|
[quote=نسمة حيفا;1070246]
اقتباس:
اليهود يلي بتحكي عنهم .. مقتنعين بحق الشعب الفلسطيني بالعيش على ارضة .. همي وين عايشين .. !! يعني كيف الفلسطيني بدو يرجع ويعيش في بيتة وهو بيتة من الاساس ساكنة واحد منهم .. !!! ما بعرف يعني الظاهر انك مو عايشة بفلسطين .. وما بتعرفي شو الي صاير فيها .. |
[quote=Donald Duck;1070401]
اقتباس:
|
اقتباس:
يعني صحيح انك عايشة بالضفة .. بس ما تنسي انو اهل الضفة بتعاملة كثير مع الاسرائيلين .. ولا كلامي غلط .. :shock: بعدين الضفة فيها كثير جواسيس .. لهيك اسرائيل حاكمة القبضة عليها مليح .. يعني بستغرب ليش كل هالكراهية الموجوده بين عرب ال 48 وبين اهل الضفة .. |
[quote=Donald Duck;1070401]
اقتباس:
انا كنت بحكي عن اليهود اليساريين وكيف بفكرو بس ما انكرت انهن اولا واخيرا محتلين ارضنا بالنسبة لسؤالك حق العودة حق لكل فلسطيني بالمهجر وما حدا منا ومنهن ومن كل العرب راح يتنازل عن حق العودة وتيصير فيه حق عودة عادل لازم كل فلسطيني يرجع لبلدو الاصلي ومش للضفة او غزة حسب ما بقولو انت هاد يلي بتفكر فيه وانا هاد رأيي ومنطقي وما بغيرو بالنسبة لحق العودة وبرجع وبقول اليساريين من اليهود بيعترفو انو هالارض ( فلسطين) هيي ارض لشعبين مش لشعب واحد ومن حق الشعبين يعيشو عليها طيب.. والمجازر والدبح والتطهير العرقي والابادات الجماعية يلي صارت بالنكبة ،ويلي من خلال كل هالاشياء اليهود اقامو دولتهن وصار في دولة اسرائيل .. وين حق الوجود العربي والكرامة الانسانية وعدم التمميز والعنصرية يلي بيحكو عنو اليهود اليساريين ؟؟ الجواب يلي انا سمعتو من كل اليهود اليساريين يلي بعرفهن واحد ، او عالاقل كل اجوبتهن بتشبه بعضها انو هني مش راضيين ولا موافقين على الطريقة يلي قامت فيها دولتهن وهيي ابادة شعب تيصير في الهن دولة .. وهني وقت يلي صار هالاشي ما كانو خلقانين .. وخلقو دولتهن اسرائيل وعلى ارض الميعاد المذكورة بالتوارة عندهن وبقولو كمان انو العرب ناسيين او ما بيعرفو عن المحرقة اليهودية يلي صارت لليهود على يد هتلر ( ما بفضل انو نفوت بموضوع المحرقة لانو موضوع ثاني ) يلي بدي اقولو من ذكري للمحرقة ( بغض النظر اذا كنا مصدقينها او لا) انو هني كمان تعرضو للتطهير وللابادات الجماعية ( حوالي 6ملايين يهودي ماتو بالمحرقة- حسب ما بيحكو- ) ليش ما حدا بيطلع او بفكر بهاد الاشي ؟؟ هيك هني بفكرو وهاي معتقداتهن ... وجود اسرائيل واليهود بأرضنا هاد احتلال واحنا اولا واخيرا ما منعتبرو غير احتلال .. بس اليهود عندهن معتقدات واحداث وافكار بتبرر او بتنفي انو هني محتلين لأرضنا .. بداية النزاع بينا وبينهن حول اصحاب الارض الحقيقيين ببلش من الاف السنين ومش من حرب النكبة او بداية الهجرات حتى . |
[quote=نسمة حيفا;1070776]
اقتباس:
كيف هذه صارت !!!!! .. مو داخلة راسي هذه .. يعني بعطيكي مثال بسيط .. واحد اخذ بيتكم بالقوة .. وبعد اكم من سنة طلع واحد من اولاده .. قال انا ما بنكر حقك في هالبيت .. بس لازم نعيش كلنا فيه .. و عرض عليكي انو تكون الك غرفة وحدة من كل البيت .. !! شو بكون ردك على كلامة !! |
انا ما عندي ولا اي مشكلة مع اليهود على اساس انهن يهود بالعكس في عندي اصدقاء يهود وهني كتير مناح
بس برضو في قسم من اليهود بلعنو اساسك متلا في مرة كنا مسافرين برات البلد و احنا في المطار اول شي هلكونا بالتفتيش بس لاننا عرب لانو في كتير عائلات يهودية مرقوها هيك بسرعة في تطليعاتهن الك بتحس انهن بيكرهوك يعني ومش بس هيك لما كنا بدنا نطلع على الطيارة نزلو فينا بهادل اننا تاخرنا وما بعرف شو بس يعدنا فاتو كتير يهود وصارو يتبسمولهم ويقولو رحلة سعيدة و يسالوهن اذا مبسوطين يعني في عنصرية كتير وخاصة بالمحلات العامة بس كمان في يهود معترفين بحقوقنا و بحاولو يساعدو يعني متلا في صديقتي و استازي كانو يجو معنا على المظاهرات تبعتنا وحتى يتبرعو يعني في هيك وفي هيك وهذا الشي ما فيكو تنكرو هامش: في هاد الموضوع عم نتناقش عن التعايش وامكانية التعايش هون بعيد عن السياسة مش عن حق اليهود بالعيش في اسرائيل :D |
[quote=Donald Duck;1070873]
اقتباس:
اسا تشبيهك صحيح بس في فرق بين ما اطلع منو وبين اني اضل متمسكة فيه حتى لو انهدم فوق راسي يعني لو كل اهلي بحرب48 طلعو من بيوتهن مثل ما عمل الاكثرية مكنش في وجود ولا لأي عربي داخل اسرائيل.. كان اسا اسرائيل يهودية عالحل صحيح؟؟ وفي فرق بين ما انو هاد اليهودي يوخذ بيتي من الباب للطاقة وبين انو يكون عندو معتقدات وافكار ووثائق بتقول انو هاد البيت بيتو مثل ما هو بيتي وفي فرق كمان بين انو صاحب البيت الاصلي ( ان كان انا او ابي او جدي او عمي او خالي ) يكون متمسك ببيتو وما يبيعو قدام مصاري الدنيا كلها ، وبين انو غرف هادا البيت تنباع غرفة ورا الثانية ( فهمت عليي شو بقصد صح؟) انا قلتلك اصل المشكلة بينا وبينهم من الاف السنين اذا بدك ترجع لأصل النزاع بينا وبين اليهود حول ملكية ارض فلسطين بدك ترجع للتاريخ قبل الاف السنين بتغدرش تحسم الموضوع بس من النكبة واحداثها او بداية الهجرات فاهم عليي؟؟ |
اقتباس:
ومثل ما قلتي العنصرية تمارس ضدنا بشكل واضح وكبير ومش كل اليهود مثل بعض .. بس بالنهاية بيبقو يهود يعني دينهن واحد ومعتقداتهن وحدة وارض الميعاد يلي بأمنو فيها وحدة والفرق بين اليهود انو في منهن مستعدين للتتعايش وبيعترفو بحق العرب على انهن يعيشو بهالارض لأنو الهن حق فيها ، وفي يهود بيرفضو الوجود العربي بأعتبار فش الهن حقوق فيها وعلى قولتك هالموضوع بس لنقاش امكانية التعايش وخلص ما بدنا نرجع ندخل بالسياسة والاحتلال واسطوانة ارضي وارضك:D |
[quote=نسمة حيفا;1072125]
اقتباس:
تنباع غرفة غرفة .. صحيح انو صار في بيع اراضي في فلسطين .. بس مو صحيح انو اغلب الاراضي انباعت .. وهذا الاشي الي قسم من الاهل بفهموا لاولادهم .. بيع الاراضي .. كان في بيع اراضي بس نسبة قليلة .. اغلب الارض الي انسرقت في فلسطين .. يا اما بالتهجير او القتل .. او حتى بطريقة الخدعة والترهيب .. يعني يبصموا على الارض يا من الخوف .. او خدعة .. يعني الصراحة .. انا ما بتصور انو في اشي اسمة تعايش مع اليهود .. خصوصا انو احنا درجة اخيرة بهالدولة .. وكمان ما ننسى انهم بعاملونا على اساس انو هذه مو ارضنا .. يعني ما بعرف شو بدي اقول .. مو بس سرقوا ارضنا وكمان قتلوا اقرابنا وعمرلوا المجازر وهجروا اقاربنا لخارج البلاد .. صورنا في مليون وطن ووطن .. وبالاخير بطلع اكم من واحد منهم .. بقول تعايش عربي يهودي .. ما بعرف اذا هالخدعة مشت عليكي .. بس الي بده يشوف تعايش مع غيره يرجع حق غيره .. وما فيها معتقداتي وافكاري بتقول انو ارض غيري الي .. كل اليهود في خانة وحده .. ما دام اليهودي قاعد على ارضي وعامل حياتي جحيم .. شوفي شو عرب ال 48 في العالم .. شو الهم حقوق .. وكيف همي عايشين .. !! |
[quote=Donald Duck;1072370]
اقتباس:
انا لمى حكيت عتن التعايش حكيت عن اقلية عربية ويهودية بتدعم والتعايش وبتلاقي انو في مجال للتعايش انت شخصيا اذا ما بتتقبل هالفكرة بطلب منك انو ما تحول الموضوع لنقاش سياسي اذا بتحب نحكي بخصوص هالموضوع انا فش عندي مانع ممكن تفتح موضوع ثاني او بالبرايفت او بتحتفظ برأيك وبرجع بحكي عنصرية في وتمييز فيه ومعاملة للعرب بتفرق عن معاملة اليهود كمان موجود انا ما قلت انو احنا بالداخل عايشين بجنة ولا بنعيم مش محدود |
[quote=نسمة حيفا;1072669]
اقتباس:
ليه العنصرية الي بنلاقيها من اليهود نابعة من السياسة .. !! وبعدين اذا بدك احتفظ في رأي .. لشو طارحة الموضوع .. ومكتوب " خلونا نشوف ارائكو .." .. بس يعني سؤال .. قصة هالتعايش الي طرحتيها علينا .. والي هي موجوده فقط عند نسبة قليلة جدا من الشعب اليهودي .. والي انا ما بأمن فيها .. شو رح تعطيكي نتيجة ..!! |
[quote=Donald Duck;1072919]
اقتباس:
الموضوع مفتوح للكل وكل الاحترام لكل الاراء المطروحة بس يلي بقصدو انو ما بدي الموضوع يوخذ مسار ثاني يعني انت عمالك بتقول كيف في تعايش واليهود اخذو ارضنا ومغتصبينها وبيقتلو بالفلسطينيين كل يوم وانو اسرائيل مالها حق وجود ووووووو الموضوع راح ينتقل لنقاش سياسي وراح نبعد عن الفكرة الرئيسية يلي هيي امكانية التعايش ما بين الوسط العربي واليهودي انا هاد هدفي من الموضوع انو نناقش امكانية التعايش وايجابياتها وسلبياتها وقدرتنا احنا كشبيبة انو نغير من واقعنا من خلال التعايش والحوار والنقاش والاطلاع على افكار ناس غيرنا يعني احنا ما منحكي عن قصة احتلال وتحرير وملكية اراضي انت ما بتامن باليهود اليساريين كل الاحترام لرايك بس بالنهاية هم موجودين انت مش عايش داخل هاد المجتمع ولا بتعرف تفاصيل الحياة اليومية يلي منعيشها .. انت ما بتتعامل مع اليهود ولا بتنخرط او بتتعامل معهن لهيك بتصنفهن كلهن تحت خانة وحدة.. وهادا هو لب موضوعي انو مش كل اليهود مثل بعض.. بس كل مجتمع فيه المنيح وفيه العاطل احنا عرب 48 منا المنيح ومنا العاطل الفلسطينيين يلي بالضفة والشتات منهن المنيح ومنهن العاطل والسوريين والمصريين وكل مجتمع بالعالم فيه اشخاص مناح واشخاص عاطلين مافيك تحصر كل المجتمع تحت خانة وحدة لانو كل اشي بالحياة في الو شواذ او استثناء ليش بس توصل الشغلة عند اليهود بصير فيه خط احمر ممنوع حدا يتناقش معهن ويحكي عنهن ويعترف انو في منهن مناح ومش كل اليهود مثل بعض احنا منحكي بس عن امكانية تعايش وعن علاقات شخصية مع اليهود يعني لا انا عباس ولا زميلتي بالجامعة او الشغل اولمرت، لحتى تكون علاقاتنا مبنية على السياسة واحداثها ومجرياتها والمصالح الشخصية يلي بتضمن الاستمرار بالمنصب السياسي الحياة مش بس سياسة والعلاقة بين العرب واليهود مش بس بتحكمها الاحداث والمجريات السياسية .. السياسة الها تاثير صحيح بس في كثير جوانب بعيدة عن السياسية بتمنى تكون وصلتك فكرة طرحي لهالموضوع .. |
[quote=نسمة حيفا;1072962]
اقتباس:
بس يعني .. كأنة فكرتي وصلتك غلط .. اولا انا من عرب ال 48 .. وبس للتنوية انا عايش بالمركز .. وبالمركز العنصرية اكبر من الشمال .. لانه نسبة اليهود المتطرفين الموجودين فيها اكبر .. يعني كمان انتي عايشة بمنطقة فيها العنصرية اقل .. وكمان شغلة .. انا ما قولت اني انزل على الجامعة او الشغل .. واتخاصم مع زميلي بالدراسة ااو بالشغل .. زميلي اليهودي يعني .. بالعكس بتعامل معه بكل احترام .. وبعاملة مليح .. مو لاني بدي التعايش الي انطرح بالموضوع .. بس لانو انا بظل انسان .. بتعامل معه لاني مضطر اتعامل معه .. وعلى فكرة في يهود متطرفيين بتتعاملي معهم وبدون ما يصير مشاكل .. والتعامل بكون على اساس مصلحة .. يعني انا في عجنب بلدي كثير مستوطنات .. واليهود الي فيها متطرفين لابعد حد .. واتعاملت معهم .. وعلاقتي معهم كانت عادية .. يعني بالنهاية حابب اوصلك فكرتي .. صحيح انو احنا عايشين بهالدولة .. بس انا ما بصدق اشي اسمه تعايش بين العرب واليهود .. في اشي اسمه تعايش على اساس المصلحة .. المصلحة وبس .. واحيانا بتصير في علاقات صداقة وهذا الشي طبيعي .. بس الافكار مختلفة كثير ومتناقدة كمان .. ومع انه مجتمعنا في نسبة منه بتتعامل مع اليهودي وكأنة صديق .. بس هالصديق بظل صديق وعدو في نفس الوقت .. |
اقتباس:
انا مش بموضع يسمحلي افضل ناس ع ناس او احكي انو اهل الضفة او غزة انبياء لأنا ما بنعيش ف ي عالم مثالي بمنطقة بتلاق يناس مناحخ وبمنطقة ناس سيئة ، البشر مش واحد وكل 2 متر بتلاقي فيهم المنيح والعاطل عشان هيك فكرة انو اهل الضفة وغزة كلهم شرفاء ما طرحتها ولا رح اطرحها :) كمان يا ريت تراعي الكلمات اللي بتحكيها فلسطين كلها جواسيس بس مش عشان هيك اسرائيل حاكمة القبضة عليها منيح :) نرجع للي بنحكي فيه ،/ الفلسطينيين كتير بتعاملو مع اسرائيل المواطنين الفلسطينيين حملة الهوية الخضراء يعني اللي جنسيتهم فلسطينية ممنوعين كليا من الدخول الي مناطق محتلة الا بتصريح وقليل ما يطلع .. اللي بيشتغلو عند اسرائيليين عمال فلسطينيين معدمين مش عارفين كيف يطعموا ولادهم فبيشتغلوا عمال بالبنا او بالشوارع او هيك (ومش معناته انو مؤيدة لفكرتهم بس ما عنا حكومة تضمنلهم فرص عمل) قليل جدا من فلسطينيي الضفة الغربية وقطاع غزة يطرح فكرة التعايش وعدد اقل يجرؤ على طرح فكرة انو ممكن يكون بينا وبينهم غير العداء (لهيك الناس في الانتخابات اللي فاتت اختاروا المقاومة ما اختاروا التفاوض وحماس اكتسحت ):o اما بخصوص الكراهية اللي بين عرب ال 48 والضفة هي مش كراهية قد ما هي عتب ومرة تانية مش كل اصابع ايديك وحدة كان في شهداء من داخل الخط الأخضر اول الانتفاضة وفي اسماء كبيرة من عرب الداخل مع المقاومة ومناصرة الها .. بالاخر الجواسيس بالبلد مليانين في منهم بيتحاكمو من قبل المقاوةمة ومنهم من قبل السلطة ومنهم كباار ما حدا بيقدرلهم بس برضو في كتيييييييييييير ناس قدمت وبتقدم لفلسطين و في كتير شباب بالسجون وكتير شباب مطاردين واسرائيل مش قادرة تمسكهم فيا ريت ما تحاولي تصوري وضع الناس هون بهيك طريقة :) ويا ريت نحترم تاريخ كامل انكتب بالدم.. احترامي |
اقتباس:
يعني مليح الي اتذكرتي انو في شهداء في داخل الخط الاخضر .. ومليح الي اتذكرتي انو شغلة التعميم ما بتفيد .. وكل مجتمع في المليح وفي العاطل .. يعني مثل ما في جواسيس بالضفة .. كمان في جواسيس وخونة في عرب ال 48 .. وكمان في ناس بخدموا في الجيش .. وهذه ما بنكرها .. بس بعرف حالي .. وين انا موجود .. وشو انا بعمل .. وكأنة انتي بتحكي عن عرب ال 48 .. جايين من دولة ثانية .. وما في الهم ارض في فلسطين .. يعني ما بعرف اذا انتي بتعرفي .. اقاربنا في كل مكان .. عرب ال 48 والضفة والمهجريين .. |
اقتباس:
بتلف بتلف وبترجع تحكي بنفس الحكي بس يكون في اشي احس انو بيتناقش بكلامك رح أرد :) احترامي |
اقتباس:
اقتباس:
اقتباس:
اقتباس:
ممكن تبطلو تعاملو كطبقة دنيا تأتي بعد اليهود الشرقيين ؟؟ ممكن ما تنتقص حقوقكو ؟؟؟ بعد التعايش حتصيروا مواطنين تحملون الولاء لمين ؟! وشو متوقعة التعايش يحققلكو؟ احترامي الك :D |
اقتباس:
قريتي ردك ولقيتي اني مو قارئة مليح !! كيف هذه .. !! انتي قريتي .. وانتي لقيتي !!!!! عنجد انو عجايب هالدنيا .. |
| الساعة بإيدك هلق يا سيدي 10:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون