعث الاسدي
حرام عليك و الله حرام اذا افكار البعث سخافات بعدين منين لوين لتقول البعث الاسدي بعدين شو يعني |
قولكون بيجيبوا امجد طعمة ؟
وشو بيحطوا مسلسلات بكرا برمضان.؟ |
أكتر شي مناسب هوي تسمية الجبهو بجبهة الخلاص , ياريت كل ما فتحنا عيونّا الصبح يصير في جبهة خلاص جديدة , يعني نخلص من شي خادم تاني غير أبو جمال , ولعل وعسى بت كرّ يعني بتكّر وبتدرج حبات المسبحة على هالخدم كل واحد وراه أخرى بعدين دخلك خيّي رح يستخدمو المواد المشعة بالترفيه تبعون ؟؟؟!!!!!, يا لطيف شو حاسبينها لقدام , طلعنا كلنا طشم ,تاري الشباب عم يحسبولنا ويحسبو لولادنا وولاد ولادنا ونحنا مو عارفين , والمليحة ما بتبين فينا , والأهم أنو صار فينا نقول, بعد العربية وال أم/بي/سي / والمستقبل ؟وأل بي سي,وروتانيات ومنتفعاتون , فينا نقول :" كان الحق ناقص بق إجا الخر...... وكمّلو " ولسا بيقولولك مجنون يحكي وعاقل بسمع
|
اقتباس:
|
اقتباس:
لك انت صاير فيك متل يلي جاب الحرامي وحطو وزير عدل هلق صار خدام بدو يحكي عن اللصوص والسويات المنحطة يلي انا مونسيانتها ابدا ولا بستسلملها وعلى فكرة انا بشتغل من موقعي ضدها اكتر منك بكتيييييييييييييييييييييي يييير كتير فلا تبيعني وطنيات وتعمل متل يلي عم تنتقدون وحياتك هلق شغلة الشيطان كتير ظريفة اقرا رواية فاوست لغوته بتعلمك كتيييييييييير كتير من حطت الايد بايد الشيطان ومنكم نستفيد:D |
اقتباس:
قال فدا رئيسنا بشار الاسد قال ......... صحيح اللي اختشوا ماتوا حبيبي , ما في حدا فدا التاني , وهادا الكلام , كذب بكذب انا لم اعد اثق باحد , لا من رجالات النظام الفاسد , ولا ممن يسمون انفسهم احزاب معارضه . :ss: |
هادا خدام هلأ طلع حسو
مو كان نازل نهب بالبلد ايام حكمو هلأ لأنو اتقلع صار بدو يعارض ليش ما عارض لما كان بالحكم :pos: |
| الساعة بإيدك هلق يا سيدي 03:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون